جدول أسعار مواد البناء والتشطيبات

[بودحوم]

السلام عليكم ورحمة الله وبركاته

لأهمية الموضوع لشريحة كبيرة من الأعضاء وزوار المنتدى

ارجو من الشباب أهل الخبره في مواد البناء في تعبئة الجدول ( المرفق ) للأسعار
وإضافة أي شئ من المواد الغير مذكورة في الجدول . ليستفيد منه الجميع .

ارجو الهمة ياشباب . وخصوصاً اصحاب الشركات والمقاولين وكل من لديه فكرة ..

ولكم جزيل الشكر

[السد]

ما تقدر اخوي تحدد بالضبط
لان باختصار هناك الردي والممتاز
الاسعار تختلف
سيراميك اتحصل المتر ب 10 ريال للمتر وسيراميك اخر تحصله ب 1500 ريال للمتر المربع !!!!!!!!!!!!
ما هو المعيار بالنسبة لك ؟؟

[بودحوم]

ما تقدر اخوي تحدد بالضبط
لان باختصار هناك الردي والممتاز
الاسعار تختلف
سيراميك اتحصل المتر ب 10 ريال للمتر وسيراميك اخر تحصله ب 1500 ريال للمتر المربع !!!!!!!!!!!!
ما هو المعيار بالنسبة لك ؟؟


صحيح يالسد فيه انواع مختلفة للمادة الواحدة

ولذلك حطيت في الجدول خانة للمواصفات

الجدول في المرفق

أو أضغط (( هــنــــــا (http://www.qatarshares.com/vb/attachment.php?attachmentid=75387&d=1312449718)))

[السد]

شفت الجدول
لكن صعب صعب
اتحط الكميات

[ملازم1]

موضوع ممتاز جدا جدا اشكرك بس لو امكن جدول مرحلة البناء يعني الحديد والخشب والصبيات والاسمنت والرمل العادي والمغسول والطابوق وياريت توضيح كل مرحله وكم التكلفه الفعليه لها

[بن غيث]

ما تقدر اخوي تحدد بالضبط
لان باختصار هناك الردي والممتاز
الاسعار تختلف
سيراميك اتحصل المتر ب 10 ريال للمتر وسيراميك اخر تحصله ب 1500 ريال للمتر المربع !!!!!!!!!!!!
ما هو المعيار بالنسبة لك ؟؟

كلام صحيح نسبيا
والاسعار في تغير مستمر
وشركات المقاولات الكبرى يعينون حاسب كميات يسجل التغيير اليومي لاسعار مواد البناء
وفيه شغله ثانيه بالنسبه لسعر السيراميك .. في نوع ينباع بــ 5000 ريال المتر ماركة فرساتشي
وفيه نوع ينباع باكثر من 10000 ريال المتر وينحط وانتم بكرامه في الحمامات .. لانه فيه قطعه كهرمان علشان يعطر ريحه الحمامات باستمرار
كل هذا وانا للحين ما تكلمت عن مواد البناء الثانيه

[مرتبش]

فكرة حلوة
ما اعتقد ان جدول الاسعار بهالصعوبة .. في مواد التشطيب او المواد الخاصة ممكن يصير فيها اختلاف كبير
لكن الرمل والاسمنت والكنكري والحديد والريدي مكس اسعارها معروفة وماتتغير بين ليلة وضحاها..
مواد مثل البيبات والوايرات والكيبلات والفيوزات والصبغ هذي اسعارها تتغير بعد وفيها انواع؟ اما المكسرات والادوات الصحية والسيراميك ممكن الجدول يحتوي عدة انواع واسعارها

[بودحوم]

موضوع ممتاز جدا جدا اشكرك بس لو امكن جدول مرحلة البناء يعني الحديد والخشب والصبيات والاسمنت والرمل العادي والمغسول والطابوق وياريت توضيح كل مرحله وكم التكلفه الفعليه لها

مرحبا ملازم1
اتمنى من احد الأخوان اهل الخبره يفيدنا بمراحل البناء والفترة المناسبة لكل مرحلة
وأي تفاصيل يستفيد منها اللي يبي يبني ولاعنده فكره عن البنيان .

