الماي صلخ جلدي والحل ؟؟؟؟ [الأرشيف] - منتديات شبكة الأسهم القطرية

سكر زياده

03-08-2011, 11:19 AM

السلام عليكم ورحمة الله وبركاته
يعطيكم العافية ان شاء الله
ومبارك عليكم الشهر
والله يعينا واياكم على ذكرده وطاعة
والله يتقبل منا ومنكم صالح الاعمال

اخواني عندي مشكلة فالماي مال التانكي ذبحني حار الصراحة يصلخ الجلد مادري شالحل وياه
اركب هالمروحه اللى عالتنانكي ولا ما منها فايده
ياريت الاخوان اللى له تجارب يفيدونا الله يجزاكم خير

khaldoon

03-08-2011, 11:26 AM

اخوي الظاهر انك مب مغطي التانك و معرض لاشعة الشمس مباشرة او انه بايبات الماء غير معزولة

سكر زياده

03-08-2011, 11:50 AM

يعطيك العافية اخوي اشلون اغطي التانكي
قصدك احطلة مظله
والبيبات اللى عندي ما اعرف اذا النوع العازل او لا

khaldoon

03-08-2011, 11:58 AM

يعطيك العافية اخوي اشلون اغطي التانكي
قصدك احطلة مظله
والبيبات اللى عندي ما اعرف اذا النوع العازل او لا

الله يعافيك و يبارك فيك

غطيه بطبقة من العازل الحراري thermal insulation لا تقل عن 1 انش و كذلك الحال بالنسبه لكل البايبات

و بعد ذلك قوم بتغطية التانك عن طريق عمل غرفة له او انك تخليه تحت مظله بحيث انه ما تصله اشعة الشمس المباشره

لو قدرت تسوي نفس الشي مع البايبات يكون افضل

مهل

03-08-2011, 12:02 PM

المروحه تسوي شغل من تجربه شخصيه

الماي عندي ممكن اتسبح فيه الظهر بكل سهوله لله الحمد

سكر زياده

03-08-2011, 12:30 PM

يزاكم الله خير
والله يجيرنا واياكم من نار جهنم

محمد الجفيري

03-08-2011, 12:32 PM

اف الله يحفظك ياخوي دير بالك على نفسك

بوخالد911

03-08-2011, 12:43 PM

الله يعيينكم

ويسلموو للردود الايجابية

[vip]

03-08-2011, 02:23 PM

أنا عن نفسي مركب جهاز تبريد خذته من تدمر ب 3500 ريال والماي مثلج ولازم اشغل السخان

والامور طيبه انصحك بتركيبه صدق انه غالي بس عليه ضمان والضامن الله سبحانه

ومبارك عليكم الشهر

سكر زياده

03-08-2011, 05:29 PM

يزاكم الله خير عالردود وفميزان حسناتكم ان شاء الله

بن رومي

03-08-2011, 05:37 PM

;7498494']أنا عن نفسي مركب جهاز تبريد خذته من تدمر ب 3500 ريال والماي مثلج ولازم اشغل السخان

والامور طيبه انصحك بتركيبه صدق انه غالي بس عليه ضمان والضامن الله سبحانه

ومبارك عليكم الشهر

نفس الحال

والحمد لله مرتاح واذا زان الجو اسكره

ركبة وتوكل على الله

بس اهم شي تظبطة على الدرجة اللي ترتاح عليها عن نفسي حاطة على 25

ملاحظة (( المبرد يعمل نفس المكيف لابد من توفر نقطة كهرباء 3 فيز 30 امبير ))

اي كهربائي بيرتبها لك ))

بن رومي*

الصاعق الحارق

03-08-2011, 11:04 PM

الحل مرفق بلصورة

مرتبش

03-08-2011, 11:38 PM

المروحة شحلاتها
من تجربتي

الصاعق الحارق

03-08-2011, 11:42 PM

المروحة شحلاتها
من تجربتي

صدقت يا زينها زيناه ثلاث سنين عندي شغاله ولا في احسن منها

سكر زياده

04-08-2011, 09:22 PM

جزاكم الله خير يا إخوان ما قصرتوا وبيض الله وجيهكم
مريت خذت مروحة الهرم ما ادري الحرم ب٨٥٠
ان شاء الله عالسبت قالي بركبها لك

