(الرادار المتحرك)

[بوحارب]

بسمـ اللـه الرحمنـ الرحيمـ

نبارك لكم بحلول شهر رمضان الفضيل يعوده علينا وعليكم بالخير

موضوع اليوم عن الرادار المتحرك
http://www.qatarspeed.com/forum/picture.php?albumid=587&pictureid=10525

من كم يوم كنت أراجع قسم المرور وبتحديد في دفع المخالفات , لاحظت اغلب الي كانوا يدفعون المخالفات عليهم مخالفة رادار متحرك , هنا تتراودني كثيييير من الاسئاله حول هذا الرادار

ومدا مصداقيته مع السائقين غض النضر عن فئة الشباب لان أيضن كبار السن قد يقعون في هذه المخالفه ليس عن قصد التهور بل زياده بسيطه في السرعه

هل الرادار المتحرك تدخل فيه حرمه شرعيه لما يكون به تخفي وممباغته للسائق قد تؤدي ألى
مصيبه وطامه بدل ما ان تكون عون للسائق والركاب
http://www.sh3am.net/up/uploads/979a8cebcb.jpg

قد ينتبه السائق في اللحضات الاخيره بوجود رادار متحرك بجانب الطريق ويريد تفادي هذه المخالفه بحادث قد يدهور حياته ويدهور السيارات التي بنفس الطريق

اخواني نحن لانعترض على أوامر او قراراة المرور لا بالعكس نحن معها وخاصه ان هذا المنتدى له
يد وبصمه واضحه في التوعيه المروريه

ملخص الكلام

نريد حل لهذه الرادار المتحرك

وصلت عند الشباب يطرشون بروك كاست بوجود رادار في المكان الفلاني لكي ياخذون الحذر

:

نريد من كل شخص دخل هذه الموضوع المشاركه اما بتجربه او قصه قد سمعها او نصيحه:victory:

سامحوني على الاطاله




منقول:

[khaldoon]

اخوي لو انه يمشي على السرعه دائما وما يسرع ما يتأثر بوجود رادار متحرك او ثابت

ما تتفق معاي انه اللي يسرع مثل اللي يخالف قوانين المرور و هو يعرف هالشي

مثل المثل اللي يقول لا تبوق لا تخاف

[لطآم]

اخوي لو انه يمشي على السرعه دائما وما يسرع ما يتأثر بوجود رادار متحرك او ثابت

ما تتفق معاي انه اللي يسرع مثل اللي يخالف قوانين المرور و هو يعرف هالشي

مثل المثل اللي يقول لا تبوق لا تخاف

للضروف احكام مستحيل مايصيدني ضرف
واسرع لو سرعه بسيطه
الله يكون فالعون ويستر على العالم من الحوادث
مشكور بوحارب على الموضوع

[مكتوم]

الحل الوحيد ان الواحد يلتزم بالسرعه المحددة

واللي متعجل وطاير يتحمل القناص ( الرادار المتحرك)
ويدفع المخالفة

[نبض الخفوق]

شكرا على طرح الموضوع

[@ vip @]

لا هذا ظلم واكبر ظلم للردار المتحرك

الحين ما كفانا الثابت يجينا المتحرك

وكذلك رجال المرور الحاليين للاسف ما عندهم سنع للاسف اهم شيء يخلصون الدفتر عشان يكرمونهم بيومين اجازة

واقول حسبي الله على كل من خالفني .

وشكرا

[CH Engineer]

صادق بوحارب
مرات تشوف الواحد ضارب بريك فوجهك والسبب الرادار المتحرك وماتقدر تقوله شي
والبعض يتلفت يمين ويسار صوب الاماكن المشهوره بالرادارات المتحركه ويعطيك ابريك ولا ينتبه للشارع
اشوف الرادار الجديد الي يحسب المسافه افضل والرادار المتحرك المفروض يتكنسل ويطرشونه للدول الناميه الي فيها يتحكم الشرطي بالشعب
بس بقطر الشرطة في خدمة الشعب وعيب الي قاعد يصير

[قــ502ـطرالعز]

انا الصراحه صادفتني مشكله مع هالرادار المتحرك خصوصاً الي ينحط ورى موقف كروه بتجاه فلاجيو شي غريب طالع من اشارات استاد خليفه لا مسرع ولا شي تفاجئت بالموتر الي قدامي ضرب بريك نثر السيارات الي وراها كلهم لولا رحمت ربك كان بيعدمني انا وهلي استنكرت الموضوع وقلت يمكن حد لف عليه يوم عديت كراسي كروه الا ذاك الحلو المرتكز !!! قلت في خاطري شتسوى علينا الحين صاده ولا ماصاده كان بيكسر ست سبع مواتر وراه ... للاسف ادراه المرور ماوفقت بخصوص هالرادار المتحرك كلش احس حاطينه بس مقناص وتخويف للسائقين الي البعض منهم البريك عنده زي الحلاوه كع برييييييييييييييييك ولا عليك من الي وراك

[ellezeem]

مالك إلا خشمك لو كان عوي

لاحول ولا قوة إلا با لله

[العساس]

تقصدون ساهر

[Mohammed2]

لو توضع لوحه اول الشارع مكتوب فيها ان الشارع مراقب برادار متحرك اشوفها احسن
عشان الكل يتخذ الحيطه ومايتفاجئ ويكع بريك ويلعوز الناس
القصد من هالعمليه التخفيف من السرعه وليس ارباك السائقين عشان نحد من الحوادث والسرعه قدر الامكان
...
..
.
هذا رايي ومقتنع فيه ولله الحمد

[همر]

الى ان يأتي شخص قيادي يضع خطه واضحه ويفهم اهداف الرادار المتحرك، تبقى هذه.. الكيمره.. لعبه في ايادي اشخاص كل همهم .. خِّلص الفلم خلنا نروِّح.. والا فالاولى والاجدى وضع هذه الكيمرات على الخطوط السريعه واللي يبي يكع بريك.. براحته..

اما الخطوط الداخليه .. فلو كان همك غير مادي يا ادارة المرور الموقره .. فارجو الاستفاده من النظام المعمول به في ابو ظبي.. كاميرات مراقبه على اعمدة الاناره من اول الشارع الى اخره .. وكفى الله المؤمنين شر .. الرادار..

http://abu-dhabi-metro.com/wp-content/uploads/2010/07/11.jpeg

[راعي ال VXR]

السائق اللي فجائه يشوف هالردار يمسك بريك من الخوف فجائه ويخف من سرعة 100 الى 70 .. ويجيه الشك ويتردد بان سرعة الشارع 100 ولا 80 واللي خلفه مباشرة ماراح يدخل السياره في اللي امامه ..طيب من المسؤول...
قال رسول الله صلى الله عليه وسلم " من غشنا فليس منا... والمكر والخداع في النار"

[غونان]

[QUOTE=العساس;7491989]تقصدون ساهر[/

اي ياخوي الردار الساهر :weeping:
صادني في الرياض ومن كم يوم:anger1:

[omega]

الافضل الكل يلتزم بالسرعة

[cavok]

هاي اللي قاصر بعد

[essa66]

أنا سمعت ان القرضاوي افتى بعدم جوازه

[خالد32]

أنا سمعت ان القرضاوي افتى بعدم جوازه

نص الفتوى رحم الله والديك
لا تبخل علينا

[خالد32]

السائق اللي فجائه يشوف هالردار يمسك بريك من الخوف فجائه ويخف من سرعة 100 الى 70 .. ويجيه الشك ويتردد بان سرعة الشارع 100 ولا 80 واللي خلفه مباشرة ماراح يدخل السياره في اللي امامه ..طيب من المسؤول...
قال رسول الله صلى الله عليه وسلم " من غشنا فليس منا... والمكر والخداع في النار"

الغشاش هو الي بيغش الرادار و المرور
بمعنى انه يخف السرعه عند الرادار بس

[خالد32]

نصيحة لبوحارب و الكل
لا تسرع و خل الرادار يخيس

[Max Speed]

اعتقد الحل المناسب انه يكون الرادر المتحرك خفي تماما قبل وبعد التصوير اي لا يشعر به السائق عند تصويره
وحتى لا يقوم برد فعل عكسي مما يترتب عليه حوادث لا قدر الله

اعتقد ليس من المستحيل في عصر التكتولوجيا الحديث باختراع يقوم بهذه المهمه

والله اعلم بالتوفيق ان شاء الله

[مخطط قطري]

المفروض كل شخص صاده هالرادار المتحرك على طول السنوات السابقه يرجعون له فلوسه
لانه القرضاوي على كلامكم حرمه وهذي فلوس حرام لين ترد لصحابها:/

[MAZEN37]

كل الشوارع فيها رادارات ثابته والمرور بهالطريقه ما قصرت
خلاص الي عليهم سووه . وشكرا
ان حبيت اسرع قبل او بعد الرادار انا مسؤل عن نفسي ماله داعي رادارات متحركه وطبيعي بصيدون الناس لانه محد يسوق ملتزم بسرعة الشارع
والي يقولك انا التزم بسرعة الشارع فهو ... لا نقص على بعض رمضان كريم

[مستر بن]

ايي والله ,,


وصلت للبرود كاستاات ,,


انا صاادني مرة وحده ,, ع خط فيلاجييوو ’’

بس الحمد لله ما طلع الرقمم ,,

خبركـ ’’ اللي رااجع من طيب الرقدة وش يسوي خخخ ’

[zeknon]

لاحول ولا قوة الا بالله وانا اتفق معك اخوي مالة داعي ايحطون الرادار المتحرك وانا من كم يوم راجع من السعودية كانو حاطينة على خط ابوسمرة وانت جاي من ابوسمرة قبل جسر الصناعية يمكن ي500 متر بس والمشكلة اني كنت امشي 120 وفلش علي وسرعة الشارع المعروفة 120 وسرعة ضبط الرادار 140 وكانو حاطينة قبل لاتتحول السرعة ل100 لان قبل جسر الصناعية ب300 متر تقريبا تصير السرعة 100 بناء على وجود اللوحة وهذا اشوفة خطاء اخر بحيث ان ة توجد سرعتين في نفس الشارع ويالليت يطبقون وجود اللافتات المطبقة في ابوظبي بحيث يخبرون السائق بسرعة الشارع وسرعة ضبط الرادار وهذا مهم وان تكون الفرق بينهم 20 كيلوا وهذا المعمول علية في شارع ابوسمرة ولكن ليس مطبق في باقي الشوارع

[rayyani4ever]

بخصوص الرادارات الثابته الجديدة اللي ركبوها في خط الشمال.. هل فعلا تصور في الويه مثل رادارات دبي؟؟

[الـراسي]

الله يكفينا شره ان شاء الله

[الـمـرقاب]

لو هدف المرور فعلا التقليل من الحوادث كان ماحطوا الرادار ورا النخل والا العواميد..!
ومثل ما قال اخوي بوحارب، أحيانا شخص كبير في السن يكون زايد بشي بسيط ويصيده الرادار..!

الرادارات الثابته قايمه بواجبها ولله الحمد، اشوف السرعه تقل على الخطوط اللي فيها رادارات
ثابته وان كان هناك من ينتظر يبتعد عن الرادار بكم متر وعقب يزيد السرعه!

[كازانوفا]

والله حرام احسه خدعه وتخويف للناس
والله راحت ناس وسيارات من وراه هالردار

حسبي الله ونعم الوكيل

[عندليب قطر]

اعتقد ان الرادار المخفي نعمه وليس نقمه

[Frosty]

ليش الفلسفة الزايدة؟ رادارات ثابتة وخلاص
يآحبهم لنهب الفلوس

[bu 3li]

الرادار المتحرك نظام قديم ايام اللي ماكان فيه رادار ثابت
الحين الرادار الثابت مكفي و موفي ,, ليش الاستمرار على المتحرك ؟؟

ولا بس عشانه ينخش ويندس مني ومناك قالوا بنخليه وبنشفط خلق الله ؟؟
بعدين الزحمه الحين ماتخلي الواحد يمشي 100 ولا 120 حتى على الطريق السريع

وماشاء الله مانكمل 700 متر الا ومحصلين رادار ثاني على طول ..
ياليت لو صج يكنسلون الرادار المتحرك ( مش بوزك ) او مثل ماقال احد الاخوان
يجيبون واحد لا يضرب فلاش ولا يوهق خلق الله ويربكهم فـ الشارع
بروحها السواقه صايره " الله بالخير " عندنا كله ضرب بريكات وناس يمشون 60 عالخط السريع

[المحقق كونان]

سؤال

امس كنت امشي على الخط 80 كم

و مر واحد احذاي عنده مرسدس و كان طاير

و ضرب الرادر الثابت فلاش

الحين المخالفه على من؟

:rolleyes2:

[تحداني]

كونان :)
المخالفه على المسرع لا اتحاتي .. بيطلعونه ولا تشغل بالك

..................
انا مع الرادارات ثابته ولا متحركه خليهم يحطونه
في كل شبر وفي كل داعوس .. ما ابي اموت ابسبه تهور واحد مستعجل وعنده ضرف
والضرف الكبير والشديد ما اعتقد خساره عليه 500 اريال
لانه ياما حياه او موت .. او مرض فافلوس الدنيا كلها ولا شي قدام هالضرف


انا مع وبقوه


جملكم الله برضاه

[الجوكر90]

السلام عليكم
الصراحه انا اول كنت ضد لان دوم كنت اطير فوق ال120
بس الحين مع وبقو من الي اشوفه من الشباب
والله شوي ويركب فوق موترك
ولا يسوقون بطريقه جنونيه وحد الدعسه جنه راكب لمبرقيني واخر شي نيسان ولا تيوتا

الي مايبي يصيده رادار متحرك خل يمشي نفس الناس وراح يعدي ع كل الرادارات وهو مستانس لا مهموم ولا شي

[بوحارب]

أشكركم على الردود الحلوة :)

[Qatar1987]

لو انهم ما يخشون الرادار ما عندنا مشكله

لـــــكن



ليش الخـــــش