ساعدوني في وضع جدول زمني لمراحل البناء

[أنا]

السلام عليكم

الحمد الله الله وفقني ووقعت عقد من شركه مقاولات لها سمعتها بالسوق تسليم مفتاح مده 14 شهر هذا المكتوب بالعقد لكن اوعدوني يخلصوني خلال 12 شهر اذا ما تاخرت بالدفعات :)
أتمنى من أصحاب الخبره يساعدوني في وضع جدول زمني لكل مرحله ، بالكثير كم تحتاج وقت.؟

يعني مثلا باجر بأذن الله يبنزل المساح الارض لوضع النقاط .. كم يوم يحتاج عشان يخلص .؟
مرحله صب الجسور والدفان .. كم يوم .؟
مرحله صب سقف الدور الارضي . كم يوم .؟
مرحله صب سقف الدور العلوي . كم يوم .؟ ..... وهكذا

أبي اتابعهم وانا فاهم العمل والوقت لكل مرحله عشان ما يستغفلني المقاول او الاستشاري أبي اكون معاهم في كل خطوة وفاهم كل شي :nice:


جزاكم الله خير ،،،

[السد]

ممكن تطرش لي رقمك على الخاص
وان شاء الله بساعدك
وين مكان البناء؟؟؟

[السد]

لا تنسى اخذ مستوى الشارع للفيلا
من عند اشغال
خطوة جدا مهمة

[khaldoon]

وين مكان البناء؟

[أخو من طاع ربه]

الله يوفقك مالنا في المقاولات ولاكن خذ رقمي وعطه المقاول

عشان نركب لك البيبان والدرايش ههه والمطبخ بعد


الله يوفقك ويبارك لك في بيتك

[[vip]]

موووفق والله يعينا أنا يوم الأحد بطلع رخصة البناء

[أنا]

ممكن تطرش لي رقمك على الخاص
وان شاء الله بساعدك
وين مكان البناء؟؟؟

جزاك الله خير
يا اخوي ساعدنا على العام عشان يستفيد الكل
مكان البناء الدحيل ..

[أنا]

لا تنسى اخذ مستوى الشارع للفيلا
من عند اشغال
خطوة جدا مهمة

أن شاء الله :nice:

[أنا]

وين مكان البناء؟

الدحيل

بس ليش السوال .؟

ننتظر خبرتك لتعم الفائده

مع الشكر

[أنا]

الله يوفقك مالنا في المقاولات ولاكن خذ رقمي وعطه المقاول

عشان نركب لك البيبان والدرايش ههه والمطبخ بعد


الله يوفقك ويبارك لك في بيتك

الله يوفق الجميع

[أنا]

;7505335']موووفق والله يعينا أنا يوم الأحد بطلع رخصة البناء

الله يوفقك اخوي

:)

[المنسى]

بالتوفيق ان شاء الله بس اخبر الى يسوى الجدول الاستشارى

[المهندس عبدالعزيز]

تخطيط الجدول من مسؤولية المقاول لا مسؤولية المالك حسب مواصفات البناء القطرية ولا يستطيع المالك إجبار المقاول في اتباع جدول زمني للمراحل الزمنية ما لم ينص ذلك في العقد.

وفي حالة رغبة المالك في تخطيط الجدول الزمني سيتحمل المالك التكاليف المادية وتأخير مدة المشروع التي قد تحدث نتيجة تدخل المالك في صلاحيات المقاول

[المهندس عبدالعزيز]

لكن من حقك القانوني أن تطلب من المقاول جدول زمني يبين فيه مراحل التنفيذ لكل مرحلة

[أنا]

بالتوفيق ان شاء الله بس اخبر الى يسوى الجدول الاستشارى

الاستشاري قالي المقاول يعطيك جدول زمني

جزاك الله خير

[أنا]

تخطيط الجدول من مسؤولية المقاول لا مسؤولية المالك حسب مواصفات البناء القطرية ولا يستطيع المالك إجبار المقاول في اتباع جدول زمني للمراحل الزمنية ما لم ينص ذلك في العقد.

