استفسار عاجل : بخصوص سنغافورة

[الميزان 1969]

ياليت اللي يعرف يساعدني
أبي أعرف :
كم ساعة من قطر الى سنغافورة جواَ ؟
هل القطري يحتاج فيزا ؟
كم التذكرة تقريبا ؟
جزاكم الله خير

[العقل الحر]

ياليت اللي يعرف يساعدني
أبي أعرف :
كم ساعة من قطر الى سنغافورة جواَ ؟
هل القطري يحتاج فيزا ؟
كم التذكرة تقريبا ؟
جزاكم الله خير

بعطيك ارقام تقريبيه

1 من 7 الى 9 ساعات
2 بما ان سنغافورة بلد صديق لقطر فتكون التاشيرة في المطار او في الطائرة تعبي البيانات على ورقه الدخول وهي التأشيرة نفس الوقت ومده 30 يوم فقط واكثر من ذلك تحتاج اذن من السلطات المخولة بذلك
3 السياحية تقريبا 3 الى 5 الالاف ودرجه الاعمال من 7 الى 10 الالاف

وطبعا العلم اليقين عند القطرية عن النقاط اعلاه جميعها

[mE mYself & i]

ما أنصحك فيها, اذا مقرر اتزورها لا اتطول فيها غاليه كانك في اوربا ومافيها شي غير كم مكان مثل البيك و جزيرة سنتوزا
والباقي شوبنج

[البروفيسور]

أخي الكريم ... انا عن تجربة مرتين بسنغفورا أقول لك هي بلاد جميلة (جزيرة ان صح التعبير )
بلد راقي نظيفه جدا مقارنة بتايلند او ماليزيا ....

الاسعار كأنك بالدوحة ... سواء فنادق ... او مواصلات .. او تسوق .. او مطاعم

الاماكن الترفيهية جميلة .. 1- جزية سانتوزا
2- سفاري نايت بارك
3- حديقة الطيور

انا سكنت فندق ماريوت لموقعه الممتاز في اجمل شوارع سنغفورا .. كفاية تتمشى بالشارع

( للعلم .. سنغفورا..بنيتها التحتية ممتازة ... فقط اذكر لك ..الانفاق والميترو ..بس تفرج شنو موجود .. واكتسب معرفة وثقافة شعوب ..)

اعطيك روابط تفيدك

http://travel.maktoob.com/vb/travel561896-2/

والاخر عن سنتوزا
http://www.sentosa.com.sg/en/?map=lite


وتقبل تحياتي

[twilight]

عزيزتي أنا من همم ... أنا توني راجعة من سنغافورة .. بالنسبة للتأشيرة ما أذكر غير إني عبيت بطاقة في المطار .. ومن غير أي رسوم ... (بس ما أدري هاذي تأشيرة ولا لأ) .... دولة راقية جدا ... وصغيرة ماراح تتعبين في المواصلات من بعد المسافة كما في الدول الأخرى اللي زرتها.. غالية نوعا ما تذكرني الأسعار ببريطانيا ... بالنسبة لسعر التذكرة افتحي موقع القطرية وحطي المواعيد اللي تعجبك وشوفي الأسعار .. يتغير السعر حسب اليوم والمواعيد والوقت اللي تحجزين فيه .. كل ماكان بدري كل مايكون سعر التذكرة أقل.

عندك الفنادق مثل الهيلتون والماريوت وشوفي أي فندق بس يكون في شارع Orchard Road وهذا أهم شارع عندهم فيه كل الأسواق والمولات ومحطة المترو..

الأماكن السياحية :

Singapore Flyer
وهاي يشبة London's Eye

وجزيرة سانتوزا وهاي ممكن تخصصين لها يوم كامل
وفيها حدايق الفراشات والحشرات

وبعدين ممكن تروحين على ال Cable Cars تاخذك لمجمع تجاري وبعدها على قمة الجبل وفيه مقهى ومطعم.. وبعدين ترجعين على نفس المسار.

وعندهم حديقة الطيور وحديقة الحيوانات وسفاري نايت...

وممكن تروحين على الحي الصيني (هذا أنا ما رحته)

وبعد عندهم SKY PARK وهي الحديقة اللي فوق البناية المشهورة .. لكن السايق رفض يودينا لها لأن فيها بارات على حسب قوله

وعندهم بعد شاطىء كبير يكون على الطريق وانتي جاية من المطار (أهم شي أنه بدون تذاكر) تقدرين تأجرين فيه سياكل تتمشون فيها على البحر ..

وبالنسبة للتسوق عندك كل شي موجود في شارع Orchard Road .

وأتمنى لك رحلة سعيدة مقدما..

[عندليب قطر]

بالتوفيق

[بوخالد911]

وعندك فندق غراند حياة
رووووعة

[خشوف]

ماقصروا الاخوان والخوات
انا اختي راحتها تقول حلوه نظيفة كنك بدبي
تروح وترد بالسلامه