الصاعق الحارق

05-08-2011, 12:28 AM

المروحه اول ماتشغلها تنطر عليها تقريبا نص يوم وبعدها جرب الماي تلقاه بارد
وخلها على طول شغاله ماتبدنها ابد وكل شهر او شهرين نظف الفلاتر الهواء الي عليها

alfahad1

05-08-2011, 12:50 AM

حل مؤقت

سكر السخان وطبعا بيتجمع فيه ماي وبعد يوم

هذا الماي بيكون بارد حتى اذا استخدمته في عز الظهر

sahari

05-08-2011, 02:03 AM

جزاكم الله خير يا إخوان ما قصرتوا وبيض الله وجيهكم
مريت خذت مروحة الهرم ما ادري الحرم ب٨٥٠
ان شاء الله عالسبت قالي بركبها لك

ممكن رقم شركة الحرم

وشكرا

مخايل البروق

05-08-2011, 03:55 AM

اخذ لك مكينه تبريد من تدمر وريح بالك

السد

05-08-2011, 01:56 PM

اخذ لك اكواتشل من شركة تدمر 2 طن
ولكن عيبهم شي واحد
الصيانة ما بعد البيع
الله يعينك
بالمواعيد نفس عيادة الاسنان !!

q6ryah

08-08-2011, 07:14 PM

لو سمحتو رقم شركه الحرم مو مسجل بكيوتل اللي يعرف رقمه ياريت يحطه

captin

08-08-2011, 07:29 PM

الماي صلخ جلدي والحل ؟؟؟؟

الحل طال عمرك ببساطة تروح تدمر وتشتري اكواتشل
بمبلغ 3500 ريال وتريح نفسك يجيون ويضبطون لك الجهاز
ويركبونه .

ويمكن من حلاة الماي ما تطلع من الحمام يومين
ههههههههههههه

حمام الهنا ان شاء الله

سكر زياده

11-08-2011, 11:12 PM

السلام عليكم
بعد إذن المشرفين
هذا رقم المسوؤل ٧٧١٤٧٤٣٤
اسمه (باسم)
واسمحولي عالتاخير

Artist

19-08-2011, 02:10 AM

انا مركب في بيتي كولر او جهاز تبريد من الريس اللي في شارع الخليج ممتاااااز ولا عازل ولا مضله وبنيان وخساير ع الفاضي..انا خذت الجهاز ب 2000 ريال ومب حاطه على أبرد شي والماي مشاءالله كنه ماي من الثلاجة السبوح فيه عجييييييب الظهر

انا مجرب وكمن واحد بعد اعرفهم والكل يمدحه

بازار

20-08-2011, 05:05 PM

شركة تدمر ياخوك .. وادعيلي ان شاء الله ..

almaf1a

20-08-2011, 05:22 PM

ما انصحك تركب الكومبريسر مال تدمر
غالي على الفاضي ويبرد اكثر من الي انت طالبه
وفيه مشاكل لييك ماي
عليكم بالمروحه ب 800 الى 1000 ريال
بس يجب التأكد ان يكون غطى التانكي الي يجي مع المروحه مدور وليس المربع لان المربع يدخل هوى حار

افضل مروحه الي مكتوب عليها الحرم
والشركة الي تجيبه اسمها كول باث اعتقد

الرقم موجود عني في السيارة بس الجو حار
الي يبي الرقم برسله له
الشركة لها اعلان في الوسيط
حاولوا معاه على ال800
مضمونه وتأدي الغرض وزيادة وبسعر اقل من تدمر

الصاعق الحارق

20-08-2011, 07:48 PM

مميزات المروحه
سعرها ممتاز
تستهلك كهرباء اقل وتشتغل 24 ساعه بدون مشاكل
ماتبي صيانه غير تنظيف الفلاتر كل شهرين او ثلاث اشهر
وتركيبها سهل تركب محل غطاء التانكي او الخزان

اما جهاز تبريد مثل كواتشل وغيرة يستهلك كهرباء كبيرة نفس المكيف
يحتاج صيانه كل فترة وسعرة غالي
وتركيب يحتاج تركيب بيبات وعفسه وحوسه

انصح دائما بتركيب المروحه
دق سلف لها وانت مرتاح