كرك قطري

[do7awi]

السلام عليكم

من فيكم خبير شاي كرك؟

من فترة وانا احاول اضبط الكرك مثل ما كانت تسويه يدتي الله يرحمها لكن مافي فايدة. كل المحاولات تبوء بالفشل.

ما هي مكونات و طريقة اعداد شاي الكرك الذي نشربع في مجالسنا القطرية؟

[بو الجوري]

:telephone:

[تاجر الشباب]

مافي الا تروح حق كافتيريا النعيمي يعلمك

[MAZEN37]

شوف تبي كرك صح
انا بقولك
جيب حليب بقر ( غدير )
غدير مب اي شركه ثانيه واغليه مع معلقتين شاي ليبتون فلت مب كيس
مع السكر طبعا وخله 10 دقايق واغليه مره ثانيه
وعليك بالعافيه ان ما فتر راسك ما كون مازن ولد بومازن هههههههه

[كازانوفا]

موفق ان شالله

[al-sadd]

في واحد نكه بوحارب
مب مقصر معاك

[Qt.1]

ياخوي ترى مايبي له شي , خل الماي يطبخ ولين طبخ حط الشاهي اقل شي ملعقتين كاملين وعقب حط السكر وعقب حط الحليب , والحليب طبعا على اختيارك انت ماقدر احدد لك اي نوع , وعقب خله يطبخ اشوي وعقب حط بعد اشوي هيل وخله يطبخ وقصر عليه , وخله يطبخ لين مايتغير لونه ويثقل واهو ابروحه بيكرك ويثقل , وموضوعك خالص :nice:

[sara jsm]

وين بوحارب :telephone:

[do7awi]

MAZEN يعني بس حليب بدون ماي؟ همممـ.. ما فكرت اسويها. خلني اجرب.

مب شي كرك النعيمي .. انا ابي الكرك مال العيايز مب كرك النعيمي اللي كنه دبس ومافيه طعم.

Qt.1 يطلع كأنه شاي حليب عادي :(

وين بو حارب .. ييبوه خلوه يفيدنا

[Qt.1]

mazen يعني بس حليب بدون ماي؟ همممـ.. ما فكرت اسويها. خلني اجرب.

مب شي كرك النعيمي .. انا ابي الكرك مال العيايز مب كرك النعيمي اللي كنه دبس ومافيه طعم.

qt.1 يطلع كأنه شاي حليب عادي :(

وين بو حارب .. ييبوه خلوه يفيدنا

وين شاي حليب عادي الله يرضى عليك خله يطبخ ابروحه بيثقل , اذا انت على طول بتصبه في الدله اكيد بيكون عادي لكن كل ماطبخ كل ماثقل .

[STAR]

ياخوي ترى مايبي له شي , خل الماي يطبخ ولين طبخ حط الشاهي اقل شي ملعقتين كاملين وعقب حط السكر وعقب حط الحليب , والحليب طبعا على اختيارك انت ماقدر احدد لك اي نوع , وعقب خله يطبخ اشوي وعقب حط بعد اشوي هيل وخله يطبخ وقصر عليه , وخله يطبخ لين مايتغير لونه ويثقل واهو ابروحه بيكرك ويثقل , وموضوعك خالص :nice:

طريقته صحيحه 100%

- تحط الماي بالغوري

- تحط معلقتين اويفضل 3 شاي بودرة.. يفضل شاي الكابوس..

- تخليه يغلي ويغلي يعني خل نقول 4 دقايق..

- وعقب حط حليب.. اي حليب .. وخليه يغلي وبيفوور
- اول مابيفوور وط النار وخله على نار هادية وخله يغلي 3 دقايق ...

وحط كمية السكر اللي تبيه..

وعقب صبه بالدلة .. وبالعافية:nice:

[Qt.1]

طريقته صحيحه 100%

- تحط الماي بالغوري

- تحط معلقتين اويفضل 3 شاي بودرة.. يفضل شاي الكابوس..

- تخليه يغلي ويغلي يعني خل نقول 4 دقايق..