وفي حالة رغبة المالك في تخطيط الجدول الزمني سيتحمل المالك التكاليف المادية وتأخير مدة المشروع التي قد تحدث نتيجة تدخل المالك في صلاحيات المقاول

الجدول الزمني ككل 14 شهر تسليم مفتاح

بس انا أسال تقريبا كل مرحله كم تحتاج من الوقت حسب خبره الاعضاء مثلا اذا الدفان والحفر يحتاج شهر تقريبا والمقاول اللي عندي احتاج وقت فوق الشهر يعتبر تاخير او اقل من شهر بيعتبر شغل سريع سريع

ابغي اعرف بس الوقت التقريبي والمناسب لكل مرحله

مع الشكر

[khaldoon]

مثل ما قالك الاخوان هالشي من اختصاص المقاول بس انا فهمت منك انك تبي تشوف المدد الزمنية اللي يضعها المقاول منطقية والا لا ....

على العموم الموضوع معتمد على مساحة البناء بس راح احاول اعطيك شي تقريبي كفيلا و الله اعلم لاني صارلي فترة طويله ما اشتغلت فلل

الحفر لا يستحق اكثر من اسبوع خصوصا لو كان مقاوله و ليس يوميات و اقولها عن تجربه و الواقع انه ممكن تنفيذه بخمسة ايام

عمل خنزيرة و تحطيط قواعد النظافه و القواعد خلنا نعطيها اسبوع الى 10 ايام لان المقاول ما راح يقص كل الخشب اللي عنده يعني راح يحاول يصب القواعد اللي من نفس المقاس على مراحل و ليس في يوم واحد فممكن الصب يتم على مرحلتين او ثلاثه حسب كفاءة المقاول و سخاؤه و سرعته و يمكن اسبوعين

خلال فترة صب القواعد راح يبتدي يبي طابوق تحت الجسور و يعتمد هل راح يبنيها تحت الجسور الخارجية للفيلا والا لكل الجسور يعني الخارجية و الداخليه


اعطيه فرصة اسبوع و ممكن اقل لو خارجي و 10 كحد اقصى لو خارجي و داخلي وهي مده طويلة

الجسور يبيلها على الاقل اسبوع الى 10 ايام كحد اقصى

الدفان يعتمد اذا بسويه على طبقات والا مره واحده ....اغلب المقاولين بيلعبون في هذه النقطه و بيدفن نصف متر او مثر على الاقل و بعضهم بيدفن الفيلا طبقة واحده يعني بهذه المرحله بالذات فتح عينيك زين

لو بسوي الدفان على طبقات وخلنا نقول 30سم كل طبقه مع فحص يعني يبيلك اسبوع ولو غشك في هذه المرحله وهذا الشي المتوقع بالعاده فالمفروض تاخذ وقت اقل

طبعا هذه المدد تشمل عزل القواعد و الجسور قبل الدفان الذي يجب ان يتم تنخيله اولا

بعدها تصب الارضيات

ما تنسى ترش الارضيه من الحشرات و القوارض قبل السماح للمقاول بصب الارضيات

الارضيات ما تاخذ اكثر من يومين الى ثلاثة ايام لانه حديدها سهل التركيب ..و غالبا للفلل يكون شبك جاهز

الاعمده راح تاخذ وقت يعني 10-14 يوم لانه راح يصبها على مراحل من اجل توفير القص في الخشب و التدعيم و حسب عدد الاعمده

راح افترض انك بتصب الخرسانات اولا و بعد صب السقف راح تبني الطابوق

السقف يحتاج 3 اسابيع من تركيب الخشب و التدعيم و تركيب الحديد و الكهرباء و هي مده ممكن ضغطها لو المقاول شاطر


