حمام السباحة المنزلي-وتجربتكم معاه ومع الشركات المنفذة

[الجناح الذهبي]

السلام عليكم ورحمة الله وبركاته
مبارك عليكم الشهر الفضيل، وأسأل الله تعالى أن يعيننا على صيامه وقيامه، ويغفر لنا ويعتق رقابنا ووالدينا من النار.
أنا حالياً في مرحلة ما قبل التشطيب، ومن ضمن تصميم الفيلا مسبح خارجي، ويعتبر هو محور النظر فيها، يعني تشاهد المسبح من اغلب الاماكن في الفيلا.
وسؤالي لأصحاب الخبرة والتجربة.
أي الشركات المتخصصة في تنفيذ المسابح أفضل ؟ انا زرت شركة الجبر للمسابح، وشركة تدمر، وشركة المأمون للمسابح. واكثر وحده ارتحت لهم شركة المأمون، فهل حد يخبر واحد منفذ عندهم. علما ان عرض سعرهم لمسبح وجاكوزي Over Flow نفس الفنادق خمس نجوم وبمساحة حوالي 55متر مربع وبعمق متدرج من 1متر الى 1.4 متر كان السعر في حدود 222000 ريال. فهل السعر مناسب ؟
وجزاكم الله خيرا مقدما

[الجناح الذهبي]

:weeping:
رمضان كريم

[ذيب ازغوى]

اخوي بخصوص الشركاات موجوده وبكثر في شركااات الاعلاااان في الجرايد الوووسيط

اما بخصوص حمام السباحه فاعتقد فكره فاشله جدا من خسائر راح تستمر معاك وصيانه كل سنه

وانت ماراح تتسبحها في كل يوم طبعا اول شي بتكون متولع فيه عقب راح تتملل وانا اقترح تسفيد من مكان حمام السباحه وتسوي لك شي تستفيد منه

[الجناح الذهبي]

اخوي بخصوص الشركاات موجوده وبكثر في شركااات الاعلاااان في الجرايد الوووسيط

اما بخصوص حمام السباحه فاعتقد فكره فاشله جدا من خسائر راح تستمر معاك وصيانه كل سنه

وانت ماراح تتسبحها في كل يوم طبعا اول شي بتكون متولع فيه عقب راح تتملل وانا اقترح تسفيد من مكان حمام السباحه وتسوي لك شي تستفيد منه

حياك الله اخوي،صحيح في عدد من الشركات في الوسيط بس شركات حديثة ومآلها اسم في قوي في السوق،تشتغل فترة وبعدين اتسكر وتعال دورني.
المسبح في البيت اصلا يعتبر بدرجة اولى لاستخدام الأهل والعيال،لأن إحنا نقدر نسبح في كل مكان. ووجوده في البيت يعتبر نوع من الديكور مع الحديقة اللي ويمكن الاستفاده منه ترفيهيا وصحيا ورياضيا.
واحترم رأيك وتعليقك على الموضوع،وأجزل لك الشكر والدعاء بالتوفيق. *

[eXpert*]

يمدحون ريجنسي .

بالتوفيق

[king999]

مرحبا اخوي

انا تقريبا في نفس المرحلة الحين لكن البركة عندي داخلية وراح اعطيك نصيحتي
الغالي انا مثلك درت هالشركات كلها وبصراحه اسعارهم اسعار نصب واستغلال .نصيحتي انك تخلي المقاول يسوي لك البركة عظم مع العوازل ومن ثم اي شركة تسوي لك الفنش وماراح تكلفك حتى 90000 وهذا كلام اكيد والشور الاول والاخير لك 222000 !!! في بركة صراحه لعب في الاسعار في السعودية على 30000 و40000

واللة الموفق

[الجناح الذهبي]

يمدحون ريجنسي .

بالتوفيق

ريجنسي مشهورة،ولين الحين ما مريت عليهم. وبالتوفيق للجميع ياخوي.

[الجناح الذهبي]

مرحبا اخوي

انا تقريبا في نفس المرحلة الحين لكن البركة عندي داخلية وراح اعطيك نصيحتي
الغالي انا مثلك درت هالشركات كلها وبصراحه اسعارهم اسعار نصب واستغلال .نصيحتي انك تخلي المقاول يسوي لك البركة عظم مع العوازل ومن ثم اي شركة تسوي لك الفنش وماراح تكلفك حتى 90000 وهذا كلام اكيد والشور الاول والاخير لك 222000 !!! في بركة صراحه لعب في الاسعار في السعودية على 30000 و40000

واللة الموفق

حياك اخوي،كلامك صحيح في الأسعار خصوصا مع مقارنتها بالسعودية،وحقيقة أنا تنفيذ الصبيات من ضمن اتفاقي مع المقاول، لكن اذا حدث اي خطأ في قطعة (الوتر ستوبر) ربلة صداد الماء الجانبي اثناء الصب للقدر الله سيتسرب الماي في جوانب المسبح،وهذا اللي خوفني من شغل المقاول فقلت شركة متخصصة ولا اندم بعدين ويتأثر البنيان،بعدين راح يكون هناك ضمان لمدة خمس سنوات على الصبيات، وتركيب المكائن والسيراميك الاسباني وباقي الامور توصل السعر حوالي 180000ريال مع سخان اوتوماتيك.
ولو لتخبر شركات محترمة في السعودية ممكن تصمم المسبح وتبيع المعدات، بعدين إحنا ننفذها حسب التصميم اعتقد بتكون اوفر بكثير.
ومرفق ان شاء الله في التشطيب.

[Khalid222]

افضل رياضةهي السباحة... والله يهنيك بالبيت واالحديقة.. انا شغال مع الريجينسي..للحين ماخلصت البيت .. بس عجبنى النظام الي عندهم بدون غرفة... 45 متر مع الاضاة الكرليك .. واشلال صغير وبدون الجاكوزي.. تقريبا 77 الف .. الجكوزي ونظام الوفر فلو مكلف..
شوف الويب .. عندهم مشاريع ضخمة...
http://www.regency-pools.com/services.aspx

[الجناح الذهبي]

افضل رياضةهي السباحة... والله يهنيك بالبيت واالحديقة.. انا شغال مع الريجينسي..للحين ماخلصت البيت .. بس عجبنى النظام الي عندهم بدون غرفة... 45 متر مع الاضاة الكرليك .. واشلال صغير وبدون الجاكوزي.. تقريبا 77 الف .. الجكوزي ونظام الوفر فلو مكلف..
شوف الويب .. عندهم مشاريع ضخمة...
http://www.regency-pools.com/services.aspx


حياك الله اخوي، وجزاك الله خير على دعوتك ولك مثلها ان شاء الله،صحيح مشاريعهم ضخمه، بس هناك سؤال هل نوع مسابحهم نفس اللي في الجبر لبرك السباحة اللي عند سينما الخليج اعتقد اسمه (آي لينر) يعني مش سراميك موزاييك بل نوع من الفينيل المخصص للمسابح، اذا هذا ما ارغبه لأنه يتغير لونه وممكن ان يسرب ماء في حال انجرح المسبح بشئ حاد. لكن ضروري ان امر على ريجنسي، واعتقد نظام غرفة المعدات افضل في استمرار نظافة المسبح بشكل دائم مثل الفنادق، لأن في من الاهل جرب المكينة اللي تتركب على المسبح (اسكيمر) والمسبح بعد فتره اتحسه يصلح لسمك الزينه اكثر منه لأستخدام البني آآدم.وكذلك نظام Over Flow افضل من الاسكيمر وصحيح اغلى بس افضل.
والله أعلم هذه النتيجة اللي حصلتها من دوارتي على الشركات، وحقيقة أنا محتار جدا الى الحين.
الله يفرجها على الجميع.

[خبير صيانة]

مبارك عليكم الشهر الكريم

[بوفصول]

بالتوفيق اخوي . شي حلو بركة سباحة بالبيت

حاول اتسكرها وخلها .. indoor swimming pool وحط فيها مكيف .. عن الوساخة والغبار

واريح حق اليهال ..في الشتاء والصيف

[الجناح الذهبي]

مبارك عليكم الشهر الكريم


علينا وعليك والمسلمين اجمعين




بالتوفيق اخوي . شي حلو بركة سباحة بالبيت

حاول اتسكرها وخلها .. Indoor swimming pool وحط فيها مكيف .. عن الوساخة والغبار

واريح حق اليهال ..في الشتاء والصيف


مبارك عليكم الشهر الكريم


شورك وهداية الله، عملت احساب التكييف، بس لين الحين ادرس افضل طرق التسكير علشان نستمتع برؤية البركة من الدور الثاني.
وجزاك الله خير على النصيحة،وبالتوفيق بوفصول

[بـن عدوان]

مثل ما قال اخوي بوفصول

لازم تسويها مصكرة لانه الجو مايساعد

والافضل من الزجاج عشان تشوف كل شي

[الجناح الذهبي]

مثل ما قال اخوي بوفصول

لازم تسويها مصكرة لانه الجو مايساعد

والافضل من الزجاج عشان تشوف كل شي


صدقت يابن عدوان جونا مايساعد، بس اتخبر لي مكان مناسب ممكن يسولي التسكيره زجاج نوعيه جيده ؟

[MeMe MoOoON]

اي والله لو في مكان مناسب يسكر البركه بالزجاج وبسعر مناسب يطرش على الخاص العنوان

[الجناح الذهبي]

اي والله لو في مكان مناسب يسكر البركه بالزجاج وبسعر مناسب يطرش على الخاص العنوان


:shy::(:shy:
أي والله مازلنا في الانتظار....

[بوفصول]

عواميد حديد على قواعد خرسانة والجسور العلوية كذلك .. والسقف جينكو سندويتش بنل فيه فتحات بلاستيك او جينكو عادي لبسه قرميد .. والاطوف طابوق مع درايش كبيرة.. والباب المنيوم .
او سوه بنيان عادي .

[الجناح الذهبي]

عواميد حديد على قواعد خرسانة والجسور العلوية كذلك .. والسقف جينكو سندويتش بنل فيه فتحات بلاستيك او جينكو عادي لبسه قرميد .. والاطوف طابوق مع درايش كبيرة.. والباب المنيوم .
او سوه بنيان عادي .


فكرة حلوه، بس ايش رايك في الزجاج فيه ميزة الشفافية للناظرين للمسبح لأنه محور النظر في البيت تحت وفوق من الدرايش.
جزاك الله خير على تفاعلك

[the engneer]

عليك بريجنسي وانت ماتندم 64 متر مكعب كلفني من ريجنسي 55 الف والاعمال المدنية ممكن لا تتجاوز 30 الف والجاكوزي توفقت فية dvd بشاشة تطلع الكترونيا وراديو بسماعات وسخان واضاءة رومانسية
وتايمر 18000 ريال المجموع 103 الف
المباني عبارة عن صالة 13 *8 اسقف سابقة التجهيز كلفتني مع المكيفات حوالي 90 الف ولو تحتاج اي استشارة او معلومة او صورة ارسلي بريدك وانا حاضر

[الجناح الذهبي]

عليك بريجنسي وانت ماتندم 64 متر مكعب كلفني من ريجنسي 55 الف والاعمال المدنية ممكن لا تتجاوز 30 الف والجاكوزي توفقت فية dvd بشاشة تطلع الكترونيا وراديو بسماعات وسخان واضاءة رومانسية
وتايمر 18000 ريال المجموع 103 الف
المباني عبارة عن صالة 13 *8 اسقف سابقة التجهيز كلفتني مع المكيفات حوالي 90 الف ولو تحتاج اي استشارة او معلومة او صورة ارسلي بريدك وانا حاضر


مرحبا اخوي، موفق والله يبارك لك في البيت والمسبح وتتهنون به، بس عندي كم سؤال طال عمرك.
نوعية المسبح هل نفس اللي موجود عند الجبر لبرك السباحة (اي لينر-مثل الفينيل اللي يفرشونه على ارضيات الغرف) وإلاّ السيراميك الزجاجي النوعية الاسبانية ؟ وهل نظام المسبح نظامه Over Flow أو سكيمر ؟
ماذا تقصد بالاعمال المدنية. يعني الخراسانة والعازل وغيره ؟ والجاكوزي فيبر غلاس، وإلاّ خرسانه وسيراميك ؟ وأيش صناعته ؟
أما بالنسبة لتغطية المسبح أفضل الزجاج، فهل درست موضوعه من قبل ؟
بالنسبة لتصميم البيت عندي ما يصلح الا التغطية الزجاج والا بيضيع منظر المسبح.
واسمحلي على كثرة الاسئلة ياخوي :nice: