شحن الاستاندر للندن

[لورنس العرب]

السلام عليكم ورحمة الله وبركاته


انا ان شاءالله مسافر نص رمضان الى لندن وحاب اشحن موتري للندن لاني مطول هناك

فا اللي عنده علم اشلون الشحن وكم تكلفة الشحن رايح جاي وهل في قيود على شحن المواتر لان الشباب يقولون بالبالون ما راح يدخلون موترك فهل هذا صحيح
ابي الموضوع من طأطأ لسلام عليكم

انتظر ردودك وشكرا

[PIX]

اما تواير بالون في لندن ومطر لندن
ما اخبر طعوس اهناك
صج باين ان السالفه شو مب اكثر

[وحيد-الشوق]

استاندر ولندن ليش ياخوي !!!

فكر فيها الاستنادر اهنيه تفوله ب100 وخرده هناك حط في بالك بتفوله ب100 باوند تقريبا

شيل الفكره من راسك وأجر لك موترك ابرك

[saud580]

عسى ما شر تفويله الستاندر بــ 100 باوند

اخوي المواتر الصالون نفولها بـ100 باوند

صدقني فول الستاندر يوصل 200 و 250

انا اقول لك نصيحه اجر لك موتر من المانيا اكس 5 3 شهور تحصلها بــ 20 ولا 30 الف

انت احسب التأمين و كل شي على حسب عمرك بعد بيطلع لك سعر خيالي ترى

[وحيد-الشوق]

عسى ما شر تفويله الستاندر بــ 100 باوند

اخوي المواتر الصالون نفولها بـ100 باوند

صدقني فول الستاندر يوصل 200 و 250

انا اقول لك نصيحه اجر لك موتر من المانيا اكس 5 3 شهور تحصلها بــ 20 ولا 30 الف

انت احسب التأمين و كل شي على حسب عمرك بعد بيطلع لك سعر خيالي ترى

سوري :shy:

اخبر في المانيا تفويله ال6 سلندر 100 يورو

عاد مادري عن بريطانيا شلون بترولهم :secret:

[البدع]

الي اذكره اني كنت ببريطانيا شهر 4 الماضي

كان اللتر ب 1.09 جنيه

الحين ما اعرف كم

وخزان الجي اكس ار تقريبا 130 لتر الى 140 لتر

والله اعلم

[بوسلمان 2010]

الله يعينك

[المليونير الفقير]

مانصحك تودي سيارتك بتتلعوز بالمواقف والغرامات والمخالافات انصحك روح بدون سياره بالتوفيق

[المحقق كونان]

انصحك تشتري او تأجر لك موتر صغير في بريطانيا و اقتصادي

الله يوفقك

[khaleeji]

اسمع من اخوك نصيحة مجرب

موقع اوتوكار على ما اعتقد دور وبتلقى مواتر زينه

انا شريت فوكس هول ب 2700 باوند وكديتها سنه كامله وعقب راحت سفطان حق رجال عزيز ولو بغيت ابيعها بتنباع غير ان السكان عكس بتكون السواقه متعبه بالستاندر

غير الفول بيكون تقريبآ 120 باوند والتامين بعد بيكون غالي

نصيحه لا توديه

[MoneyMaker]

والله اذا انت قادر توكل على الله.
الفورويل شي مميز جدا في بريطانيا.

بالنسبه للشحن يعتمد اذا ناوي عن طريق البحر ولا طياره.

الطياره ممكن تكلفك من 35-45 الف رايح فقط.

البحر ممكن تستلمها من مدينة دوفر بتكلفك من 8-10 الاف حسب الشركه.
طبعا لاتنسى التامين بيكلفك في السنه حول 7000 الاف باوند.

بالتوفيق.

[بـن عدوان]

ماشاءالله الاعضاء ماقصروا

السالفه بتطلع عليك اغلى من بيع السوق ..

