هل هذا ما يسمى بالعدالة ؟!! قمة القهر !!

[Qtr95]

بسم الله الرحمن الرحيم !!

والسلام عليكم ورحمة الله وبركاته ..

اترككم مع قصة مواطن قطري..

هذا المواطن , لديه اولاد ودائما ينصحهم عن السرعة , ويؤدي فرائضه على اكمل وجه ..
هذا المواطن القطري , عندما ينتهي من العمل , يذهب إلى منزله لكي يرتاح , سالكاً نفس الطريق ..

في يوم من الأيام ..

كان المواطن القطري عائداَ من العمل , ذاهبا إلى منزله .. كانت أمامه إشارة , وكانت خضراء .. وهو في منتصف الإشارة .. طلع له باص مسرع , واصطدم الباص بجانب السيارة الأيمن بقوة !!
والسيارة كان تلف وتدور , والرجال لولا حزام الأمان كان راح فيها:( ..
والحمدالله جات سليمة , مجرد رضوض وكدمات ..

ونأتي الان ..
إلى التحقيق !!
استجوبوا المواطن القطري , وافاد لهم بكل ما لديه ..

استجوبوا الهندي سواق الباص .. وقال ان الإشارة هي كانت خضرة عنده ..
ومن الشهود إللي معاه ؟
اللي فالباص .. 5 شهود .. وكلهم ربعه ..
وماكان في رادار في تلك الإشارة ..

للأسف , اللحين المواطن القطري كلاها ..
وماحترموه , وما حترموا شيبته ..

[المليونير الفقير]

خلها على الله العدل انتهى من زمان الحين الواسطه فقط

[Qtr95]

خلها على الله العدل انتهى من زمان الحين الواسطه فقط

كان يقدر يحولها قضية ويربح ..

ولكن ليش اسمحوا للشهود اللي معاه فالباص يشهدون !؟
:(
هو في قانون يمنع هالشي .. بس ليش ما تطبق ؟

[BIG-VEGA]

الله يكون في عونه

المفروض انه ماياخذ بكلام المحققين ... لان كثير من تصنيفهم من الجاني والمجني عليه على البركه
وخصوصا محققين المطار

[قلم ساخن]

للاسف جماعتنا يستخدمون اسلوب

اسلك اقصر طريق لإقفال القضية

وانا شخصيا تعرضت لمثل هذه الامور وكان القانون المجحف هو الظالم في موضوعي

[بيرق_المجد]

السلام عليكم

الرجال المفروض يحولها على النيابه او يطلب ناس في التحقيق من الناس الخبره عندهم في الحوادث فيه ولد عمي دعمته وحده يمنيه ابوه طلع في التحقيق يعني اكيد بتروح على ولد عمي واحد صفر الرجال المحقق قلب الموضوع من صالح بنته والظاهر الليسن عندها يامنتهي او ماعنده بعد والد العم وقفله وقفه على كيفك والله خذ حقه غصب عن المحقق النصاب وقلب القضيه على بنت اليمني ودفعوه قيمت السياره ترا عادي الظلم موجود مامات للحين

[Qtr95]

السلام عليكم

الرجال المفروض يحولها على النيابه او يطلب ناس في التحقيق من الناس الخبره عندهم في الحوادث فيه ولد عمي دعمته وحده يمنيه ابوه طلع في التحقيق يعني اكيد بتروح على ولد عمي واحد صفر الرجال المحقق قلب الموضوع من صالح بنته والظاهر الليسن عندها يامنتهي او ماعنده بعد والد العم وقفله وقفه على كيفك والله خذ حقه غصب عن المحقق النصاب وقلب القضيه على بنت اليمني ودفعوه قيمت السياره ترا عادي الظلم موجود مامات للحين

اذا حولها قضية راح يخسرها ..
الهندي عنده شهود ..:(
والرجال ما عنده ..

[FCB 123]

المسكين ماله إلا يقول ......... حسبي الله ونعم الوكيل


بالتوفيق للجميع

[بوخالد911]

الظلم ظلمات يوم القايمة

:(

[العقل الحر]

صحيح انه قهر

انا مره واقف في النص وعلى يميني سيارة ننتظر تفتح الاشارة خضرا وحنا سيارتين فقط ننتظر

واول مافتحت طلعت ومقدم على السيارة الى يميني خشم بس

وشوي الى في لمح البصر دعمت سيارة قدامي في الرفرف الخلفي على الباب الخلفي شلون مادري وبعدها تأكدت انه قاطع الاشارة على يساري ومسرع سرعه جنونيه والاخ الى على اليمين الهندي مايدري شسالفه كمل ولا حتى شاف الحادث

ومن سرعه الحادث انه وقفت سيارة القاطع الاشارة على بعد 200 الى 300 متر

وطلع اجنبي يبي يلحق على الاشارة وقطعها بس اعترف عن كل شي :nice:

وطلعت سليمه وقلت له لو انك سرعتك اقل كان دعمتني من بابي وانا الي بروح فيها !

[القلم الصريح]

خلها على الله انا صار لي موقف قبل كم سنه كنت في الدوار اللي صوب الشارتون وفجأه طلع لي في ويهي وانا داخل الدوار سياره فيها مقيم مسرع وانا حاولت اتفاده باقل الضرر وصار التصادم عندي في الرفرف الامامي على اليسار وهو من الخلف ، وشرحت له الشرطي اللي جاء قالي انت غلطان ، وقلت له اني انا اساسا فالدوار وهو طلع لي في ويهي مسرع وانا احاول اتفاداه قالي بنحوله محكمه اذا مب راضي ، وعاد انطر المحاكم بال4 سنوات فقبلت الغلط ولا اتمرمر بالمحاكم

[أبو البنات]

الله يعوضه بخير

مره وحده دعمتني وعندي الاهل شهود وأول ما جا الشرطي وكلم المرأه قالت إني أنا داعمها واني فتحت عليها الباب عشان أضربها !!! فقالي الشرطي اسحب شكوتك عشان تسحب شكوتها، فما حبيت أجرجر أهلي معاي في التحقيق والشهادة فتنازلت ودفعت 100 ريال للمرور إني أتا الغلطان

لكن وبن بتروح هالمرأه يوم الزحف ، بادورها وأطلع حقي منها يوم القيامة

[بو خليفه 123]

الحمدالله على سلامته و اهم شي انه هو بخير والحديد مرده يتعوض

أنا لو كنت مكانه باخذ بقدر من الامكان ارقام السيارات الي كانت متواجده اثناء الحادث لتسجيلها اثناء التحقيق و طلبها لدلو الشهود اثناء الحادث ..

ثانياً ممكن احولها للنيابه و اطلب من وكيل النيابه العوده الى الكاميرات بالشارع ..

ًمب شرط كاميرة الرادار .. انا اقصد كل طريق الآن فيه كاميرة مراقبه تصور افقي و عامودي لمسافات طويله , بتكون اكيد صورت الحادث و من الغلطان..

بالنهايه مايصح الا الصحيح .. الأهم من ذلك مايسكت عن حقه

[Qtr95]

الحمدالله على سلامته و اهم شي انه هو بخير والحديد مرده يتعوض

أنا لو كنت مكانه باخذ بقدر من الامكان ارقام السيارات الي كانت متواجده اثناء الحادث لتسجيلها اثناء التحقيق و طلبها لدلو الشهود اثناء الحادث ..

ثانياً ممكن احولها للنيابه و اطلب من وكيل النيابه العوده الى الكاميرات بالشارع ..

ًمب شرط كاميرة الرادار .. انا اقصد كل طريق الآن فيه كاميرة مراقبه تصور افقي و عامودي لمسافات طويله , بتكون اكيد صورت الحادث و من الغلطان..

بالنهايه مايصح الا الصحيح .. الأهم من ذلك مايسكت عن حقه


السالفة تسكرت من زمااان
وهو تكلم لين ما عيز ..

القاضي مره قاله : اسكت ولا بسجنك ...
مو جنه اللي قدامه شايب كبر ابوه .. :(

[بو خليفه 123]

السالفة تسكرت من زمااان
وهو تكلم لين ما عيز ..

القاضي مره قاله : اسكت ولا بسجنك ...
مو جنه اللي قدامه شايب كبر ابوه .. :(


من حقه يغير القاضي الكلام الي يقوله القاضي مهب نازل من السماء .. و يطلب طعن في القرار


ياليت لو يلجأ الى قانونيين خبراء بالمواضيع هذي شكله اعتمد على نفسه الشايب و جاب العيد مع القاضي

[Qtr95]

من حقه يغير القاضي الكلام الي يقوله القاضي مهب نازل من السماء .. و يطلب طعن في القرار


ياليت لو يلجأ الى قانونيين خبراء بالمواضيع هذي شكله اعتمد على نفسه الشايب و جاب العيد مع القاضي

مايندرى والله ..

[شبح الصمت]

كان يقدر يحولها قضية ويربح ..

ولكن ليش اسمحوا للشهود اللي معاه فالباص يشهدون !؟
:(
هو في قانون يمنع هالشي .. بس ليش ما تطبق ؟


اذا حولها قضية راح يخسرها ..
الهندي عنده شهود ..:(
والرجال ما عنده ..



السالفة تسكرت من زمااانوهو تكلم لين ما عيز ..

القاضي مره قاله : اسكت ولا بسجنك ...
مو جنه اللي قدامه شايب كبر ابوه .. :(




اخوي ابن الكواري ..

اسمح لي عالمداخلة ..

