مسابقة ( من القائل؟؟ ) برعاية meme~qatar و الحياة الخالدة :)

[meme~qatar]

الحياة الخالده وميمي قطر مشكورين عالمجهود الكبير اللي سويتوه لنجاح المسابقه
واعذروني عالتقصير بس انا كنت متابعه لكم من خلف الكواليس

والف مبروك للفايزين في المسابقه

والشكر موصول ايضا لكل اللي شاركوا وماحالفهم الحظ

هلا والله .. بالغالية شويهينة :victory:

العفو حبيبتي .. هذا بعض ماعندكم :nice:
وعارفين مشاغلج كمشرفة وخصوصا في المسابقات .. واعيد شكري لج ع ( البسبوسة )
ويشرفنا متابعتج لنا من خلف الكواليس .. هذا بحد ذاته شي نفتخر فيه :shy:

ويستاهلون الفايزين

واللي مافازوا .. فزنا احنا فيهم :victory:


كل عام وانتي بخير حبيبتي

[meme~qatar]

أمُــــــر على الأطلالِ من غيرِ حاجـــــــةٍ ... لعلـــــي أراهم أو أرى من يراهُــــــــــــمُ

:(

امر على الديار ديار ليلى .. اقبل ذا الجدار وذا الجدار:nice:

[meme~qatar]

^^^^^^^^^^^

من القائــــــــــــل ؟؟ :(


صبحــــــــج الله بالخير يا شريكتي العزيزة :(

صبحج الله بالخير والنور والرضا والعافية:nice:

قولي اول من القائل ؟؟ واقولج من القائل



السموحة توني انتبه كنت شغاله في الردود :shy:

[meme~qatar]

ما في غير انتـــــــي و انا في الخيمة يا ميمي

:(:(:(:(:(

والله ايام .. تعودت ادخل المسابقة كل يوم ..

جنة من غير ناس ماتنداس :weeping:

[meme~qatar]

يختي لو مب صيام ....
جان جبت دلتي وملتي ونقعد نسولف ونتقهوى

[meme~qatar]

http://www.hdrmut.net/vb/imgcache/2/97675alsh3er.gif

[الحياة الخالدة]

صبحج الله بالخير والنور والرضا والعافية:nice:

قولي اول من القائل ؟؟ واقولج من القائل



السموحة توني انتبه كنت شغاله في الردود :shy:


يعني منو بيقولهـــــــا غير مجنون ليلى .. ولد عمها ..

قيس بن الملــــــوح العامــــــــري

و مسموحة حبيبتي .. :)

يلا دورج .. جاوبي :nice:

[الحياة الخالدة]

يختي لو مب صيام ....
جان جبت دلتي وملتي ونقعد نسولف ونتقهوى


ان شاء الله في العيــــــــد بنفتح مجلسنــــــا حق كل الحبايب ..

و نحط أفالة العيـــــــــد و الشاي و القهوة ..

و نقعد نسولف لين يطيب خاطرنا ..

و اللي فازوا بالجوايــــــــز يوزعونها علينا عيادي .. :secret::nice:

الله يعوده علينا و عليكم بالصحــــــــة و العافيـــــــــة .. :omen2:

[meme~qatar]

يعني منو بيقولهـــــــا غير مجنون ليلى .. ولد عمها ..

قيس بن الملــــــوح العامــــــــري

و مسموحة حبيبتي .. :)

يلا دورج .. جاوبي :nice:

يختي سويت سيرج في قوقل وماطلع الجواب ..

وينج ياحنين ؟؟:(

[الحياة الخالدة]

يختي سويت سيرج في قوقل وماطلع الجواب ..

وينج ياحنين ؟؟:(


أخ .. ويننا عن هالسؤال ما حطيناه لهم .. عشان يدوخون فيه شوي :secret:

[meme~qatar]

ان شاء الله في العيــــــــد بنفتح مجلسنــــــا حق كل الحبايب ..

و نحط أفالة العيـــــــــد و الشاي و القهوة ..

و نقعد نسولف لين يطيب خاطرنا ..

و اللي فازوا بالجوايــــــــز يوزعونها علينا عيادي .. :secret::nice:

الله يعوده علينا و عليكم بالصحــــــــة و العافيـــــــــة .. :omen2:

الله يعيده علينا ..
ونتقهوى ونقدع ونحلي في ( المجلسنا )
ومعانا الحبايب .. وطبعا اللي فازوا بالدراهم لاينسونا في العيدية .. خل يخردون الجائزة اميات وخمسينات وعشرات وخمسات .. ويوزعون علينا عشان تكمل فرحتنا في العيد :victory:

[meme~qatar]

أخ .. ويننا عن هالسؤال ما حطيناه لهم .. عشان يدوخون فيه شوي :secret:
ايه بس لا يطلع لنا راعي الاكشن :secret:

[الحياة الخالدة]

ايه بس لا يطلع لنا راعي الاكشن :secret:


اللــــــــه يذكرهم بالخير ..

بالأمـــــسِ كانوا هنا .. و اليـــــومَ قد رحلــــــــوا

الله يردهم بالسلامة ..

[meme~qatar]

اللــــــــه يذكرهم بالخير ..

بالأمـــــسِ كانوا هنا .. و اليـــــومَ قد رحلــــــــوا

الله يردهم بالسلامة ..

اللهم امين

والله كانوا مسوين جو :nice:

[Red rose]

من القااائل ؟

( انثروا القمح على رؤوس الجبال حتى لا يقال جاع طير في بلاد المسلمين )

يلا شدوا الهمه يالغاليين :)

ترى انا ما نسيتكم وكل يوم اتابعكم يا اغلى من الماس

الحياة الخالدة و ميمي قطر لكم من القلب أجمل وأحلى وأعذب تحيه

:)

[الحياة الخالدة]

هو عمــــــر بن عبدالعزيز .. رضي الله عنه

يلا عطيني نجمـــــــة .. :shy:

[Red rose]

افا عليج نجمتج حقيقيه من السما
الليله اختاري احلى نجمه :)*

[الحياة الخالدة]

افا عليج نجمتج حقيقيه من السما
الليله اختاري احلى نجمه :)*


هههههههههه .. تسلمين يالوردة الحمــــــرا ..

ودي آخـــــــذ من السمــــــــا أحلى النجوم .. و اوزعها عليكم كلكم ..

تستاهلون الحلا كلـــــه .. :)

[Red rose]

هههههههههه .. تسلمين يالوردة الحمــــــرا ..

ودي آخـــــــذ من السمــــــــا أحلى النجوم .. و اوزعها عليكم كلكم ..

تستاهلون الحلا كلـــــه .. :)

عسى هالضحكه ما تفارقج ابد يالغاليه

تسلمين ما قصرتي انتي وميمي قطر أحلى نجمتين لنا

:)

[ROSE]

لا استطيع ان اصف شعوري وانا اتابع هذه المسابقة الجميله

من الرائعتين ميمي والحياة الخالده ،،

استمتعت كثيرا ،، بها ،، وفرحت لهذا التكاتف ،، والتواجد والتعاون

والروح المرحة اللي اتسمت بها المسابقة ،،

فكل الشكر والتقدير لكما ولكل من شارك وساهم في انجاح هذه المسابقة الرائعه

تحية تقدير لكما ولكم وللجميع


والف مبروك للفائزين بالمراكز الاولى وحظاً اوفر للجميع في المرات القادمه


سيتم ارسال رسالة خاصة للفائزين بالمراكز الاولى عن طريق الاخ
قطري لتزويده بالبيانات اللازمه لارسال المبالغ


وكل عام وانتم بخير