عندي مشكلة !!!!!!

[حمد بن خالد]

السلام عليكم ورحمة الله وبركاته


اخواني اعزائي وعيال الفريج :nice:


عندي مشكله كبيرة , ومن كبرها خاطري اضحك بصراحة على عمري :nice:


===

انا ذاكرتي سكراب من زمان
لكن في الأرقام الحمدلله رب العالمين احفظها بشكل كبير واحفظ 12 رقم متتالي <<<<< زوووو :nice:

ماعلينا هههه

اليوم من قمت الصبح وانا ماعرف اي رقم :weeping:

ابي ادفع لراعي الكرك ومب عارف كم :weeping:
ابي اشغل جهازي في الدوام ومب عارف الرقم السري :weeping:
واحاول من ساعتين ونص افتح برنامج الشغل وربي عاميني عن اليوز والباسوورد :weeping:
وكل ما احاول اكتب التاريخ اغلط فيه مع اني يالس انسخ نسخ من الكالندر اللي جدام عيني :weeping:
اكتب رقم الملف في اسفل الكتاب كالتالي كمثال 9-99-999 وفي كل مره اخربط وحتى المسافات احظها نقط :weeping:


مع اني مصحصح الحمدلله وراقد زين وكل شي يعين تمام التمام :(


اوووه نسيت :omg:

حتى يوم وصلت عند الرادار نسيت كم السرعة المفترض امشيها وزخني الرادار مع ان الشارع جدام بيتنا :nice:


والله ياجماعة ان ماياكم الا الصج :weeping:


ماعرف اركب رقمين على بعض :rolleyes2:


متوتر عالآخر :eek5:


حد منكم صادف هالمشكلة

وشنو العلاج السريع لها

انقذوني ساعدوني انجدوني هيلب مي بليز :weeping: :weeping: :weeping: :weeping: :weeping:

ابي ابوي ابي امي ابي الفراش يساعدني :weeping:

[ANONYMOUS]

زهايمر
:secret:





























>






























اتغشمر انشالله مافيك الا الخير

وسحابة صيف وتعدي

[بـــــــنت النوخـّــــذه]

من الي ماخذ عقلك وقلبك

اعترف

escape

[بو الجوري]

:con2:

[ضوى]

لاحظت بالفعل النسيان زايد هاليومين خاصة عند صغار السن اللي من المفترض ذاكرتهم واستيعابهم قوية اما نحن فالله يعين الزهايمر بدأ معنا والله المستعان :)
عموما اتوقع فيه شي بالجو سبب هالحالة المؤقتة عندك وماتشوف شر

[MAZEN37]

انا احسدك على هالنعمه هههه
الي مثلك ما يشيب شعره ولا يجيه مرض


يديم عليك الصحه والعافيه وما شاء الله

[الفرحه]

يمكن مثقل في الاكل حتى اني قريت معلومه اللي ياكل منتجات الأجبان وايد ينسى ما عليك شر اخوي الحال زي بعضه.

[hma]

سوي ريستارت

نام خمس دقايق وقوم :tease:

[كازانوفا]

سوي ريستارت

نام خمس دقايق وقوم :tease:



ليش انت شايف اللى مقدم شكوى جهاز كمبيوتر :nice:

[الحياة الخالدة]

أولاً : سلامات ياخــــــــوي

ثانياً : كم عمرك ؟؟
لأن في فقدان للذاكرة مرتبط بالعمر .. و آخر ماله علاقة ..

ثالثاً : من أسباب فقدان الذاكرة القابل للعلاج reversible causes :

1- الآثار الجانبية للأدوية : مثل الحبوب المنومة ، مضادات الهستامين ، أدوية الضغط و الروماتيزم ، مضادات الاكتئاب ، مضادات القلق و المسكنات

2- الاكتئاب المرضي

3- نقص فيتامين B12

4- اضطرابات الغدة الدرقيــــــة

5- تعاطي الكحــــــول

6- الجفاف : و خصوصاً عند كبار السن

هذا باختصار ما استطعت ترجمته لك أخي الكريم ..
و إذا بغيت مزيد من التفاصيل أنا حاضــــــرة ..

و لكن أتمنى أن يكون ما تمر به .. نسيان مؤقت .. و ان شاء الله بتتذكره بس ترتاح
تحصل عند الكثيرين منا .. :)
و ما عليك شر بإذن الله ..

[حمد بن خالد]

زهايمر
:secret:



>

اتغشمر انشالله مافيك الا الخير

وسحابة صيف وتعدي

تعقى يعني

المشكله مافي لا سحابه ولا كناره هههه


من الي ماخذ عقلك وقلبك

اعترف


اي قلب يام النوخده

انتي وين وانا وين

جدني ابو عيال الحين وماعاد للقلب وقت :nice:

escape


:con2:

خلك بعيد لو سمحت :shy:



لاحظت بالفعل النسيان زايد هاليومين خاصة عند صغار السن اللي من المفترض ذاكرتهم واستيعابهم قوية اما نحن فالله يعين الزهايمر بدأ معنا والله المستعان :)
عموما اتوقع فيه شي بالجو سبب هالحالة المؤقتة عندك وماتشوف شر



اي والله مشكله مع اني لي الحين صغير :shy:


انززززززززين والحــــــــــل :anger1:

:weeping:


انا احسدك على هالنعمه هههه
الي مثلك ما يشيب شعره ولا يجيه مرض


يديم عليك الصحه والعافيه وما شاء الله

حتى على هاي بتحسدون

انزين مب مشكله نعمه والحمدلله بس مب وقته عاد :nice:

[ورقة غار]

اخوي انا عندي نقص حاد في فيتامين ب 12 المركب


ومره سالت الدكتور عن الاضرار من نقص الفيتامين قالي تضعف الذاكره فلا تخلي نفسك وروح سوو تحليل دم في المركز الصحي خمس دقايق ماياخذ من وقتك ..

[حمد بن خالد]

يمكن مثقل في الاكل حتى اني قريت معلومه اللي ياكل منتجات الأجبان وايد ينسى ما عليك شر اخوي الحال زي بعضه.

والله امس متعشي كبده ( طباخ البيت ) وشارب سفن اب وكلت تولا بس :nice:


سوي ريستارت

نام خمس دقايق وقوم :tease:

مالك حل :nice:


ليش انت شايف اللى مقدم شكوى جهاز كمبيوتر :nice:

انا ادري




أولاً : سلامات ياخــــــــوي

ثانياً : كم عمرك ؟؟
لأن في فقدان للذاكرة مرتبط بالعمر .. و آخر ماله علاقة ..

ثالثاً : من أسباب فقدان الذاكرة القابل للعلاج reversible causes :

1- الآثار الجانبية للأدوية : مثل الحبوب المنومة ، مضادات الهستامين ، أدوية الضغط و الروماتيزم ، مضادات الاكتئاب ، مضادات القلق و المسكنات

2- الاكتئاب المرضي

3- نقص فيتامين B12

4- اضطرابات الغدة الدرقيــــــة

5- تعاطي الكحــــــول

6- الجفاف : و خصوصاً عند كبار السن

هذا باختصار ما استطعت ترجمته لك أخي الكريم ..
و إذا بغيت مزيد من التفاصيل أنا حاضــــــرة ..

و لكن أتمنى أن يكون ما تمر به .. نسيان مؤقت .. و ان شاء الله بتتذكره بس ترتاح
تحصل عند الكثيرين منا .. :)
و ما عليك شر بإذن الله ..

تفائلت بهالرد :nice:

العمر 28

وما آكل حبوب الحمدلله

وكل النقاط الحمدلله ما اعاني منها الا موضوع الفيتامين هاي ماعرفه

لكن النقطه السادسه اللي هو الجفاف

انا امس رحت الصناعية وعرقت عرق في حياتي ماعرقته
وبذلت جهد يمكن مابذلته من يوم انا صغير على السيكل
لمدة اربع ساعات مشي وحر وشوي اركب الموتر وشوي انزل
وشربت عصير وغرشتين ماي صحه لاني حسيت بالعطش صج

ونفس الموال وقت العصر
رحت الصناعية بعد وجهدت نفسي لين العشا تقريباً

يعني حالة الجهد اللي بذلتها امس مش روتين بالنسبة لي وما اعتقد اني بذلتها قبل وكنت اعاند نفسي واقول ان مافيني شي وانا ماسويت شي

وماحسيت بتعب الحمدلله ورديت البيت عادي وتعشيت وسهرت شويه ورقدت طبيعي مثل كل يوم

لكن هل هالسيناريو له تأثير باللي انا فيه حالياً ؟؟!!

وشكراً

[حمد بن خالد]

اخوي انا عندي نقص حاد في فيتامين ب 12 المركب


ومره سالت الدكتور عن الاضرار من نقص الفيتامين قالي تضعف الذاكره فلا تخلي نفسك وروح سوو تحليل دم في المركز الصحي خمس دقايق ماياخذ من وقتك ..

صــــــج :eek5:


لاحوووول

بديت بالوسواس :rolleyes2:

الله يعطيك العافيه

بجيك وان شاء الله خير

بس شلون اعوض نقص فيتامين ب 12

وشكراً

[الحياة الخالدة]

الله يبارك لك بعمـــــــرك .. و صحتك ..

Vitamin B12 deficiency. Vitamin B12 protects neurons and is vital to healthy brain functioning. In fact, a lack of B12 can cause permanent damage to the brain. Older people have a slower nutritional absorption rate, which can make it difficult for you to get the B12 your mind and body need. If you smoke or drink, you may be at particular risk. If you address a vitamin B12 deficiency early, you can reverse the associated memory problems. Treatment is available in the form of a monthly injection

يحمي فيتامين B12 الخلايا العصبية و هو ضروري للمحافظة على أداء المخ بشكل صحي . يوجد لدى كبار السن صعوبة في معدل امتصاص هذا الفيتامين مما يؤدي إلى صعوبة حصول المخ و الجسم على الكمية الكافية منه . و يعتبر المدخنون و متعاطو الكحول من الأشخاص المعرضين أيضاً لهذا النقص . و عند معالجة هذا النقص مبكراً فإنه يمكن عكس مشاكل الذاكرة المرتبطة بنقصه .
و يتوفر العلاج على شكل إبرة شهريــــة .

Dehydration. Older adults are particularly susceptible to dehydration. Severe dehydration can cause confusion, drowsiness, memory loss, and other symptoms that look like dementia. It’s important to stay hydrated (aim for 6-8 drinks per day). Be particularly vigilant if you take diuretics or laxatives or suffer from diabetes, high blood sugar, or diarrhea.

فيما يتعلق بالجفاف فكما قلت أن كبار السن معرضون أكثر لهذه المشكلة .
و يمكن أن يؤدي الجفاف الشديد إلى الارتباك ، الدوخــــة ، فقدان الذاكرة و غيرها من الأعراض المشابهة للخــــــرف .
لذاك فمن الضروري تجنب الجفاف ( و شرب 6-8 أكواب من الماء يوميــــــاً ) . و الانتباه لذلك خصوصاً في حالة تناول الأدوية المدرة للبــــول أو الملينات ، أو لدى مرضى السكــــر و ضغط الدم المرتفع و الإسهــــــال .
----------


قد يكون لما مررت به من تعب علاقة لما حصل لك
و قد لا يكــــــون ..

بس الأفضل انك تفحص نسبة الفيتامين عندك و اذا ناقص تاخذ منه لأنه في منه بعد حبوب ( إذا كنت تخاف من الإبــــر ) .. :secret:

و في بعد تمارين معينة و نصايح كثيرة لتنشيط الذاكرة إذا بغيتها بحطها للاستفادة العامــــــة ..

و ألف لا باس عليك .. :)

[حمد بن خالد]

الله يزاج خير

ارشادات مهمة ومفيدة

واليوم اذا الله كتب بروح وافحص

وفضلاً لا أمراً نزلي لنا التمارين اللي قلتي عنها

لي وللشياب المعاي واولهم بوالجوري الشيبه الحلي

:)

[الحياة الخالدة]

الله يزاج خير

ارشادات مهمة ومفيدة

واليوم اذا الله كتب بروح وافحص

وفضلاً لا أمراً نزلي لنا التمارين اللي قلتي عنها

لي وللشياب المعاي واولهم بوالجوري الشيبه الحلي

:)


وياك أخــــــــوي حمـــــــد .. :)

ان شاء الله بنزلها في وقت لاحق ..

و بتكون إهداء لنا و لجميــــــع المخضرمين و المعمريـــــــن في المنتدى .. :secret:

و ممكن الشباب ( أو اللي مسويين نفسهم شباب ) يستفيدون منها حق المستقبل .. :nice:

[بوغانم995]

أخوي بسيطه يمكن في تفكيري المتواضع ....قول ياهادي يادليل ......لا أله ألا انته أني كنت من الظالمين ....وبأذن الله يفتح عليك .....وبس

[بـــــــنت النوخـّــــذه]

اي قلب يام النوخده

انتي وين وانا وين

جدني ابو عيال الحين وماعاد للقلب وقت


:nice:

اي عاد ترى مب شرط الي ماخذ عقلك السبب الي اتفكر به

ترى في اشياء وايد تاخذ العقل واتخلي الشخص مايقدر يركز ممكن يكون عامل نفسي او جسدي


بس عموما اتفق مع الي قالت احتمال نقص فيتامين روح اكشف شوف الي ناقصك :nice:

[بومحمد911]

ما تشوف شر

والله ما تدمرت صحتنا الا من هل المعلبات والوجبات السريعة

بس اهم شيء انك ما تنسى الرقم السري للبنك ههههههههههههههههههه

امزح معاك

[درع الوطن]

أنا أشك في الكرك >> :con2:

[ورقة غار]

:weeping:[QUOTE=حمد بن خالد;7475230]صــــــج :eek5:


لاحوووول

بديت بالوسواس :rolleyes2:

الله يعطيك العافيه

بجيك وان شاء الله خير

بس شلون اعوض نقص فيتامين ب 12

وشكرا



انشاء الله مايكون فيك شئ

لكن العلاج عباره عن ابره كل اسبوع
:weeping:

[@north_star@]

عليك بأكل الزعتر صباحا لانه يقوي الذاكرة وان شاء الله ما عليك شر

[غير البشر]

يمكن ماكل كباب من عند بوعلاوي هههههه

او يمكن اتفكر فيني اعترف :shy:

[بو خليفه 123]

أم هليّل من الصناعيه

و امورك طيبه :nice:

[المتحدث الرسمي]

.....................



عن النغزات يابوخالد !

:anger1:

[أمير المحبه]

.....................



عن النغزات يابوخالد !

:anger1:


اقرا على نفسك :eek5:

[Kitchen]

الزبيب ممتاز لتقوية الذاكرة ..