طبعا الاعمده للدور الاول و السقف اللي فوقها راح تحتاج نفس المدد المذكوره سابقا

اما البنت هاوس فبيكون صغير و خلنا نقول اقل من اسبوع الاعمده و اسبوع السقف

الطابوق للطابق الارضي راح يحتاج شغل 3 اسابيع على الاقل حسب عدد الميسونيه في الورشه و كفاءتهم وممكن ياخذ وقت اكثرمع صب الاعتاب للابواب و الشبابيك ولو كانت ديكورات و اقواس... يعني شهر بس بتكون مده طويله

خلال هذه المده راح يبتدي مقاول الكهرباء بتركيب بايبات الكهرباء في الحوائط و نفس الحال للميكانيك في الحمامات و المطابخ و هالشي يبيله على الاقل 10-14 يوم من مقاول الكهرباء للطابق الارضي

التجهيز للبلاستر مع عمل البلاستر في نفس الوقت للغرف الجاهزة و المنتهية من تمديدات الكهرباء مع عمل البلاستر ...على الاقل 3-4 اسابيع
على العموم لو شفت الارقام منطقيه بكملك بعدين لكل مرحله ....بروح اتسحر و كل عام وانت بخير

[khaldoon]

الارقام اشوفها منطقيه نوعا ما لان مرحلة الخرسانات تحتاج الى 30-40% من زمن المشروع و اللي انا حسبته لك استهلك 30% (124يوم) و لسه ما حسبنا الملحق و الاسوار و الاعمال الخارجيه...يعني لو زادت المدد شي بسيط فاعتبره شي مقبول ان شاء الله

تحياتي

[بوخالد911]

هلا


الجدول الزمني من اختصاص المقاول
مب الاستشاري


والمفروض المقاول يكتب لك كل التفاصيل
وبعدين عط نسخة للاستشاري

مووفقين

[أنا]

مثل ما قالك الاخوان هالشي من اختصاص المقاول بس انا فهمت منك انك تبي تشوف المدد الزمنية اللي يضعها المقاول منطقية والا لا ....

على العموم الموضوع معتمد على مساحة البناء بس راح احاول اعطيك شي تقريبي كفيلا و الله اعلم لاني صارلي فترة طويله ما اشتغلت فلل

الحفر لا يستحق اكثر من اسبوع خصوصا لو كان مقاوله و ليس يوميات و اقولها عن تجربه و الواقع انه ممكن تنفيذه بخمسة ايام

عمل خنزيرة و تحطيط قواعد النظافه و القواعد خلنا نعطيها اسبوع الى 10 ايام لان المقاول ما راح يقص كل الخشب اللي عنده يعني راح يحاول يصب القواعد اللي من نفس المقاس على مراحل و ليس في يوم واحد فممكن الصب يتم على مرحلتين او ثلاثه حسب كفاءة المقاول و سخاؤه و سرعته و يمكن اسبوعين

خلال فترة صب القواعد راح يبتدي يبي طابوق تحت الجسور و يعتمد هل راح يبنيها تحت الجسور الخارجية للفيلا والا لكل الجسور يعني الخارجية و الداخليه


اعطيه فرصة اسبوع و ممكن اقل لو خارجي و 10 كحد اقصى لو خارجي و داخلي وهي مده طويلة

الجسور يبيلها على الاقل اسبوع الى 10 ايام كحد اقصى

الدفان يعتمد اذا بسويه على طبقات والا مره واحده ....اغلب المقاولين بيلعبون في هذه النقطه و بيدفن نصف متر او مثر على الاقل و بعضهم بيدفن الفيلا طبقة واحده يعني بهذه المرحله بالذات فتح عينيك زين

لو بسوي الدفان على طبقات وخلنا نقول 30سم كل طبقه مع فحص يعني يبيلك اسبوع ولو غشك في هذه المرحله وهذا الشي المتوقع بالعاده فالمفروض تاخذ وقت اقل

طبعا هذه المدد تشمل عزل القواعد و الجسور قبل الدفان الذي يجب ان يتم تنخيله اولا

بعدها تصب الارضيات

ما تنسى ترش الارضيه من الحشرات و القوارض قبل السماح للمقاول بصب الارضيات

الارضيات ما تاخذ اكثر من يومين الى ثلاثة ايام لانه حديدها سهل التركيب ..و غالبا للفلل يكون شبك جاهز

الاعمده راح تاخذ وقت يعني 10-14 يوم لانه راح يصبها على مراحل من اجل توفير القص في الخشب و التدعيم و حسب عدد الاعمده

راح افترض انك بتصب الخرسانات اولا و بعد صب السقف راح تبني الطابوق

السقف يحتاج 3 اسابيع من تركيب الخشب و التدعيم و تركيب الحديد و الكهرباء و هي مده ممكن ضغطها لو المقاول شاطر


طبعا الاعمده للدور الاول و السقف اللي فوقها راح تحتاج نفس المدد المذكوره سابقا

اما البنت هاوس فبيكون صغير و خلنا نقول اقل من اسبوع الاعمده و اسبوع السقف

الطابوق للطابق الارضي راح يحتاج شغل 3 اسابيع على الاقل حسب عدد الميسونيه في الورشه و كفاءتهم وممكن ياخذ وقت اكثرمع صب الاعتاب للابواب و الشبابيك ولو كانت ديكورات و اقواس... يعني شهر بس بتكون مده طويله

خلال هذه المده راح يبتدي مقاول الكهرباء بتركيب بايبات الكهرباء في الحوائط و نفس الحال للميكانيك في الحمامات و المطابخ و هالشي يبيله على الاقل 10-14 يوم من مقاول الكهرباء للطابق الارضي

التجهيز للبلاستر مع عمل البلاستر في نفس الوقت للغرف الجاهزة و المنتهية من تمديدات الكهرباء مع عمل البلاستر ...على الاقل 3-4 اسابيع
على العموم لو شفت الارقام منطقيه بكملك بعدين لكل مرحله ....بروح اتسحر و كل عام وانت بخير

كل عام وانت بخير أخوي والله يتقبل صيامكم وقيامكم
هذا الجواب اللي كنت أدور عليه جزاك الله خير ما قصرت
ياليت تكمل عشان نستفيد أكثر

:nice:

[أنا]

الارقام اشوفها منطقيه نوعا ما لان مرحلة الخرسانات تحتاج الى 30-40% من زمن المشروع و اللي انا حسبته لك استهلك 30% (124يوم) و لسه ما حسبنا الملحق و الاسوار و الاعمال الخارجيه...يعني لو زادت المدد شي بسيط فاعتبره شي مقبول ان شاء الله

تحياتي

ما قصرت والله
وأنا طلبت اليوم جدول زمني من المقاول خلال يومين بيكون عندي :)
جدول يبين وقت تنفيذ كل مرحلة
وما شاء الله عليك استفدت من كلامك واجد

تحياتي

[أنا]

هلا


الجدول الزمني من اختصاص المقاول
مب الاستشاري


والمفروض المقاول يكتب لك كل التفاصيل
وبعدين عط نسخة للاستشاري

مووفقين

هذا اللي بيصير أخوي
شاكر لك مرورك

[قطري قديم]

مرحبا اخوي الجدول الزمني من اختصاص المقاول وليس من اختصاص الاستشاري وانا بحكم خبرتي في شركة المقاولات الجدول الزمني ليس ثابت علي حسب قوة الشركة ورغبه العميل فمثلا فيلا مساحتها 840 يتم انجازها في 9 شهور تسليم مفتاح كامله والكامل وجه الله هذا اذا كان لدي الشركة كادر عمال كبير وكان هناك تعاون من قبل المالك في عدم تاخير الدفعات المستحقه وبالتوفيق انشاء الله