كشف حساب ...... سوق الدوحة للأوراق المالية !!!!

[بدوي]

يالربع لو بغيت اسوي كشف حساب من سوق الدوحة للأوراق المالية

لازم اروح لشارع حمد الكبير (نفس ما اذكر) أو تطوروا العالم واقدر اطلعه من النت؟؟؟؟؟

افيدونا جزاكم الله خير

[المليونير الفقير]

اتوقع مافي اي تطور نفس الشي تروح وتطلبها من السوق وبالتوفيق

[بدوي]

اتوقع مافي اي تطور نفس الشي تروح وتطلبها من السوق وبالتوفيق

لاحول ولاقوة الا بالله

يعني لازم الواحد يطلع من دوامه ويدش في الزحمة وعوار الراس

واخرتها .. (برنتر وورقة) ماعتقد العملية فيها ذاك التعقيد !!!!!

الله يهديهم بس

مشكور اخوي ، وننتظر التأكيد من اصحاب العلم
:)

[<اضرب واشرد>]

تقدر تسحبها من النت بس سالفة طويلة عريضة حسب ماحاولت أجرب ، تشترك وتدخل بياناتك وتراسلهم وتنتظر وسالفة. ( من موقع السوق )

لذلك أسهل لك تروح شارع حمد وتسحبها ، واذا سحبتها صورها 5 نسخ عشان ماتضطر ترجع مره ثانية لو ضاعت ولا صار شي.

[خالد هاني]

يمكن عن طريق النت
وبالتوفيق

[<اضرب واشرد>]

لاحول ولاقوة الا بالله

يعني لازم الواحد يطلع من دوامه ويدش في الزحمة وعوار الراس

واخرتها .. (برنتر وورقة) ماعتقد العملية فيها ذاك التعقيد !!!!!

اخوي اذا عندك دريول أو وسيط يدل مبنى البورصة في شارع حمد ، طرشه وعطه بطاقتك الشخصية ، مافي داعي تروح بنفسك هو يجيب لك كشف الحساب.

علمه يدش ويطلب ( كشف الحساب ).

[سهام]

كشف الحساب تقدر تشترك وتسجل ايميلك عندهم ويطرشونه لك بشكل دائم شهريا انا يوصلني على الايميل شهريا ادخل موقعهم وشوف وشلون التسجيل بالخدمه

[roma27]

معلومه مهمه واول مره اعرفها شكرا لك سهام

[سهام]

معلومه مهمه واول مره اعرفها شكرا لك سهام


الشكر لله تكفينا الدعوه الطيبه