[Chambray]

باعطيك الطريقه
بس سؤال

البالون لو بنجر عليك واخترب
القانون الاوروبي يلزمك انك تغير تايرين الي جدام نفس الشئ
او التايرين الي ورا نفس الشئ

انا مرة بنجر علي التاير
وديته البنجري
قالي لازم تبدل تايرين
قلت ليش
قالي لان تاير اخترب والتاير الثاني لازم يكون مشابه له ( بالماركة وبالارقام وبكل شئ )

هذا القانون

فممكن تقولي من وين بتجيب البالون !؟.؟

ثانياً
ممكن تقولي قطع الغيار وين بتجيبها

[Qtr95]

يصير اشحن الهلكس لندن ؟

[ZURICH]

نصيحتي لك ياخوي تسوي مثل واحد من الشباب كان يدرس ببريطانيا اشترى سيارة بـ 5000 ريال

وبعد ماخلص الماجيستير باعها بـمثل ماشتراها ورد الدوحة :)

[بومحمد911]

الي فهمته من الردود

انك بتدفع مبلغ على الشحن وقدره

تاخذ لك سيارة اهناك الافضل

تروح وترجع بالسلامة

[jeep-srt8]

هههههههههههههههههههههههههههههههههههههههههههههههههه ههههههههههههههههه

باااااااال الردود دمرت صاحب الموضوع وهو بيعاند بس كم يوم وبيهدا

الفكرة رهيبة والله ولا نوصيك على الهدرررررررز

بس فعلاً ..يمكن تتوهق ومايدخل البالون + شحن السيارة لهناك مكلف جداً جداً + والبترول ما اوصفلك الربع ماقصروا

والله يعينك احسبها عدل عدل عدل

[CH Engineer]

الشحن مايكلفك الا 6000 ريال وعلى حسب نوع شركة الشحن
المشكله فالبترول والتأمين

خل موترك فالدوحه وسافر مافي احلى من المشي

[رجل الجزيرة]

يا أخوي: ما أخبر عندهم حباري وكرواين وسلقان إلي أنا أخبره إن عندكم وز وأرانب وشوازن وكلابهم تقول ذيابه من كبرهم وصيدهم في الأرياف، يا إبن الحلال إترك عنك هذي الفكرة عن راسك وخذ لك فورد صناعة بريطانية حليوة وإقتصادية.

وتسافر وترجع بالسلامة.

[v_h3]

الشحن مايكلفك الا 6000 ريال وعلى حسب نوع شركة الشحن
المشكله فالبترول والتأمين

خل موترك فالدوحه وسافر مافي احلى من المشي

انا بشحن 10 مواتر اذا بستة اذا المرشلاقو تطلع عليك 45

[hamoor4ever]

اخوي اذا ماعندك قريشات وايد ( باين من الستاندر ) فمالك حاجه توديه ترى المترو والمشي هناك متعه وماراح تخسر وايد ، اما اذا فلوسك مالك حاجه فيها اوعندك فلوس زياده فشوف لك موتر احسن من الستاندر لانك بتخسر وايد في الشحن غير ان البترول غالي هناك واصلا تقدر تروح اي مكان هناك بالمترو وبسعر بسيط

[CH Engineer]

انا بشحن 10 مواتر اذا بستة اذا المرشلاقو تطلع عليك 45

الشحن الجوي غالي الشحن البحري ارخص يعني يطلع عليك من امريكا لقطر 2000 دولار اعتقد
تحجز البوكس " الحاويه" وتحط فيها الموتر.

اذا انت ناوي تشحن بسألك لان اعتقد سعره 2000 دولار من امريكا لقطر
السعر لجهة وحده بس

[القحطاني505]

نصيحة لا تاخذ موترك

[الهاجري 2]

والله كنت ناوي نفس الفكره بس كنسلت

انزين واذا امريكا هل هناك نفس الشي بالنسبه للشحن لهناك ؟؟

[عميد الريان]

والله مايسوى عليه سألكم يمكن الرجال عن خاطره يتميز هناك ........يبا ما عليك منهم وطلع الي في خاطرك (بس استاندر الله يهديك )

[Qt.1]

الاجمالي بيطلع عليك سعر الموتر نفسه !!