مولد كهربائي احتياط ! [الأرشيف] - منتديات شبكة الأسهم القطرية

مشاهدة النسخة كاملة : مولد كهربائي احتياط !

Chambray

30-07-2011, 01:34 AM

طرى في بالي سؤال ..

هو في حاله الواحد يبغي يكون عنده مولد كهربائي احتياطي في الفيلا ( مثل خزان الماء الاحتياطي )
ايش طريقته التركيب والمتطلبات ؟؟ لو انقطعت الكهرباء لسبب او لآخر

كيف يعمل المولد ، بدلاً من كهرباء الحكومة في حاله انقطاع التيار
نفس المستشفيات والفنادق الكبيره ..
عطونا نبذه عن هالموضوع .. محد تطرق له من قبل

صحيح احنا مالنا حاجه فيه .. لكن مب غلط الواحد يسأل ويتثقف ويستفيد شوي من خبره الاخوان الموجودين :) ولا شرايكم :nice:

The_Be$t

30-07-2011, 04:56 AM

مرحبا اخوي

المولد يشتغل بعد ماتطفي الكهرباء بدقائق أوتوماتيكيا

التوصيل يكون من المجمع الرئيسي الى المولد

حجم المولد يعتمد على حجم البيت

اعتقد انه ممنوع تحط مولد كهرباء في البيت

في حل بسيط وسهل عند انقطاع الكهرباء تقدر تركب انوار الطوارئ وهي تشتغل اول ما تفصل الكهرباء حتى ماتدعم الاطوف

وبالتوفيق

فويرط

30-07-2011, 09:19 AM

مرحبا الشيخ

انا مسوي لي في البيت غرفة وحده ( المقعد اللي تحت ) مسميها غرفة الطوارىء

اذا انقطعت الكهربه اقدر اشغل هذه الغرفة كاملة ونجلس فيها لين تفتح الكهربه
اشغلها بمكينة الكهرباء العادية مالت الرحلات

ماجيتنا امس علشان نتناقش في هذه المواضيع :omen2: :tease:

al saad

30-07-2011, 09:53 AM

ANONYMOUS

30-07-2011, 10:54 AM

سهل جداً

اهم شي تشتري الجنريتر ب قوه معينه

مثلا لكل البيت مع المكيفات

والكهربجي بيشبكه مع الكهربه

الموضوع ومافيه يبي له فلوس

بالمره اشتر له سبيرز لوب أويل وفلاتر حق ال بي ام روتينز

وكل فتره مثلا مرتين سنويا اعمل له تيست ... تعمل للبيت اي إس دي ون وتشوف راح يشتغل أوتو

طبعا غير الويكلي جيكس

MeMe MoOoON

30-07-2011, 07:52 PM

فكره حلوه ماقصرتوا بطبقها حق البيت

بن رومي

31-07-2011, 12:38 AM

السلام عليكم

موضوع جدا مهم

تسمحولي اتوسع لتزيد المعرفة

في الصيف تحصل ما يقارب 80% من اعطال الشبكة الكهربائية ,, سواء في المحطات او الكيابل
ويتم خفض اللود وتوزيعة بحيث بدل ان يتغذى البيت ب3فيز يتفذى ب 2 فيز ( سنقل فيز )

وهذا يحدث في كثير من الاحيان وبعض الاحيان تنقطع كلياً

* الدور هنا على الكهربائي اللي يمددلك البيت أو يمكن تجي جاهزه في الخرايط ( توزيع السنقل فيز على الاماكن المهمة جدا على سبيل المثال ( الثلاجات و دينمات الماي و مكيفين او ثلاثه واهم شي مكيف الغرفة الرئيسية *** عشان المقيال **** )

* ( بيت القصيد ) يمكنك حساب اللود المطلوب على توزيع السنقل فيز وشراء مولد على ذالك
وتوصيل كيبل ,,, اذا انقطع التيار الكهربائي تشغل المكينة

* اما بالنسبة لتشغيلها اوتوماتيك ما عندي اي علم بذالك ,, وافضل سوال شركات الكهرباء التي تصنيفها 1 او 2

* طولت عليكم

والله اعلم

بن رومي

مرتبش

31-07-2011, 12:55 AM

ماقصروا الشباب
الفكرة مثل ماقالوا ..المولد للاشياء المهمة جدا وطبعا كل مازادت هالاماكن المهمة ارتفع سعر المولد وكبر حجمه ..شوف الاسعار في السوق وحدد احتياجاتك والامور عقبها سهالات ان شالله

Bu 7amad

31-07-2011, 12:54 PM

اسمحلي انا بخالفكم الراي
بصراحه اشوف انه الجنريتر في البيت ماله داعي
مثلا اذا تبي تشغل مكيف لازم تكون قوة الجنريتر تقريبا 3.8 كيلو وات اذا مب اكثر طبعا
واذا تبغي تشغل اشياء وايد طبعا لازم تشتري جنريتر اقوى وطبعا بيكون حجمه اكبر
وبتصير عندك مشكله في الصيانه الدوريه ( البي ام روتينز مثل ماقال احد الاخوان)
يبيله وايد اشياء للصيانه وطبعا اهم شئ التشغيل
صحيح تقدر تشغله بدون (لود) يعني بدون ماتشبكه في البيت لكن هالتشغيل هاي مامنه فايده
لانه افضل شئ انك تشبكه على لود البيت وتشغله اقل شئ لمدة ساعه ولازم يكون الحمل اكثر من 50% من سعة الجنريتر
ولا بيكربن عليك الجنريتر عقب
أما بالنسبه للتشغيل الاوتوماتيكي
فهاي يتطلب قطعه كنترول بي ال سي صغيره موجوده عند شركات الالكترونيات مثل ABB او
Schnider
في النهايه انا اعتقد انه الاستفاده من فكرة تركيب الجنريتر بتكون قليله جدااا لانه الحمدلله احنا عندنا فايض في الكهرباء وماعندنا انقطاع الا ماندر.. واذا انقطعت الكهرباء ماتطول وترجع..

أتمنى انك تتقبل مرور اخوك الصغير

Chambray

31-07-2011, 02:23 PM

جزاكم الله خير على الاستفاده
ولو كانت بالصور افضل .. لان خبرتي بالكهرباء انا صفرررررررررر

وفكرة غرفه الطوارئ ( عجيبه )

المخفي

01-08-2011, 12:00 AM

ايش ال ثري فيس و السنقل فيس

Chambray

01-08-2011, 02:21 AM

ايش ال ثري فيس و السنقل فيس

http://ar.wikipedia.org/wiki/%D8%AA%D9%8A%D8%A7%D8%B1_%D8%AB%D9%84%D8%A7%D8%AB% D9%8A_%D8%A7%D9%84%D8%A3%D8%B7%D9%88%D8%A7%D8%B1

http://ar.wikipedia.org/wiki/%D8%AA%D9%8A%D8%A7%D8%B1_%D8%A3%D8%AD%D8%A7%D8%AF% D9%8A_%D8%A7%D9%84%D8%B7%D9%88%D8%B1