الحذر من هذا النصاب ليس فقط الي اهل قطر بل الي كل من يتعداء مركز حدود جابر

[ثابت]

السلام عليكم

بالصدفة امس كنت جالس في مجلس صديق لي ونسولف عن النصابين وقال لي حركة نصب صارت لة قد صارت لي خذيت التفاصيل حتى منة حتى اتاكد وبالفعل طلع نفس هذا الشخص يتصيد للعالم

بقول لكم شيسوي حتى محد يقع في مصيدة هذا النصب
الي تعداء مركز حدود جابر تجيك مطبة عند لفة لازم سيارتك تخف قصب هناك وفي قريب من المطبة عريش صغير واحد ماسك خروف اول ما تخف سيارتك عند المطبة يركض وهو شايل الخروف وينحرة على خشم سيارتك البانة انت تنبهر من الموقف وتبي تعرف شنو السالفة يوم تنزل الدريشة يقول لك والله انك تتعشاء عندي هو يعرف ردك انك بتقول لة لا وراي خط بروح مشكور فا يقول خلاص عجل دام انا ذبحت كرامتك بحطها لك بكيس يقول لك انتظر وبعدين يقول لك ادفع مبلغ خيالي انت تستغرب هو يكون موقف قريب منك وماسك سكين كبيرة وضخم فا انت هنية تخاف تقول لا يسوي بك نفس الخروف فا لازم تدفع لة.

حصلت لي وحق شخص امس قال لي بالمجلس وحبيت انبة اخوانا الخليجين خاصة من هذا النصاب.

[شبح الصمت]

من صجـك ووقف له ليش بدق ريوس وبحرك ..


من يوقف في درب وبلاد مهب بلاده لو نحر قدامي بعير ما وقفت له ..

[ثابت]

من صجـك ووقف له ليش بدق ريوس وبحرك ..


من يوقف في درب وبلاد مهب بلاده لو نحر قدامي بعير ما وقفت له ..



هههههههه صج اخوي

بس مرات الفضول يضيع الواحد

[رآعي موآجيب]

يابوي ما عليك من السوالف

سنة 2002 استوت معنا نفس هالحركه في الطريبيل في العراق

ولا وقفنا طبعا ، ويطلعون لنا 3 برشاشاتهم يبغون يوقفونا غصب يبلفيت كرامتنا انذبحت ولازم نوجبهم !!

والله ما شافوا إلا الجي اكس معطيهم جنبه ولو ما تفرقوا وشردوا وإلا كان دعمناهم

غبرنا عليهم لين خلينا الواحد منهم ما يشوف يده ، وتوكلنا على الله

هذولا محد يوقف عندهم ابد ، اذا ما وخر عن الموتر روعه وإذا ما وخر عطه وجه الموتر وحرك

خسارة بانه تتسمكر ولا خسارة راس رجال !

[ثابت]

يابوي ما عليك من السوالف

سنة 2002 استوت معنا نفس هالحركه في الطريبيل في العراق

ولا وقفنا طبعا ، ويطلعون لنا 3 برشاشاتهم يبغون يوقفونا غصب يبلفيت كرامتنا انذبحت ولازم نوجبهم !!

والله ما شافوا إلا الجي اكس معطيهم جنبه وإلا ما تفرقوا وشردوا وإلا كان دعمناهم

غبرنا عليهم لين خلينا الواحد منهم ما يشوف يده ، وتوكلنا على الله

هذولا محد يوقف عندهم ابد ، اذا ما وخر عن الموتر روعه وإذا ما وخر عطه وجه الموتر وحرك

خسارة بانه تتسمكر ولا خسارة راس رجال !


الله يعين والله مشكلة هالنوعية من النصابين الغجر

للاسف اخوي انا كان معاي عائلة والله خفت عليهم و كنت انا الرجل الوحيد لو كنت بروحي او مع شباب كان صارت علوم

[عزيزوف]

مشكلتكم حساسين وايد انتوا .!!!!! شدعوه وصلتوا لهالدرجه ؟؟؟
شنو الي يمنعك تدعمه وتطيره هو وخروفه في الهواء علشان يعرف الكرامه عدل

[ثابت]

مشكلتكم حساسين وايد انتوا .!!!!! شدعوه وصلتوا لهالدرجه ؟؟؟
شنو الي يمنعك تدعمه وتطيره هو وخروفه في الهواء علشان يعرف الكرامه عدل


هههههههههههههههههههه

[حمد بن سعد]

والله ادوسه اهو والخروف لاكن اخوي وين المكان بضبط حدود جابر وين هاذي

[ثابت]

والله ادوسه اهو والخروف لاكن اخوي وين المكان بضبط حدود جابر وين هاذي

اخوي هذا مركز اردني

[حمد بن سعد]

عيل حضه انه سلم مني ان ماروح الاردن ههههههههههههههه

[بوسلمان 2010]

والله مشكله يعترض طريجك ويدفعك ثمن الخروف ليش ان شاء الله نهبه الله المستعان

[سهم احمر]

هههههههههههههههههه

الظاهر عنده محش من سكين

[نمساوي]

يستاهل دعمه

[@north_star@]

عيل حضه انه سلم مني ان ماروح الاردن ههههههههههههههه

مركز حدود جابر اللي بين الاردن والعراق بس اللي يروح الاردن ما يدخله لانه حدود الاردن مع السعودية هي مركز العمري ..... والخط اللي يودي على العراق من بعد الحدود الاردنية فعلا خط خطر في بعض الاحيان واللي يروحون العراق المفروض ما يوقفون لاي حد

[عضو نشيط]

شكراً على المعلومه ،،،،


بس خله يطلع جدامي ،،

إذا الدعوه كرامه بالقوه ،،، أريح الناس منه ،،

[قلبي الطيب]

شوداكم لهالأماكن ؟؟؟
حدود بين عراق واردن !!! إذا العراقيين طالعين من بلدهم بسبب انعدام الأمن معقولة في ناس تروح للخطر برجليها !!

[بوفاطمه]

هههههههههههههههههههههههههههههههههه
هههههههههههههههههههههههههههههههههه
هههههههههههههههههههههههههههههههههه.
والله اذا حصل معاي كذا،احطه الرجال في دبة السيارة واحذفه بعيد.
والله العظيم احس انه ما يعرف السنع بعد.
هذا لو ينزلي حوار ،ابقرة،....الخ.ما اوفقله.
حذاري من هذولي.

[ذيب ازغوى]

هههههههههههههههههه

[دروب]

الله يجزيك خير

[هارودز]

الحمدالله الله حفظكم

[جراسا]

مركز حدود جابر اللي بين الاردن والعراق بس اللي يروح الاردن ما يدخله لانه حدود الاردن مع السعودية هي مركز العمري ..... والخط اللي يودي على العراق من بعد الحدود الاردنية فعلا خط خطر في بعض الاحيان واللي يروحون العراق المفروض ما يوقفون لاي حد

تصحيح اخوي...مركز جابر بين الأردن و سوريا

[BoFahed]

نصيحة يا اخوان الواحد لما يسافر برا الخليج بالبر صوب الشام ولا مصر ولا اليمن يحاول لا يطلع من المراكز الحدودية الا بالنهار ان شالله يبات بالسعودية ما عنده مشكلة ولا يوقف لاي حد مهما كان ان شالله موتر منقلب قدامك لو ما شهد الحادث لا توقف

الخليجين بسبب الاعلام صارو مستهدفين بالدرجة الاولى وهناك عشرات القضايا مافيه احد بيوقف معاك ولا خرابيط بالعكس تحصل الشرطة لما تشتكي يبون منك علشان يرجع حقك يعتبرونها حق لانه زكاة فلوسنا الكثيرة

[Abdulraman]

الله يجزاك خير
يقولي ادفع وهو اللي عازمني والله بحفص عليه وانا ماشي:rolleyes2:
على العموم مشكور اخوي على التبيه

[ثابت]

جزاكم الله خير


نصيحة يا اخوان الواحد لما يسافر برا الخليج بالبر صوب الشام ولا مصر ولا اليمن يحاول لا يطلع من المراكز الحدودية الا بالنهار ان شالله يبات بالسعودية ما عنده مشكلة ولا يوقف لاي حد مهما كان ان شالله موتر منقلب قدامك لو ما شهد الحادث لا توقف

الخليجين بسبب الاعلام صارو مستهدفين بالدرجة الاولى وهناك عشرات القضايا مافيه احد بيوقف معاك ولا خرابيط بالعكس تحصل الشرطة لما تشتكي يبون منك علشان يرجع حقك يعتبرونها حق لانه زكاة فلوسنا الكثيرة

والله صادق يابوفهد نعم المشكلة يعاملونك معاملة مجرم حتى لو كنت مع حريم لا حشمة ولا تقدير اذكر مرة و انا على الطريق سيارة من دولة خليجية راعيها كبير بالسن ثيبة خايسة بالدم مضروب لين ما قال بس وقفت الا الي متحاولينة مسلحين ماقدرنا نسوي لة شي او نساعدة

[ثابت]

تصحيح اخوي...مركز جابر بين الأردن و سوريا


نعم صحيح اخوي

[أسير الاسهم]

حرام عليكم .. الرجال هذا لو صادفته وينط ويذبح لي خروف هههههههاي بقول له تم .. دلنا البيت بس نتعشى عندك أفا عليك .. ناخذ كرامتنا خخخخخخخخخ أخليه يتحسف انه حلف

[ثابت]

حرام عليكم .. الرجال هذا لو صادفته وينط ويذبح لي خروف هههههههاي بقول له تم .. دلنا البيت بس نتعشى عندك أفا عليك .. ناخذ كرامتنا خخخخخخخخخ أخليه يتحسف انه حلف

هو دارس الوضع والله ما يخليك لنة هدفة النصب نصاب عود صعب تحتال علية الا باليمين اذا معاك عطران الشوارب حلو بتدبقونة وبتشردون

[ثابت]

شوداكم لهالأماكن ؟؟؟
حدود بين عراق واردن !!! إذا العراقيين طالعين من بلدهم بسبب انعدام الأمن معقولة في ناس تروح للخطر برجليها !!


على فكرة في العراق اخس و اخس لما نروح مقناص العراق والله انهم هم يقنصونا والله يرمونك ويحدونك مثل الارنب الله يحفظنا ويحفظ الجميع لازم الواحد يكون ذيب ولا يسلم راسة للرجاجيل

[صــوت قطــر]

مشكلتكم حساسين وايد انتوا .!!!!! شدعوه وصلتوا لهالدرجه ؟؟؟
شنو الي يمنعك تدعمه وتطيره هو وخروفه في الهواء علشان يعرف الكرامه عدل


وهذا الي المفروض يصير ... واحسن حل :nice::nice:


تسلم اخوي راعي الموضوع :)

[حقيقه]

على فكرة في العراق اخس و اخس لما نروح مقناص العراق والله انهم هم يقنصونا والله يرمونك ويحدونك مثل الارنب الله يحفظنا ويحفظ الجميع لازم الواحد يكون ذيب ولا يسلم راسة للرجاجيل


والله مابستفيد شيء اذا كنت ذيب
واحشروني واذبحوني

ليه تروحون هالاماكن اذا هي خطره ماوراكم اهل
والا المقناص اهم

[MAZEN37]

الله يستر عليهم طرق غريبه
عموما لو صادني هالموقف ما اوقف ابدا
مره واحد على الاشاره هو عايلته قام يطر قلتله عقب ما تفتح الاشاره وقف يمين وابشر بالخير
ويوم فتحت الاشاره لف يمين ووقف وانا لفيت يسار وطريج السلامه

[نجدي قطري]

جزاك الله خير على التنبيه.
الصراحة ما كنت أتخيّل مثل هالخدعة ذي.

[CH Engineer]

ثابت تصرفك طبيعي اي واحد مكانك كان بيوقف يشوف شالسالفه!!

بس يوم دريت انه نصاب ليش ماقلت له اشوف الاهل وارجعلك وحط رجلك

بس ماقلت لنا كم طلب منك؟

[aljaber1]

لاحول ولا قوة الا بالله
العادة المسافر مايحب المشاكل
وهو مستقل هالجانب
لكن الاجهزة الامنية سامحه له
يعني السالفه فيها له شريك كبير

الله يحفظ الجميع

[خــطــافــ]

زين الله سلمك

كم عطيته ؟؟

[فتى الجود]

والله ياخوى لو سواها

واسعتبط

وخيس موترى بالدم وذبيحته

صدقني لو ما وخر عن سيارتي
انى اخليه مصيره مصير الخاروف اللى اذبحه

[Frosty]

مشكلتكم حساسين وايد انتوا .!!!!! شدعوه وصلتوا لهالدرجه ؟؟؟
شنو الي يمنعك تدعمه وتطيره هو وخروفه في الهواء علشان يعرف الكرامه عدل

:nice:

[نجد سهيل]

مب قالوا هالمركز مسكرينه السوريين بسبب الاحداث بدرعا
رجعوا فتحوه !!
لاني بابريل كنت مسافر هناك وردوني من المركز الاردني

[الـراسي]

حسبي الله عليه

بس لو انه صادق يجرب

اشرايكم قوي

[qatara]

افا
تعشو عنده

ما تقدرون الشيم و الكرم العربي الاصيل

ههههههههه

[توشيبا]

شوداكم لهالأماكن ؟؟؟
حدود بين عراق واردن !!! إذا العراقيين طالعين من بلدهم بسبب انعدام الأمن معقولة في ناس تروح للخطر برجليها !!

اي والله اذا اهل البلاد يشردون من بلادهم من العذاب والقهر واحنا ندربي روسنا رايحين لهم :tease: