+++ منتج Power Balance وين دور حماية المستهلك+++

[صقر بلادي]

السلام عليكم

اخواني واخواتي الاعضاء

حبيت استفسر عن دور حماية المستهلك :telephone: في ضبط الاسعار

منتج Power Balance

ينباع في الصيدليات على 130 ريال وفي امريكا على 4 أو 5 دولار وفي الصين على 3 دولار واصل قطر فرق كبير في السعر :secret:

وهاذي صورته

http://garethbrauteseth.co.za/wp-content/uploads/2010/02/Power-Balance1.jpg

لين متى هل الاسعار الخيالية

[الـمـرقاب]

اطلبه من امريكا وخل يطيح في جبودهم :nice:

[قلم ساخن]

صحيح توني طالب حق واحد من الشباب

كان يشتريهم من عند تاجر شنطة على 100 فالبيت ارخص يعني

ونصحته يصبر وماطاع لين جبت له 20 حبه قيمة الحبه ب 22 ونص مع شحنها لقطر

وعندي النوع الجديد بعد فيه اجاسمين ونوع تيتانيوم

اذا تامر عليهم يا صاحب الموضوع انا حاضر لك باهديك وحده

[eXpert*]

شنو فايدة ، وطريقة إستعمالة ؟

ولاتهونون :)

[Roooo7 Qtr]

سؤال ايش فايدته

[Amigo]

هي أسورة توضع في اليد أو سلسلة
توضع في الرقبة يقولون أنها تنظم طاقة الجسم

[eXpert*]

مشكور يا أميغو ,, ماشاء الله عليك مواكب كل شئ .

أنزين سعره في موقعهم من 29$ - 39$ ؟؟

كيف في الموضوع يقولون بأميركا 4$ - 5$ ؟

وحد جربه من الأعضاء ؟

[Amigo]

مشكور يا أميغو ,, ماشاء الله عليك مواكب كل شئ .

أنزين سعره في موقعهم من 29$ - 39$ ؟؟

كيف في الموضوع يقولون بأميركا 4$ - 5$ ؟

وحد جربه من الأعضاء ؟

العفو خيو :shy:
خبرك التكنولوجيا ,, عندي واحد من الربع يستخدمها
يقول وايد تفيده انا ماجربتها والله
وبالنسبه للسعر لو طلبتها من برا تطلع واصله لين قطر حوالي بـ 60 ريال تقريبا
وفي منها انواع والوان شوف هاللنك اخوي

Balance (http://www.amazon.com/gp/search/ref=a9_sc_1?rh=i%3Aaps%2Ck%3Apower+balance&keywords=power+balance&ie=UTF8&qid=1311846154)

[do7awi]

شباب .. اللي اخترع هالاسواره اعترف بنفسه ان مافيها شي يؤثر على الجسم. المسألة كلها كانت خدعة نفسية لا اكثر.

مجرد قطعة بلاستك لا اكثر ولا اقل.

لا تصيرون اغبيا

[مساهمة بسFresh]

شباب .. اللي اخترع هالاسواره اعترف بنفسه ان مافيها شي يؤثر على الجسم. المسألة كلها كانت خدعة نفسية لا اكثر.

مجرد قطعة بلاستك لا اكثر ولا اقل.

لا تصيرون اغبيا

وانا مع راي الاخ do7awi
المسالة نفسية لا اكثر ولا اقل:nice:

[فــلان]

أنا من زمان أستخدمها قبل لا توصل قطر و بالنسبه للباور بالنس فيها شريحه أو شريحتين من ( الهولوجرام ) تشابه فالشكل العلامه المائية وهي عباره عن طاقه مغناطيسيه بإمكانكم تبحثون عنها في محركات البحث وتقرون فوائدها وغير فوائدها.

بالنسبه لي أنا ما شريتها قبل ما أجربها ببعض إختبارات بسيطه وطلعت بالنتائج التالية:

- تعزز الإتزان في الجسم بنسبة 100%
- تعزز الطاقه و القوه فالجسم بشكل وايد كبير لدرجه ملموسه
- تتخلص من الشحنات السلبيه فالجسم
- توزع الطاقه البدنيه على طول يومك بالتساوي
- بما إنها من النوع المطاطي و محتواها الهولوجرام مثل نوعية العلامه المائية فهي ماتتأثر بالماي وبإمكانك ماتشيلها سواء قايم أو نايم.

عيبها إنك يوم تلبسها وتنام تعطيك إرتخاء وهدوء يتسبب في نوم عمييييق وبالتالي تعاني للصحيان لصلاة الفجر.بالنسبه لي أفصخها يوم أنام بالليل عشان أقدر أقوم أصلي الفجر لأن و أنا لابسها أدخل في مرحله متقدمه من النوم العميق و يصعب علي الصحيان للصلاه.

أي إستفسار أنا حاضر

[فــلان]

هذا موقع كاتب عنه

http://dvd4arab.maktoob.com/showthread.php?t=2925234

[Chambray]

http://www.powerbalance.com/

[gt_511]

اقسم بالله العظيم اني اتصلت في حماية المستهلك منتج في جمعيه بـــ7 ريال وفي صيدليه في نفس الجمعيه تبيعه فوق 20 ريال

والرد ,,,,,

صحيح ولا نقدر نحاسب احد لان في مواد محدده من الدوله اسعرها وفي منتجات لم تحدد بعد ولا نقدر نعاتب احد

[Qa6aRi]

يا اخوان الي ب ٧ و ٥ و ٢٠

تقلييييييد و كوووبي من الاصلي

و شوفو الموقع الرسمي

و شوفو سعررره الاصلي

و خلووكم من ebay

[rawda]

والله اشوف واحد من ربعنا دوم لابسها .. الصبح فالكلاس راقد .. بعد الكلاس خثران ويبي ياكل .. يرد البيت يرقد .. ومايصحصح الا الساعه ٤ العصر !! ولي جي وقت قبل النوم استخف وقام يضحك مثل ياهل رضيع قبل لاينام يضحك ومستانس اخر شي ينكد على نفسه ويخمد !!


مادري لي متى احنا نمشي ورا هالسوالف !! انا فمريكا ولابحياتي من اول مانزل هالشي شفت الامريكان لابسينه !!

تركو عنكم الخرابيط .. اكلو زين ونامو عدل بدال خساير الفلوس فاللي يسوا ومايسوى .. وبعد تبون زياده هههههههههههههه



"العضويه مشتركه"

[قلم ساخن]

يا اخوان الي ب ٧ و ٥ و ٢٠

تقلييييييد و كوووبي من الاصلي

و شوفو الموقع الرسمي

و شوفو سعررره الاصلي

و خلووكم من ebay

صحيح في انواع كوبي على الاصلي والنوع الاصلي بعد ينباع في نفس الموقع

والفرق بالسعر بسيط جدا

عني انا جبت من موقع ebay المنتج الاصلي وب 22 ريال ونص تقريبا سعره لقطر

[الواعد]

طيب كيف نعرف الأصلي من التقليد ؟؟؟

[M!ss Vimto]

احتاج هذي الاسواره
وين اقدر القا الاصليه من قطر ؟

طلبتها من الموقع الاصلي مايوصلون لصندوق بريد

فكنسلت. ممكن حد يقولي وين اقدر اشتري الاصليه من قطر؟

[قلم ساخن]

احتاج هذي الاسواره
وين اقدر القا الاصليه من قطر ؟

طلبتها من الموقع الاصلي مايوصلون لصندوق بريد

فكنسلت. ممكن حد يقولي وين اقدر اشتري الاصليه من قطر؟

اطلبي من امريكا

Amazon & ebay

جيبي كمية حق الاهل وربعج بيطلع اوفر لج من قطر

ممكن ابعث لج لينك اذا حبيتي للمنتج الاصلي

[FCB 123]

وانا مع راي الاخ do7awi
المسالة نفسية لا اكثر ولا اقل:nice:

كان سعرها 30 دوﻼر بس الشركة اعلنت ان مامنها بعيدة
فنزلت السعر لين 3 دوﻼر

[اطيب قلب]

انا ابيعهاا اللي حاب يبعث لي على الخاص عندي الاصلي وشوفوه بالموقع الرسمي لهم يكون ب 30 دولار بما يعادل 110 ريال ومع الشحن يطلع مكلف انا معاي كميه وجميع الالوان وقبل لاتشترون في اختبار يبين لكم وشكراااا

[بوسلمان 2010]

وابشركم انها صارت موضه عند الشباب ومثل ماقلو اخواني مجرد نفسيه فقط

[S A A D]

انا من قبل كنت استخدم Trion Z وكانت مريحتني من الكهربه الزايدة

كنت من امسك باب حديد او اسلم على حد اتكهرب فواحد من الشياب الله يرحمه قال جابها لي من دبي وبالفعل استفدت منها

باور بالانس جربها واحد من الربع وهو حارس في نادي ويقول انها توزع الطاقة فالجسم ومرتاح منها

[eXpert*]

:telephone:


الشركة المصنعة لسوار الطاقة PowerBalance
تعلن إفلاسها بعد تغريمها56 مليون وتعترف: " منتجنا كان خُدعة ! "

Power Balance forced into bankruptcy

http://au.news.yahoo.com/thewest/a/-/breaking/11913296/power-balance-forced-into-bankruptcy/

[قطر 88]

[B]ووو عليكم السلآاتستعيلون .. تفضلووو هالخبرر
من هب فيها:الشركة المصنعة لسوار الطاقةPowerBalanc تعلن إفلاسها بعد تغريمها56مليون وتعترف:منتجنا كان خدعه @@

وشكرآآآ :

[محمد_ قطر]

الي ينباع برع 3 دولار كلها مضروبه وانا شريت من برع 5 ريال تقريبا رحت عنده واتشطر عليه اخرتها الي اكتشفتها مضروبه .. وهو الوكيل المعتمد

[R 7 A L]

العقلاء الى ربي وهبهم عقل يدرون انها خدعة
بس الى يحب يقلد يوهم نفسه انها تعطية طاقة
بس على شان الاجانب يقلدهم
الحين طالعة موضه بكثرة في دول الغرب الى هي الوشم
ياخوفي نشوف ربعنا كل واحد حاط لي وشم ويقص على نفسة وعلى الناس ان لها فايدة صحية

[الفهد1]

--------------------------------------------------------------------------------

قال -حفظه الله تعالى- في شرحه عند باب : من الشرك لبس الحلقة والخيط ونحوهما:
((قوله صلى الله عليه وسلم : « فإنك لو مت وهي عليك ما أفلحت أبدا » : لأن حال المعلِّق يختلف ، فقد يكون علقها لاعتقاده أنها تؤثر استقلالا ، وقد يكون علّقها من جهة التسبب ، فإذا كان الذي رُئِيَتْ في يده صحابيا ، تعين أن تعليقه لها من جهة التسبب ، لا من جهة اعتقاده تأثيرها استقلالا ، ولكن الفائدة من قوله : « ما أفلحت أبدا » حصول العبرة له ، ولغيره ، وبيان عاقبة ذلك .

والفلاح المنفي - في هذا الحديث - يختلف معناه ، باختلاف حال المعلِّق ؛ فيكون المراد : إما نفي الفلاح المطلق ، بمعنى : الحرمان من دخول الجنة ، والخلود في النار . وهذا في حق من اعتقد أن تعليق الحلقة أو الخيط ينفع استقلالا ، فهذا : شرك أكبر ، وإما نفي مطلق الفلاح ، أو نفي نوع منه ، أو درجة من درجاته ، فيكون واقعا في الشرك الأصغر ، وهذا : إن اعتقد أن تعليق الحلقة أو الخيط سبب لحصول النفع ، فهذا : قد اتخذ من الأسباب ما لم يجعله الله - عز وجل - سببا ، لا شرعا ، ولا قدرا ، ومطلق الشيء ، والشيء المطلق : مصطلحان يكثر وردوهما في كتب أهل العلم ، وفي كتاب التوحيد خاصة ، فتجدهم يقولون - مثلا - : التوحيد المطلق ومطلق التوحيد ، والإسلام المطلق ومطلق اللإسلام والإيمان المطلق ومطلق الإيمان ، والشرك المطلق ومطلق الشرك ، والفلاح المطلق ومطلق الفلاح ، والدخول المطلق ومطلق الدخول ، والتحريم المطلق - يعني تحريم دخول الجنة أو تحريم دخول النار - ومطلق التحريم .
ومن المهم أن تعلم أن الشيء المطلق هو : الكامل ، فالإيمان المطلق هو الإيمان الكامل ، والإسلام المطلق هو الإسلام الكامل ، والتوحيد المطلق هو التوحيد الكامل ، والفلاح المطلق هو الفلاح الكامل .
وأما مطلق الشيء فهو : أقل درجاته ، أو درجة من درجاته ، فمطلق الإيمان هو أقل درجاته ؛ فنقول مثلا : هذا ينافي الإيمان المطلق ، يعني : ينافي الإيمان ، أو نقول : هذا ينافي مطلق الإيمان ، يعني ينافي أقل درجات الإيمان .

[مخطط قطري]

كلام خطير افلست الشركه والمنتج خدعه
بس على طاري وين حماية المستهلك والتكلفه ب4 او 5دولار
خلني اقولك شي مهم للتاريخ قبل تقريبا 20 سنه طرحت كيوتل خدمه النداء الالي(البليب) في شهر اكتوبر 1992
كانت تكلفه الجهاز 2 دولار فقط وتبيعه الشركه الموقره على الجمهور ب550 ريال هذا بس قيمه الجهاز وندفع اشتراك يومي بواقع 1 ريال يعني في 3 شهور 90 ريال وقعدت الشبكه شغاله تقريبا 10 سنوات من احسن مايكون
وبلغ عدد المشتركين اكثر من 130 الف مشترك
يعني دخل يومي 130 الف ريال
والخبراء في هندسه الشبكات يعرفون انه ارخص نوع من الشبكات هو شبكه النداء الالي
هذا بس من البليب ناهيك عن باقي الخدمات واسعار كيوتل المولعه
واذا تذكرون خدمه اظهار الرقم (الكاشف) للهواتف الثابته احنا اخر دوله خليجيه دشنت هذي الخدمه تعرفون ليش!!
اكان في جهاز ينباع في كيوتل
عباره عن تلفون حجمه نوعا ما كبير ينباع ب10000 ريال قطري
وكانت بس ميزته اظهار الرقم وكانو بس يبون يصرفون هالجهاز واخرو الخدمه اكثر من سنه كامله
عشان الجهاز هذا يمشي سوقه
وكان عندهم عدد كبير من هلاجهزه ونفذت كلها
اتوقع سعر الجهاز مايعدي 200 مارك يعني 400 ريال
لو كان جهاز حمايه المستهلك قوي هذيك الايام ماشفنا هالامور الحين هذي كلها حاصله

[ذيب ولد ذيب]

مابصدق ولا راح اصدق هالخرابيط ,,