- وعقب حط حليب.. اي حليب .. وخليه يغلي وبيفوور
- اول مابيفوور وط النار وخله على نار هادية وخله يغلي 3 دقايق ...

وحط كمية السكر اللي تبيه..

وعقب صبه بالدلة .. وبالعافية:nice:

ياسلام عليج :nice:

[بـارود]

اختلفت الروايات والنتيجة واحدة :nice:
حالتي نفس حالتك يا دوحاوي :secret:

[Amigo]

http://ysv.me/70339

[MAZEN37]

طريقتي بدون ماي حليب بس
حليب غدير البارد المبستر
وممكن مثل ما ذكروا الاخوان
بس انا طريقتي غير

[Bin.Yousef]

طريقته صحيحه 100%

- تحط الماي بالغوري

- تحط معلقتين اويفضل 3 شاي بودرة.. يفضل شاي الكابوس..

- تخليه يغلي ويغلي يعني خل نقول 4 دقايق..

- وعقب حط حليب.. اي حليب .. وخليه يغلي وبيفوور
- اول مابيفوور وط النار وخله على نار هادية وخله يغلي 3 دقايق ...

وحط كمية السكر اللي تبيه..

وعقب صبه بالدلة .. وبالعافية:nice:


:nice:

[Silver.Ocean]

اذا اتبعت طريقتي اللي باقولها لك بيطلع لك احلى و اطيب كرك

المقادير
لتر ماي
علبة حليب ابو قوس او حليب التموين و اذا تحبة غليظ حط علبتين
ملعقة و نص او ملعقتين طعام شاي بودرة اي نوع يعجبك
السكر اذا تحبة عادي حط قد فنجال قهوة و اذا تحب سكر زياده حط فنجال و نص
و اذا تبي تخفف السكر على راحتك بس حلاته سكر زياده
الهيل اختياري

اول شي حط الماي و السكر على النار ولازم تطبخه على فرن غاز مب كهرب
اول ما يغلي الماي ضيف الشاي لأن الشاي ماله طعم اذا حطيته في ماي بارد و طبخته
لازم ينحط في ماي حار على طول و لا تخلي الشاي يطبخ مدة طويلة
يعني بعد ما تحطه على طول وطي النار حدها و ضيف الحليب و خله يطبخ 5 دقايق تقريبا يعني اول ما يغلي الحليب و يفور سكر النار
لا تطبخة مده طويله مثل ما الكل يعتقد لأن يصير طعمه مر

و بعدها صب لك شوي في كوب على طول و ذوقه لأن احلى شي الشاي فرش توه مستوي

و لا تنساني من الدعاوي الطيبه اذا ضبط الشاي

[بصمة قطرية]

مثل ما قالوا لك بس اهم شي تخليه يطبخ كثر ما تقدر ..
وط النار وخله كم دقيقة ويفضل قوطيين حليب رينبو او التموين ..
ملعقتين شاي بودر
و السكر حسب الرغبة

[نــــظــــره]

على فكره النعيمي عندهم وصفه خاصه يحطون سر...

في الشاي الكرك انصدمت لما عرفت

ليه يغشون الزباين مب حرام

[بصمة قطرية]

على فكره النعيمي عندهم وصفه خاصه يحطون سر...

في الشاي الكرك انصدمت لما عرفت

ليه يغشون الزباين مب حرام

بصراحة
كرك البيت احلى من كرك النعيمي ..
ما صار يعجبني في الفترة الاخيرة
احسه مر ودبس

[STAR]

على فكره النعيمي عندهم وصفه خاصه يحطون سر...

في الشاي الكرك انصدمت لما عرفت

ليه يغشون الزباين مب حرام

يغشووون؟؟؟!!!!:rolleyes2:

على طاري كرك النعيمي...


حبيت اضيف لصاحب الموضوع معلومة...

انا سمعت ان كرك النعيمي يحط قطعة بسكوت عشان يطلع الطعم حلو..

وبصراحة جربت مرة وحطيت فالغوري في المرحلة الاخيرة من الغليان 3 قطع بسكوت جلكوز ... وبعدها شلته وصبيته فالدله.. بصراحة طلع طعم الجاي حلو ... (=


وثانيا يالدوحاوي لا تقول كرك قطري...:anger1:

مافي شي اسمه كرك اقطري...

