استفسار عن بطاقة الاميال

[ابو علاوي]

مساء الخير اعضاء المنتدى

امس نصحني صديقي اني اطلع بطاقة الاميال عالقطرية
وراجعت مكتبهم وقالولي عن طريق النت وتشترك ومن هالسوالف الطويلة

حتى اخر سفرة قالولي مارح تنحسبلك

فسؤالي هو كيف اطلع البطاقة وهل يحسبون لي اميال اخر سفرة لتايلند؟؟ ولا راحت علي

[بو خليفه 123]

لامكانيه حسبة الاميال السابقه ا>ا مازال عندك بطاقة البوردنق كارد بأمكانهم يضيفونها

[ابو علاوي]

لامكانيه حسبة الاميال السابقه ا>ا مازال عندك بطاقة البوردنق كارد بأمكانهم يضيفونها

نعم بطاقة البوردينج عندي وماصارلها اسبوع
شكراً بوخليفة

واللي عنده معلومات ياليت يفيدنا

[يحفظك ربي]

الاجراءات جدا سهله من الويب سايت حق القطرية

بس تدخل على هالرابط وتسجل وكل شي مطلوب بيكون موضح
https://secure.qmiles.com/qmiles/NewMember.jsp
تحط بياناتك كاملة المطلوبة

وتقدر ايضا تضيف افراد عائلتك وياك عساس لو سافروا تنحسب لك اميال ايضا
بس العيب في البطاقة العائلية ايش ؟ ان الاميال للافراد بتنحسب
ولكن النقاط ماراح تنحسب الا نقاطك انت
فائدة الاميال (تقدر تاخذ تذكره وماعليك الا تدفع الضريبه)
اما فائدة النقاط ( تسوي اب قريد حق الليفل- يعني عنابية-فضية-ذهبيه)
طبعا النقاط لازم تجمعها خلال سنه .. لان كل نهاية شهر 12 تروح عليك
اما الاميال احيانا تبقى اكثر من سنة

عشان تاخذ العنابية : 50 نقطة
الفضية : 150 نقطة
الذهبية 300 نقطة

وهذا جدول يبين لك كم نقطة بتكسب من الرحلات
http://www.qatarairways.com/privilegeclub/en/membership-levels.html

وهني حط الدولة .. من و الى وشوف كم ميل محتاج
http://www.qatarairways.com/privilegeclub/en/calculator-redeem.html


طبعا الاعضاء اذا اكبرمن 18 سنة يصير تسوي له بطاقة بروحه
وانا افضل ان كل واحد له بطاقة بروحه احسن عشان يستفيد من الاميال والنقاط
واذا كان قليل السفر ف الافضل ان تضيفه وياك في البطاقة العائلية

وعندك بعد الحين المصرف الاسلامي مسوي الفيزا كارد .. كل ماشريت تنحسب لك اميال
الفيزا الذهبيه كل 7ريال ميل
الفيزا البلاتينيوم كل 5 ريال ميل

وايضا الوطني الاسلامي - ماستر كارد بعد نفس الطريقة

انا عن نفسي مرة رحت دوحة-لندن-دوحة على الاميال ودفعت بس ثمن الضريبه
حق لندن واغلب دول اوروبا تحتاج 35000 ميل
واحيانا يسوون عروض وتكون الاميال المطلوب النص فقط يعني 17500 ميل

ومثل ماقالو الاخوان لو انك محتفظ بالبوردنغ احتمال تقدر تستفيد من الاميال والنقاط
طبعا القطرية لهم عرات ويمكن يقولون مايصير بس انت جرب حضك

وموووفق ان شاءالله .. اي استفسار حاضرين يالطيب :victory:

[ابو علاوي]

الاجراءات جدا سهله من الويب سايت حق القطرية

بس تدخل على هالرابط وتسجل وكل شي مطلوب بيكون موضح
https://secure.qmiles.com/qmiles/newmember.jsp
تحط بياناتك كاملة المطلوبة

وتقدر ايضا تضيف افراد عائلتك وياك عساس لو سافروا تنحسب لك اميال ايضا
بس العيب في البطاقة العائلية ايش ؟ ان الاميال للافراد بتنحسب
ولكن النقاط ماراح تنحسب الا نقاطك انت
فائدة الاميال (تقدر تاخذ تذكره وماعليك الا تدفع الضريبه)
اما فائدة النقاط ( تسوي اب قريد حق الليفل- يعني عنابية-فضية-ذهبيه)
طبعا النقاط لازم تجمعها خلال سنه .. لان كل نهاية شهر 12 تروح عليك
اما الاميال احيانا تبقى اكثر من سنة

عشان تاخذ العنابية : 50 نقطة
الفضية : 150 نقطة
الذهبية 300 نقطة

وهذا جدول يبين لك كم نقطة بتكسب من الرحلات
http://www.qatarairways.com/privilegeclub/en/membership-levels.html

وهني حط الدولة .. من و الى وشوف كم ميل محتاج
http://www.qatarairways.com/privilegeclub/en/calculator-redeem.html


طبعا الاعضاء اذا اكبرمن 18 سنة يصير تسوي له بطاقة بروحه
وانا افضل ان كل واحد له بطاقة بروحه احسن عشان يستفيد من الاميال والنقاط
واذا كان قليل السفر ف الافضل ان تضيفه وياك في البطاقة العائلية

وعندك بعد الحين المصرف الاسلامي مسوي الفيزا كارد .. كل ماشريت تنحسب لك اميال
الفيزا الذهبيه كل 7ريال ميل
الفيزا البلاتينيوم كل 5 ريال ميل

وايضا الوطني الاسلامي - ماستر كارد بعد نفس الطريقة

انا عن نفسي مرة رحت دوحة-لندن-دوحة على الاميال ودفعت بس ثمن الضريبه
حق لندن واغلب دول اوروبا تحتاج 35000 ميل
واحيانا يسوون عروض وتكون الاميال المطلوب النص فقط يعني 17500 ميل

ومثل ماقالو الاخوان لو انك محتفظ بالبوردنغ احتمال تقدر تستفيد من الاميال والنقاط
طبعا القطرية لهم عرات ويمكن يقولون مايصير بس انت جرب حضك

وموووفق ان شاءالله .. اي استفسار حاضرين يالطيب :victory:

اجعلك تسلم
ومبروك عليك الشهر