طريقة عمل المثلوثة بالصور

[الواعد]

http://www.m1111.net/m7up/uploads/6ee40b046a.jpg

المثلوثه

هيه عبارة عن باديه مكونه من ثلاث طبقات
طبقة جريش
وطبقه خبز مسح تشريب
وطبقة أرز
راح نشرح كل طبقه كيف راح نسويها


(مقادير الجريش):
كأسين حب جريش

2ونص لتر لبن مطلعينه من الليل برة عشان ترتفع الحموضه فيه

ماجي قليل الملح

ملعقة صغيرة كمون

2 بصل مفروم ناعم

مقادير التشريب لخبز المسح

بطاطس مكعبات

جزر مكعبات

كوسا

كيش خضار مشكله

طماطم مطعبات

بصل مفروم

ليمون اسود كور

ماجي

صلصله

فلفل اسود

خبز مسح

دهن بقر مذوب

صلصه

دجاجه مقطعه نصين

(الطريقه) :

أول شئ نعمل الجريش

نجيب القدر ونحط شويه زيت وبعدين البصل ونحمسه على نار خفيفه
لأنه مانبغى البصل يتغير لونه
بس يلين ونضيف الماجي والكمون بعدين نضيف اللبن ونظل نحرك

عشان ما يفصل اللبن معانا ونظل نحرك حتى

يصل لمرحلة الغليان نضيف الجريش المغسول ونظلنا نحرك حتى يثقل المزيج

يعني تصيرين تشوفين حبات الجريش

تبان من فوق هنا خففي النار مرة هادئه وحطي قطعة حديده تحت القدر وغطيها بالقصدير
وأتركيه يطبخ لمده 3 الى اربع ساعات
وبعد مرور الوقت فكي الغطاء والقصدير وأظربي الجريش بمضرب خشب وخليه على جنب

الحين نعمل المرق حق التشريب
احمسي البصل مع الماجي والبهارات الي عندك تستخدمينها
للمرق وبعدين أضيفي الدجاج والماء وأتركيه يغلي
الي ان تستوي الدجاجه

بعدين أرفعي الدجاجه وحطيه على جنب الحين

المرق الي صار عندنا نقسمه نصين
كل واحد بقدر
قدر راح نضيف له الخضرة الي عندنا المقطع هوالصلصه والطماط ونخليه يطبخ الي ان تستوي الخضرة
والقدر الثاني نضيف له الارز ونسوي الارز مجبوس فيه
نراعي طبعا كميه الماء لأننا راح نظيف زياده ماء ونضيف شوية ملح
بعد ما يستوي المرق
نجيب الخبز المسح ونحطه بقدر كبير عشان نقدر نقلبه ونحط له المرق فوقه بدون الخضرة
ونخليه فترة عشان يتشرب المرق الي قيه
الحين نسوي حشو بصل عادي ومكسرات محموسه
نأخذ نص من الحشو ونضيفه للخبز المسح
نحمر الدجاجه بالفرن بعد مانمسحها بخليط مكون من زيت وشويه كركم وفلفل اسود وملح وصلصه

الحين جينا لطريقة التقديم

أول شئ نحط طبقة الجريش

http://www.m1111.net/m7up/uploads/f031799192.jpg

ثاني شئ نحط الخبز الي رشيناه بالمرق وشويه من حشوا
البصل ونحط الخضرة الي كانت بالقدر

http://www.m1111.net/m7up/uploads/d3734d59f3.jpg

الحين نحط الارز

http://www.m1111.net/m7up/uploads/d32b8f15ae.jpg

وبعدين فوقه نصف ا لدجاج ونحط الحشو البصل والمكسرات ونزينه
ونرش فوقه سمن بلدي

http://www.m1111.net/m7up/uploads/f0d24bbc1e.jpg

وعوافي على قلوبكم المثلوثه

مـــــــــــــــــــنــــــــــــــــــــــــــقــ ـــــــــــــــــــــــــــول


مافيه مطعم في الدوحة يسوي المثلوثة :( ؟؟؟؟؟؟؟؟

[فويرط]

ادور من زمااااان مطعم يسوي مثلوثه

كان في مطعم في مدينة خليفة الشمالية يسوي المثلوثة ،، بس الحين سكروه

تبي المثلوثة اللي لين كلتها ترجع له مره ثانية (( مطعم الرومانسية في الرياض ))


واللي يعرف مطعم في الدوحة يعطينا خبر

[qatara]

يسلمو

لم تعرفنا هذه الاكله محبوبه ومشهوره في اي بلد

لانني بصراحه اول مره اسمع بها

[bo-ibrahem]

ياروحي على المثلوثه


فيه مطعم واحد بس في قطر يسويها بسوق واقف .. الي عند شيشة مشربية وقبل ام الحنايا يمكن هو بعد المهم هناك واحد يمني يضبط الاكله

انا كلت عنده واااو بس مب نفس الي في الحسا الي عند ماكدونالدز


روح جربها عنده وبالعافيه انشالله

[للصبر اخر]

شنو هااي
اول مره اسمع فيها

[المتحدث الرسمي]

...................



مره كلت المثلوثه في الخبر

تميت مغتث وما اقدر اتحرك 3 ايام :looking:

بس تبون الصج .... لذييييذه :nice:

[alfahad1]

لذيذه لكن اللي عنده حموضه لا يأكلها

[سهم طايش]

مردويسة ذي مهب مثلوثة

يريش و فوقة ثريد و فوقة برياني

ما غير طفح في الجبد

[بنت مريخ]

الى يعرف مطعم يسويها يعلمنى
بمووووت عليها
لذيييييذه
خاطرى فيها من زمان

[الـراسي]

المثلوثة افففففففف


ما لك الا مثلوثة الرياض وبس

[همي رضاكم]

<< صايممه واهي في الدوام ><"



ابي ,,




يعطيك العافيه ,

[شعلان]

المشكله اني قاعد اتفرج على الموضوع في الوقت الغلط !!!!



الساعة 10:15

[الأصيلة]

مردويسة ذي مهب مثلوثة

يريش و فوقة ثريد و فوقة برياني

ما غير طفح في الجبد

ايوا الله مردويسة
ما أتخيل أكل هذا كله ..بس تكفينا طبقة وحده
اما جريش أو عيش أو خبز..
اعتقد الأكلة هذي يمنية مية × المية

بالهنا والشفا

[بـارود]

ايوا الله مردويسة
ما أتخيل أكل هذا كله ..بس تكفينا طبقة وحده
اما جريش أو عيش أو خبز..
اعتقد الأكلة هذي يمنية مية × المية

بالهنا والشفا

الله يهديج يالأصيله
ليش رفعتي الموضوع ؟ :weeping:
ذبحتيني جوع

[نجد سهيل]

يا باي عالمثلوثة شو كتير مهضومة ؟!!
:nice:
بصراحة عجبتني اول مرة ذقتها في الرياض
بمطعم العميد اللي على خط الدمام اول ما تدخل الرياض .
وعقبها بمطاعم الشيباني بعدن ايام (( خليجي 20 )) .
واتمنى ان مطعم بالدوحة يسويها بنفس الجودة .
بعد خاطري اكل (( بنت الصحن ))
تجنن مع السمن البلدي والعسل

[ANONYMOUS]

مشالله ذكرني ب صحن كلش ايام الثانويه

شكشوكه وكيمه وجبن


مع جباتي وببسي

[فويرط]

اليوم جربنا المثلوثة وسويناها في البيت على الفطور

بداية جيدة

وتحتاج الى تطوير

:)

[بنت قطرر]

في مطعم يسوي مثلوثه في معيذر
شارع ام الدوم
ناسيه اسمه بس قريب من محل الصرافه

[ANONYMOUS]

في بعد ب معيذر في الشارع التجاري موازي لشارع ام الدوم

المطعم في الزاويه عالدوار في منتصف الشارع

مكتوب يسوي مثلوثه

ومايندره

اسم المطعم اعتقد مطابخ الخليج او شي مقارب ل هالاسم

[نبـــــراس]

احسها لقلاقه ...

[جرح الزمان]

ادور من زمااااان مطعم يسوي مثلوثه

كان في مطعم في مدينة خليفة الشمالية يسوي المثلوثة ،، بس الحين سكروه

تبي المثلوثة اللي لين كلتها ترجع له مره ثانية (( مطعم الرومانسية في الرياض ))


واللي يعرف مطعم في الدوحة يعطينا خبر

:victory:

[لينا]

انا سمعت عنها في السعودية

واظن ماني متاكدة انها اكله يمنيه

اشتهرت في السعودية

[~ عاشق قطر ~]

والله اول مرة اسمع عنها بس باين عليها خطيرة ،، يعطيك العافية اخوي

[kazoze]

ايا ابااه على الملثلوثة تجنن اكلتها اول مره بالمغرب بمطعم المؤيد في اغادير

[استغفرالله]

اول مرة اشوف هالاكلة

[halcrow]

في الرياض. تولعت فيها وكمل وراها لبن وعطها احلى نومه خخخخخ
*

[الزامل فهد]

المثلوثة طبق شعبي نجدي بحت مو أكلة يمنية
طبقت الخبز اسمها قرصان مصنوعة من البر الدقيق الاسمر يعجن بماء وملح ويخبز
وطبقة الجريش هاذا حب مثل القمح يجرش يعني يكسر مو يطحن ويزرع بنجد ويسمونه اللقيمي
الأرز مزروع بالهند ههههه مع ان فيه نوع من الأرز يزرع بألأحساء طعمه لذيذ

[كازانوفا]

يسلموووووو عالصور اللى تشهي

[م.زووس]

اول مره اسمع عنها واجووفها
يعطيكم العافيه على الافاده

[حليتان*]

اكله 3 طوابق :nice:

[فويرط]

احلى مثلوثة من الرومانسية في الرياض

وهذا موقعهم على الانترنت

http://www.alromansiah.com/

[الامل القديم]

شكلها طيب

تسلم الايادي

[غدير البورصه]

كوكتيل وجبات دسمه وثقيله

بالعافيه على قلب الي يشتهيها

[وحيد-الشوق]

ادسم اكله في العالم

اخبر مره في الرياض طلبناها من مطعم مشهور نسيت اسمه جنه مكتبة جرير مب مطعم :rolleyes2:
وانا ماكنت اعرف شنو هي واخوي ضرب لين ما انفجر الاكله دسمة من قلب وللأمانة ماجربتها لأني كليت واجد ذاك اليوم :omg:

يسلمووو عالطريقة وشكلها لذيذه

[وحيد-الشوق]

احلى مثلوثة من الرومانسية في الرياض

وهذا موقعهم على الانترنت

http://www.alromansiah.com/

وانا اقول شسم المطعم هذا هو الي اتكلم عنه في ردي السابق ماشاء الله الناس تدش المطعم بالجدور ههههههههههه

:telephone: