شركة عين شمس للمقاولات , حد ايعرفها !!!!

[Qt.1]

شباب من ايعرف شركة عين شمس للمقاولات لاني افكر اخليهم يبنون لي , حد تعامل معاهم من قبل ؟؟

والله يعطيكم العافيه

:)

[خبير صيانة]

هـــــــــــذه اللي مكانها في الريان

[خبير صيانة]

ولا وين مكانها بلظبط

[Qt.1]

مكانها في السد

[صــوت قطــر]

انا شفت لهم لوحات قبل فتره في روضه الحمام .. بس ماعندي فكره عنها .. ان شاء الله الشباب يفيدونك ..

موفق اخوي

[نواااف البوعينين]

والله يا خوي مدري عنها
يمكن اول مرة اسمعها
اذا انت ارتحت لهم واستخرت خلص وياهم
واذا للحين ماصار شي انصحك بشركة باتريوت للتجارة والمقاولات ماسكه مشاريع وايد
بالخيسه وروضة الحمامه وجريان جنيحات ووايد على حسب ما جفت لهم من لوحات اعلان
لاني انا ووايد من ربعي بنوا عندهم

[Qt.1]

ماقصرتو شباب , واتمنى الي مجربهم ايقولنا :)

[Chambray]

اشتغلوا حق اكثر من شخص
شغلهم حلو صراحة
لكن للاسف يستخدمون الرخيص إلا إذا انت اخترت المواصفات الي تبيها

اعرف 2 بانيين عنده البيب المستخدم لتوصيل كيبل الكهرباء تحت الارض استخدم النوع الردئ وانكسر مع الدفان
الطابوق احسه مش ولا بد
الافضل انك تختار طابوق من شركات كبيره في قطر

شغله سريع وحلو لكن عليه ملاحظات بالنسبه لي

[almaf1a]

واحد من الربع كان عنده وفصخ العقد معاه
شغله مب ذاك الزود على حد قوله

[غونان]

واحد من ربع بنى بيته في عين خالد ويقولي جنني هالمصري عين شمس

[المعنى88]

ابتعد عنه ........... دام انه مصري ....... اعتقد واحد رشح لي له ومارحت ؟

[Qt.1]

للحين محد امدحه

[بن غيث]

شوف طال عمرك .. بو عبدالله
معظم شركات قطر في المقاولات متشابها
اذا انت عاجبتك هذه الشركه ..حط شروطك قدامهم وكل طلباتك ومواصفاتك وضبط العقد
وحطلك استشاري زين
مع متابعتك الشخصية لانها مهمه جدا
وتوكل على رب العباد

[نواااف البوعينين]

والله ياخوي المقاولات وحده بس توافيق من رب العالمين
في شركه تفشل بمشروع وتنجح بمشاريع وفي العكس تنفشل بمشاريع وتنجح بمشروع واحد
اذا تبي شركه اوكي راسلني عالخاص

[ولد الدفنه]

اخوي بالتوفيق انشاء الله اذا تبي شركة مضمونه بادارة قطريه ومهندس نيبالي 12 سنه في الدوحه راسلني وفالك طيب

[وحش الصناعات]

ولد الدفنه ممكن رقمك

[captin]

عين شمس

يبين من الاسم أنها شركة لها علاقة باحد المصريين في قطر
ربما يكون مدير الشركة او المهندس المسئول او حتي صاحبها
والقطري مجرد كفيل.

لكن مادام هناك عقد ويضمن جميع الامور للمالك وجزاءات في حالة
الإخلال بشروط العقد وبعد قيام المالك بسؤال زباين الشركة والإطلاع
على العمل اللي تم تنفيذه اعتقد ما فيه مشكلة الواحد يتوكل على الله
عين شمس ولا عين قمر

[نواااف البوعينين]

انصحك في باتريوت للتجارة والمقاولات
واايد ربعي يمدحونها ويمدحون شغلهم
ويكفي ان اصحاب الشركه القطريين متواجدين يوميا بالمكتب ويرحون المواقع بنفسهم
هاي رقم صاحب الشركه 55063434

[كيت كات قطر]

السلام عليكم في شركتين بنفس الاسم الاولى شركة عين شمس والثانيه هندسة عين شمس انا باني عند هندسة عين شمس شغلهم نظيف جدا مكتبهم غي تاون سنتر في بن عمران والله انا مرتاح معاهم وكل شيء تمام والامور ماشيه والحمدلله والمهندس المسؤل اسمه مهندس يوسف سمك

[king fish]

ابتعد عنه ........... دام انه مصري ....... اعتقد واحد رشح لي له ومارحت ؟


معاك 100%

[نواااف البوعينين]

يا اخوان المهندس مصري او سوري او هندي او باكستاني هذا الامور ماتهم
الي يهم التزام الشركه بالعقد
ياخي يصير مهندس اوربي بس الادارة مطنشين للعقد يعني ما يدفون فلوس مواد وغير
ويجوز العكس
فاعتقد ان الجنسيه مالها علاقه بسير الاعمال
المهم انك حطيت شروطك بالعقد
والشركه حطت شروطها بالعقد
وبس
لكن الشركه الي تتنازل عن شروطها وكل شي بيد المالك هذي اعرف انها شركه فاشله
تحياتي لكم اخواني

[king999]

اللة يعينك ويوفقك

[بوخالد911]

عن نفسي ما افضل التعامل مع المصريين والسوريين


موووفق

[مضارب دوسري]

شوف اخوي
اذا مصري او سوري باختصار عررررربي
او بنغالي
ابتعد عنهم

اذا هندي او باكستاني او افغاني توكل على الله ووقع معاهم

والله يوفقك

[نواااف البوعينين]

اعرف واحد من الشباب كان عنده مهندس هندي
باااااااارد من قلب
وانا حاولت اتعامل مع الهندي باااااااارد من قلب
وثاني شي نتكلم بصراحه
قبل عشر سنوات كانوا المقاولين هنود ونيبال وبنجال
كان البيت يقعد سنتين ثلاث
بس لما جاو المصريين والسوريين صار البيت يقعد ثمان شهور
وبعد اهل مصر واهل سوريا نظام البناء مشابه للي عندنا
بس مشكلتنا احنا يا اهل قطر لو شفنا المقاول نقعد نعطيه ويه ليييين يمصخها ويانا
اذا انت عندنا بناء لا تسوولف ويا المصري او السوري الا بحدود العمل وبسسسس
وشوف شغلك بيمشي
المشكله من المصري والسوري بس السوااالف الزايده وبس
والصراحه كشغل ميه ميه
طبعا في حالات شاذه
بس الاغلبيه
تحياتي لكم