الله يعطيه الصحه والعافيه وحمد لله على سلامته الشيبه ..

بس هالسالفه هل اهي نسج من خيالك أم واقعيــه ...

لانك صراحة قلت الرجال ما اشتكى وعقب قلت القاضي ...

شالسالفه .. ترى دخت وانا اقرى قصتـك ..:eek5:

لك مقصد من القصـه شيء قوله ..

[Qtr95]

اخوي ابن الكواري ..

اسمح لي عالمداخلة ..

الله يعطيه الصحه والعافيه وحمد لله على سلامته الشيبه ..

بس هالسالفه هل اهي نسج من خيالك أم واقعيــه ...

لانك صراحة قلت الرجال ما اشتكى وعقب قلت القاضي ...

شالسالفه .. ترى دخت وانا اقرى قصتـك ..:eek5:

لك مقصد من القصـه شيء قوله ..

حولها قضية ..
وهو اللي كلاها ..:(

انا ما قلت السالفة كلها ..:(

[Qtr95]

ولا تنسى الشهوود

ولولا ال5 الشهود ..
جان ما ربحوا الهنادوة -.-

[شبح الصمت]

حولها قضية ..
وهو اللي كلاها ..:(

انا ما قلت السالفة كلها ..:(



ياخي انت كاتب لو حولها قضيه كان راح يربح ...


والحين تقول خسرها ..

الله يعوضه خير ..

[Qtr95]

كان يقدر يحولها قضية ويربح ..

ولكن ليش اسمحوا للشهود اللي معاه فالباص يشهدون !؟:(
هو في قانون يمنع هالشي .. بس ليش ما تطبق ؟

فهمت ياخوي ؟

[Qtr95]

يعني ربع الهندي اللي فالباص ..
كلهم اشهدوا زور ...

[الجوكر90]

السلام عليكم
اخوي ع كلامك ان دوار
انا مره صارت لي مع شاحنه
الاشاره صارت حمره ولين الحين الناس يقطعون
واول ماصارت خضره عندي الي وراي هرن لي وانا بس قدمت خشم موتري الا راعي الشاحنه دعمني بتايره
ووقف ورحت له قلت له ليش قاطع الاشاره والا يسوي نفسه مايعرف عربي
قلت له انطر الشرطه والي كان وراي وهرن لي رجع ووقف معاي وتكلم معاه وهم سوا نفسه مايعرف عربي
بس يوم الشرطي جانا الا نقول هو قطع الاشاره الا الهندي يرطن عربي
وبس القطري ماقصر وشهد معاي وخالفوه

وبخصوص الشهاده امبله يصير الي معاك فالموتر يشهد عادي
بس دام سالفه قطع اشاره الدوار ع طول وقف اي واحد شاف الحادث لان السالفه فيها 6000 محد راح يعترف

وخل يحول السالفه قضيه عشان يحلفون ع القران وهو حتى لو خسرها ان شاء الله ربه راح يعوضه بالي احسن من هالشي

[رجل الجزيرة]

جزاكم الله خير والحمد لله على السلامة، الصراحة الموضوع شيق.

[HiTec]

كاعد اسمع كثير مثل هالمواقف تصير
والله حرام

[آخر الفرسان]

وعليكم السلام ورحمة الله وبركاته

ابتدي معك اخوي بهالنقطة





والسيارة كان تلف وتدور , والرجال لولا حزام الأمان كان راح فيها:( ..
..

كان من الاحرى ان تقول لولا الله ثم حزام الامان

ادري فيك وفي نيتك السليمة ان شاء الله

بس هذي من الاخطاء الشائعة اللي نقع فيها دائماً

ارجوا تقبل كلامي بصدر رحب ........

وبالنسبة للحادثة

هذه امور تحدث ولطالما هناك شهود فلا يستطيعون الجزم بالامر

الا من خلال النيابة العامة والمحكمة لتبين الامر

وهذه تعتبر من المشكلان او التغرات الغير محببة في

قانون الاجراءات وكذلك قانون العقوبات عندنا !!

والله المستعان

والحمد لله على السلامة

[بوسلمان 2010]

الله المستعان الظاهر الحين يقولون حق القطري ياغريب كون اديب وهو في بلاده

[BuFaisal]

يحولها قضيه
ويطلب ان يقسم هو والسائق الهندي على القران ان كان السائق مسلم
اما اذا كان مش مسلم فلا تعليق

[دوحة الجميع]

تقصد الحين يقولون حق القطري يا قطري كون أديب وهو في بلاده

[العساس]

الظاهر الصيام له دور

كل واحد قام يدلو بدلوه

نسال الله السلامه

[qatara]

الله يعوض عليه

ان حولها قضيا بتغدي طويله عريضه بيكره الحق حتى ولو هو له

[عميد الريان]

الله يرحم ايام القطري يوم مب كفوا احد يطالعه في عينه