الحالة الشعورية .. وذكريات الاسهم القطرية :)

[meme~qatar]

ماعرف من وين أبدأ بالضبط .. لكن بقول اللي بخاطري .. ..

ماأنكر إني قررت أسجل في هذا المنتدى تحت ضغط أو بالأحرى (حنّة) وحدة من خواتي اللي قامت بنفسها بتسجيلي بالمنتدى .. وكل مابذلته من جهد هو إختيار النك الخاص بي.. وأذكر في تلك الفترة صادف قرب حلول شهر رمضان المبارك منذ سنتين ..

ومن تلك الفترة (وهالمنتدى ) عاش معاي مادري عشت معاه ع الحلوة والمرة .. ولكن ايقنت بــ (رب أخ لك لم تلده أمك )

حيث:

1* أذكر تسابق الأعضاء في اقتراح أحسن مستشفى في العالم لعلاج الوالدة .. الله يرحمها .. وكذلك الدعاء لها .. :shy:

2* أذكر بل وأشكر اخواني الاعضاء على تعازيهم في وفاة ولد أخوي :(

3* أذكر طرحت مواضيع ووجدت تجاوب كبير من الأعضاء ولكن أغلبها لها أحد المصيرين إما الإغلاق وإما تروح (لذيك السلة) .. ومادري ليش أخذت التميز:nice:

4* أذكر مرات أتهور في الردود من الانفعال .. يمكن لأني من مواليد الجوزاء وأصبح مزاجي مزدوج ؟؟؟
في النهاية احنا اخوان .. والاخوان اكثر ناس يتناقشون (نقاش حاد) احيانا .. فالسموحة :shy:

5* أذكر بطبيعتي أعطي المواضيع المطروحة نوع من المزاح ( ان شاء الله مب ثقيل ) .. :tease:

6* أذكر امتلاء صندوقي الوارد برسائل تهنئه بمناسبة قدوم مولودتي الجميله (الله يحفظها لي ) منذ 3 أشهر .. عندما تبين لهم الخبر من خلال توقيعي :discuss:

7* أذكر عندما اجد صعوبه باستخدام بعض خصائص المنتدى اجد من يعلمني خطوة بخطوة .. :)

8* أذكر سعادتي وفرحتي عندما تم ترشيحي كعضوة مميزة .. نفس فرحتي يوم تخرجي من الجامعة :tease:

9* وليس اخرا .. أذكر مرة وانا اتصفح المنتدى سألني ولدي .. ماما انتي تخلصين شغل حق الدوام ؟؟ قتله لا يا ماما اتصفح المنتدى ونسولف سوالف كبار .. سأل بكل براءة : ممنوع اصطحاب الأطفال :( ؟؟ قلت بسألهم ..
هنا قفزت في بالي فكرة وضع مساحة للأطفال في منتدى الاسهم .. ليش لا يا إدارة .. وكالة الانباء القطرية يوم خصصوا قسم للأطفال مب أحسن منكم ..:victory:
وبخلي ولدي مشرف ع القسم :eek5:

وأكيد لكل منكم لحظات وذكريات حلوة أو مرة عاشها مع المنتدى أو المنتدى عاشها معاه .. :discuss:


بس كل سنة يقترب فيها شهر رمضان اتذكر أول ايامي في المنتدى وكم كنت شغوفة بتصفحه:shy:

الكورة في ملعبكم .. وكلي شغف :telephone:

مادري الموضوع مكانه هني ولا في الاستراحة ؟؟:shy:

[خالـــــد]

وعلشان ما يخترب شريط الذكريات ويمر الموضوع من غير ردود

تذكري اني اول واحد رد على موضوج ههههههههه

تقبلي تحياتي والله يحفظ لج ولدج

[meme~qatar]

هههههههههه

تهقى مصيره من غير ردود ؟؟؟

يعني انت انقذته من الضياع هههههههه

حياك الله


يسلموا

[نــــظــــره]

هنا قفزت في بالي فكرة وضع مساحة للأطفال في منتدى الاسهم

حلو وانسمي القسم عصافير الشبكه

وانا وبنت النوخذه ناخذ الاشراف:p

تدرين بتصير شبكة الاسهم مملكه كل شي متوفر فيها

تسلمين ميمي قطر عل الموضوع والفكره المميزه

[عزيزوف]

هههههههههههههههههههههه

اخاف ولدج يعطيني باند :(

[ANONYMOUS]

لالا لا اتدخلون الاطفال الحين مش وقته

[بـــــــنت النوخـّــــذه]

هنا قفزت في بالي فكرة وضع مساحة للأطفال في منتدى الاسهم

حلو وانسمي القسم عصافير الشبكه

وانا وبنت النوخذه ناخذ الاشراف:p

تدرين بتصير شبكة الاسهم مملكه كل شي متوفر فيها

تسلمين ميمي قطر عل الموضوع والفكره المميزه


http://t2.gstatic.com/images?q=tbn:ANd9GcTMS3rl6rzDo2fmhzQjuhU9MLqwRy219 VC8LXR918I4DFjOH_93c5E9CDQ


ولو ان فيه احد الاعضاء طرح مره ان ينفتح قسم عن التعدد وامور الزواج وكان ودي امسك هالقسم انا وحجي اسعاف اهههههههه ,,,<< تحملو منها :whistling:

بس بعد فكره فتح اقسام أخرى خاصه وتخص فئه عمريه محدده فكره حلوه 00بس عاد تخيلي واحد من اليهال غلط ودخل الحوار العام وتم يشخبط بالمواضيع الجاده :p

وحضورج مميز اختي الغاليه مي مي وماشفنا منج الا كل خير واسلوب لبق محترم في التعبير يحترم الجميع والله يخلي لج عيالج

وللعلم نظره ماشاء الله عليها عندها خبره ب الاطفال وبرامجهم ^_* (وراج وراج )

والموضوع بالاول والاخير بيد الاداره

بالتوفيق للجميع ^_^:)

[Mohammed2]

ان شا الله دايما تكونين متواصله وتبدين آرائج وتتناقشين مع الاعضاء

كلنا نمضي اوقات حلوه في هذا المنتدى اللي اكثر من رائع والحمدلله الله لايغير علينا
وأتمنى الرقي الدائم وللأفضل ان شاء الله

وما شا اللهعليج تستحقين التميز وبمرتبة الشرف

والله يحفظ ولدج ويحفظ الجميع
اللهم آمين

[Locale]

المنتدى له لمسات حلوه في حياتنا

عن نفسي ادخل المنتدى علشان اعرف شاللي يصير فالدوحه
ماشوف الاخبار ولا اقرى جرايد علشان جذي مصدر الاخبار شبكة الاسهم


اخبر مره كنا صايميين
وحاطين تلفزيون قطر وتاخر الاذان
ورحنا الحوش ومانسمع لا اذان ولا اقامه
قلت حق اختي صبري بدش شبكة الاسهم في موضوع عن الاذان
وفعلا دشين وشفت موضوع حان الان موعد اذان بحسب توقيت الدوحه
قلت حق اختي افطري اذن من خمس دقايق
الله يجزيه الخير صاحب الموضوع

[نــــظــــره]

http://t2.gstatic.com/images?q=tbn:ANd9GcTMS3rl6rzDo2fmhzQjuhU9MLqwRy219 VC8LXR918I4DFjOH_93c5E9CDQ


ولو ان فيه احد الاعضاء طرح مره ان ينفتح قسم عن التعدد وامور الزواج وكان ودي امسك هالقسم انا وحجي اسعاف اهههههههه ,,,<< تحملو منها :whistling:

بس بعد فكره فتح اقسام أخرى خاصه وتخص فئه عمريه محدده فكره حلوه 00بس عاد تخيلي واحد من اليهال غلط ودخل الحوار العام وتم يشخبط بالمواضيع الجاده :p

وحضورج مميز اختي الغاليه مي مي وماشفنا منج الا كل خير واسلوب لبق محترم في التعبير يحترم الجميع والله يخلي لج عيالج

وللعلم نظره ماشاء الله عليها عندها خبره ب الاطفال وبرامجهم ^_* (وراج وراج )

والموضوع بالاول والاخير بيد الاداره

بالتوفيق للجميع ^_^:)


اههههههه حلوه يشخبط في العام

من وين يبتي ان عندي خبره بالاطفال وبرامجهم ليكون من الشمس الرائعه :shy:

ذكرتيني بمراكز التحفيظ يفتحون قسم لأطفال الحافظات كتاب الله الي تبي تحط اعيالها

وقت وجودها في المركز

فكرة اختي ميمي حلوه عجبتني وايد

ومثل ماقلتي الموضوع بالاول والاخير بيد الاداره

[نــــظــــره]

المنتدى له لمسات حلوه في حياتنا

عن نفسي ادخل المنتدى علشان اعرف شاللي يصير فالدوحه
ماشوف الاخبار ولا اقرى جرايد علشان جذي مصدر الاخبار شبكة الاسهم


اخبر مره كنا صايميين
وحاطين تلفزيون قطر وتاخر الاذان
ورحنا الحوش ومانسمع لا اذان ولا اقامه
قلت حق اختي صبري بدش شبكة الاسهم في موضوع عن الاذان
وفعلا دشين وشفت موضوع حان الان موعد اذان بحسب توقيت الدوحه
قلت حق اختي افطري اذن من خمس دقايق
الله يجزيه الخير صاحب الموضوع



فعلاً الله يجزيه خير صاحب الموضوع

صار إعتمادي الكلي على هالموضوع

أخر ورقه في التقويم بتاريخ 2

ربي يعطيه خير الدنيا والاخره

[meme~qatar]

هنا قفزت في بالي فكرة وضع مساحة للأطفال في منتدى الاسهم

حلو وانسمي القسم عصافير الشبكه

وانا وبنت النوخذه ناخذ الاشراف:p

تدرين بتصير شبكة الاسهم مملكه كل شي متوفر فيها

تسلمين ميمي قطر عل الموضوع والفكره المميزه


كملي الجمله اللي بالاحمر .. انا قلت بخلي ولدي هو المشرف :anger1:
بس هو متنازل فحلال عليج انتي والفسكرة

وهذا القصد ابي المنتدى منتدى شامل كل الفئات العمرية
وحبذا لو قسم للنساء فله :nice:

الله يسلمج وشكرا على مرورج الاميز

[meme~qatar]

هههههههههههههههههههههه

اخاف ولدج يعطيني باند :(

يمكن تستاهل ههههه

دوووووعابة

بكون انا مستشارته :tease:

[meme~qatar]

لالا لا اتدخلون الاطفال الحين مش وقته

ممكن تنورنا وتفهمنا ليش مش وقته ؟؟

ترى ماعندي سرعة بديهة

[meme~qatar]

http://t2.gstatic.com/images?q=tbn:ANd9GcTMS3rl6rzDo2fmhzQjuhU9MLqwRy219 VC8LXR918I4DFjOH_93c5E9CDQ


ولو ان فيه احد الاعضاء طرح مره ان ينفتح قسم عن التعدد وامور الزواج وكان ودي امسك هالقسم انا وحجي اسعاف اهههههههه ,,,<< تحملو منها :whistling:

بس بعد فكره فتح اقسام أخرى خاصه وتخص فئه عمريه محدده فكره حلوه 00بس عاد تخيلي واحد من اليهال غلط ودخل الحوار العام وتم يشخبط بالمواضيع الجاده :p

وحضورج مميز اختي الغاليه مي مي وماشفنا منج الا كل خير واسلوب لبق محترم في التعبير يحترم الجميع والله يخلي لج عيالج

وللعلم نظره ماشاء الله عليها عندها خبره ب الاطفال وبرامجهم ^_* (وراج وراج )

والموضوع بالاول والاخير بيد الاداره

بالتوفيق للجميع ^_^:)

لا بليييييييز الا هالقسم شباب وشياب المنتدى يدورون الشارة:secret:

ومن ناحية الشخابيط تطمني بنحط لهم نطاطية يتمون يناقزون لين يرقدون :victory:

شكرا ع الاطراء يالفسكرة ورفعتي معنوياتي :victory: واشكرج ع الدعوة وعقبال ماشوفج بالقفص بدون شريكة :tease:

ونظرة وين كانت خاشة هالمواهب ..خلاص بحاول اقنع ولدي يعينها مشرفة معاه <<< براااا

ادارة هل تسمعني حول

[meme~qatar]

ان شا الله دايما تكونين متواصله وتبدين آرائج وتتناقشين مع الاعضاء

كلنا نمضي اوقات حلوه في هذا المنتدى اللي اكثر من رائع والحمدلله الله لايغير علينا
وأتمنى الرقي الدائم وللأفضل ان شاء الله

وما شا اللهعليج تستحقين التميز وبمرتبة الشرف

والله يحفظ ولدج ويحفظ الجميع
اللهم آمين

امين
ماذكرت لحظاتك اخوي ولا سر ؟؟

والحمدلله اني استحق في نظركم

شكرا ع الدعوة

[Qtr95]

مازال منتدى شبكة الأسهم القطرية
يضمنا في كل وقت..

[الأصيلة]

فعلا ذكريات حلوة وعبقة يا meme~qatar..
أنا مثلا ما أتذكر أول يوم تسجيل لي
لكن كان بإصراري وحتى البريد الأكتروني خاص باخوي..
بس كنت مستانسة إني قدرت أسجل وبديت أشارك...
بس حلو سردك للذكريات والطواري الطيبة...
وحلوة فكرتك لـ مشاركة الأطفال...


بالتوفيق إن شاء الله...

[meme~qatar]

المنتدى له لمسات حلوه في حياتنا

عن نفسي ادخل المنتدى علشان اعرف شاللي يصير فالدوحه
ماشوف الاخبار ولا اقرى جرايد علشان جذي مصدر الاخبار شبكة الاسهم


اخبر مره كنا صايميين
وحاطين تلفزيون قطر وتاخر الاذان
ورحنا الحوش ومانسمع لا اذان ولا اقامه
قلت حق اختي صبري بدش شبكة الاسهم في موضوع عن الاذان
وفعلا دشين وشفت موضوع حان الان موعد اذان بحسب توقيت الدوحه
قلت حق اختي افطري اذن من خمس دقايق
الله يجزيه الخير صاحب الموضوع

فعلا مثل ماقلتي له لمسات في حياتنا

وفي كثير اخبار ماعرفها الا من المنتدى وانا على يقين ان الكثير من الاعضاء كذلك

والمثال اللي ذكرتيه اكثر من رائع .. لولا المنتدى كنتي ميته من الجوع هههههه


مشاركتج اسعدتني :)

[Qtr95]

اول ما شاركت اعتقد كان عمري 10 سنين او 9

[meme~qatar]

اههههههه حلوه يشخبط في العام

من وين يبتي ان عندي خبره بالاطفال وبرامجهم ليكون من الشمس الرائعه :shy:

ذكرتيني بمراكز التحفيظ يفتحون قسم لأطفال الحافظات كتاب الله الي تبي تحط اعيالها

وقت وجودها في المركز

فكرة اختي ميمي حلوه عجبتني وايد

ومثل ماقلتي الموضوع بالاول والاخير بيد الاداره

لا تتهربين عندج يعني عندج

وانا سعيدة ان الفكرة عجبتج

بس لا انتي ولا الفسكرة ذكرتوا ذكرياتكم المميزة مع المنتدى

والادارة اكيد سمعت

[meme~qatar]

فعلاً الله يجزيه خير صاحب الموضوع

صار إعتمادي الكلي على هالموضوع

أخر ورقه في التقويم بتاريخ 2

ربي يعطيه خير الدنيا والاخره


ذكرتيني الله يذكرج بالشهادة :shy:

جزاه الله عنا الف خير:nice:

[meme~qatar]

مازال منتدى شبكة الأسهم القطرية
يضمنا في كل وقت..

نعم

بس انا على ثقة ان لديك الكثير لقوله ولكن
ماعرف وش المانع؟

شكرا

[meme~qatar]

فعلا ذكريات حلوة وعبقة يا meme~qatar..
أنا مثلا ما أتذكر أول يوم تسجيل لي
لكن كان بإصراري وحتى البريد الأكتروني خاص باخوي..
بس كنت مستانسة إني قدرت أسجل وبديت أشارك...
بس حلو سردك للذكريات والطواري الطيبة...
وحلوة فكرتك لـ مشاركة الأطفال...


بالتوفيق إن شاء الله...

الحمدلله ذكريات طيبة
وانا بريد اختي
وعسى دوم السعادة
والله يعطيج طول العمر وتشاركين اكثر واكثر
حلت ايامج وشكرا لسردج لذكرياتج

واتمنى الفكرة تطبق في العاجل

سعيدة بمشاركتج

[meme~qatar]

اول ما شاركت اعتقد كان عمري 10 سنين او 9

حلو يعني تشجع الادارة لتخصيص مساحة للاطفال بما ان عمرك وقتها كان 10 سنوات :nice:

والحين تشجعني على طرح فكرة تخصيص مساحة للمراهقين :tease:

[Qtr95]

نعم

بس انا على ثقة ان لديك الكثير لقوله ولكن
ماعرف وش المانع؟

شكرا

حالتي النفسية ما تسمح لي..
عالعموم انا بنقطع عن المنتدى ..
لأني ابي ابحث عن بطل في قطر..:(

[Qtr95]

حلو يعني تشجع الادارة لتخصيص مساحة للاطفال بما ان عمرك وقتها كان 10 سنوات :nice:

والحين تشجعني على طرح فكرة تخصيص مساحة للمراهقين :tease:

مافي يهال مثلي مع الأسف ..
انا كنت رابي وحيد ..
ماعتقد ان اليهال يفكرون يدشون النت ..
اليهال هالسن يلعبون مع عيال الفريج
او هايتيين فالمجمعات :(
الفكرة مب زينة

[بـــــــنت النوخـّــــذه]

بس لا انتي ولا الفسكرة ذكرتوا ذكرياتكم المميزة مع المنتدى

والادارة اكيد سمعت

ايـــــــــــــــــــــــــــــــــ


نسيت اقول ذكرياتي

امممممممم اول مادخلت كنت مينونه اشوي اهههههههههه بس الحين عقلت وايد وايد وااااااااااااااااايد استويت اشوي ثقيله لدرجه وايد اعضاء قالو لي وايد تغيرتي اول كنتي احسن :p

بس بشكل عام بداياتي نفس نهاياتي ,,,<<< ترى حلو الاسم يكون لمسلسل :looking:

يعني هذا انا بنت النوخذه بس الي تغير اني اشوي زدت معيار الثقل ^_^ وذكرياتي نفسها بس

اللهم ان بعض الناس كانت لي ذكريات حلوه معاهم بس قاطعناهم هههههه لاسباب << اشدخل

بس بشكل عام مالي ذكريات لان وجودي فيه من فتره ليست بالطويله 00

وخلني اسكت لين اهنيه لان ان زدت الهذره بطلع بلاوي :nice:



اههههههه حلوه يشخبط في العام

من وين يبتي ان عندي خبره بالاطفال وبرامجهم ليكون من الشمس الرائعه :shy:





ايوه
ايوه :shy:

[أخت الغالي]

1* أذكر تسابق الأعضاء في اقتراح أحسن مستشفى في العالم لعلاج الوالدة .. الله يرحمها .. وكذلك الدعاء لها ..

أذكر أول مشاركه لي كآآنت في 2008 عن مستشفياات بآآنكووك بخصوص علاج لأبوي جعل مثواه الجنه ماقصروا الأعضاء
وأذكر العضوة هايدي والزعفراني عطوني تفاصيل أكثر عآلخآآص ووبعد عضوو ناسيته عطاني رقم برهـآن للسفارة القطريه فبانكوك
واذكر طلبت مآآء زمزم وعضوة اومشرفه أسمهـآ "روز" أرسلت مآآء زمزم لأبوي العام مع أني ماعرفها بس السايق ألتقى بولدهـآ
والعضوة ا"لجـوري" جزآهم الله كل خير ماأنسى موقفهم ...


عن نفسي ادخل المنتدى علشان اعرف شاللي يصير فالدوحه
ماشوف الاخبار ولا اقرى جرايد علشان جذي مصدر الاخبار شبكة الاسهم

ذكرت هنقطه بموضوع رأيكم بمنتدى الأسهم القطريه (:

[نــــظــــره]

كملي الجمله اللي بالاحمر .. انا قلت بخلي ولدي هو المشرف :anger1:
بس هو متنازل فحلال عليج انتي والفسكرة

وهذا القصد ابي المنتدى منتدى شامل كل الفئات العمرية
وحبذا لو قسم للنساء فله :nice:

الله يسلمج وشكرا على مرورج الاميز



ربي يحفظ ولدج وان شاء الله يارب يكبر ويستوي المدير العام في منتداه الخاص
أعتقد ايامهم باذن الله بتكون احلى وافضل من أيامنا





لا تتهربين عندج يعني عندج

وانا سعيدة ان الفكرة عجبتج

بس لا انتي ولا الفسكرة ذكرتوا ذكرياتكم المميزة مع المنتدى

والادارة اكيد سمعت


عندي خبره بسيطه في التعامل مع الاطفال بس لما اكون معاهم ف نفس المكان
انسي نظره مناصرة الشعوب وزعيمة الثورات العربيه... :looking: مشيها

أصير أطفل طفله :shy:

أما ذكرياتي في المنتدى الله يسامحج يا ميمي انتي اقري تاريخ تسجيلي
في المنتدى بتعرفين اذا لي ذكريات فيه او لا احنا الجيل الجديد
في شبكة الاسهم هالسؤال يتوجه للاجيال السابقه


ايـــــــــــــــــــــــــــــــــ


نسيت اقول ذكرياتي

امممممممم اول مادخلت كنت مينونه اشوي اهههههههههه بس الحين عقلت وايد وايد وااااااااااااااااايد استويت اشوي ثقيله لدرجه وايد اعضاء قالو لي وايد تغيرتي اول كنتي احسن :p

بس بشكل عام بداياتي نفس نهاياتي ,,,<<< ترى حلو الاسم يكون لمسلسل :looking:

يعني هذا انا بنت النوخذه بس الي تغير اني اشوي زدت معيار الثقل ^_^ وذكرياتي نفسها بس

اللهم ان بعض الناس كانت لي ذكريات حلوه معاهم بس قاطعناهم هههههه لاسباب << اشدخل

بس بشكل عام مالي ذكريات لان وجودي فيه من فتره ليست بالطويله 00

وخلني اسكت لين اهنيه لان ان زدت الهذره بطلع بلاوي :nice:



ايوه
ايوه :shy:


هههههههههههه ضحكتيني والله
ادري عندج كم هائل من الذكريات
يالله بوئي هالبحصه وطلعي الاكو والماكو

ولج مني البوم طائر النورس كامل وحصرياً :shy:

[intesar]

وأنا أسجل حضوري في موضوعج

[chillis]

تسلمين على الموضوع

[meme~qatar]

حالتي النفسية ما تسمح لي..
عالعموم انا بنقطع عن المنتدى ..
لأني ابي ابحث عن بطل في قطر..:(

:eek5::discuss::rolleyes2:

[meme~qatar]

مافي يهال مثلي مع الأسف ..
انا كنت رابي وحيد ..
ماعتقد ان اليهال يفكرون يدشون النت ..
اليهال هالسن يلعبون مع عيال الفريج
او هايتيين فالمجمعات :(
الفكرة مب زينة

بالعكس اليهال يدشون النت بس مواقع مخصصة لهم
ولا تقول وحيد ترى كل المنتدى اخوانك :nice:

[meme~qatar]

ايـــــــــــــــــــــــــــــــــ


نسيت اقول ذكرياتي

امممممممم اول مادخلت كنت مينونه اشوي اهههههههههه بس الحين عقلت وايد وايد وااااااااااااااااايد استويت اشوي ثقيله لدرجه وايد اعضاء قالو لي وايد تغيرتي اول كنتي احسن :p

بس بشكل عام بداياتي نفس نهاياتي ,,,<<< ترى حلو الاسم يكون لمسلسل :looking:

يعني هذا انا بنت النوخذه بس الي تغير اني اشوي زدت معيار الثقل ^_^ وذكرياتي نفسها بس

اللهم ان بعض الناس كانت لي ذكريات حلوه معاهم بس قاطعناهم هههههه لاسباب << اشدخل

بس بشكل عام مالي ذكريات لان وجودي فيه من فتره ليست بالطويله 00

وخلني اسكت لين اهنيه لان ان زدت الهذره بطلع بلاوي :nice:





ايوه
ايوه :shy:

بنت النوخذة اذكر بداياتج لانها بنفس فترة بداياتي وفعلا كنت مجنونه نفس جنوني

بخصوص اسم المسلسل بتحصلين الكاتب الحين يكتب القصة وعقب رمضان الممثلين يمثلونها ورمضان اللي عقبه يعرضونه خخخخخخخخ << هذي بحد ذاتها قصة

اتمنى تطلعين البلاوي :tease: اثراءا للموضوع :omen2:

[meme~qatar]

1* أذكر تسابق الأعضاء في اقتراح أحسن مستشفى في العالم لعلاج الوالدة .. الله يرحمها .. وكذلك الدعاء لها ..

أذكر أول مشاركه لي كآآنت في 2008 عن مستشفياات بآآنكووك بخصوص علاج لأبوي جعل مثواه الجنه ماقصروا الأعضاء
وأذكر العضوة هايدي والزعفراني عطوني تفاصيل أكثر عآلخآآص ووبعد عضوو ناسيته عطاني رقم برهـآن للسفارة القطريه فبانكوك
واذكر طلبت مآآء زمزم وعضوة اومشرفه أسمهـآ "روز" أرسلت مآآء زمزم لأبوي العام مع أني ماعرفها بس السايق ألتقى بولدهـآ
والعضوة ا"لجـوري" جزآهم الله كل خير ماأنسى موقفهم ...


عن نفسي ادخل المنتدى علشان اعرف شاللي يصير فالدوحه
ماشوف الاخبار ولا اقرى جرايد علشان جذي مصدر الاخبار شبكة الاسهم

ذكرت هنقطه بموضوع رأيكم بمنتدى الأسهم القطريه (:

يستاهلون ذكرهم .. اهل فزعة واهل واجب .. الاحظ في المنتدى اقلام .. وقلوب .. وقول مع فعل

اشكرج لسرد هذي الذكرى الطيبة ومشاركتنا بها
والنقطة الاخيرة سيم سيم

شرفتيني

[بوخالد911]

هذا المنتدى يمثل الشيء الكثير والكبير لي شخصيا

والله يحفظ اعضائه الكرام


تحياتي قبل ان تجف كلماتي

[meme~qatar]

ربي يحفظ ولدج وان شاء الله يارب يكبر ويستوي المدير العام في منتداه الخاص
أعتقد ايامهم باذن الله بتكون احلى وافضل من أيامنا




عندي خبره بسيطه في التعامل مع الاطفال بس لما اكون معاهم ف نفس المكان
انسي نظره مناصرة الشعوب وزعيمة الثورات العربيه... :looking: مشيها

أصير أطفل طفله :shy:

أما ذكرياتي في المنتدى الله يسامحج يا ميمي انتي اقري تاريخ تسجيلي
في المنتدى بتعرفين اذا لي ذكريات فيه او لا احنا الجيل الجديد
في شبكة الاسهم هالسؤال يتوجه للاجيال السابقه



هههههههههههه ضحكتيني والله
ادري عندج كم هائل من الذكريات
يالله بوئي هالبحصه وطلعي الاكو والماكو

ولج مني البوم طائر النورس كامل وحصرياً :shy:

عسى الله يتقبل دعاتج
الله اعلم بأيامهم الله يحفظهم ويسعدهم في حياتهم

والانسان مهما بلغ من العمر بلحظات يصير طفل حزة الحزة

ان شاء الله تكبرين ويصير عندج ذكريات يالطفلة

[meme~qatar]

وأنا أسجل حضوري في موضوعج

حياج الله
بس انا موضوعي بالبصمة مب تسجيل حضور:omen2:

القصد حطي بصمتج في الموضوع وشاركينا الذكريات :victory:

شرفتينا

[meme~qatar]

تسلمين على الموضوع

لو سمحتي البصمة :discuss:

حياج:shy:

[meme~qatar]

هذا المنتدى يمثل الشيء الكثير والكبير لي شخصيا

والله يحفظ اعضائه الكرام


تحياتي قبل ان تجف كلماتي
ممكن تقول جزء من هالشي الكبير قبل ان تجف كلماتك

امين

في الانتظار

[pinky-qtr]

|| الله يحفظ لج ولدج ان شاء الله ||

هالمنتدى مميز - بالنسبه لي - وما أقدر استغنى عنه لو انه فيه ناس تبط جبدي شوي مع مواضيعها ولكن شنسوي نتعايش معاهم ..

|| يعطيج العافيه خيتي وان شاء الله نكمل ١٠٠ سنه معاهم ويفتحون قسم سوالف العيايز وندخل فيه ||

[meme~qatar]

|| الله يحفظ لج ولدج ان شاء الله ||

هالمنتدى مميز - بالنسبه لي - وما أقدر استغنى عنه لو انه فيه ناس تبط جبدي شوي مع مواضيعها ولكن شنسوي نتعايش معاهم ..

|| يعطيج العافيه خيتي وان شاء الله نكمل ١٠٠ سنه معاهم ويفتحون قسم سوالف العيايز وندخل فيه ||

امين

يمكن سر تميز المنتدى هو اختلاف الاراء واختلاف اذواق الاعضاء مم يسبب نقاشات حادة احيانا :nice:

الله يعافيج

مابي اكمل 100 سنه يمكن حتى اصابعنا ماتساعدنا نستخدم الكيبورد حزتها :tease:

[pinky-qtr]

امين

يمكن سر تميز المنتدى هو اختلاف الاراء واختلاف اذواق الاعضاء مم يسبب نقاشات حادة احيانا :nice:

الله يعافيج

مابي اكمل 100 سنه يمكن حتى اصابعنا ماتساعدنا نستخدم الكيبورد حزتها :tease:


ما عليج الصينين مب مقصرين بيخترعون لنا إختراع ... :tease:

[شيط ويط]

الظاهر أول عهد لج مع عالم المنتديات كان منتدى شبكة الأسهم

[qtr qtr]

ان شاءالله راح يدرسون الموضوع

[رحال]

بكل صراحة وفخر ..

منتدانا بيئة جذابة للكتابة والقراءة ، فالمواقع الجادة

كالمجالس الراقية ، لذا يعجبني في منتدانا رتمه البطيء

حيث تأخذ المواضيع حقها في التواجد ، والحمد لله الكل

يحترم الثاني وان كنا نكتب بأسماء مستعارة ..

لولا وجود أقلام مميزة وذات مبادىء وأخلاق ومصداقية

لما أستطاع هذا المنتدى أن يأخذ المرتبة الأولى

على الرغم من أن في قطر أربع جرايد أستطاع منتدانا

أن يأخذ مكانته ويتفوق عليهم وأصبح نقلة نوعية

في عالم الأخبار والنقاش الجاد فتحية للقائمين عليه :nice:

أخيرا :

رغم انقطاعك عن المنتدى وقلة مشاركاتك ولكن نتمنى

أن لا تحرمينا من نبع حروفك ونبض خطراتك ونريدها

في مواضيعك لأنها أهل لذلك .. وتقبلي تحياتي

[بوحارب]

ولاتنسي بعد تعلمتي الكرك من واحد نكه بوحارب هههههه

موضوع حلو موفقه مييمي

[meme~qatar]

ما عليج الصينين مب مقصرين بيخترعون لنا إختراع ... :tease:
اتوقع بيخترعون جهاز يتحرك بنظرة العين
يعني لي بغيتي تسكرين الجهاز غمضي
واذا بغيتي تشغلينه بطلي عيونج
واذا بغيتي ريستارت اغمزي
وهكزااا خخخخخخ

شكلي طلعت برة موضوعي :rolleyes2:

[meme~qatar]

الظاهر أول عهد لج مع عالم المنتديات كان منتدى شبكة الأسهم

هههههههههههههه
لا.. كنت مدمنة منتدى نسائي كان اول منتدى ادخله

والاسهم القطريه هو الثاني :tease:

[meme~qatar]

ان شاءالله راح يدرسون الموضوع

الله يسمع منك:nice:

[meme~qatar]

بكل صراحة وفخر ..

منتدانا بيئة جذابة للكتابة والقراءة ، فالمواقع الجادة

كالمجالس الراقية ، لذا يعجبني في منتدانا رتمه البطيء

حيث تأخذ المواضيع حقها في التواجد ، والحمد لله الكل

يحترم الثاني وان كنا نكتب بأسماء مستعارة ..

لولا وجود أقلام مميزة وذات مبادىء وأخلاق ومصداقية

لما أستطاع هذا المنتدى أن يأخذ المرتبة الأولى

على الرغم من أن في قطر أربع جرايد أستطاع منتدانا

أن يأخذ مكانته ويتفوق عليهم وأصبح نقلة نوعية

في عالم الأخبار والنقاش الجاد فتحية للقائمين عليه :nice:

أخيرا :

رغم انقطاعك عن المنتدى وقلة مشاركاتك ولكن نتمنى

أن لا تحرمينا من نبع حروفك ونبض خطراتك ونريدها

في مواضيعك لأنها أهل لذلك .. وتقبلي تحياتي

ذكرت نقطة الاقلام المميزة في المنتدى
احييك عليها لان المنتدى يُقيم بحسب اعضاءة وفكر اعضاءه
والحمدلله كل عضو يحترم الاخر رغم اختلاف الاراء

ولاحظ ان الجرائد ايضا اصبحت تنقل مواضيع المنتدى وهذا يعني ان المنتدى يعتبر من اهم وسائل الاعلام في قطر

وانما الاعمال بالنيات .. ونية مؤسس المنتدى كانت لوجه الله .. فاصبح المنتدى من المنتديات اللتي لها سمعة في العالم العربي :nice:

واخيرا

اتمنى اكون عند حسن ظنك وظن الاعضاء


وتقبل شكري على المرور الرائع

[meme~qatar]

ولاتنسي بعد تعلمتي الكرك من واحد نكه بوحارب هههههه

موضوع حلو موفقه مييمي

ههههههههههههه

نعم تعلمت منك احد طرق عمل الكرك
لاني اعرف ثلاث طرق واطبق حسب المزاج :rolleyes2: <<< رجعنا للمزاج

شكرا على المجاملة

بس لا انت ولا اللي قبلك شاركتونا الذكريات :eek5: <<< احس بتطلع علوم :telephone: