من خيالي : قصة الأرواح الصافية .. (مهم)

[Qtr95]

السلام عليكم ورحمة الله وبركاته


هذه قصة خيالية من تأليفي :)..
اتمنى ان تنال إعجابكم ..


(خالد:فتى طيب , وعلى قد حاله , يعيش في منزل متواضع هو وجدته العجوز , عمره 19 عاما!)
ام علي: عجوز , لابسه برقع , قديمة , عمرها 82 وهي جدة خالد.


في يوم من الأيام ..
عاد خالد من الجامعة ,ودخل منزله المتواضع ,وقال: يدتي !! يدتي ! !
ام علي ترد عليه : تعال اهنيه يومه , انا في داري !
ذهب خالد إلى غرفة جدته , وقبلها على رأسها ..
وقالت له : هاا ابويه..؟ بشرني .. شقالولك؟
قال خالد بنبرة حزن: يا يمه, ما اقبلوني فالجامعة , يقولون مافي كراسي.. .:(
قالت ام علي: يالله .. توها متصله فيني ام سالم , جان تقول ان اقبلوا بنتها ..
خالد: شلون !؟:eek5:
ام علي: مايندرى والله .. دقيقة .. خل اتصل على ام سالم ..
ام علي : ابوي, سير ييبلي التليفون وانا امك ..
خالد: انشالله يمي .. هااج التليفون ..
ام علي : يعل الله ما يحرمني منك انشالله ..ويعل يرحم المرحوم والمرحومة ,, قول امين ..
خالد:امين..
ام علي تتصل على ام سالم : الووو.. لا ماقبلوه.. يقولون ما في مكان .. اها .. اها ..
اقولج ياختي...؟ اشلون اقبلوا بنتج؟.. ايي.. يعطيج العافية غناتي .. مع السلامة ..


خالد: ها بشري يمه .. شقالت؟
ام علي: يابوي .. خال سارة هو مدير الجامعة.. علشان كذا اقبلوها ..
خالد: يعني واسطة ؟:weeping:
ام علي:اي وانا امك..:(
خالد: لا حول ولا قوة الا بالله ..


(مرت ايام وشهور , وخالد لم يتم قبوله !! وضاقت به الحال ...)


في مجلس النسوان ..


ام علي: انا حفيدي خالد ما اقبلوه فالجامعة , يقولون مافي مكان ..:(
ام حسن: والله انا بنتي مسكينة, ما محصلت لها وظيفة .. بسبة هالواسطة .:(.
ام راشد:هاو هاو هاو هاو ... وايد ناس متلتهين بسبة هالواسطة ..:eek5:
ام سلمان : تدرون شلون ..!!؟:omen2:
النسوان قالوا: شلوون ؟:eek5:
ام سلمان قالت: مالنا , إلا بودرياه !!:omen2:
ام علي تقول وهي متعجبة : بودرياه !!؟ وين تبيننا نروح له في نص البحر؟
ام حسن: اتصدقون.. خوش فكرة .. مالنا إلا بودرياه هو اللي يساعدنا ..
ام راشد : عاد بودرياه مره وحدة ؟؟.. اخاف ياكلنا ؟..
ام سلمان : وييه .. مالت اقوول.. بودرياه طيب ويحب الخير للناس !!


راحوا العيايز , للميناء , وشافوا مركب , وقالوا لصاحب المركب وهو هندي اسمه (بابو)


ام سلمان : رفيق , رفيق !!
بابو: ها ماما؟
ام علي : نبيك تاخذنا لنص البحر ..
ام حسن: اي نص البحر ..
بابو: انا ماما مافي يقدر ..:anger1:
(طلعوا جدامه البيزات , وقال: اووه ,, يالله يالله جلدي ,, خل نروح بحر :nice:)


اركبوا العيايز المركب..


راحوا لنص البحر ... وكانت الساعة 6 المغرب..
عاد إلا توقف ام علي وتقول :يا بودريااااااااه !! يا بودرياااااااااه .. ياللي ساكن في المايه ..
اطلع لنا ! واسمعنا !!
(اتت رياح قوية , وبرق ورعد , واهتز المركب !!)
وظهر بودرياه , عاد الا جان يخافون العيايز ..
ام سلمان: الحقنا يا بودرياه !
ام علي: الشر مسيطر عالديرة ..
ام حسن : يظلمون الفقير ..
ام راشد : ويتعاملون بالربى !


قال بودرياه : وش تبوني اسوي لكم بالله !!؟
قالت ام علي: شوووف يالجني ! انت حارس الدولة .. لازم نجتمع كلنا !!
قالت ام سلمان: اي الأرواح الصافية !!
قالت ام راشد : اي نعم .. قوة الخير , وقوة النصر ..
قالت ام حسن : إذا تعاوننا بنكسر الشر ..


قال بودرياه : متأكدين من اللي بتسوونه ؟ لأن صعب نجمع الأرواح الصافية كلها !!
قالت ام علي: لا تخاف ..الأرواح الصافية كثيرة فالديرة !!
قال بودرياه: خلاص.. اتفقنا .. انطروني باجر الساعة 7 في كورنيش الدوحة .. وبنستدعي كل
الأرواح الصافية والنقية ..
قالت: اتفقنا ..
ام سلمان : بابو ؟ بابو ؟ .. شغل المركب .. ؟
ام حسن : بل ؟ وين راح ؟
بودرياه: الهندي مالكم ؟
ام سلمان :اي...
بودرياه :هههههههههههههههههه طب فالبحر .. واكلته .. هاهاهاهاهاها
ام علي: حسبي الله عليك !! كليت الهندي:anger1: !
بودرياه : لا تخافون .. برجعكم من المكان اللي جيتوا منه .. هههههه:tease:


(في غمضة عين .. وجدوا العيايز انفسهم في المجلس:eek5:)


ام سلمان : اسمعوا يالحريم .. باجر كلنا الساعة 7 ع الكورنيش ..
ام علي: انشالله ياختي ..


في اليوم التالي الساعة السادسة ونص , اي قبل الموعد بنصف ساعة..)


ام علي: خالد !! يومه .. وينك ؟
خالد: انا اهنيه .. يومه ..
ام علي: قم خل نروح الكورنيش ..
خالد : يمه ؟؟ .. مب من عوايدج تروحين الكورنيش؟
ام علي: امش يبه .. وانت بتعرف كل شي ...


تجمعوا العيايز في الكورنيش ...


ووقفوا امام البحر ...
مسكوا ايديهم .. وقالوا..
(الأرواح الصافية .. اطلعي علشان اعيالنا , واعيال اعيالنا ,, احنا محتاجينج علشان ننتصر على الشر)
(الأرواح الصافية .. اطلعي علشان اعيالنا , واعيال اعيالنا ,, احنا محتاجينج علشان ننتصر على الشر)
(الأرواح الصافية .. اطلعي علشان اعيالنا , واعيال اعيالنا ,, احنا محتاجينج علشان ننتصر على الشر)
(الأرواح الصافية .. اطلعي علشان اعيالنا , واعيال اعيالنا ,, احنا محتاجينج علشان ننتصر على الشر)


وخرج نووور من العيايز .. وذهب النور إلى السماء !!
وخرج نوور من خالد !! وذهب إلى السماء ..
وخرجت مئات الألوف من الأنوار .. وكانت تضيء سماء الدوحة ...


ثم خرج بودرياه من بحر الكورنيش وهو يصرخ وقال: الأرواح الصافية , انتشري في الأرض !!
صفي قلوب البشر !! , انشري الحب , انشري الإيمان !!


( كون النور كرة كبيرة .. وانفجرت الكرة .. وانتشر الضوء في جميع المدينة..)
وعم الخير في كل مكان ...


مافي داعي اكمل النهاية لأنكم عرفتوها
وممنوع حد يستعبط ويقول , الأرواح الصافية ولا الشعرية , ولا البدحة .. ولا لخمة..:tease:
ترا دمك خفيف :(

اتقبل ارائكم ..

[العضو العتيج]

ام علي: خالد !! يومه .. وينك ؟

مايصير شزي يوبا ياولد الكوراي خلطت اللهجات علينا

[أبو عبدالعزيز]

ما قدرت تجيش الإنس على أرض الواقع ضد المجلس الأعلى للتعليم
جاي تجيش الجن والأرواح ضد الجامعة في عالم الأحلام!!

[Qtr95]

مايصير شزي يوبا ياولد الكوراي خلطت اللهجات علينا

هدية سعيد قالت شزي حق سعد الفري
:(

[Qtr95]

ما قدرت تجيش الإنس على أرض الواقع ضد المجلس الأعلى للتعليم
جاي تجيش الجن والأرواح ضد الجامعة في عالم الأحلام!!

والأرواح مب ارواحكم ؟
:nice:
:telephone:

[Qtr95]

:)
,,,,

[اللورد]

سووها العيايز وراح فيها الهندي بابو:(

[Qtr95]

سووها العيايز وراح فيها الهندي بابو:(

:(

....