ايش صاير في الكورنيش ؟؟

[Anas_G]

:eek5:..

ياشباب اليوم مريت الكورنيش قبل الفطور شفت مسيرة شسالفة مواتر ملونة ومواتر تمشي شوي شوي و3 سيارات كمارو ماشين على خط واحد وبنفس السرعه ومسكرين على الناس وكروزرات مهبطه تمشي شوي شوي .. وزحمة من قلب .. ماادري لو في العيد قلنا ما عليه صح مب اول مرة اشوف هالمنظر بس ولا سنة كانت الزحمة مثل اليوم الواحد يطلع يضيع وقت شوي مب مشكلة بس مب يسوي مسيرة الناس صايمة وتبي تلحق وناس عندها شغل وبعدين ايش الفكرة هالشهر شهر صوم وعبادات مب مسيرة وستعراض .. :telephone:

[مستر قطر]

اخوي الشباب يروحون الكورنيش قبل الفطور بساعه تقريبن ويدورن من دوار البريد لين دوار الكرنيش وفيه شوارع بديله عن هذا شارع حق الناس المستعجلين وماعتقد ان ساعه بتبعده عن العباده ولي قاعدين يسوونه شي مب حرام ولاعيب ومافيه داعي اننا نظيق على الشباب ونعلق على كل شي يسوونه انه غلط

[The_Be$t]

الشيء اذا زاد عن حده انقلب ضده

مافي داعي نعطل السير

اللي يبغي يصف يصف واللي يبغي يتمشى يتمشى عاليمين ويخلي السيد اللي عاليسار مفتوح للي مستعجل

الطريق ملك عام

يعطيكم العافية

[في سبيل الله]

اخوي الشباب يروحون الكورنيش قبل الفطور بساعه تقريبن ويدورن من دوار البريد لين دوار الكرنيش وفيه شوارع بديله عن هذا شارع حق الناس المستعجلين وماعتقد ان ساعه بتبعده عن العباده ولي قاعدين يسوونه شي مب حرام ولاعيب ومافيه داعي اننا نظيق على الشباب ونعلق على كل شي يسوونه انه غلط


فعلا هالشي مب حرام بس يعتبر في قمة السخافه مع احترامي للجميع ..

وأعتقد ان الشوارع البديلة بتكون مناسبه حق هالأشكال الفاضية =)

[faisalqatar]

اي والله قمة التفرغ .. هاي موضوع شوفني و اشوفك انا اصلا باط جبدي من زمان
يعني تمشوا و ضيعوا وقت و سوو اللي تبونه بس مب مسكرين الشارع بكبره و كل واحد يشوف الثاني جنه شايف مخلوق غريب !!

ونفس السالفه عند المجمعات .. الناس وصلوا القمر واحنا اندور و انسوي زحمة و في النهاية يقولون والله المرور ملخبطين الشوارع و مسوين زحمة !!!!!

ولا شرايكم هههه ؟

[Qtr95]

ما أراه هو في قمة التفرغ !
وفي قمة السخافة !

[v_h3]

اهم شي شفت ال zo6 الحمرا هههه

[ALRAYYAN]

والله أنا رحت خذت لفه وحده اول يوم رمضان وقبلها من خمس سنين مارحت في رمضان

اشوف الوضع عادي .. وين المشكله اذا الواحد رفه عن نفسه شوي ؟!

دامه في حدود الادب ماشوف ان في شي يمنع الشباب يتمشون ويتواجهون هناك

والمستعجل لايدخل في زحمة الكورنيش من الأساس .. في طرق بديله

خلو عنكم المواضيع اللي مالها داعي .. كل واحد شاف له شي جا نزل موضوع

الناس فرحانين بالشهر وذي عاده صار لها سنين عند الشباب وحتى غير الشباب اللي يودون عيالهم قبل الفطور يمشونهم شوي

الله يهديكم بس

[Qtr95]

والله أنا رحت خذت لفه وحده اول يوم رمضان وقبلها من خمس سنين مارحت في رمضان

اشوف الوضع عادي .. وين المشكله اذا الواحد رفه عن نفسه شوي ؟!

دامه في حدود الادب ماشوف ان في شي يمنع الشباب يتمشون ويتواجهون هناك

والمستعجل لايدخل في زحمة الكورنيش من الأساس .. في طرق بديله

خلو عنكم المواضيع اللي مالها داعي .. كل واحد شاف له شي جا نزل موضوع

الناس فرحانين بالشهر وذي عاده صار لها سنين عند الشباب وحتى غير الشباب اللي يودون عيالهم قبل الفطور يمشونهم شوي

الله يهديكم بس

احترم رايك ..
ولكن الصراحة كلهم فاضيين وما عندهم شغل ..
بس يطالعون بعض , طالعني واطالعك ..
اوه موتر !!
لا لا ..
شوفني عندي فلتر وهدرز ..
يا سبحان الله ..

شوفوني عندي اريل 1 كيلو .. اتقول كأنه برج خليفة ..

:(

[غلا الريان]

طيب شــ الحكمه من المسيره يعني ؟؟

مافهمت شسالفه والله !

[الرايــق]

فعلا اللي قاعد يصير قمة في السخافة ..
يعني الطريق ملك للجميع ومش ملك لراعي استاندر وردي يتمشى بسرعة 20 وجايب معاه 150 من ربعه

تخيلو وصل الموضوع لان يكون في أكثر من دورية على دوار البريد لتنظيم السير بسبب هالسخافات اللي تصير من البزران..

[تاجر كشخة]

بزران اخر زمن وعندهم سيارات ايش تتوقعون يعني كااااااااااااااااااااااااااك

[منابر خالده]

تقول شهر عباده انزين انت ليش رحت هناك ؟
لاتقول لي والله ماكنت ادري
خل الشباب في حالهم الله يجزاك خير .