الحقوق محفووظة لاخوانا الهنوود خخخخ...:tease:


وشكرا لكل من ايدني :nice:

وسوري عالاطالة....

[Miss]

اذا اتبعت طريقتي اللي باقولها لك بيطلع لك احلى و اطيب كرك

المقادير
لتر ماي
علبة حليب ابو قوس او حليب التموين و اذا تحبة غليظ حط علبتين
ملعقة و نص او ملعقتين طعام شاي بودرة اي نوع يعجبك
السكر اذا تحبة عادي حط قد فنجال قهوة و اذا تحب سكر زياده حط فنجال و نص
و اذا تبي تخفف السكر على راحتك بس حلاته سكر زياده
الهيل اختياري

اول شي حط الماي و السكر على النار ولازم تطبخه على فرن غاز مب كهرب
اول ما يغلي الماي ضيف الشاي لأن الشاي ماله طعم اذا حطيته في ماي بارد و طبخته
لازم ينحط في ماي حار على طول و لا تخلي الشاي يطبخ مدة طويلة
يعني بعد ما تحطه على طول وطي النار حدها و ضيف الحليب و خله يطبخ 5 دقايق تقريبا يعني اول ما يغلي الحليب و يفور سكر النار
لا تطبخة مده طويله مثل ما الكل يعتقد لأن يصير طعمه مر

و بعدها صب لك شوي في كوب على طول و ذوقه لأن احلى شي الشاي فرش توه مستوي

و لا تنساني من الدعاوي الطيبه اذا ضبط الشاي

:nice:

عموما كل ما خليت الشاي يغلي مع الحليب اكثر كل ما صار الكرك غامق :discuss:

[pinky-qtr]

||||||||| بــــــو حـــــــاربــــــــــ بلا منازع طبعا |||||||||

[do7awi]

تسلموووون على المداخلات. اليوم اليمعة في الميلس و بنشوف شلون بيطلع الكرك.

و صح الكرك اصله هندي او كما يسمونه اهل الهند "كرلك" و تعني مركز.
لكن الكرك القطري عليه لمسات خلته قطري. مثل البرياني و غيره من الاكلات اللي اصلا هندية

[Kitchen]

عندي سؤال مأرقني
شاي الكرك عندنا هو نفسه شاي الكشري بالحليب في مصر ؟

[الحياة الخالدة]

على فكره النعيمي عندهم وصفه خاصه يحطون سر...

في الشاي الكرك انصدمت لما عرفت

ليه يغشون الزباين مب حرام


شيحطــــــون يعني ؟؟ ما فهمت :rolleyes2:

ليش انصدمتي نظـــــــره :omg: يعني شي ضار بالصحـــــــة مثلاً ؟؟

أو بسكوت مثل ما قالوا بعض الأعضاء :discuss:

[نــــظــــره]

بصراحة
كرك البيت احلى من كرك النعيمي ..
ما صار يعجبني في الفترة الاخيرة
احسه مر ودبس


الله على كرك البيت واضح وصريح
مافيه أسرار وخفايا مثل كرك النعيمي




يغشووون؟؟؟!!!!:rolleyes2:

على طاري كرك النعيمي...


حبيت اضيف لصاحب الموضوع معلومة...

انا سمعت ان كرك النعيمي يحط قطعة بسكوت عشان يطلع الطعم حلو..

وبصراحة جربت مرة وحطيت فالغوري في المرحلة الاخيرة من الغليان 3 قطع بسكوت جلكوز ... وبعدها شلته وصبيته فالدله.. بصراحة طلع طعم الجاي حلو ... (=


وثانيا يالدوحاوي لا تقول كرك قطري...:anger1:

مافي شي اسمه كرك اقطري...

الحقوق محفووظة لاخوانا الهنوود خخخخ...:tease:


وشكرا لكل من ايدني :nice:

وسوري عالاطالة....


اي اي
سر النكهه بحد ذاته غش
ليش افتر راسج :rolleyes2:




شيحطــــــون يعني ؟؟ ما فهمت :rolleyes2:

ليش انصدمتي نظـــــــره :omg: يعني شي ضار بالصحـــــــة مثلاً ؟؟

أو بسكوت مثل ما قالوا بعض الأعضاء :discuss:



وانتي بعد يالحياه الخالده نفس ستار افتر راسج :rolleyes2:

إهنيه الصدمه

إني مادري شيحطون

في الشاي أو الجاي أبي أعرف سر النكهه؟؟؟

[MAZEN37]

تسلموووون على المداخلات. اليوم اليمعة في الميلس و بنشوف شلون بيطلع الكرك.

و صح الكرك اصله هندي او كما يسمونه اهل الهند "كرلك" و تعني مركز.
لكن الكرك القطري عليه لمسات خلته قطري. مثل البرياني و غيره من الاكلات اللي اصلا هندية
وزيدك من الشعر بيت
شفتهم بالهند يسوون الكرك ويحطون عليه فلفل بهار

[بوحارب]

المشكلة مواضيعي القديمة اختفت الصور منها ولا كان حطيت لك الروابط :(

عالعموم

اذا تبي كرك ولا أروع طبق الكلام خطوة خطوة

خذ دلة حجم لتر

واترسها ماي

وصب الماي في الغوري وخله لين يغلي وحط سكر 5 او 6 قفشات كبار

واذا غلى الماي حط قفشتين كبار شاي بوكبوس

وخله على النار لمدة دقيقة ونص او دقيقتين بس عشان ما يحترق

وعقب صب قوطي حليب كامل في الدلة ويفضل ابوقوس او مال الحكومة هههه

وصب الشاي عليه

وبسسسسسس وصدقني بتدعيلي

ومرة ثانية اذا فيه نفس هالمواضيع عطوني بنق ياحلوين

[جامعي]

في شااي معروووف يحط مادة منكهة اسمها شبه على ما اعتقد

طبعا اذا الواحد اخذها بكمية ممكن تسكر ...وبعض العلماء حرمها

عااد ماندري اذا كرك النعيمي يحط منها ولا،،،،،


عالعموم مادري ليش الشاي من يد الهنود غييير ههههه

[STAR]

اخوي الجامعي..‏ اخبر الشبه حق شي ثاني ‏..‏!!!‏

عالعموم يالدوحاوي بشرنا يوم اليمعة شنو بيصير معاااك..

ترى الخدم يتقنون هالسوااالف..

[ابوسعود]

انا سمعت من واحد من الربع يقول كفتيريا النعيمي

يحطون في الكرك عسل بدل السكر:(

ويحلف بس مادري من سمع هالكلام:telephone:

[بن رومي]

السلام عليكم

معلومات عالطاير

* معنى اسم كرك باللغة الهندية ( محروق او مستوي زيادة )
* وقف عند مطعم هندي وقوله يعطيك شباتي كرك بيجيبلك شباتي محمر زيادة ويابس اشوي

* للمعلومية الشاي الكرك ينباع للعماله والاجانب بنص ريال ويكون نصف كوب او اكثر بقليل ((فقط داخل المحل )) ( ولو انت يالقطري قلت له عطني نصف كوب بيحسبة بريال )

* السكر يوضع آخر شي افضل ليتشبع الخليط بالشاي والحليب

* فيه طريقة باكستانية تسمى ( شاي بَتّي ) يطبخ الحليب قبل الشاي

* اصل الكرك في الهند ( في بعض المناطق ) ان يغلي الحليب لوحدة والشاي لوحدة و يصب الحليب في الكوب وعلية الشاي شبة مركز

* كل ما كان المقدار قليل كان افضل

* افضل كرك اشربة اللي مستوي على حطب السمر ( جو و ريحة و مذاق و استمتاع )

* اذا بتسوي الشاي على الجمر انتضر لين يجمر كل الفحم ( بسبب ريحة الفحم النتنه )

* طولت عليكم


بن رومي

[ام بدر]

الكرك نفس موالكل يضبطه
فديت الهنود والله:eek2: