|| ايــتــــيــــكـيـــــت الـــكـــلام ||

[pinky-qtr]

|| السلام عليكم ||

بما أنه كثرت مواضيع التوعيه والدروس النظريه فالمنتدى عن فن الكلام واحترام الطرف الأخر ـ متابعه مع قله مشاركات ـ
حبيت انقل لكم هالموضوع مع لمساتي السحريه فيه طبعا .. بما اني من الناس اللي ما احب انقل مواضيع ـ هاي سبب قله مشاركاتي ـ


طريقة الكلام تعبير عن شخصية و ثقافة وتربيه الشخص وصحيح الكل عنده اسم مستعار يمثل جزء من شخصيته وبما ان الكل يتكلم من ورا شاشه وكيبورد الا انه نص شخصيته تنعكس عن طريق تعامله من الاعضاء وحبهم واحترامهم له ..


|| مثال حي ||

يروى أن أحد الاشخاص حلم ذات يوم بأن أسنانه كلها تساقطت فانزعج ، وطلب مفسرا للاحلام! فقال له المفسر ( ان جميع أقربائك يموتون قبلك ),
فتشاءم الرجل, ثم أحضر مفسرا أخر فقال نفس القول فزاد تشاؤومه,

حتى جاء الثالث وكان ابن سيرين, فقال ( انك ستكون أطول أقربائك عمرا ان شاء الله تعالى ), فأحسن اليه بجائزة مع العلم أن مضمون الاراء الثلاثة واحد.


فيه موقف صار لي من فتره, كان عندي موضوع شوي صعب اني اقنع صديقتي فيه .. فشاورت مع وحده بريطانيه تعطي دورات في الشخصيه وتطويرها .. كانت جايه تعطي كورس في مجال شغلي .. فقلت لها عندي موضوع كذا وكذا شاسوي .. ؟؟

قالت لي : Play with words

من ذاك اليوم وانا كل ما وقف علي موضوع i play with words as much as possible

مش حالك حالك يمشي .. :)


|| STOP ||


Q:هل تعتبرون ان الشخص اللي يلعب بالكلمات لتوصيل المعلومه مراوغ ؟؟

Q: الشخص اللي ما عنده أسلوب لتوصيل الكلام تحبون تتكلمون معاه؟ واذا ما عجبكم أسلوبه , شنهي الطريقه اللي تقولون له فيها ـ (خف علينا)؟؟

[بـــــــنت النوخـّــــذه]

توني انتبه للموضوع :discuss:

اولا" : احب احييج على اسلوبج اللبق بالكتابه وعرض المقال 000

ثانيا" : انا اؤمن بالجمله هذه : الكتاب يبين من عنوانه. ف من بدايه الموضوع بتعرفين خلفيه وعلقيه الشخص 00 وبما ان احنا بمنتدى بتكلم عن المواضيع المناقشه والكلام ممكن يكون مناسب للمناقشه العاديه خارج المنتدى
وتعبيري في موضوعج تعبير شخصي ووجهة نظر شخصيه ^_____^ ويسعدني ااكون اول المعبرين اههههه<<حلوه معبرين


بالنسبه لسؤالج عزيزتي:
q:هل تعتبرون ان الشخص اللي يلعب بالكلمات لتوصيل المعلومه مراوغ ؟؟

مافهمت المقصد هل تقصدين ان يحاول توصيل فكرته للطرف الاخر أذا كانت مواضيعه متناقضه مع شخصيته او تخالف توجهات المجتمع او غير منطقيه الطرح او او 000الخ , ويطرح نقده او مداخلته باسلوب محترم ولكن بين طيات الاسطر نغزه او نقد بناء بطريقه محترمه واللبيب بالاشاره يفهم 00اذا هذا المقصد انا احيانا اتبع هذا الاسلوب بس المشكله عاد هل الطرف الاخر يفهم معنى التوجيه الذي يكون لصالحه !!!!


اما اذا كنت تقصدين مراوغه غير شريفه امممممم هذا المبدأ مرفوض:omen2:

q: الشخص اللي ما عنده أسلوب لتوصيل الكلام تحبون تتكلمون معاه؟ واذا ما عجبكم أسلوبه , شنهي الطريقه اللي تقولون له فيها ـ (خف علينا)؟؟
لا الله يسلمج السالفه مهب سالفه انحب نتكلم وطول صفحات مواضيعهم
بقولج ملاحظتي ولو اتلاحظين بتحصلين كلامي صح 00احيانا شخص يفتح موضوع وهالومضوع لايمت للمنطق والعقلانيه شئ او ربما الموضوع متناقض مع الطارح للموضوع فستجدين القارئ او بما ان احنا نتكلم عن منتدى ستجدين الاغلب يحول الموضوع لمحادثه (ترفيهيه) اههههههههههههه لان اساسا" صاحب المقال من وضع مقاله بهذا الموقف لعدم منطقيته مع الجميع ف تكثر الردود والمداخلات لان تحول الموضوع لموضوع ترفيهي يجذب الجميع لاحتواءه على نكت ومداخلات مضحكه وتعبيرات و000الخ هذا السبب الاساسي وليس كثره المداخلات لاهميه الموضوع ومدى فعاليه بالمجتمع :)
طبعا" هالطريقه مرفوضه ولكن ياترى من السبب في تحويل الموضوع من (الاساس) لهذه الطريقه 00

بالنسبه اذا ماعجبنا اسلوبه :

يا اقف عن المداخله 00او نستحمله ونبلعه اههههههههه لان لاتنسين ان البشر مختلفين ومانقدر انخليهم كلهم بعقل واحد واسلوب واحد 00بس الاهم ان الشخص او صاحب الموضوع يدرك ان موضوعه غير مرغوب ويجب ان يحترم المشاهدين اقصد الاعضاء 00

وشكرا"
:)

[بو خليفه 123]

احس ان تصفيف الكلام ياتي بالفطره و ليس بالتدريب والمراوغه .. فالمراوغ بالنهايه ينكشف

اما مصفف الكلام من القلب سهل الاقتناع بكلامه و بالعاده تكون له شخصيه قياديه و محبوبه ..

و ايضاً حبك للشخص او اعجابك بشخصيته يلعب دور , قد تتوهم ان كلامه جميل و مصفف و لكن قد يرى الآخرون انه "يقرقر" على الفاضي .. :tease:


اعطيك مثال آخر عن تصفيف الكلام بالارتباط مع نظرة الشخص التشاؤميه او العكس

Half glass of water
Would be considered as half full , or half empty ?


لي عوده

[شبح الصمت]

الله يعطـيج العافيه أختي pinky

موضوع جميل ولكن يجب الرد عليه بتأني ,,

Q:هل تعتبرون ان الشخص اللي يلعب بالكلمات لتوصيل المعلومه مراوغ ؟؟

امممم
مراوغ عن مراوغ يفرق ..

في مراوغ يحب أنه ياخذ افكار من عقول البشر الي راح يجاوب عشان يستفيد أهو والباقيين يستفيدون من ردوده ..
فيكون ملم بالافكار ولكن يود أن ياخذ افكار وامثله ومواضيع تكون لها فائده في حياته ,,

وفي مراوغ يحب أنه يستـفز الشخص ويخليه يقول الي بخاطره وهالشيء غير صحيح لانه الاستفزاز ليس جميل في كل الحالات أن توصل شخص لهدرجة الضغط عليـه من خلال كلمات يحس أنك تقصدها فيها ..


Q: الشخص اللي ما عنده أسلوب لتوصيل الكلام تحبون تتكلمون معاه؟ واذا ما عجبكم أسلوبه , شنهي الطريقه اللي تقولون له فيها ـ (خف علينا)؟؟[/CENTER][/B][/SIZE][/COLOR][/FONT][/QUOTE]


طبعا أنا ما أحب الانسان الي ما عنده أسلوب والجــاف .. لانه كلنا عيال قريه وكلن يعرف أخيـه .. يعني لا تقط علي حجر وانت بابك من زجاج أو لا تقولي كلام وانت تسويه أو لا تسوي فعل وتقول للناس أنتوا غلـط وعندي أنا صــح ..

ونقول لـه أتق الله في نفسـك

لانه تقمص دور البراءه على شخصيـتك مردها تنفضـح وتنفضـح بأسرع وقت ومن أقل كلمة ومن أقل جمــله أو سطر ..


والله يجعلنا ممن يحسنون الظـن فيهم ولا يجعلنا ممن يدعون عليـهم وأنما يدعون لهم بالهدايه والمغفرة ..


وتحياتي لصاحبة الموضوع ..

[pinky-qtr]

توني انتبه للموضوع :discuss:

اولا" : احب احييج على اسلوبج اللبق بالكتابه وعرض المقال 000

ثانيا" : انا اؤمن بالجمله هذه : الكتاب يبين من عنوانه. ف من بدايه الموضوع بتعرفين خلفيه وعلقيه الشخص 00 وبما ان احنا بمنتدى بتكلم عن المواضيع المناقشه والكلام ممكن يكون مناسب للمناقشه العاديه خارج المنتدى
وتعبيري في موضوعج تعبير شخصي ووجهة نظر شخصيه ^_____^ ويسعدني ااكون اول المعبرين اههههه<<حلوه معبرين


بالنسبه لسؤالج عزيزتي:
q:هل تعتبرون ان الشخص اللي يلعب بالكلمات لتوصيل المعلومه مراوغ ؟؟

مافهمت المقصد هل تقصدين ان يحاول توصيل فكرته للطرف الاخر أذا كانت مواضيعه متناقضه مع شخصيته او تخالف توجهات المجتمع او غير منطقيه الطرح او او 000الخ , ويطرح نقده او مداخلته باسلوب محترم ولكن بين طيات الاسطر نغزه او نقد بناء بطريقه محترمه واللبيب بالاشاره يفهم 00اذا هذا المقصد انا احيانا اتبع هذا الاسلوب بس المشكله عاد هل الطرف الاخر يفهم معنى التوجيه الذي يكون لصالحه !!!!


اما اذا كنت تقصدين مراوغه غير شريفه امممممم هذا المبدأ مرفوض:omen2:

q: الشخص اللي ما عنده أسلوب لتوصيل الكلام تحبون تتكلمون معاه؟ واذا ما عجبكم أسلوبه , شنهي الطريقه اللي تقولون له فيها ـ (خف علينا)؟؟
لا الله يسلمج السالفه مهب سالفه انحب نتكلم وطول صفحات مواضيعهم
بقولج ملاحظتي ولو اتلاحظين بتحصلين كلامي صح 00احيانا شخص يفتح موضوع وهالومضوع لايمت للمنطق والعقلانيه شئ او ربما الموضوع متناقض مع الطارح للموضوع فستجدين القارئ او بما ان احنا نتكلم عن منتدى ستجدين الاغلب يحول الموضوع لمحادثه (ترفيهيه) اههههههههههههه لان اساسا" صاحب المقال من وضع مقاله بهذا الموقف لعدم منطقيته مع الجميع ف تكثر الردود والمداخلات لان تحول الموضوع لموضوع ترفيهي يجذب الجميع لاحتواءه على نكت ومداخلات مضحكه وتعبيرات و000الخ هذا السبب الاساسي وليس كثره المداخلات لاهميه الموضوع ومدى فعاليه بالمجتمع :)
طبعا" هالطريقه مرفوضه ولكن ياترى من السبب في تحويل الموضوع من (الاساس) لهذه الطريقه 00

بالنسبه اذا ماعجبنا اسلوبه :

يا اقف عن المداخله 00او نستحمله ونبلعه اههههههههه لان لاتنسين ان البشر مختلفين ومانقدر انخليهم كلهم بعقل واحد واسلوب واحد 00بس الاهم ان الشخص او صاحب الموضوع يدرك ان موضوعه غير مرغوب ويجب ان يحترم المشاهدين اقصد الاعضاء 00

وشكرا"
:)

يشرفني تكونين أول المعبرين <3
وتسلمين ع الإثراء || ع راسي والله ||

بالنسبه للسوال الأول اقصد صاحب ||Double Character || اللي جبتي انتي مثال عنه يكتب موضوع مخالف لشخصه .. بما انا احنا من اللي يحوسون وايد فالمنتدى تلقينه في موضوع ثاني مناقض عمره وجايب العيد ..
*
السوال الثاني : قلتي اللي في خاطري وزياده - المشكله ان البعض يفكر ان كثره الدوس ع موضوعه شي حلو ولا يشوف مضمون الردود ويستانسسسسسسسسسسسسسسس .. مشكله لو فيه عقليات تكتب في هالمنتدى بهالمستوى للاسف..

أشكرج ع الرد المميز حبوبه .. ولا تحرمينا طلتج في مواضيعي .. :shy:

[pinky-qtr]

احس ان تصفيف الكلام ياتي بالفطره و ليس بالتدريب والمراوغه .. فالمراوغ بالنهايه ينكشف

اما مصفف الكلام من القلب سهل الاقتناع بكلامه و بالعاده تكون له شخصيه قياديه و محبوبه ..

و ايضاً حبك للشخص او اعجابك بشخصيته يلعب دور , قد تتوهم ان كلامه جميل و مصفف و لكن قد يرى الآخرون انه "يقرقر" على الفاضي .. :tease:


اعطيك مثال آخر عن تصفيف الكلام بالارتباط مع نظرة الشخص التشاؤميه او العكس

Half glass of water
Would be considered as half full , or half empty ?


لي عوده


Half glass of water
Would be considered as half full , or half empty ?

i think we should teach our selves to see the bright side of life

لكن للاسف الناس دايما تشوف الجانب الفاضي ..

المراوغ عيونه تلقاها تتلاقط واهو يرواغ لك بالكلام .. لكن اللي يصف لك الكلام تلقاه مرتاح واهو يتكلم .. ونص الكلام يكون طالع من قلبه وما يفكر فيه وايد .. << اشفيه طارق حبيب

اشكرك ع المشاركه الطيبه بوخليفه عساك ع القوه :)

[ورقة غار]

موضوعج جميل اختي ..

صديقاتي كانوا دايما يزعلون مني يقولون ياورقة غار ندري انج تبين مصلحتنه وانتي اكثر وحده تقولين الصج ف ويهنه بدون مجاملات لكن اسلوبج يبط الجبد حطي بلسم على الكلام !!
كله تفشلينه:weeping:

انا حاولت لكن حزة الحزه ماعرف يطلع الكلام عفوي وماعندي قدره اني اجمله :shy:

[FCB 123]

وأحسن ناس تراوغ بالكلام والكتابة

هم البنوك والشركات


بالتوفيق للجميع إن شاءالله

[bentalgala]

اختي pinky اهنيج على الطرح المشوق جداً

أعجبني نصيحه الاجنبيه جداً .. وأعجبني اكثر اسلوب ابن سيرين رحمه الله في توصيل المعلومه لصاحبها ولكن بطريقه جميله تعكس الوجه اللي ينظر اليه من المواضيع .. يعني يرى النصف المملوء ( أطول عمر بين اقربائك ) ويترك النصف الفارغ ( ستموت قبل اقربائك جميعا )

بالنسبة للسؤال الاول .. يعجبني المراوغة في بعض الامور التي تحتاج مراوغه .. واتمنى اني اعرف استعمل هذا الاسلوب لتوصيل بعض المعلومات بشكل افضل .. ولكن من عادتي احب الصراحة واللي ( يخلص علي ) ويقول اللي عنده على طول .. ولكني هي بشكل عام جميله في وقتها مثل اغلب الاشياء حولينا

اما السؤال الثاني .. فعلا في أشخاص يفتقرون للأسلوب بحيث ان الواحد ما يفهم عليهم في اغلب الاحيان ومثل هذا الشخص يزعجني .. وما اصبر بسرعه على اسلوبه .. ممكن أحاول أساعده لتوصيل المعلومه بشكل افضل عشان يريحني ويرتاح

اتمنى اني فهمت الاسئله وجاويت عليها باسلوب وواضح =)

وشكرا مره اخرى لأنك جعلتي لوقتي ثمره من خلال الطرح المميز

من المواضيع اللي تعجبني لانها تذكر ( الزبدة ) بدون إسهاب

[pinky-qtr]

شبح الصمت: مادري شسالفه لما اسوي اقباس ع كلامك يطلع مخربط .. عموما هاي الرد لك ...

أشكرك ع الرد - والمشاركه -

|| Double Charter|| موجودين في كل حياتنا ... البراءه هاي سوالف اليهال وبعد نستنقدها عليهم << انا يبطون جبدي صراحه , عيل شلون الكبار << كـــــــــــــف ع طول بدون تفكير

اللهم آمين .. وتسلم أقين

[بو خليفه 123]

السالفه فيها كفوف


< متابع من البلكونه

[pinky-qtr]

موضوعج جميل اختي ..

صديقاتي كانوا دايما يزعلون مني يقولون ياورقة غار ندري انج تبين مصلحتنه وانتي اكثر وحده تقولين الصج ف ويهنه بدون مجاملات لكن اسلوبج يبط الجبد حطي بلسم على الكلام !!
كله تفشلينه:weeping:

انا حاولت لكن حزة الحزه ماعرف يطلع الكلام عفوي وماعندي قدره اني اجمله :shy:

|| تسلمين ع الرد اختي ||

بس صج انا من الناس اللي ما اتقبل الكلام اللي مب مجمل - شوي صعب اتقبله حتى لو كان صح - واذا كان الله يسلمج الشخص بعد ما ينزل لي من زور وشيطاني شوي نشيط || اناااااااااااااحس :tease: ||

وتدرين حزات هالاسلوب يخسرج ناس يعزون عليج للاسف وان شاء الله انج ما وصلتي هالمرحله ولا توصلينها - Do ur best to change

[pinky-qtr]

وأحسن ناس تراوغ بالكلام والكتابة

هم البنوك والشركات


بالتوفيق للجميع إن شاءالله

<< شكلك وايد تعاني من البنوك

تسلم اخوي ع المشاركه .. ويعطيك الف عافيه ..

البنوك ع الاقل تراوغ لها فايده عاد لين جاك شخص ماله فايده فالمرواغه ليششششششششششششششششش يراوغ ؟؟؟

[pinky-qtr]

اختي pinky اهنيج على الطرح المشوق جداً

أعجبني نصيحه الاجنبيه جداً .. وأعجبني اكثر اسلوب ابن سيرين رحمه الله في توصيل المعلومه لصاحبها ولكن بطريقه جميله تعكس الوجه اللي ينظر اليه من المواضيع .. يعني يرى النصف المملوء ( أطول عمر بين اقربائك ) ويترك النصف الفارغ ( ستموت قبل اقربائك جميعا )

بالنسبة للسؤال الاول .. يعجبني المراوغة في بعض الامور التي تحتاج مراوغه .. واتمنى اني اعرف استعمل هذا الاسلوب لتوصيل بعض المعلومات بشكل افضل .. ولكن من عادتي احب الصراحة واللي ( يخلص علي ) ويقول اللي عنده على طول .. ولكني هي بشكل عام جميله في وقتها مثل اغلب الاشياء حولينا

اما السؤال الثاني .. فعلا في أشخاص يفتقرون للأسلوب بحيث ان الواحد ما يفهم عليهم في اغلب الاحيان ومثل هذا الشخص يزعجني .. وما اصبر بسرعه على اسلوبه .. ممكن أحاول أساعده لتوصيل المعلومه بشكل افضل عشان يريحني ويرتاح

اتمنى اني فهمت الاسئله وجاويت عليها باسلوب وواضح =)

وشكرا مره اخرى لأنك جعلتي لوقتي ثمره من خلال الطرح المميز

من المواضيع اللي تعجبني لانها تذكر ( الزبدة ) بدون إسهاب

|| المميز حضورج فالموضوع ومشاركتج :shy:||

اضفتي من قليل كثير Appreciate ur participation

الصراحه زينه << بس ناس وايد ما يحبونها خاصه اذا كانت باسلوب الله بالخير يعتبرونها شي ثاني غير انها صراحه

الناس اللي يفتقرون الأسلوب بالنسبه لي صعب صعب صعب اتعامل معاهم لان They think in the box only
تخافين تتكلمين ويفهمونج غلط فالسكوت أفضل بالنسبه لهالشريحه من الناس..

فهمتي الأساله وما قصرتي ع الإجابات ..

وأتمني دايما القى من وقتج ثمره :) لان تعجبني المشاركات المميزه والمفيده ..
:)

[pinky-qtr]

السالفه فيها كفوف


< متابع من البلكونه

أخاف من كثر ما اتابع الموضوع تطب من القهر لأن اكيد صادفوك هالاشكال يابوخليفه ...

[بـــــــنت النوخـّــــذه]

|| تسلمين ع الرد اختي ||

بس صج انا من الناس اللي ما اتقبل الكلام اللي مب مجمل - شوي صعب اتقبله حتى لو كان صح - واذا كان الله يسلمج الشخص بعد ما ينزل لي من زور وشيطاني شوي نشيط || اناااااااااااااحس :tease: ||

وتدرين حزات هالاسلوب يخسرج ناس يعزون عليج للاسف وان شاء الله انج ما وصلتي هالمرحله ولا توصلينها - Do ur best to change

ذكرتيني ببداياتي الفنيه بالمنتدى كنت احصل نقد وساعات اتهاوش اهههه وكنت اعصب واشتط لكن بعد فتره رجعت لقواي العقليه قلت اشوله احرق اعصابي على شي بضربه زر ينطفي 00 لكن الحين اتبع اسلوب الهدوووووووووووووووووء بالرد والروقان :cool:<< اهم شيئ الروقان حتى لو كان الشخص مستفز ليّ00 عادي عادي الاهم اني فارضه احترامي على الكل 00 واحترمهم
والسموحه اختي على المداخله الثانيه شكلي بارقد اهنيه :nice:

[ورقة غار]

بحـــــاول:shy:

[chillis]

المرواغه هي اضهار الوجه الثاني عندما يتطلب اضهار الوجه الاول((الحقيقي)) باسلوب رائع
لايتقنه الأ اولو افكار واسعة النطاق واصحاب خيال متسع..يستخدمون ذلك الاسلوب لطمس الحقيقه بغلاف وهمي وعند تعمقك بالنظر اليه لكي ترا الحقيقه اذا بعينيك تصاب بغشاء وقد يشبه غشاء السراب

وانا اشوف المراوغه فن احيانا يتقنونه بعض الاشخاص للوصول لفكر الشخص الي قدامهم
والبعض الاخر يستخدمه لغرض كريهه غايه في نفسه او للتهرب من الاجابه على سؤال ما اما بالنسبه للشخص الي ماعنده اسلوب بعض الاشخاص هذا طبعهم ماعندهم اسلوب بالكلام عن نفسي احاول احط حد مع الي ماعنده اسلوب

[بـوعـبـدالله]

مشكورة اختي على الطرح الجميل

وفعلا موضوع مهم ومميز وليش يسمى مرواغه ليش مانقول فن في الكلام

وانا اشوف انه في بعض الاحيان الواحد يحتاج انه يكون عنده فن في الكلام واهم شي انه يوصل المضمون
فاذا كان كلامك مهم الاهم طريقة القائك له .. المهم اني اوصل المعلومة باسلوب جميل وحلو .

مثلا لو جاني واحد وفيه طبع مايعجبني .. ليش اقوله ياخي انت ماتفهم كم مره قلت لك لا تسوي جذي .. ولا الافضل اني ادور الوقت المناسب الي يضحك فيه معاي واقوله تصدق انك تعز علي وايد بس لما تسوي هالشي تزعلني منك .

بالعكس انا اشوف هذي ثقافة مش مرواغة .. ومن رايي اذا حد سألني سؤال محرج وماحبيت اجاوب عليه ليش اقوله لا تتدخل في خصوصياتي اقدر اتهرب من الجواب باسلوب لبق .

قلوب الناس كالزجاج فلنطرقها برفق

[pinky-qtr]

ذكرتيني ببداياتي الفنيه بالمنتدى كنت احصل نقد وساعات اتهاوش اهههه وكنت اعصب واشتط لكن بعد فتره رجعت لقواي العقليه قلت اشوله احرق اعصابي على شي بضربه زر ينطفي 00 لكن الحين اتبع اسلوب الهدوووووووووووووووووء بالرد والروقان :cool:<< اهم شيئ الروقان حتى لو كان الشخص مستفز ليّ00 عادي عادي الاهم اني فارضه احترامي على الكل 00 واحترمهم
والسموحه اختي على المداخله الثانيه شكلي بارقد اهنيه :nice:


سيم سيم والله الحين الأعصاب || فالثلاجه||

الموضوع موضوعج افا عليج بس ..

[pinky-qtr]

بحـــــاول:shy:

:nice::nice:



المرواغه هي اضهار الوجه الثاني عندما يتطلب اضهار الوجه الاول((الحقيقي)) باسلوب رائع
لايتقنه الأ اولو افكار واسعة النطاق واصحاب خيال متسع..يستخدمون ذلك الاسلوب لطمس الحقيقه بغلاف وهمي وعند تعمقك بالنظر اليه لكي ترا الحقيقه اذا بعينيك تصاب بغشاء وقد يشبه غشاء السراب

وانا اشوف المراوغه فن احيانا يتقنونه بعض الاشخاص للوصول لفكر الشخص الي قدامهم
والبعض الاخر يستخدمه لغرض كريهه غايه في نفسه او للتهرب من الاجابه على سؤال ما اما بالنسبه للشخص الي ماعنده اسلوب بعض الاشخاص هذا طبعهم ماعندهم اسلوب بالكلام عن نفسي احاول احط حد مع الي ماعنده اسلوب

فيه مراوغه مطلوبه وفيه مراوغه مب مطلوبه.. خاصه لما تكون نفس النوع اللي ذكرته..

أنا لين الحين ما قدرت احط حد 100%

|| يعطيج العافيه ||




مشكورة اختي على الطرح الجميل

وفعلا موضوع مهم ومميز وليش يسمى مرواغه ليش مانقول فن في الكلام

وانا اشوف انه في بعض الاحيان الواحد يحتاج انه يكون عنده فن في الكلام واهم شي انه يوصل المضمون
فاذا كان كلامك مهم الاهم طريقة القائك له .. المهم اني اوصل المعلومة باسلوب جميل وحلو .

مثلا لو جاني واحد وفيه طبع مايعجبني .. ليش اقوله ياخي انت ماتفهم كم مره قلت لك لا تسوي جذي .. ولا الافضل اني ادور الوقت المناسب الي يضحك فيه معاي واقوله تصدق انك تعز علي وايد بس لما تسوي هالشي تزعلني منك .

بالعكس انا اشوف هذي ثقافة مش مرواغة .. ومن رايي اذا حد سألني سؤال محرج وماحبيت اجاوب عليه ليش اقوله لا تتدخل في خصوصياتي اقدر اتهرب من الجواب باسلوب لبق .

قلوب الناس كالزجاج فلنطرقها برفق

|| تسلم اخوي ع المشاركه المميزه||

أنا اعتبرها مراوغه لو كان فيها صبغ ع الكلام..

اما فن الكلام اعتبره || فــــــــــــن || خصوصا لما يكون في وقت حوار ونقاش

سالفه تتهرب من الأساله المحرجه هاي اختصااااااااااااااصي ...

[بو خليفه 123]

ممكن تفسير اكثر و توضيح عن المراوغه المطلوبه والغير مطلوبه

و متى نستخدم كلاهم في اي حالات


:shy:

[pinky-qtr]

ممكن تفسير اكثر و توضيح عن المراوغه المطلوبه والغير مطلوبه

و متى نستخدم كلاهم في اي حالات


:shy:


المراوغه المطلوبه لما تنحط بين نارين بالنسبه لي بين أمي وأبوي أتوهق - ارواغ شوي - لين أطلع منها بالكلام الطيب

المرواغه الغير مطلوبه - تسوي صبغ للكلام بحيث تضيع لونه الحلو - خل اعتبرها فن الكلام مثل ما ذكر بوعبدالله.. أحسن من مرواغه اخف ع القاري :)

||< أتمنى وصلت المعلومه >||

[بو خليفه 123]

وصلت و ألف شكر لك
عندي الكثير والمزيد من الاسأله بس بعطي مساحه لغيري

متابع من البلكونه

[pinky-qtr]

وصلت و ألف شكر لك
عندي الكثير والمزيد من الاسأله بس بعطي مساحه لغيري

متابع من البلكونه

Most Welcome

|| تابع - بس لاتطب ||

[شبح الصمت]

بضيف كم شيء مثال حي ...

مره واحد من الربع فتح موضــوع وهالموضـوع صراحة أحنا كشباب وكنا موجودين ما تقلبنا فكرته وكانت يعني مش مقبوله من قبل الموجودين فنقدنا عليـه وقلنا له أنه غير صحيح الشيء هذا !!!


وتم زعـلان ومتكدر ..

مشكله بعض العقول ما تبي أحـد يقنعها أنها غلط تحسب أنها خلاص أهي الصح والعالم كله غلط ..

واسمحوا لي صراحة البعض البعض من المثقـفين يوم يتكلمون ويردون عليـهم ناس أقل منهم في العلم خاطرهم ونحس فيهم انه ودهم يقولون لهم أنتم من !!!

فهالشيء يجرحنا في صميم داخلنا ...

[pinky-qtr]

بضيف كم شيء مثال حي ...

مره واحد من الربع فتح موضــوع وهالموضـوع صراحة أحنا كشباب وكنا موجودين ما تقلبنا فكرته وكانت يعني مش مقبوله من قبل الموجودين فنقدنا عليـه وقلنا له أنه غير صحيح الشيء هذا !!!


وتم زعـلان ومتكدر ..

مشكله بعض العقول ما تبي أحـد يقنعها أنها غلط تحسب أنها خلاص أهي الصح والعالم كله غلط ..

واسمحوا لي صراحة البعض البعض من المثقـفين يوم يتكلمون ويردون عليـهم ناس أقل منهم في العلم خاطرهم ونحس فيهم انه ودهم يقولون لهم أنتم من !!!

فهالشيء يجرحنا في صميم داخلنا ...


أول شي || صميم داخلك لا ينجرح ولا شي||

وبخصوص من أنتم وايد فالمنتدى الله يسلمك يحطون مواضيع ولين توهقو قالو || من أنتم ؟؟ وفجو حلوجهم :tease:|| << في قلبهم يقولون انا شاللي خلاني اكتب هالموضوع وأنشب عمري :rolleyes2:

على طاري رفيقكك -فيه ناس يعتبرون لما حد يقول لهم انتو غلط كانها تنزيله مقام ||لان عاد روحه بوالعريف|| يعرف كل شي


تسلم على الإضافه - لاتقطع -

[نور الحور]

موضوعج حلو يا بنكي ولو اني ما فهمت كلامج عن المراوغة غير المطلوبة .. << تصنيف جديد علي ههههه
امممم .. بالنسبة لي أنا وايد صريحة .. لكن مع المقربين .. اتكلم وبشكل مباشر لأنهم يعرفوني ويعرفون مقصدي..أتمنى أخفف من حدة هالصراحة شوي بس مع الاخرين عموماً أنا متحفظة و أحرص على إني أوصل اللي أبيه بلطف أكثر لأنهم ما يعرفون طبيعتي ولا أنا أعرف طبيعتهم ..

لكن بما إنج خبيرة ما شاء الله من الهروب من الأسئلة المحرجة فياليت تعلميني الطريقة .. لأني وايد حزات أتوهق وما أعرف أرد وألوم نفسي بعدين


وترى معروف عموماً إن المرأة عموماً أكثر مهارة في فن الكلام من الرجل ..لأن كيدهن عظيم ..
شفتي شلون امرأة العزيز اقلبت السالفة على سيدنا يوسف لما اكتشفها زوجها ؟؟؟
وتسلمين على الموضوع حبوبة




بو خليفة .... شحادك للحين قاعد في البلكونة حرررررر .. رطوبة ..ولا يمكن بلكونتك مكيفة ؟؟؟؟

[pinky-qtr]

موضوعج حلو يا بنكي ولو اني ما فهمت كلامج عن المراوغة غير المطلوبة .. << تصنيف جديد علي ههههه

امممم .. بالنسبة لي أنا وايد صريحة .. لكن مع المقربين .. اتكلم وبشكل مباشر لأنهم يعرفوني ويعرفون مقصدي..أتمنى أخفف من حدة هالصراحة شوي بس مع الاخرين عموماً أنا متحفظة و أحرص على إني أوصل اللي أبيه بلطف أكثر لأنهم ما يعرفون طبيعتي ولا أنا أعرف طبيعتهم ..

لكن بما إنج خبيرة ما شاء الله من الهروب من الأسئلة المحرجة فياليت تعلميني الطريقة .. لأني وايد حزات أتوهق وما أعرف أرد وألوم نفسي بعدين


وترى معروف عموماً إن المرأة عموماً أكثر مهارة في فن الكلام من الرجل ..لأن كيدهن عظيم ..
شفتي شلون امرأة العزيز اقلبت السالفة على سيدنا يوسف لما اكتشفها زوجها ؟؟؟
وتسلمين على الموضوع حبوبة




بو خليفة .... شحادك للحين قاعد في البلكونة حرررررر .. رطوبة ..ولا يمكن بلكونتك مكيفة ؟؟؟؟


فديتني أنا ما يطلع مني الا الجديد << عاش واثق ..
المراوغه الغير مطلوبه أختي .. في نظري أنا لما الشخص يصبغ الكلام بلون مب حلو مع انه الصبغ القبلي كان زين بس من زود الدقاسه شوي .. عفس البطح..

||| الــصــراحــه |||


زينه .. لكن حزات تكون مب زينه كلش ما يمدحونها .. خاصه لما يكون الموقف ثقيل .. والشخص يعز عليج او قريب .. تجيبين العيد.. وتكرهين خلق الله فيج


|| الهـروب مـن الأسـئـله || - لعبتي :)


ع حسب الشخص > غالبا أضيع السالفه اجيب موضوع من ضمن اهتماماته يشتط معاي وينسى السوال السخيف اللي أساله :)

واذا ما نسى .. احاول أجاوب بطريقه دبلوماسيه .. وماعطيه إجابه .. :)

ما قريتها قصه امراه العزيز .. بدورها فالنت ..

الله يسلمج اختي .. وتسلمين ع المشاركه والمرور ..

بوخليفه || أبشرج طب من البلكونه خلاص ||

[مضاربه]

عجبني المثال الي حطيتيه عزيزتي بنكي ومدى تاثيرالكلمه على الانسان بس انا وحده فيني عقده من الي كلامهم معسول في السنه الاولى الي توظفت فيها صادتني مشكله احنا تقريبا خمس موظفات جانا التعيين مع بعض وكان في قبلنا في القسم ثنتين وحده منهم كلامها معسول ابتسامتها رقيقه صوتها يدوب يطلع الكل حبها انا كنت انفر منها ليش مادري بس مابينت لها هالشي شعور داخلي مايخليني ارتاح لها عموما مرت الاايام ودسايس في القسم بس ضد الجداد يوم يومين مرت الشهور طبعا بعد ماكتبنا كتب التظلم عرفنا ان هي صاحبه الدسائس سبحان الله في الاخر وقع السحر على الساحر والله وقعها في شر اعمالها

[هبوب الكوس]

اهم شي التواضع و عدم التصنع

وعدم التقليل بالآخر

بس لانك خطيت كم خط قلت أنا فاهم وغيري لا

تحياتي للجميع

[pinky-qtr]

عجبني المثال الي حطيتيه عزيزتي بنكي ومدى تاثيرالكلمه على الانسان بس انا وحده فيني عقده من الي كلامهم معسول في السنه الاولى الي توظفت فيها صادتني مشكله احنا تقريبا خمس موظفات جانا التعيين مع بعض وكان في قبلنا في القسم ثنتين وحده منهم كلامها معسول ابتسامتها رقيقه صوتها يدوب يطلع الكل حبها انا كنت انفر منها ليش مادري بس مابينت لها هالشي شعور داخلي مايخليني ارتاح لها عموما مرت الاايام ودسايس في القسم بس ضد الجداد يوم يومين مرت الشهور طبعا بعد ماكتبنا كتب التظلم عرفنا ان هي صاحبه الدسائس سبحان الله في الاخر وقع السحر على الساحر والله وقعها في شر اعمالها


اي هالاشكال تطلع منهم هالسوالف .. الحمدلله انها طاحت في شر أعمالها ..

بعضهم يتمون ما يطيحون بسرعه ..

بعدين خلاص الواحد اذا انقرص مره تصير له حساسيه من نفس نوعيه الاشخاص للاسف
:(

|| تسملين أختي ع المشاركه الطيبه والله يكافيج شرهم ||

[pinky-qtr]

اهم شي التواضع و عدم التصنع

وعدم التقليل بالآخر

بس لانك خطيت كم خط قلت أنا فاهم وغيري لا

تحياتي للجميع



|| مشاركه طيبه ||

تسلم أخوي مادري أختي

[منيرة الطواش]

متابعة معاكم

[pinky-qtr]

متابعة معاكم

الله حيهم :)