[لاجل QT]

قبل الفطور عاد:(

مو وقتة كلش:(

فرضا اذن واخرو الناس عن فطورها..؟؟؟!!!

اشفيها عقب الفطور:tooth:

[qatari 111]

خلوا الشباااب في حااالهم .... وفي طرق بديله

ولحد يسوي روحه انه عاقل وماله فالسوالف ... لان انت يوم كنت بعمرهم كنت تسوي نفسهم .. ويوم كبرت
قلت سخافه ومتفرغين .. ومحد فينا ينكر يوم كنا بعمرهم كنا نسوي نفس الشي نتمشى ونصف ونسولف مع ربعنا فالكورنيش ..

[NeverLand]

لما يصير شارع ابوهم ساعتها دافعوا عنهم وقولوا خلوهم فحالهم ..

يييه !!

شارع عام قاعدين يتسحبون فيه براحتهم مب مراعيين أحد !! لا يقولون رمضان وحزت فطور !! ولا يحطون في بالهم ان غيرهم مستعجل وعنده شغل يبي يخلصه او عنده حاله طارئه !!

والاغرب من هالاشكال اللي يدافعون عنهم الصراحه !!

من قال حق الشباب لاتغيرون جو ولاتستانسون ؟؟ بس وناستهم ماتصير الا على حساب تعطيل غيرهم ؟ ترى حريتك الشخصيه توقف لما توصل عند حرية الاخرين !!

وهذا شارع ( عاااام ) مب شارع للشباب بس !!

استغفرالله العظيم .. خليتوا دمي يفور وانا صايم :(

[سهم بن سهم]

صبحكم الله بالخير جميعا وتقبل الله صيامكم وقيامكم

أنا بحكم إني ( بابا عود ) أشوف أن الأمر عادي جدا وتعودنا عليه من زمان من أيام مابنت الحكومة الكورنيش أن نتمشى هناك قبل الفطور من أجل الترويح عن النفس ومشاهدة مدفع الإفطار ومن زمان يعني هالكلام من أواخر السبعينات وأول الثمانينات يعني الأمر عادي وأنا أبوكم وكل من يتمشى بسيارته بسرعة بطيئة ويشوف ربعه ويسلم عليهم وكان في أيامنا إستعراض لكن في رمضان محد كان يستعرض ( قصدي إستعراض تحفيص وتقوم بالسيارات ) الكل يتمشى هنا والشهر الفضيل كان له حرمته وما كانو الشباب يتسابقون قبل الفطور هنا .....الخ وتعودنا على هالشيء هنا وأشوفه عادي ولاتمنعون هالشيء لأنه جو رمضاني تعودنا عليه ... وبصراحه جدا ما أشوف الشباب يخالفون الكل ملتزم والشرطة مشكورين منظمين الأمور :victory:

على فكره تدرون وين كنا نتمشى زمان اول قبل الفطور بالسيارات ؟؟؟ :omen2:

قبل الكورنيش شارع الريان :)

ويوم بنو شارع السد إنتقل الشباب هناك :)

والإستعراضات كانت من بعد إشارات المانع إلى نهاية شارع محلات تيفولي تجريب سرعه وتقوم وشيل :nice:

:shy:تقبل الله صيامكم

[منابر خالده]

لما يصير شارع ابوهم ساعتها دافعوا عنهم وقولوا خلوهم فحالهم ..

يييه !!

شارع عام قاعدين يتسحبون فيه براحتهم مب مراعيين أحد !! لا يقولون رمضان وحزت فطور !! ولا يحطون في بالهم ان غيرهم مستعجل وعنده شغل يبي يخلصه او عنده حاله طارئه !!

والاغرب من هالاشكال اللي يدافعون عنهم الصراحه !!

من قال حق الشباب لاتغيرون جو ولاتستانسون ؟؟ بس وناستهم ماتصير الا على حساب تعطيل غيرهم ؟ ترى حريتك الشخصيه توقف لما توصل عند حرية الاخرين !!

وهذا شارع ( عاااام ) مب شارع للشباب بس !!

استغفرالله العظيم .. خليتوا دمي يفور وانا صايم :(

ماتشوف شر والله يعينك

[دااانة قطر]

طيب وين الشواارع البديله؟؟

[Night KNight]

والله مسااااااكيـن الشباااب
مايسوون شي الى وقايمين عليهم
ومانعينهم منه الله يكون في عونكم
(( وكثـر الضغط يولد الانفجـار ))

[ولـد الخليج]

في ناس فاضيين يدورون عالكونيش
وفي ناس فاضيين من قلب ينزلون مواضيع تافهة

[HiTec]

ليش مو حرام ؟؟ الرسول عليه الصلاة والسلام مو نهى عن قطع الطريق او السبيل على المسلمين ؟؟
قطع الطريق يشمل الموتر مو بس الانسان نفسه ..
كم واحد تأذى وانضرّ ؟؟

ياخي حجارة لو كانت في الطريق .. يوصيك الرسول امطها .. والك صدقة
عاد تسكر ع الناس ؟؟ تتمشى ؟؟ وقبل الفطور بساعة ؟؟ حزة الحزة

سبحان الله ماعرف شلون يفكر الشباب ..

ساعة قبل المغرب ابرك ساعة وفيها اجر كثير شحقة اصلا مضيعها
تضيعها براحتك اجرها او ذنبها عليك
بس لاتضر خلق الله !

فيهم الصائم وفيهم المريض .. كاطعين الطريق بالعرض بعد .. شكو ؟

واحد يمر وياخذله لفة شي، ويقطع الطريق ع المسلمين شي اخر

[نبض الخفوق]

الكل فاضي يااخي بدل ماتروح الكورنيش من دوار الى دوار سخفة جدا يعني شوفوني يااخي والله عيب حركات بزران روح مسجد اقرا كم جزء من قران ناااااااااااااااس فاضية من قلب

[bus3od]

عادي و مافيها شي ترفيه عن النفس

و السالفه مب من امس الا من سنين شباب قطر يتمشون قبل الفطور بساعه

و بالنسبه للفضاوه اكيد الشباب فاضين اذا 3 ارباعهم في اجازه و الدوحه مافيها شي الواحد يسويه او مكان يروحه

مابي اكثر في الكلام بس لا تسون من الحبه قبه

[Anas_G]

يمكن فهمتو قصدي غلط انا ما قلت الشباب ما يطلعون ولا قلت الواحد يحبس نفسه فالبيت ولا قلت هاي شارع ابوي ولو كان الكورنيش زحمة والشارع مسكر مافي مشكلة الشارع زحمة عادي كل يوم تصير بس انا تكلمت عن طريقة البعض يعني الحين كل الشباب الي دافعو ما حد علق على يمشون جمب بعض 3 سيارات ويسونلي فيها قائد المسيرة ويمشون شوي شوي ! كل واحد يطلع يدور بروحه اكيد عادي بس انا الي شفته مسيره بمعنى الكلمه عندك موتر فله اطلع دور ما قلت لا بس ياخي مب تسكر الشارع وتمشي انت ورفيج في نفس السرعه وتمشي 20 وتسكر الشارع والي يقولي ليش رايح كنت معزوم عالانتر الموضوع وكل الي فيه انه حسيتها مب عدله هالمنظر يكون من مظاهر رمضان شهر عبادات وشهر فضيل لو قلنا ايام العيد مافيها شي بس انت مسكرلي الشارع انت وربعك وانتو صايمين انت صايم اخوي قاعد تسوي عباده مب تدور وتقطع شوي في الشارع وتدور على موتر نفس موترك وتمشي معاه بنفس السرعه

وفي نقطة ثانية في رمضان الي فات طلعت الكورنيش قلت باخذ فره وبروح مطعم بنيجينز الي صوب التنس وكان في كروزر يمشي شوي شوي وانا وراه والسيد الثاني والثالث سيارتين موستنج كوبرا حلو الكروزر لونه مميز وتميت وراه واديمله يخفف زياده وتميت شوي لين الدوار وحركت وبعد يومين نزلت مخالفة على موتر ترك المركبة في الطريق بدون مفتاح او السير ببطئ شديد وتميت اروح للمرور يوميا واطلع من شغلي والي مب مصدق نزلت هالموضوع وطلبت الاستشاره وفي الاخير دفعت المخالفة وانا اضحك ماقدرت اوصل لحل مع المرور وكل هاي في سبة الشباب الي طالع يرفه عن نفسه

[ALJokar]

سؤال اي شي صاير من زمان وصاير مثل ماتقولون عاده يعني في نظركم صح

الا غلط دامه يضايق العالم الي تبي تروح مشاويرها ما يندرا وش ضروفها

حنا شباب ولله الحمد ما سوينا نفس الشي ولافي عمري اني فكرت اروح اصلا


الي يروحون ناس معينه الله يهداهم ويصلحهم

وحنا هنا مانمنعهم لكن يوسعون للمسلمين والناس الي مش فاضيه للخرابيط المسيره

ولايسكرون الطريق وحزه الحزه لو انسحبت سيارتهم كل يسب ويحط مواظيع تترس المنتدى والخرجي والمرور وغيره يتشكوووون


خلو منكم الدفاع عن شي غلط من ساسه

[Mohammed2]

باتمون تتكلمون من احين الين باجر ومابيتغير شيء
انا اقول لو يتم غلق الموضوع احسن

[bus3od]

من ناحية تسكير الشارع فهذا غلط و انا ضد هذا الشي و للعلم هالشي توه صاير من فئة ( انا ملك الشراع)وهالفئه الله يعينهم على نفسهم

بس الي بيتمشى و لا يضيق على العالم فهذا شي عادي

[MAZEN37]

ممكن تجمع الشباب على الكورنيش
بس
يخلون الخط السريع مفتوح وانتهت القصه

[منابر خالده]

الزحمه والتأخير من المرور الله يعطيهم العافيه يفتشون على اللياسن ويشيكون على المخالفات

[qtr qtr]

الحين المرور بيخالف الشباب اللي فالكورنيش اللي يعرقل واللي مايعرقل السير راح يتخالف

الله يعينكم ياشباب ماخلوكم فحالكم .. وين مارحتوا اشتكوا عليكم ..
حتى ولوا رحتوا اخر الدنيا وراكم وراكم ليين ماتقعدون في المطبخ تطبخون ويا ميري وكيري ..

[منابر خالده]

في شباب دايما ينتقدون حركات الشباب في كل صغيره وكبيره وهذولا اغلبهم يسمون بفئو ال geek

[القحطاني505]

والله من الفضاوة والدجة

كان راحوا يقرون قرآن أصرف لهم

[Anas_G]

في شباب دايما ينتقدون حركات الشباب في كل صغيره وكبيره وهذولا اغلبهم يسمون بفئو ال geek

اخوي بدل ما تقعد تسمي الناس على كيفك شوف الرد الي رديته وعطني رايك ناقش اخوي لاتعصب وتزعل انا ماقلت ما حد يطلع بس قلت لازم نحترم الشارع ونحترم هالشهر الفضيل اذا ما عندك مانع يعني

[Abdulla Al.F]

تبون صج اتشوفون المهزله الي صايره في الكرنيش ..؟
تمرنو الساعه 12 فليل .. وشوفو بعينكم !

[halcrow]

مافيها شي دام الواحد خايف ربه ..... مافيها شي لو يرفه عن نفسه ...

ويتمشا مع ربعه او عياله ويتفرج على السيارات او المظهر العام

والي يشوف فيه تضييق على الطريق بامكانه يستخدم الطرق البديله ... ( الخلفيه )

خاصه ان طريق الكرنيش في قطر ... هو طريق بالاصل امتداد على بحر الكورنيش وللممشى ( ترفيهي ) وماياثر على حركه في منطقه سكنيه او تجاريه

والله يوفقكم جميع لصيام رمضان ( ولحد يسرع )

[العساس]

الظاهر بعض الإعضاء يبيلهم مترجم
الناس ماختلفت ان الشباب يرفهه عن نفسه
ويدور في الكرنيش بالعكس ممكن هذي طريقه للتواصل مع الاصدقاء
وخاصه الي ماشفته من زمان

ولكن المشكلة في طريقة البعض منهم في عرقلة السير
انت يالي مع الشباب الي يعرقل الطريق

حط نفسك ان معك حاله مستعجله او تلحق على موعد او او او
وصادفتك هذي المسيره. ماهي ردت فعلك؟

قبل ان تكتب لاتاخذك الحميه
انت مجرد انك تسجل دخول للمنتديات
اقرأ الآية الكريمة وتدبر معانيها

نحن لسنا ضد بل مع التجمعات ولكن

اعطي الطريق حقه

وجزاكم الله خيرً

[ممنوع اللمس]

والله احترنا لو سافرنا الكل نقد علينا
طيب شفيها لو تمشينا بالكورنيش يعني شبيصير وبعدين السايد اليسار فاضي للي مستعجل يقدر يطوف
السيارات كلها عاليمين والا الواحد يتسبب يمشي عاليمين ويدخل فالزحمه ويقعد يقول سخافه ومادري شنو

بالعكس شي حلو والواحد يغير جو ومافيها شي

[TEAMspirit]

عادي عاده قديمه كنت اسويها من زمان بالذهاب للكورنيش وحالياً اودي عيالي معاي يستانسون يشوفون المواتر والدراجات الناريه وعقبها اخذهم للمفدع على قوله ولدي الاصغير يقصد المدفع .

[الفا برافو]

اذا هو تجمع على جنب الشارع ومافيه تسكير على خلق الله فما فيها شي
على الاقل احسن من الشل والتحفيص والمسابق
عسى الله يحفظ الجميع
وتقبل الله صيامكم

[حقيقه]

زين حد يوصف لنا وين الشوارع البديله
نسمع عنها مانشوفها

انا لي فتره عن الكورنيش اخر مره رحت له تعلقت بالزحمه وتاخرت على البيت :anger1:

[نيساني]

الظاهر بعض الإعضاء يبيلهم مترجم
الناس ماختلفت ان الشباب يرفهه عن نفسه
ويدور في الكرنيش بالعكس ممكن هذي طريقه للتواصل مع الاصدقاء
وخاصه الي ماشفته من زمان

ولكن المشكلة في طريقة البعض منهم في عرقلة السير
انت يالي مع الشباب الي يعرقل الطريق

حط نفسك ان معك حاله مستعجله او تلحق على موعد او او او
وصادفتك هذي المسيره. ماهي ردت فعلك؟

قبل ان تكتب لاتاخذك الحميه
انت مجرد انك تسجل دخول للمنتديات
اقرأ الآية الكريمة وتدبر معانيها

نحن لسنا ضد بل مع التجمعات ولكن

اعطي الطريق حقه

وجزاكم الله خيرً



احرق الهرن على علباه!!!:)

[.Q a T a R.]

كله الا شهر

خلوهم يونسون اعمارهم

[miss.qa]

هاي شباب قطر مستحيل يتطورون كلش عندهم الدنيا حواطه حول لاند مارك 24 على 24 ومسيره فالكورنيش ياريت احمد الشقيري يجي قطر ويسوي تقرير عن هالحواطه ويسوي فيها دراسه ويروي العالم اشقد شبابنا مبدعين ويقدسون الوقت هه استغفر الله العظيم

[HiTec]

((إياكم والجلوس في الطرقات، فقالوا: يا رسول الله ما لنا بدٌّ من مجالسنا نتحدث فيها، فقال : فإن أبيتم إلا المجلس فأعطوا الطريق حقه، قالوا: وما حق الطريق يا رسول الله؟ قال: غض البصر، وكف الأذى، ورد السلام، والأمر بالمعروف والنهي عن المنكر)) رواه البخاري ومسلم.

[الصغيره]

والله حلو مره من زمان كان برمضان مريت من هناك مر شخص مميز بسيارته كلها اعلام ويهرن بهرن مميز وشكله مميز له شنب كبير احس بيدخل موسوعة غنس والسيارات تتبعه والاطفال تصوت والناس تصور سوى جو برمضان جميل

يعني لازم عيد حتى نحتفل عادي حلو برمضان حد يطلع قبل المغرب بشوي ويستمتع بمناظر طيبه

[توشيبا]

مع احترامي للجميع صار حدنا ثانويه ورزت سيارات وشوفني واشوفك والعالم وصلو للقمر

هاذي الساعه اللي تدور فيها في الكورنيش تقدر تختم فيها القران طول الشهر او تساعد احد محتاج او تتعلم منها شي مفيد لك

[ورقــة أمــل]

ههههه هاي اللي فالحين فيه

[شميرام]

مساكين يبغون الوقت يمر يمشون بشوشوي عشان الوقت يمر

ثاني شي الكورنيش حق التمشي كيفهم ،،خاصه اذا مب وقت ذروه خلهم يتمشون يغيرون جو

[كيلو حديد]

هالشئ من التسعينات نشوفه

الفرق ان العدد زاد وحركات التميز زادت


شباب فاضي وما عنده سالفه بدال ما يقرأ قرآن أو ينطم بالبيت

يروح يفوشر بالموتر هناك

عادات قبيحه

لو اني مسؤؤل اي واحد يوطوط صوب الكورنيش يبغي يفوشر اسحب منه الموتر واخليه
يلف الكورنيش مرتين مشي

[Frosty]

عادي و مافيها شي ترفيه عن النفس

و السالفه مب من امس الا من سنين شباب قطر يتمشون قبل الفطور بساعه

و بالنسبه للفضاوه اكيد الشباب فاضين اذا 3 ارباعهم في اجازه و الدوحه مافيها شي الواحد يسويه او مكان يروحه

مابي اكثر في الكلام بس لا تسون من الحبه قبه
:nice:

[Frosty]

تبون صج اتشوفون المهزله الي صايره في الكرنيش ..؟
تمرنو الساعه 12 فليل .. وشوفو بعينكم !

انشهد :rolleyes2:

[Frosty]

هاي شباب قطر مستحيل يتطورون كلش عندهم الدنيا حواطه حول لاند مارك 24 على 24 ومسيره فالكورنيش ياريت احمد الشقيري يجي قطر ويسوي تقرير عن هالحواطه ويسوي فيها دراسه ويروي العالم اشقد شبابنا مبدعين ويقدسون الوقت هه استغفر الله العظيم

لأن مافي شيء انسويييه؟!!!

[توشيبا]

لأن مافي شيء انسويييه؟!!!

لااله الاالله مافي شي نسويه !!!

مافي معاهد مافي مجالس ذكر مافي محاضرات دينيه

بدون زعل نسبه الفضاوه في راس البعض واصله 99% :tease:

[الخبير العقاري]

لو كل واحد منهم بدل هالف والدوران وشوفني واشوفك ، مسك كتاب الله وكمل له كم جزء لكان ابرك له من اتباع الهوى؟!

[بومحمد911]

الله يحفظهم الشباب ويهدينا ويهديهم الى الصراط المستقيم

[دااانة قطر]

لااله الاالله مافي شي نسويه !!!

مافي معاهد مافي مجالس ذكر مافي محاضرات دينيه

بدون زعل نسبه الفضاوه في راس البعض واصله 99% :tease:



بيض الله وجهك
وللأسف في أعضااء فيهم الخير يحطون أحااديث ونصاايح عشاان الوااحد يتعظ
ونااس تمر ولا كأنها تقرا وتقول عاادي وشفيها خلهم الا شهر ............الخ
الله المستعاان

[خالـــــد]

سبحان الله في شهر العباده

الله يهديهم بس

[ع.م]

المشكلة أكبر من مجرد زحمة سير..

المشكلة شبابنا طاقات مهدورة.. نحتاج مشاريع وطنية تحتضنهم وتشغلهم بالخير وبما فيه تطور و صلاح البلد..

الشباب محتاجين اهتمام ومب شرط رياضي.. لازم تتسع دائرة النشاطات الشبابية في البلد وتكون على مستوى أكثر جذباً للشباب.. ولازم نبدا نزرع في الجيل القادم عمق أكثر من الجيل الحالي.. الخير فيهم كبير لكن محد يوجههم..

[miss.qa]

ههههههههه مافي شي انسويه حلوة هاي .... يعني لو عطيناكم حلول بتسونها ...........؟؟؟؟

بدال هالدواره وهالمهايط بالسياير ومافي مخباته ولا فلس ....اقرو لكم قران لو ربع صفحه .... ماتبي تقرى قران روح مناطق الفقيره تبرع بفلوس ود لهم اكل ... فواكه .. اقل شي عصير ..و لا شوف الوالده وقول لها اش تحتاج ولا اتوصل لها شي بيت الجيران ولا بيت اهلها ..اذا ماتبي تنفع ولا تبي تتبرع ولا تبي يطلع منك اي شي مفيد ف حياتك سو خير واقعد فالبيت ولا تزاحم الناس :)

[مستر بن]

الله يستر ,, ان شاء الله ارووح لهم خخخخ ..

[halcrow]

من المضحك ان بعض الاعضاء يربط اي موضوع بالتوجيه الديني وكانهم يعرفونهم شخصيا. ومستغرب انهم ينصحونهم وكانهم عارفين انهم مقصرين مع ربهم من قرايه قران او صلاه او ذكر وحكمو عليهم بالتقصير الديني ياليت كل مسلم ينتبه لهالنقطه .........صفو النيه يا شباب في إخوانكم تراكم في ارمضان...... والله الموفق

[SNH]

من المضحك ان بعض الاعضاء يربط اي موضوع بالتوجيه الديني وكانهم يعرفونهم شخصيا. ومستغرب انهم ينصحونهم وكانهم عارفين انهم مقصرين مع ربهم من قرايه قران او صلاه او ذكر وحكمو عليهم بالتقصير الديني ياليت كل مسلم ينتبه لهالنقطه .........صفو النيه يا شباب في إخوانكم تراكم في ارمضان...... والله الموفق

:victory::victory::victory:

[faisalqatar]

تدرون شنو المضحك في الموضوع؟؟؟

انه وصل 63 رد و منهم 20 رد او اكثر يوضحون ان الموضوع ليس ضد الترفيه و التمشي و السوالف الحلوة هذي وانما ضد عرقلة السير و تأخير الناس .. ولكن .. ثلاث ارباع الردود اتقول:

1- ماتبونا نتمشى ؟؟
2- حرام الواحد يغير جو
3- انتوا كله ضد الشباب
4- (احلى رد) انتوا Geek .. مالك حل انت الصراحة

يالربع قبل لا اتردون افهموا الموضوع
مسكين راعي الموضوع تعب واهو يفهمكم

و شكرا

[cavok]

رمضان كريم

[al-obaidly]

الوعد في الخورنيش؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[بوعبد العزيز]

ياجماعة هاذا الوقت بالتحديد وقت قرائة قران واستغفار وعبادة وليس وقت استعراظ في الشوارع وتعطيل سير الا ترون ان فيها عدم مبالاة وستهتار من قبل ناس لايعرفون الله .
انا اطالب من ادادرة المرور التدخل السريع لمثل هذه الظواهر التي تعطيل حركة سير سيارات الأسعاف والطواريء.
تقبل الله صيامكم.

[بوعبد العزيز]

:eek5:..

ياشباب اليوم مريت الكورنيش قبل الفطور شفت مسيرة شسالفة مواتر ملونة ومواتر تمشي شوي شوي و3 سيارات كمارو ماشين على خط واحد وبنفس السرعه ومسكرين على الناس وكروزرات مهبطه تمشي شوي شوي .. وزحمة من قلب .. ماادري لو في العيد قلنا ما عليه صح مب اول مرة اشوف هالمنظر بس ولا سنة كانت الزحمة مثل اليوم الواحد يطلع يضيع وقت شوي مب مشكلة بس مب يسوي مسيرة الناس صايمة وتبي تلحق وناس عندها شغل وبعدين ايش الفكرة هالشهر شهر صوم وعبادات مب مسيرة وستعراض .. :telephone:
ويت المرور عنهم ولا هاذي مش مخالفة عطيل سيارات الطواريء

[qatarya-vip]

والله الشباب غريبين ،، دام ان الموضوع فيه مسيرة وزحمة شباب كلهم دخلوا فزعة وزعلانين ووين يروحون الشباب وايش يسوون وخلهم يستانسون وغيره من هاالكلام !!

طيب الموضوع بكبرة غلط ووجودهم بالكورنيش هاالحزة غلط وفوق هذا مافيه اي هدف للمسيرة هذه الناس رمضان وحزة فطور وهذولا فاضيين مسوين زحمة بالشوارع !! ويقولون وين نروح ووين نونس نفسنا ؟!!!!!!

قمة السخافة والله ومالهم داعي مسيرة هاالحزة ؟!!! صج مالها داعي

[GRNAS2002]

والله انها قلة ادب
يعني تبغون الناس الي تبغي ترجع لبيوتها هي الي تدور شوارع بديله

والناس الفاضيه الخايبه الي عاله على اهل قطر تسكر الشوارع الرئيسيه علشان كل واحد يشوف خشة الثاني

ياخي روح دج في البر الله لا يردك

[راسي براسك]

ماأعتقد ورد في أي حديث نبوي أو حتى من السنه ولا من القرآن
أن لازم نسوي مسيره عشان نستانس برمضان ونعطل العالم ؟!

الله يهديهم بس

[Frosty]

ههههههههه مافي شي انسويه حلوة هاي .... يعني لو عطيناكم حلول بتسونها ...........؟؟؟؟

بدال هالدواره وهالمهايط بالسياير ومافي مخباته ولا فلس ....اقرو لكم قران لو ربع صفحه .... ماتبي تقرى قران روح مناطق الفقيره تبرع بفلوس ود لهم اكل ... فواكه .. اقل شي عصير ..و لا شوف الوالده وقول لها اش تحتاج ولا اتوصل لها شي بيت الجيران ولا بيت اهلها ..اذا ماتبي تنفع ولا تبي تتبرع ولا تبي يطلع منك اي شي مفيد ف حياتك سو خير واقعد فالبيت ولا تزاحم الناس :)

اظن هالتعليق يجاوب على تساؤلاتج و انا اشهد وبالقو

المشكلة أكبر من مجرد زحمة سير..

المشكلة شبابنا طاقات مهدورة.. نحتاج مشاريع وطنية تحتضنهم وتشغلهم بالخير وبما فيه تطور و صلاح البلد..

الشباب محتاجين اهتمام ومب شرط رياضي.. لازم تتسع دائرة النشاطات الشبابية في البلد وتكون على مستوى أكثر جذباً للشباب.. ولازم نبدا نزرع في الجيل القادم عمق أكثر من الجيل الحالي.. الخير فيهم كبير لكن محد يوجههم..


يقولون اذا انت مانت اجتماعي، الدوحة مب مكانك المناسب؟؟؟ انزين فرضا انا ماروح ميالس ولا اسهر ويا ربعي، ولا ولا ولا... من سوالف هالشباب، وبنفترض ان انا انطوائي... هل انتي في نظرج كانسانة واقعية متهجمة على تصرفات الشباب ان في فعاليات موفرينها لي تطورني وتشغل وقتي؟ اضربي لي امثلة... ؟ عطيني شيء اشغل وقت فراغي فيه؟! وبعدين يعني العبادة فرقت على ساعة وحدة قبيييل الفطور؟ ترا العبادة طول اليوم... وصج ترا الا شهر بيرفهون نفسهم فيه... كبروا عقولكم! وترا انا مب من يرتاد الكورنيش في هالحزة، بس بعد، لاتتهجمون وايد وشوفو وضعنا، لان مايصير اتعلقين على شيء بدون شوفة عينج

[HiTec]

ياجماعة هاذا الوقت بالتحديد وقت قرائة قران واستغفار وعبادة وليس وقت استعراظ في الشوارع وتعطيل سير الا ترون ان فيها عدم مبالاة وستهتار من قبل ناس لايعرفون الله .
انا اطالب من ادادرة المرور التدخل السريع لمثل هذه الظواهر التي تعطيل حركة سير سيارات الأسعاف والطواريء.
تقبل الله صيامكم.

اي والله ياخوي هذا الي افكر فيه

انه ساعة الاصيل .. احد اهم ساعات اليوم الي المفروض ننشغل فيها بتسبيح واستغفار

[qatari 111]

اللي يقرئ ردود المعارضين يفتكر ان بيووتهم والاسواق على الكورنيش من دوار البرزان الى الشيراتون

والطرق البديله عندكم من دوار الاعلام من الخلف وانتوا راايحين لين الدفنه واظن الطريق مفتوووح لكم والطريق هذا هو اللي يوديكم بيوتكم والسوق .. والطريق اللي يرتادونه الشبااب اعتقد كلها تؤدي الى الفنادق والابراج .. فما في داعي تمروون فيه .ز


الله يعيينكم ياشبااب قطر .. ويين بتروحون عقبها..

ملاحظه (( انا معارض فئة الشباب اللي يعرقلون السير ))

[الاستاندر]

ماشوف الموضوع فيه شي غلط
يعني حسيت ان اللي قاعدين في البيت كلهم يقرون قران
الا تلفزون من قناة الراي لين سما دبي لين ام بي سي الا مارحم ربي
عساكم على القوه ورمضان كريم

[faisalqatar]

والله انها قلة ادب
يعني تبغون الناس الي تبغي ترجع لبيوتها هي الي تدور شوارع بديله

والناس الفاضيه الخايبه الي عاله على اهل قطر تسكر الشوارع الرئيسيه علشان كل واحد يشوف خشة الثاني

ياخي روح دج في البر الله لا يردك


:nice:

[..er..]

اسمع بهم ولاجيتهم

اليوم جايهم بأذن الله


جايكم جايكم الله لايعوق بشر

[basma222]

: انا فاضي خل يقرا قران ابرك له

[Al- noor]

صج .. ههههههههههههههههه يحليلهم اول مرة ادرى انهم يسون مسيرة قبل الفطور فاااااااااااضين من قلب

[شيخ القبيلة]

مممممم مادري بس مااحب الدوارة في الكورنيش

[بيانو]

خلنا نكون واقعيين

أولاً التصرف خطأ (إن) كان بالفعل يعطل حركه المرور بنسبه 100%

ولكنه مقبول إلى حداً ما فى الإفطار بسبب الهروب من روائح الأكل التى تعم كافه الفريج :):)

نحن بمصر نسميها قبل الإفطار = سلي صيامك يعنى إما أنك تروح تتمشى شوى أو تساعدهم بالبيت بأنك تطلع تجيب خبز أو عصائر أو تعمل السلطه:weeping: ههههههه أو تطلع تتمشى شويه

ومع كامل إحترامى أغلب إلى موجودين بالكورنيش بذلك الوقت هو أيضاً يتمشى فلماذا هذا النقض



وكل عام والجميع بخير

[بوسلمان 2010]

الله يصلحهم ويهديهم ان شاء الله شباب شباب الملل وماادراك ما الملل الصيام ماثر فيهم

[بيانو]

الله يصلحهم ويهديهم ان شاء الله شباب شباب الملل وماادراك ما الملل الصيام ماثر فيهم

اللهم أمين

:victory::victory::victory:

[bu 3li]

الله يعينك يا صاحب الموضوع ,,
الظاهر العالم يقرون اول جملتين ولا ثلاث ويحطون ردودهم

الريال ماغلط في شي ,, قال ليش الزحمه على الخط السريع (يسار)
يبه اللي يبي يستعرض ولا ينزل من السياره يدزها حتى بدال لا يسوقها كيفه
بس لا تعطلون خلق الله .. للاسف هـ العاده (الصبيانيه) انتشرت الفتره اللي راحت

كل واحد يمشي بسرعة النمله ومنزل الدريشه ويسولف مع اللي احذاه ولا قاعد يتعرض حق بنات الناس
المرور الصراحه لازم يشوفون لهم حل .. يا عن طريق اخذ رقم راعي الموتر ويتصرفون معاه عقب
ولا يكون فيه دوريات تتنقل فـ الاماكن اللي فيها زحمه عـ الاقل يشوفون من اللي مسبب هـ الشي ويخالفونه

يعني واحد ماسك الخط السريع وحالف مايهده واذا كبسنا له تم يأشر ويهاوش !!!!
ان تجاوزنا يمين ( هاي مخالفة تجاوز خاطئ ) وان تمينا وراه ( مالقينا الا المشاكل والهواش )
انزين وبعدين ؟؟ الله يكمل البعض بـ عقله ويهديه ان شاء الله ويهدي الجميع

[Najla..]

انا الصراحه اول مرة اسمع بهالعاده خخخخ ما كاني عايشة في قطر

بس ما اشوف انها شي غلط

خلهم يغيرون جو

صج انه شهر عباده وطاعات بس حلو ان الناس وخصوصا الشباب يكون لهم وسيلة ترفيه وتواصل افضل من الخيم الرمضانية والشيشة ولا شرايكم؟

[مخطط قطري]

ههههههه والله ادورن سالفه غصب في المنتدى تستهبلون يعني انكم ماتدرون ايش الموضوع ؟؟؟؟
في سالفه صايره بين قطر والبحرين وحبو اهل قطر انهم يسون مسيرة عشان بينون انه مافي شي بين الشعب القطري والشعب البحريني

[falsaadi]

طرشولي صورة الكورنيش...من صيف 2007 مارحت الكورنيش ههههههههههههه

[Bu-Khalid]

ما أراه هو في قمة التفرغ !
وفي قمة السخافة !

وما اراه انا .. انك تنتظر على احر من الجمر ذلك الوقت لكي تاخذ سياره

وتذهب بها مسرعا الى الكورنيش

بس ماتقدر لان سنك صغير انتظر بابا كلها كم سنه وبيعطونك سياره

عيل اذا هاي سخافه شتبينا نسوي نلعب قيم بوي

واللي تتكلم معاهم من فئه الشباب اكبر منك فارتقي في اسلوبك

[مو مهم]

اول شي اذا صاحب الموضوع ع كلامه ما بالغ بشي انا الخط السريع مسكر وكانوا يمشون بسرعه ٢٠ معاه حق.
اما بعض الاعضاء الله يهديهم واحد يقول لو انا صاحب قرار سحبت الموتر منه وخليته ياخذ فرتين مشي !!!! الحمدلله انك ما صرت وان شاء الله ما تصير اذا هذا تفكيرك

الصراحه الشباب مظلوم جلس بالبيت معقد طلع المجمعات صايع تمشئ في الكورنيش ضايع وما عنده سالفه تطوع اكيد فيه شي خلاه يتطوع ما تطوع لله.

خافوا الله فيهم
سيلين وتسكرت بحر الريتز وتسكر بحر الخيسه كل شي تسكر حتى البر تسكر بوجيهم وين يرووحون انتم قولوا لنا حلول جالسين ع النت ومشاركاتكم وصلت ١٠٠٠٠ الاف وتقولون اقروا قران انصحوا انفسكم بالاول

والله انا اتكلم من الحرقه عليهم والا انا اخر مسيره رحتها ب ٢٠٠٦ مسيره لنادي السد

والسلام ختام

[بوخالد911]

عادة مألوفة

[الـراسي]

كل عضو حط رأيه في هالموضوع

وما شاء الله على الردود منها اللي له معنا ومنه اللي ما له معنا

الشباب قبل كانو يتجمعون في صبخة ديانا قبل ما يسكرونها

وما حصلو بديل غير هالشي المسيرة في الكورنيش

صحيح انه مالها اي فايده ولكن شباب ما ينلامون

الفراغ وما يسوي ولكن اذا كان بودهم انهم يسوون مسيرة لا يضايقون على خلق الله

حنا برمضان وفيه المريض اللي يبي يروح المستشفى مستعجل

وفيه اللي عنده حالة طارئة فياليت يفتحون المجال للسيارات

[Anas_G]

للعلم ذهبت امس للكورنيش طبعا ليس للمسيرة بل الى فندق الشيراتون وتم اغلاق الكورنيش وكل دوار عليه دورية مسكرة الشارع الي راجع من الشيراتون ما يقدر يدخل الكورنيش والي داخل الكورنيش ما يقدر يكمل لاوله الدواوير كلها مسكره والشرطة كانت تطلع السيارات من الكورنيش .. طبعا نشكر وزارة الداخلية على مجودها ولكن كالعادة بسبب تصرفات بعض الشباب كان الضرر على الجميع ما كنت اتمنى منع الشباب ولا تدخل وزارة الداخلية كل الي كنا نتمناه احترام الطريق واحترام المظهر العام واحترام الناس الي فالطريق هاي طريق عام مش مسيرة عرس

[ali1234]

الله يهديهم ويوفقهم

[بوحارب]

الشباب يروحون يغرون جوو لكن الشرطة مب في خدمة الشعب الا في التضييق على الشباب

انا رحت اول يومين وعقب شفت الوضع مملللللل


اشدخخخخخخخل مسوين ثبوت العصر ههههههه

[نوفا91]

وبطلع من الموضوع وماعرفت شالحكمه من هالمسيره وليش يعني افيدونا ..

[BIG-VEGA]

الشباب يروحون يغرون جوو لكن الشرطة مب في خدمة الشعب الا في التضييق على الشباب

انا رحت اول يومين وعقب شفت الوضع مملللللل


اشدخخخخخخخل مسوين ثبوت العصر ههههههه



ههههههههههههههههههههههههههههههههههههههه

صج الثبوت يسوي زحمه

كله كوم والثبوت الي صار في فريج المعموره

خخخخخخخخخخخخخخخخخخخخخخخخخخخخخخخخ

ام الملاقه

[bu 3li]

للعلم ذهبت امس للكورنيش طبعا ليس للمسيرة بل الى فندق الشيراتون وتم اغلاق الكورنيش وكل دوار عليه دورية مسكرة الشارع الي راجع من الشيراتون ما يقدر يدخل الكورنيش والي داخل الكورنيش ما يقدر يكمل لاوله الدواوير كلها مسكره والشرطة كانت تطلع السيارات من الكورنيش .. طبعا نشكر وزارة الداخلية على مجودها ولكن كالعادة بسبب تصرفات بعض الشباب كان الضرر على الجميع ما كنت اتمنى منع الشباب ولا تدخل وزارة الداخلية كل الي كنا نتمناه احترام الطريق واحترام المظهر العام واحترام الناس الي فالطريق هاي طريق عام مش مسيرة عرس

يعني بدال لايخلون دوريات تتحرك في شارع الكرنيش عشان يضبطون السير
يصكون الشوارع ويريحون روسهم من كل شي ويصير الضغط على الشوارع الثانيه :anger1:

انا ودي اعرف لي متى واحنا نعاني من (فئه) شاذه تخرب وتعطي صوره غلط عن المواطن
وفالاخير الكل ينحكم عليه انه من هـ الفئه !!!؟؟؟ لازم يكون فيه رادع لهم بدال لا العقاب يطول الكل