استفسار لي اهل الخبره في البناء

[حياتي]

السلام عليكم

رمضان كريم عليكم عسى الله ان يتقبل من جميع المسلمين صالح الاعمال


اخواني بغيت استفسر لو انا باشتغل بنفسي ببناء البيت يعني بدون مقاول لان اسمع ان الواحد يكون بنا بيته بي اقل الاسعار ولا حد يضحك عليه بالسعر فا ياريت اتفيدوني كيف الطريقه لاني بصراحه مب مامن في اي شركة مقاولات من كثر ماسمعت ناس توهقو معاهم من اسعال ومن مهندسين ماعندهم ذمه

[Chambray]

السلام عليكم

رمضان كريم عليكم عسى الله ان يتقبل من جميع المسلمين صالح الاعمال


اخواني بغيت استفسر لو انا باشتغل بنفسي ببناء البيت يعني بدون مقاول لان اسمع ان الواحد يكون بنا بيته بي اقل الاسعار ولا حد يضحك عليه بالسعر فا ياريت اتفيدوني كيف الطريقه لاني بصراحه مب مامن في اي شركة مقاولات من كثر ماسمعت ناس توهقو معاهم من اسعال ومن مهندسين ماعندهم ذمه

بس هل عندك خبره في البناء اخوي ؟؟
لاتقول صف طابوق وخلاص
ترا فيها امور فنيه الواحد يغفل عنها بعض الاحيان


انا واحد من الربع بنا بيته ووفر تقريباً 200 الف ريال للعظم

بس كيف يجيب ختم المقاول والاستشاري مادري ؟!

[صــوت قطــر]

والله ياخوي ما انصحك ..

ولو ماقد بنيت من قبل وماعندك اي خبره انصحك لاتبني لحالك لأنك بتدخل بدوامه مالها اول من آخر .. وبالأخير بتدفع اكثر من الي بتدفعه للشركه ومده اطول غير التعب وعوار الراس ..


يقول المثل (( عط الخباز خبزه لو اكل نصــه ))

وبالتوفيق ..

[MAZEN37]

براي ابني العظم عند مقاول والتشطيب عليك ان حبيت
وما اعتقد العظم المقاول يقدر يربح وايد فيه

[شموخ دائم]

,

,



مرحبا


اخوي الكريم

ما انصحك بهذي التجربه اعتقد النتيجه ما راح تكون مرضيه لك

اخوي الكريم

البلد هذي بكل مافيها من مشاريع و ابراج واسواق وفلل سكنيه

ترى المقاولين الي بنوها

:)

لا تكون نظرتك سوداء للمقاولين ترى فيهم الزين وفيهم الشين
مثل كل مهنه واصابع يدك مو مثل بعض

اختار المقاول بعنايه من خلال مشاريعه شوفها بنفسك واسئل اصحاب البيوت عن المقاول
وبعدها توكل على الله ما تواجه مشكله باذن الله

اما اذا بتروح على الكلام يقولون لك في باكستاني زين وفي بنقالي زين او خايف ربه
ترى هذا كلام لا تمشي عليه اذا تبي مصلحتك روح لشركات معروفه ولا تصدق الا عيونك ونت تشوف مشاريعهم
ولا تسلم رقبتك لا لبكستاني ولا هندي ولا بنقالي هذا بيت ومشروع كبير مو ملحق نمشي الحال فيه ونسلمه بنقالي
ترى 90% من المشاكل تجي من هذي النوعيه والقليل من المشاكل من الشركات المعروفه تكون بسبب ظروف المقاول
للاسف حط نفسه فيها وحمل نفسه فوق طاقتها

الانسان العادي الي اول مره يبني بيت ما يعرف البناء زين او لا حتى يسكن
وبعدها بيكتشف الاخطاء الي طاح فيها وبيتغير كلامه بعدها لانه مايعرف المناسيب والميلان واصول الصنعه
واذا سكن طلعت المشاكل الماي يتجمع في صوب والمنهول في صوب هذي المشكله لازم تلاقيها عند البنقالي


موفق يارب


,

,


اخوك


شموخ دائم

[بويوسف]

اذا سؤال بسيط مثل هذا مب قادر اتجاوب عليه اخوي الكريم .. فكيف بتبني بروحك ؟؟؟ اجدادنا قالوا عط الخباز خبزه لو اكل نصه .. ولو كل من جا ونجر ماظل بالوادي شجر ..

الامر المعقول واللي ممكن تعمله للتوفير ان تجد المقاول الجيد بناء العظم بلاستر ثم تستلم امور التشطيب. ما عدا ذلك لا تفكر ..

[khaldoon]

بصراحه استغرب انه في ناس حتى الان تلجأ للباكستاني و البنغالي اللي ما يكونون مهندسين و يقولك امين و ممتاز و شغله نظيف وينصحون فيهم في المنتدى


يعني بكلامه هذا نسف الهندسه و المهندسين.....

مب كل انسان يشتغل غلط يعني انه حرامي ومب امين...في كثير مقاولين امينين بس ما يفهمون بالشغل ولا يعرفون يشتغلون صح و يشتغلون على قد فهمهم و ما تعلموه بطريقه خاطئة من عشرين سنه مثلا و قديمين في البلد

فما بالك بالبنغالي و الا البتاني اللي هو مب مهندس


هذه الفئه ممكن تشغلها في اعمال للعمال مثل نقل مواد و تكسير و ازاله و من هالاشياء بس مب شغل تقني

[حياتي]

:telephone:

[بايع بايع]

المثل اللي يقول عط الخباز خبزة ولو اكل نصة
مثل صحيح مئة بالمئة

انا بقولك تجارب شباب بنوا على احسابهم الخاص لاول مره
وكلهم كانت تجاربهم كالاتي
جابوا الكميات الحديد والاسمنت واعمال الخرسانات والصابوق والنجاره باسعاره مناسبة جدا
اثناء العمل وجدوا اخطاء بسببهم فاطروا للتكسير واعادة البناء في اجزاء معينه
الوقت اللي قضوه في التنقل من مكان لمكان للاتفاق وجمع مواد البناء كبرهم 10 سنوات فعليه واصبحوا كثيري التفكري والحسابات وظاع وقتهم كله في البحث والسؤال والتنقيب والتعلم فاستمرت عمليه البناء مابين 3 سنوات إلى عشر سنوات
وكانت مبالغ التوفير للبعض مابين 150 الف الين 250 الف فقالوا مايسوا علينا التعب اللي تعبناه
وفي اللي خسر فوق القيمية التقديرية مبالغ كبيره

بالاخير
السوق فيه اشكال والوان من الناس والتعاملات
حنا ينقص علينا في المواد الغذائية من بقالة لبقالة ثانية
فما بالك بمجال عمل جديد مانفهم فيه شي واذا عرفنا شي راح يكون بسيط وسطحي

فعط الخباز خبزة ولو اكل نصة ولا تاخذه انت وتضيع الخبز كله

[ريان]

انا بنيت بنفسي 3 فلل

وحقيقه متعبه جدا الشغله .

-فيها انجاز في الوقت
-فيها شغل نظيف جدا
ولكن لم افكر في السعر والتكلفه قدر الخوف من الشركات ومشاكلها .

اذا تبي تبني بنفسك

- يبيلك مهندس شاطر

والمهندس هو راح يرتب لك عمال الحداده والنجاره ...وياكثرهم هالايام .

وباقي العمال متوفرين بعد .


اهم شي هل عندك وقت متابعه الشغل وتوفير المواد ؟؟

يعني بيكون عندك وقت الصبح والعصر من المشروع للصناعيه والعكس ؟

ولو بغيت شي انا حاضر

وبالتوفيق ان شاء الله

[حياتي]

انا بنيت بنفسي 3 فلل

وحقيقه متعبه جدا الشغله .

-فيها انجاز في الوقت
-فيها شغل نظيف جدا
ولكن لم افكر في السعر والتكلفه قدر الخوف من الشركات ومشاكلها .

اذا تبي تبني بنفسك

- يبيلك مهندس شاطر

والمهندس هو راح يرتب لك عمال الحداده والنجاره ...وياكثرهم هالايام .

وباقي العمال متوفرين بعد .


اهم شي هل عندك وقت متابعه الشغل وتوفير المواد ؟؟

يعني بيكون عندك وقت الصبح والعصر من المشروع للصناعيه والعكس ؟

ولو بغيت شي انا حاضر

وبالتوفيق ان شاء الله

يعطيك العافيه اخوي ممكن رقمك على الخاص ولا تهون :)

[بوخالد911]

الله يسهل عليك

[بوفصول]

شوف لك مقول خرسانة مسلحة يسوي لك العظم . شغل نجارة + حديد ..طبعا يكون عنده ختم شركة .. واحفر بنفسك لي الوصول للتربة الصالحة للبناء . وخله يبدأ الشغل . ووفر له الحديد والرديمكس. ووفر له الاخشاب والملازم والجيكات . ودرام ماي حق رش الخرسانة.

شغله بنت كلب يارجال .. عطها مقاول يسويلك عظم وفك عمرك . والتشطيب شطب بروحك .

اهم شي درام الماي

بالتوفيق اخوي وكل عام وانت بخير.. واي مساعدة راسلني على الخاص

[ملازم1]

ياخوي نصيحه لك لا ادخل نفسك في دوامه مبين عليك ماعندك خبره في المقاولات الموضع مب مبسيط لازم في البدايه تسوي دراسه حق مواد المشروع من الالف الى الياء :
1- الحفار
2- كم طابوقه يحتاج البيت ؟؟؟
3- كم كيس اسمنت يحتاج البيت ؟؟؟
4- كم طن حديد ؟؟؟
5- كم خرسانه ؟؟؟
6- كم عامل في اليوم ؟؟
7- كم يومية العامل ؟؟
8- مواصلات العمال ؟؟
9- كم تريب رمل ؟؟
10 - معدات البناء للعمال ؟؟
11- مواد الكهرباء ؟؟
12- الله يعزكم المنهولات والبايبات ؟؟
13- تكاليف صب البيت وازالة كميات الحفر وتكاليف مواصلات نقل المواد مثل الطابوق والرمل والاسمنت .. الخ ؟؟
البنيان في فنيات مثلا في مرحله الدفان وتاسيس الصبيات لازم اترش ماي ولازم تضربها الشمس وفي امور ثانيه بعد يعني اذا حصل خطاء من بيتحمل المسووليه اكيد انت والعمال لازم يكون المقاول فوق روسهم لان يعطيهم شغل محدد ويدقق عليه وبعدها يجي المهندس ولاتنسه رقابة الاستشاري .

اعطيك احسن شي اتسويه وتفتك افتح شركة مقاولات عشان تبني بيتك وترتاح بس يبيلك مهندس ومقاول والعمال عشان ماتلتزم برواتب وسكن لهم خذهم باليوميه وخلاص
المهندس راتبه تقريبا من 3500 الى 4500
المقاول راتبه من 2500 الى 3500
ورسوم فتح الشركه مع السجل وكل شي يمكن 5000
واجارالمكتب حول 4000 بس خذ مكان بعيد (( قلعة وادرين )) شوف صوب الشحانيه ولا الشمال

[+abc]

لو بنيت بنفسك بتطيح في عدة مشاكل ابسطها وعلى سبيل الذكر .. منسوب ارتفاع الحمامات والغرف والصالات والحوش والمنهولات والعمال بيلعبون فيك لعبه اذا شافوك مب فاهم الشغلة كل واحد بيقطك على الثاني لا ويقوله قدامك وانت مب فاهم ( عندك اياه لايفوتك ) .. حاسب ياخوي سوو مثل ماقالو الاخوان شوفلك مقاول يسويلك عظم + طابوق بس والباقي سهل تسويه بنفسك وعلى مزاجك والسوق مليان وفيه ناس وايد شغلهم نظيف وماعندهم لف ودوران

واي خدمه او مساعده بخصوص المقاول والتشطيب عندي كم مقاول جيدين وبالتوفيق الشيخ

[حياتي]

لو بنيت بنفسك بتطيح في عدة مشاكل ابسطها وعلى سبيل الذكر .. منسوب ارتفاع الحمامات والغرف والصالات والحوش والمنهولات والعمال بيلعبون فيك لعبه اذا شافوك مب فاهم الشغلة كل واحد بيقطك على الثاني لا ويقوله قدامك وانت مب فاهم ( عندك اياه لايفوتك ) .. حاسب ياخوي سوو مثل ماقالو الاخوان شوفلك مقاول يسويلك عظم + طابوق بس والباقي سهل تسويه بنفسك وعلى مزاجك والسوق مليان وفيه ناس وايد شغلهم نظيف وماعندهم لف ودوران

واي خدمه او مساعده بخصوص المقاول والتشطيب عندي كم مقاول جيدين وبالتوفيق الشيخ

ممكن ارقام المقاوليين لو سمحت ومشكور على الرد

[نواااف البوعينين]

والله يالغالي اعرف واحد بنى بيته بنفسه بدون مقاول
قعد وهو يبني فيه يمكن اربع سنوات
وسكن قبل شهر
ولا وفر ولاشي بالعكس تخربط وتعب عالفاااضي
وبالنسبه عن المقاولين الي بالدوحه يااخوي المقاولين الي عندنا زينين
لو اتشوف بالسعوديه شلون نظامهم بتحمد ربك مليون مرة
او بالكويت بعضهم يصنعون الخرسانه بالمواقع
الي بقطر بخير ونعمه
الحديد معروف عند الحكومه والخرسانه لما مواصفات والطابوق مواصفات وكل شي ميه ميه
لا تتهور واتعب روحك
ويكون بعلمك اعرف كذا واحد عنده شركة مقاولات
والله يحلفون المقاولين يقولون التاخير مب لصالحنا
يعني لو قعد بالمشروع ست شهور اهو الربحان لانه بيوفر رواتب وبيروح لمشروع ثاني
بس مشكله نظرتنا كلنا للمقاول بأنه حرامي ولازم تراقبه ولازم تصيده
وعطله بالدفعات وحط استشاري شديد
والله اعرف ناس الي خسرهم الاستشاري
يعني يااخوي بالمختصر المفيد خلق على ثقه بالله وتوكل على الله والي بينك وبين المقاول العقد
انت التزم بالدفعات وهو يلتزم بالشغل
والاستشاري لا يغرك ويتدخل بامور ماتخصه
الاستشاري نخصصه هندسي فقط لاغير وعلى حسب مواصفات العقد الي بينك وبين المقاول فقط
تحياتي لك يالغالي

[توفني ساجدا]

السلام عليكم ورحمة الله وبركاته،،

نحن شركة ويل دن للتجارة و المقاولات والخدمات على استعداد لبناء العظم مع بلاستر داخلي خارجي والسور والصرف الصحي وتمديدات الكهرباء باسعار خيالية ومنافسه و كما لدينا التشطيب العادي والديلوكس والسوبر ديلوكس وvip كلك ذلك تحت ادارة هندسيه من اصحاب الخبرة و الكفاءة بمشاريع كبرى بالدوله كما يضم طاقمنا العمالة الماهرة لاعمال منازلكم في المجالات التالية: الجبس والديكورو الاعمال والتمديدات الكهربائية والنجارة والحدادة والسباكه والصرف الصحي ..اعمالنا على أرض الواقع عين خالد و ام صلال محمد و فريج كليب و مدينة خليفة و الوكره .
هدفنا ارضائكم و تحقيق حلمك لحقيقه والسمعه والرقي باعمالنا وليس الربح السريع.
تفضلوا بزيارة مكتبنا او الاتصال على الخاص
اسعار خاصه بمناسبة الشهر الفضيل و قدوم عيد الفطر المبارك

[Al-Saady]

الأخ توفني ساجدا يرجى إرسال رقم جوالك على الخاص ... وانا اجيك بنفسي ومعي الخرايط ولك مني جزيل الشكر

[MAZEN37]

الأخ توفني ساجدا يرجى إرسال رقم جوالك على الخاص ... وانا اجيك بنفسي ومعي الخرايط ولك مني جزيل الشكر
نفس الطلب بعد اذن صاحب الموضوع