[بودحوم]

كلام صحيح نسبيا
والاسعار في تغير مستمر
وشركات المقاولات الكبرى يعينون حاسب كميات يسجل التغيير اليومي لاسعار مواد البناء
وفيه شغله ثانيه بالنسبه لسعر السيراميك .. في نوع ينباع بــ 5000 ريال المتر ماركة فرساتشي
وفيه نوع ينباع باكثر من 10000 ريال المتر وينحط وانتم بكرامه في الحمامات .. لانه فيه قطعه كهرمان علشان يعطر ريحه الحمامات باستمرار
كل هذا وانا للحين ما تكلمت عن مواد البناء الثانيه

مساك الله بالخير يابوغيث

ياخوي أنت من تجيب لنا هالأسعار ؟؟؟

في أحد المواضيع قلت عن سعر البناء للعظم 2000 ريال والتشطيب 5000 ريال للمتر

والحين جايب لنا سيراميك بـ 5000 و 10,000 ريال للمتر ؟؟

يعني لو عندي مساحة 400 متر للسيراميك يطلع السعر 4ملايين ريال للسيراميك بس :eek5:

انت تتعامل مع اي شركة ؟؟

و وين ممكن القى السيراميك بو 10,000 ريال ؟؟؟

[بودحوم]

فكرة حلوة
ما اعتقد ان جدول الاسعار بهالصعوبة .. في مواد التشطيب او المواد الخاصة ممكن يصير فيها اختلاف كبير
لكن الرمل والاسمنت والكنكري والحديد والريدي مكس اسعارها معروفة وماتتغير بين ليلة وضحاها..
مواد مثل البيبات والوايرات والكيبلات والفيوزات والصبغ هذي اسعارها تتغير بعد وفيها انواع؟ اما المكسرات والادوات الصحية والسيراميك ممكن الجدول يحتوي عدة انواع واسعارها

مرحبا مرتبش
مافيه صعوبه في تحديد الأسعار

والجدول قابل لإضافة أكثر من نوع لنفس المادة

يعني ممكن إضافة 4 أو 5 انواع من الرخام وتحديده . سعودي ولا سوري ولا أردني
وسعر كل نوع من هالأنواع ..

[بن غيث]

مساك الله بالخير يابوغيث

ياخوي أنت من تجيب لنا هالأسعار ؟؟؟

في أحد المواضيع قلت عن سعر البناء للعظم 2000 ريال والتشطيب 5000 ريال للمتر

والحين جايب لنا سيراميك بـ 5000 و 10,000 ريال للمتر ؟؟

يعني لو عندي مساحة 400 متر للسيراميك يطلع السعر 4ملايين ريال للسيراميك بس :eek5:

انت تتعامل مع اي شركة ؟؟

و وين ممكن القى السيراميك بو 10,000 ريال ؟؟؟

عزيزي
انت تقول اني في احد المواضيع قلت عن سعر البناء للعظم 2000 والتشطيب 5000
انا مستحيل اعطي اي سعر سوا عظم او تشطيب بدون ما اشوف الخرايط والمكان وتحديد المواصفات .. فاياليت لاتتهمني على الفاضي جزاك الله خير
واسعار السيراميك مب تاليف او من خيالي
هذه اسعار الفرساتشي وتقدر تروح بنفسك عند شبيب العطيه وتسألهم عن هذه النوعيات من السيراميك ... وهي طبعا مش معروضه في المعرض الرئيسي .. لهم معرض خلف الرئيسي خاص بزباين خاصه من اهل الملايين
وانا ادري انك مش متخيل هذه الارقام لانك ما تعاملت مع الشركات الكبيره في قطر او في الشغل الخاص بالطبقة الراقيه ..
والله ان قيه شغلات لو قولك عليها بتيود راسك من الاسعار
بس ما اقدر اقولك عليها لانها لناس معروفة وتعتبر اسرار للعملاء
ممكن اقولك ان فيه واحد باني بيته تحت البحر
ومسوي حمام الفرفة بالكامل من الزجاج علشان يشوف البحر
وشغلات كثيرة ناس مسويتها ..

[ملازم1]

هذا جدول ممكن الواحد يستفيد منه ويعدل عليه ....

للامانه الجدول منقوووووووووووول:nice:

[بودحوم]

هذا جدول ممكن الواحد يستفيد منه ويعدل عليه ....

للامانه الجدول منقوووووووووووول:nice:

تسلم ياملازم على الجدول

جدول حلو
واللي أحلا منه الأسعار العجيبة

يعني فيلا بمساحة 645 متر ماتكلف 500 الف مع التشطيب
وعندنا نفس المساحة تكلف 700 الف عظم .

[خبير صيانة]

منزل مبارك انشاء الله