رواتب العمال والفنيين والمهندسين ..... الخ

[ملازم1]

السلام عليكم ورحمة الله وبركاته

حبيت اطرح هالموضوع للجميع وبالاخص اصحاب الخبره

والنقاش راح يكون حول رواتب العمال وكهربائين وفني جبس ونجار مسلح وحداد مسلح وفورمان ومهندس ومندوب وسائق وعامل بلاستر ..... الخ

الرجاء من الاخوان تحديد الجنسيه والراتب والمهنه .

[khaldoon]

رواتب العمال بحدود 700 ريال و السكن و المواصلات على الشركة

اعرف فورمنيه ياخذون 3000 ريال

المهندس حسب سنوات الخبره

[الكواري 1972]

اعتقد العمال ارتفعت اسعارهم او لين 800 ريال

والفنيين يعتمد على حسب الخبره من 900 الى 2000 طبعاً اقصد النيبالي

اخوي اذا عندك عمال رواتبهم ع 700 دلني عليهم

وتحياتي لصاحب الموضوع

[khaldoon]

اعتقد العمال ارتفعت اسعارهم او لين 800 ريال

والفنيين يعتمد على حسب الخبره من 900 الى 2000 طبعاً اقصد النيبالي

اخوي اذا عندك عمال رواتبهم ع 700 دلني عليهم

وتحياتي لصاحب الموضوع

اخوي انا ما عندي بس سألت عمال المقاول اللي اشرف عليه و عرفت رواتبهم

[ابو علاوي]

اقل راتب عامل نيبالي جديد 850ريال

الفنيين النيباليين لايــــــــــــــــــــوجد
الا اذا تجيبه وتعلمه يصل راتبه لين 2000 ريال بعد سنتين من بداية شغله معلم

الفلبينيين والهنود (الفنيين) 1500-2500ريال راتب المعلم - حسب الخبرة

العرب غاالين ويوصل راتب معلم الحجر مثلا الى 6000 ريال شهريا

طبعا كل الاجور ذُكرت مع العلم ان السكن والنقل -للعمل والسكن- والاقامة عليك

[الكواري 1972]

اخوي انا ما عندي بس سألت عمال المقاول اللي اشرف عليه و عرفت رواتبهم

يعطيك العافيه

[ملازم1]

يعطيكم العافيه على الردود المفيده وبانتظار المزيد من المشاركات

حاليا وعلى حسب السوق اقل راتب بالنسبه للعامل العادي 700بناي او بلاستر او صباغ ريال والفني من 900 الى 1500 مثل الكهربائي او مبلط .
انا بصراحه افضل الجنسيه النيباليه في جميع المهن والسبب
1- العامل مطيع
2- يشتغل حسب الكلام الي يقوله له المقاول ولايتفلسف ويحط شي زياده
3- اقل راتب بالنسبه للباقي الجنسيات
4- شغله نظيف ويتعلم بسرعه
حاليا افكر اشوفلي مهندس كهرباء نيبالي وبعد مهندس معماري وانشاءات نبي النصيحه .

واخوي الى سالت عن نيباليه ان شاء الله قريب برتب مع شخص من النيبال بخصوص العمال وبحط كل مهنه وكم الراتب

[ملازم1]

المشكله الشركات الكبيره تاخذ مشاريع ضخمه بالملايين فماعندهم مشكله يرفعون رواتب العمال والسبب الثاني كل عامل يفكر يوصل الدوحه ويشتغل وياخذ خبره وعقب يشوف ربعه من الهنود والا البنقال يشتغلون لحسابهم ويدخل لهم مبلغ اضعاف اضعاف الراتب الى ياخذه . من وجهة نظري هذه هي مشكلة ارتفاع الرواتب والسبب في ان العامل يبغي يشتغل لحسابه الخاص

[بن رومي]

يعطيكم العافيه على الردود المفيده وبانتظار المزيد من المشاركات

حاليا وعلى حسب السوق اقل راتب بالنسبه للعامل العادي 700بناي او بلاستر او صباغ ريال والفني من 900 الى 1500 مثل الكهربائي او مبلط .
انا بصراحه افضل الجنسيه النيباليه في جميع المهن والسبب
1- العامل مطيع
2- يشتغل حسب الكلام الي يقوله له المقاول ولايتفلسف ويحط شي زياده
3- اقل راتب بالنسبه للباقي الجنسيات
4- شغله نظيف ويتعلم بسرعه
حاليا افكر اشوفلي مهندس كهرباء نيبالي وبعد مهندس معماري وانشاءات نبي النصيحه .

واخوي الى سالت عن نيباليه ان شاء الله قريب برتب مع شخص من النيبال بخصوص العمال وبحط كل مهنه وكم الراتب


الله يوفقك

اذا تقدر اتوفرلي عمالة من النيبال

اكون شاكر لك 8 عمال و 4 مسنية بلاستر وبلاط

شرط مسلمين

بالنسبة للرواتب متفاوتة العمال النيباليين من 600 الى 800 من غير الاوفر تايم

والمسنية على حسب الخبرة ,, وعلى الشركة الرسوم كاملة مع توفير السكن والمواصلات

وتذكرة كل سنتين , والمحاسبين من 2000 وطالع والمهندسين من 3000 وطالع والفورمن على حسب الخبرة 2000 وطالع

(( هذا اذا انك جايبهم من بلادهم بكفالة المكتب )) واغلب الجنسية تكون من مصر

بالنسبة للنجارين افضل تعطيهم كنترات مع محاسبتهم على الوقت والعدة من 90 الى 100 في المتر المكب اما اذا سب كنتراكت من

130 الى 160 على حسب الرسوم ومكان العمل

والحدادين اذا على الكفالة من 45 الى 55 واذا سب كونتركت من 70 الى 90 على حسب التسليح ومكان العمل

كان عندي فورمن اعطية 4500 بس كان ينجز و يوفر مع مراعات الجودة ودوامة 24 ساعة (( الله يرحم ايامة ))

بكل اختصار


بن رومي

[ملازم1]

يعطيك العافيه يابن رومي على الافاده
وان شاء الله بعد العيد بعطيك خبر بخصوص العمال

[خالد هاني]

لا يوجد سقوف أو حدود معينة للراوتب
وهناك قانون الموارد البشرية سينظم عقود العمال والفنيين والمهندسين والأخصائين والخبراء
وهذا في الجهات الحكومية
والشركات الخاصة يجب أن تحذو حذوها

[ملازم1]

لا يوجد سقوف أو حدود معينة للراوتب
وهناك قانون الموارد البشرية سينظم عقود العمال والفنيين والمهندسين والأخصائين والخبراء
وهذا في الجهات الحكومية
والشركات الخاصة يجب أن تحذو حذوها

اشكرك اخوي على المشاركه بس لحد الان مافي تحديد للرواتب ومن الصعب تحديد الرواتب مثل ماتفضلو الاخوان الى شاركو بالموضوع الراتب يختلف على حسب الجنسيه وعدد سنوات الخبره .

[khaldoon]

مرات النجارين و الحدادين و الميسونيه ما يكفيهم كونترات لو ان الاعمال صغيره و يبيلها شغل كبير فلازم تعطيهم يوميات و تكون يومياتهم اكبر من يوميات العمال

[نواااف البوعينين]

اقل راتب عامل عااادي
يعني كووولي هو 800 ريال اقل شي
الفني مثل عامل بلاستر او طابوق او سيراميك اقل شي1000 ريال
الفورمانيه اقل راتب 4500 ريال
هذي الرواتب الي متواجده الحين بالسوق
والسبب ارتفاع الاسعار يعني الاكل الاتصالات والملابس
غير السكن ةالمواصلات لانها عالشركه
اول راتب العامل 600 ريال والاكل عليه بعد
تحياتي لك