المساعد الشخصي الرقمي

مشاهدة النسخة كاملة : فودافون .. و إصدار فواتير إستهلاك جوالاتها ..؟


فارس الكلمة
28-07-2011, 02:22 PM
هل فودافون تصدر فواتير شهرية - مثل كيوتل - لحساب المكالمات

التي يستهلكها المشترك ..؟
Grnas
28-07-2011, 02:51 PM
الخدمات اللي تقدمها الآن فودافون هي خدمات مسبوقة الدفع وليست مفوترة او آجل الدفع
فارس الكلمة
28-07-2011, 02:55 PM
شكراً لك .. أقصد بالفواتير .. تلك التي تظهر حساب المكالمات و مدتها و سعر

الدقيقة .. بمعنى آخر قائمة مفصلة .. كتلك التي تصدرها كيوتل..؟
فارس الكلمة
29-07-2011, 10:57 AM
اليس من الافضل وجود فواتير حتى يطمئن المستهلك على كيفية

حساب المكالمات التي يدفع عنها فلوساً عليها ..؟
بولينجر
29-07-2011, 11:46 AM
لما كان خط فودافون عندي اللي يسمونه flexi والدفع فيه بواسطة الفيزا كنت اشوف خصم من الفيزا بلامبرر حيث استخدامي قليل ولكن يخصمون باستمرار ومب فاهم ليش ولما كلمتهم قالوا انهم بيسوون فواتير في المستقبل.... ما اقنعني الكلام وحولت خطي الى red اللي مثل هلا وافتكيت من الخصم المستمر من الفيزا....

والله من حق المستخدم يشوف فاتورته حتى لو ما يبون يطبعونها على ورق يخلونها اونلاين....
م. عبدالعزيز
29-07-2011, 04:28 PM
هلا اخوي فارس الكلمه ،، حاليا كل انظمتهم مسبقة الدفع فقط ،،وهذي احد فنون الربح عندهم،، تدفع بالبدايه الاشتراك وعقب مب مهم تستخدم الرصيد ولا ماتستخدمه المهم الفلوس اندفعت ويضمنون الربح،،

وبخصوص سالفة الفواتير ماعندهم خدمه الاطلاع على الاستخدام والفواتير ،، لكن اذا عندك شغله معينه تبي تتأكد منها تقدر تتصل 111 وتسألهم وهم يشوفون استخدامك ، وهذي هي الطريقه الوحيده حاليا... اذكر فيه فتره وايد مشتركين طلبوا بالفيس بوك خدمه الاطلاع على استخدام المكالمات لأرقام فودافون وكانوا فودافون يردون عليهم انه قريب وقريب ،، هالكلام اخبره العام (قبل سنه يعني) والى الان مافي شي
فارس الكلمة
30-07-2011, 08:53 AM
لما كان خط فودافون عندي اللي يسمونه flexi والدفع فيه بواسطة الفيزا كنت اشوف خصم من الفيزا بلامبرر حيث استخدامي قليل ولكن يخصمون باستمرار ومب فاهم ليش ولما كلمتهم قالوا انهم بيسوون فواتير في المستقبل.... ما اقنعني الكلام وحولت خطي الى red اللي مثل هلا وافتكيت من الخصم المستمر من الفيزا....

والله من حق المستخدم يشوف فاتورته حتى لو ما يبون يطبعونها على ورق يخلونها اونلاين....
بالفعل هناك غموض في كيفية الخصم و حساب إستهلاك الرصيد ..

لا بد من جهة معينة تنبه فودافون بأن تكون أكثر شفافية .. شكراً لمساهمتك المفيدة.
يحفظك ربي
30-07-2011, 10:01 AM
انا حسابي فلكسي اللي هو يسحبون عن طريق الفيزا واذكر مرة طبيت في بطنهم وهاوشتهم وقلت لهم على اي اساس رصيدي كله يروح وتسحبون مره ثانيه
قالو لان الرصيد كله استخدمته وسحبنا مرة ثانيه من الفيزا
طبعا بعد مناقشات وهواش طرشولي تفصيل على الايميل -حتى فاتورتهم مثل ويههم-
الحين فاتورة كيوتل لما تتصل على فودا ينكتب لك شركة اخرى
هذول كاتبين لي -غير معروف غير معروف - خخخ
والله مادري متى بيتطورون وكل ما سألتهم عن شي قالو قريب وقريب
ANONYMOUS
30-07-2011, 10:03 AM
لا ماعندهم فواتير

عندك المجلسوالاعلى للاتصالات

اشتك عليهم
Frosty
30-07-2011, 10:27 AM
نظام مسبوق الدفع يبعدهم عن عوار الراس والمحاكم
لو عندهم نظام الفواتير، كل شوي قضية من محكمة لين محكمة عشان الي مادفع يدفع الي عليه
انا لو منهم اسوي نفس الشيء، ليش اعور راسي؟
و لحد الحييين اردد واقول ان اسعار الشركتين كيوتل وفودافون فوق الاسعار المعتاد عليها عالميا لخدمات عادية وبفارق كبير < ادري اني دخلت في موضوع ثاني، بس لازم اذكر هالنقطة.
فارس الكلمة
30-07-2011, 02:12 PM
هلا اخوي فارس الكلمه ،، حاليا كل انظمتهم مسبقة الدفع فقط ،،وهذي احد فنون الربح عندهم،، تدفع بالبدايه الاشتراك وعقب مب مهم تستخدم الرصيد ولا ماتستخدمه المهم الفلوس اندفعت ويضمنون الربح،،

وبخصوص سالفة الفواتير ماعندهم خدمه الاطلاع على الاستخدام والفواتير ،، لكن اذا عندك شغله معينه تبي تتأكد منها تقدر تتصل 111 وتسألهم وهم يشوفون استخدامك ، وهذي هي الطريقه الوحيده حاليا... اذكر فيه فتره وايد مشتركين طلبوا بالفيس بوك خدمه الاطلاع على استخدام المكالمات لأرقام فودافون وكانوا فودافون يردون عليهم انه قريب وقريب ،، هالكلام اخبره العام (قبل سنه يعني) والى الان مافي شي
أنا استغرب عدم إلزام المجلس الأعلى للإتصالات و تكنلوجيا المعلومات فودافون بضرورة

إصدار فواتير لعملائها .. فهذا حق من حقوقهم..شكرا لهذه المداخلة..