نائب الامير يصدر قانون تنظيم ( الوساطة العقارية ) .... وداعا ايها السمسار المتطفل ..

[بازار]

بصراحة توني اقرا الجريدة ومستانسسسس حددددي الحمدلللللللله

واللله محد رفع الاسعار ولعب لعبته بالعقارات الا الـمتطفلين على العقارات ..

وسجلوها علي القانون هذا راح ينزل اسعار العقارات واسعار الايجارات

ماقصرت طال عمرك


http://www.hiqatar.com/?page=news

الله يبارك الله يبارك

[نمساوي]

ماعتقد ان القرار راح ايقلل من قيمة العقارات لانه يعالج جانب واحد فقط

وهو تنظيم مهنة السمسار والاطار القانوني الذي يحكمها

اما رفع الاسعار وخفضها خاضع لحالة السوق والعرض والطلب

[بازار]

ماعتقد ان القرار راح ايقلل من قيمة العقارات لانه يعالج جانب واحد فقط

وهو تنظيم مهنة السمسار والاطار القانوني الذي يحكمها

اما رفع الاسعار وخفضها خاضع لحالة السوق والعرض والطلب

اخوي الكريم ..

في القانون تنظيم وبنفس الوقت ( محدودية ) التعامل العقاري ..

يعني اللي حاصل حاليا ان لا بغيت تشتري ارض على سبيل المثال ..

قيمتها مليون ريال .. والوسيط رقم 1 راح يعرضها بمليون ومية !! يبغي يستفيد
والوسيط الثاني راح يعرضها بمليون وثلاث مية !! يبغي يستفيد

وهلم جره .. ينصدم راعي الارض ان ارضه انعرضت بمليونين .. اشلون !! عليك الحسبة

ونفس الشي بالنسبة للايجار ..

فالقانون الحمد لله قال من ضمن الفقرات .. ان راعي العقار يحدد التفاصيل للوسيط ومن ضمنها يجوز له تحديد الاعلى والاقل للقيمة ..

فالحمدلللللله

وبيني وبينك ... الحين راح نشوف اهلا لعقارات .. صادقين بكلامهم اللي يقولونه في الجرايد والا لا

شكرا

[شموخ دائم]

,

,


مرحبا

السلام عليكم ورحمه الله

الحمدالله على صدور القانون المنظم للمهنه في السنوات الاخيره الكل يشتغل بالوساطه العقاريه
راعي الدكان وواحد راكب سيكل يأجر مباني والخباز يبيع ويشتري بالبيوت والدوبي
وفراش هندي في وزاره صاير سمسار اراضي
:)

لكن هذا ما له علاقه في ارتفاع الاسعار او انخفاضها السوق عرض وطلب
القانون ينظم العمل ويحمي مصالح واسرار الناس

والسمسار مو بيده يرفع السوق ومو بيده ينزل السوق
لو كان بيده رفع السوق كان سوق دبي عمره ما ينهار
وين السماسره هناك عن مئات الاف الوحدات السكنيه خاليه ورخيصه للبيع


الدوله بعد 4 سنوات من البناء والتوجيهات لشركه بروه والبنوك قدرت تنزل اسعار الايجارات انها اعطت تعليمات بزياده المعروض وصار في شقق كثيره عرضتها بروه بسعر منافس مثل قريه بروه ... الخ


كيف ارتفعت الاسعار في قطر؟؟


الي يرفع لاسعار هو ( المضاربه في الاراضي )

ابراهيم اشترى ارض الفوت 100 ريال بعد شهر ابراهيم يعرض نفس الارض 120 ريال
يبيع ويربح له 100 الف في شهر واحد وينتقل الى ارض اخرى

يروح ابراهيم يشتري ارض في مكان ثاني ويرجع يعرضها للبيع بربح اكثر

هل ابراهيم محتاج الارض ؟؟

ابراهيم ما يبي يسكن وما يبي يبني الارض ابراهيم يشتري ويبيع يضارب نفس المضاربه بالاسهم وهذا يسبب مشكله كبيره

من وين ابراهيم جاب المليون للمضاربه ؟؟؟

قطر كان فيها ( الناس الكبار يضاربون ) 4 او 5 اشخاص يضاربون في الاراضي الكبيره سابقا

الحين كل واحد عنده مليون ريال يضارب في الارضي والسوق تحول الى سوق مضاربه
الكل يشتري والكل يبي يبيع نفس الارض تنباع 10 مرات ومحد يبنيها

الاكتتابات القديمه عملت سيوله بيد ( الناس ) وتحولوا الى مضاربين في الاراضي
هذا الي حدث في سوق قطر ورفع العقارات والاراضي رفعه كبيره جدا جدا جدا
ابراهيم كسب المليون من سوق الاسهم في الاكتتابات القديمه

قبل 10 سنوات من يملك مليون ريال ؟؟
:)

الناس كانت تسوق عراوي واذا كلش كلش يبي يكشخ يشتري كامري :) او يكشخ بـ ( طوارق )
:)

ومحد يركب البورش :) ما يمدينا ننسي هذي الايام الحين البورش كيان بالشوارع
اكثر من سيارات كروه
:)

الحين المليون اصبح شي عادي بيد الكثير من الناس والكل يضارب
والكل صار تاجر
:)

الله يخلي البورصه والحمدالله على النعمه حمدا كثيرا

الناس بالمضاربه الي رفعت السوق يا اخوان وليس السمسار علينا نفهم السوق صح

والله يرزق الجميع

,

,


اخوكم


شموخ دائم

[بازار]

اشكرك على المشاركة ..

اخوي الكريم .. من المعروف انه عدم تواجد التنظيم للعمل يفتح الباب امام التلاعبات و (الاحزاب)

يعني لا تقولي انه مافيه مجموعات سودانية ومصريد وسورية واردنية حتى تونسية توها داشه السوق ..

جاوبني بس على السؤال .. اشلون بقدرة قادر لين تعرض ارض او بي ت او عماره عند (س) المصري سبحان اللللله يتصل فيك (ص) و (م) و (ع) و(ق) الخ الخ الخ وكلهم من نفس الجنسية .. وكلهم يرفعون على بعض ..

انا اعرف انه القعار بالكثير (مليون مثلا ) يوصل 2 او 3 وحتى 4 ... مش لعبة هذه الله يسلمك او خلني اوضحها بالعامية ( يستغفلني ) .. صحيح انا ابغي استفيد لكن اعرف القطري ماعنده من وين له الدبل !

انا معاك في كلامك عشان ما يصير لبس .. الكلام الكلام اللي قلته جزء من الواقع والواقع شي ثاني

[شموخ دائم]

,


,


مرحبا


الله يعطيك العافيه

كلنا مع التنظيم وهذا شي طيب والحمدالله

اخوي الكريم اذا عندك ارض وعرضتها عند س

س ما عنده ناس تشتري وما يعرف كل قطر

فـ يقوم بعرض الارض عند المكاتب الثانيه ص ع ي ش ر ... الخ

هذا الكلام طبيعي وصحيح واذا هم عندهم مشتري بيتصلون في ( س ) وهو بيكلم المالك

ان هناك مشتري جاهز

هم يتعاونون على البيعه ( وينقسم العموله في ما بينهم )

اما السعر فالملك يحدده بناء على سعر السوق

اخوي الكريم اذا ارض قيمتها بالسوق ( مليون ريال ) وهم عرضوها ( 2 مليون ريال )

محد بيشتريها يا اخوي الناس مو ( مغفله الى هذي الدرجه ) بيدورون غيرها بنفس المكان

اذا ( كروزر سعره بالشركه 300 الف ) لو انعرض بمعرض بـ 600 الف حد بيشتريه ؟؟؟؟

طبعا لا :)

لان سعر السوق هو الي يحكم مو راعي المعرض

:)


,


,



اخوك


شموخ دائم

[طالب جامعي]

عندي استفسار
إذا كانت هناك شركة عقارية مالكها قطري
بس المدير والطاقم كلهم غير قطريين

هل ينطبق على الشركة ؟؟
ولا خلاص تعتبر الشركة قطرية بحكم إن مالكها قطري
ولا تحاسب على المدير والطاقم !!

[شموخ دائم]

,

,


مرحبا

اخوي الكريم

ما ينطبق على المكاتب الهندسيه والمحاماه ينطبق على المكاتب العقاريه

المالك قطري او شريك بنسبه 51% ومن حقه يوظف موظفين ومدير من جنسيات مختلفه على كفاله الشركه للقيام بالاعمال العقاريه

اذا يوجد مكتب ورخصه وهم على كفاله المكتب يصبح وضعهم قانوني
القانون نزل مخصوص على السماسره الذين لا يوجد عندهم مكاتب او رخصه لمزاوله العمل

لان هناك مشاكل كثيره حدثت سابقا


,


,


اخوكم


شموخ دائم

[بازار]

,


,


مرحبا


الله يعطيك العافيه

كلنا مع التنظيم وهذا شي طيب والحمدالله

اخوي الكريم اذا عندك ارض وعرضتها عند س

س ما عنده ناس تشتري وما يعرف كل قطر

فـ يقوم بعرض الارض عند المكاتب الثانيه ص ع ي ش ر ... الخ

هذا الكلام طبيعي وصحيح واذا هم عندهم مشتري بيتصلون في ( س ) وهو بيكلم المالك

ان هناك مشتري جاهز

هم يتعاونون على البيعه ( وينقسم العموله في ما بينهم )

اما السعر فالملك يحدده بناء على سعر السوق

اخوي الكريم اذا ارض قيمتها بالسوق ( مليون ريال ) وهم عرضوها ( 2 مليون ريال )

محد بيشتريها يا اخوي الناس مو ( مغفله الى هذي الدرجه ) بيدورون غيرها بنفس المكان

اذا ( كروزر سعره بالشركه 300 الف ) لو انعرض بمعرض بـ 600 الف حد بيشتريه ؟؟؟؟

طبعا لا :)

لان سعر السوق هو الي يحكم مو راعي المعرض

:)


,


,



اخوك


شموخ دائم


احي الاسلوب الراقي في تحاورك اخوي الكريم ..

اخوي شموخ ...

نقطة توضيح فقط .. انا وانت متفقين على نقطة التنظيم افضل بكثير من العدم

ومختلفين في الواقع او الحاصل من الوسطاء ..

اخوي الكريم ... صحيح الوسيط بياخذ نسبة وشي طبيعي انها تزيد مع سعر البيع

ومن مصلحة صاحب الارض ان الارض تباع بسعر مرتفع ،،

طيب سر الاترتفاع من وجة نظري المتواضعه انه قلة العرض وكثرة الطلب خصوصا خلال الثلاث سنوات الاخيرة وما صاحبها من ارتفاعات وانخفاضات في الاسعار ( الغير مبرره )

فـ القانون الصراحة اشوف انه ( لوا ) ذراع المتطفلين في الوساطه الشريفة

وفي الاخير اتمنى التوفيق للجميع

والحمدلله وصلى الله على رسول الله

[بـن عدوان]

اخوي شموخ دائم ،، المفروض المنتدى يعطيك لقب خاص فيك

"أميز عضو"

[بن رومي]

اخوي شموخ دائم ،، المفروض المنتدى يعطيك لقب خاص فيك

"أميز عضو"

وانا معاك 100%

وهنالك كم عضو معدودين على الاصابع

وكل واحد في تخصصة



بن رومي

[ابو خليفه]

الله يرحم المليون يوم كان رجال الحين صار ؟؟؟؟؟؟؟؟؟؟

[KSK Logistic]

شكرا اخوي على المعلومة