بـغــيــت أدعـــم والسبب حركات بعض السواقين ..كلمت المرور وللأسف مافي تجاوب

[بـن عدوان]

.

.

السلام عليكم ورحمة الله وبركاته :anger1:

الموقف توه صار قبل شوي ..

الله يسلمكم انا كنت داش دوار المرخية ورايح صوب دوار الجوازات

كان جدامي هوندا سيفيك وهو بعد يبي يروح صوب الجوازات

شوي الا من اليمين واحد داخل عليه عرض ويبي يروح يسار !!

اضطر راعي السيفيك يوقف عشان يكمل سيدة

في نفس الوقت كروزر مادري من وين جى ،،، راح صوب السيفيك وتم يطق هرن مدة طوييلة ويطق ويطق مع انه السيفيك مب غلطان

كملوا سيدة شوي الا راعي الكروزر راح جدام السيفيك ومسك بريك في ويهه ؟؟ :omg:

وبعدها دعس

تم راعي السيفيك يكبّس حق راعي الكروزر وهم داعسين

طبعا هم في السيد اللي في النص وانا تقريبا جنبهم بس على اليسار

في نفس الوقت كان نيسان ابيض وراي لاصق فيني شوي وبيدعمني

انا ماقدرت اعطيه سيد بسبة السيارات اللي جنبي مع انه ماشي فوق السرعه القانونية !! "انا"

اول ما فضى الشارع رحت يمين والحبيب جى جدامي ومسك بريك قوي لدرجة انه طلع صوت التاير مال موتره :omg:

بغيت ادخل فيه !!!

القهر انه ياليته لو راح سيدة ودخل النفق

الحبيب خذ يمين وراح صوب جسر الشمال

وهذيلاك كملوا سيدة !!

طبعا على طول اول ماصار الموقف اتصلت 999 وقلت لهم السالفه على طول

قالي روح المرور اللي في مدينة خليفة

سجلت رقمه وخليته يروح وهو داعس

رحت المرور ... القسم اللي فاتح 24 ساعه

دخلت ومافي حد ... سلمت ... طلع لي شرطي ماسك سندوويتش ويكلمني من بعيد " يتسحرون"


قلت له تعال .. جى عندي وقلت له في واحد لف عليي وابي اقدم بلاغ

قالي دقايق

راح كلم شرطي ثاني يتسحر داخل وطلع لي قالي دقايق هو ياكل وبيجيك ...

جاني الشرطي الثاني ،، شرحت له المشكلة ،، وبكل برود قالي روح الاحد المعمورة وقدم بلاغك هناك ،، مب مهتم وكأنه الشي عادي ،، وقعد يسألني كأني انا الغلطان !!!

رجعت البيت وهذاني اكتب لكم الموضوع

انا بقدم بلاغ يوم الاحد ان شاءالله واذا راعي السيارة نكر ،، في كيمرات مراقبة في نفس الشارع وتكون مسجله 24 ساعه


بس ليش يسوون هالشكل ؟

اذا انا سلمت في غيري ممكن يسوي حادث وممكن يموت لا قدر الله !!!

والله العظيم قهر !!!

يلا سحور تايم !!!

[بوسعود911]

الله يكون بعونك

[القيادة]

الله يكون في عونك على الافادة

وكل يوم تعال وروح

أذا أنت فاضي ماعندي أشغال روح قدم بلاغ :)

[Right]

الحمدلله على سلامتك


معظم إلي يسوون هالحركات هم من المراهقين


نصيحة لا تقدم بلاغ ... أنت إلي بتتلعوز

[بـن عدوان]

يا جماعة الخير المفروض يحطون مخالفه رادعة

مب حاله ذي !!!

لو سويت حادث من بيتحمل النتيجة ؟

ليش مايخلونهم يكتبون تعهد ؟

[عندليب قطر]

لو انا منك دعمته وخليت موتري فالشارع وحركت

[الفورتك]

رمضان وخير يريال تعوذ من الشيطان وسامح وفي ميزان حسناتك ان شاءالله

[بـن عدوان]

الله يكون في عونك على الافادة

وكل يوم تعال وروح

أذا أنت فاضي ماعندي أشغال روح قدم بلاغ :)

هي كلها كم ساعة بس

لانه سبق وقدمت بلاغ وصاحب السيارة تخالف بس الموقف مختلف

[The_Be$t]

صدقني المرور يأخذون حقك

بس سامح وخذ الأجر

[بـن عدوان]

رمضان وخير يريال تعوذ من الشيطان وسامح وفي ميزان حسناتك ان شاءالله

اخوي تخيل لو انك كنت مع أهلك وصار لك حادث لا قدر الله ؟

اذا انا سامحت بيسوي هالحركة في غيري !!

لازم الواحد يتأدب

وانا اتمنى من ادارة المرور يتخذون اجراءات صارمة ضد هالحركة !!

[MAZEN37]

غير نوع سيارتك اكيد راكب بيكم ههه

[ملاك]

انا اقولك لا تنااااااااااااااازل عن

حقك واذا سكت اليوم بكره يسوي هالحركه في غيرك

تخيل انا صارت لي نفس الحركه واحد جدامي طقيت له هرن لان حضرته راقد والاشاره خضرا

اول ماحركنا الا ويمسك اقووووووووووووى بريك يبيني ادعمه من ورى :eek5:

استغربت منه ومن هالحركه مع انه عارف اني وحده :anger1: وغير جذي ما غلطت

ماقول الا حسبي الله على هالنوعيه من الناس المستهتره اللي على بالها الارواح لعبه

كل مره اطلع من البيت يصيدني موقف كرهوووووووووووني في السوااااااااااااقه :weeping:

وبعدين بقولك شي الدنيا صايره ززززززززززززززحمه والعالم ملهوووفه على كل شي واللهم

ياكافي حوادث بالهبل وكل يوم وشوارع مسكره للصيانه وعدد السكان يزيد والاخلاق تضييق

تتوقع غلطه من هذي؟

[ANONYMOUS]

تخيل تخيل
انك طلعت الكبير ومابلغت

وجاك اتصال بعد يومين من المعموره وطلع مشتكي عليك

:p

انا من رأيي ان الله سلمك ف سامحه

[الجوكر90]

السلام عليكم
الشيخ بقولك لو انا ماكنت بهتم لان عندي طولة بال
ويوم كنت عليمي كنت الف ع خلق الله بس بدون ماقصد
بس قدم بلاغ ع الاقل يتعلم من اخطاه

[qatari 111]

لا تسكت عن حقك .. وخله ينال جزاءه .. اكيد راكب سياره ما تملي العين وقام يتعنتر ..

الله يعينا عليهم

[Qtr95]

يا جماعة الخير المفروض يحطون مخالفه رادعة

مب حاله ذي !!!

لو سويت حادث من بيتحمل النتيجة ؟

ليش مايخلونهم يكتبون تعهد ؟


انت ..

مثال:
لو انت كنت ماشي قبل دوار الجوازات , وييتك
انا بالهلكس وناحستك , عقب رحت جدامك
وصكيت بريك صعيدي وخليتك تدعمني ..

قانونيا انت بتكون الغلطان ..
لأن انت اللي داعمني من ورا.. مب انا اللي داعمك
:(

[بـن عدوان]

لو انا منك دعمته وخليت موتري فالشارع وحركت

والله يبيله بس هالشكل انا بطلع الغلطان ..

الحمدلله انا ماسويت ولا شي

[مخطط قطري]

ياخي في خلل في الثقافه المروريه عند بعض الشباب الله يهديهم انا اذا راكب سياره فخمه
فخمه بمعني فخمه محد يجي صوبك ان شاء الله تمشي في الخط السريع ماشي 60 يمر من يمينك ولاكانك موجود ويطالع سيده بعد
واذا راكب في اكس ار ولا لكزس حتى لو يديده لف عليك ولا كبسلك من بعد كيلو
مالك الا تشتري سياره ب800 الف وامورك طيبه ان شاءالله:)

[almaf1a]

هي كلها كم ساعة بس

لانه سبق وقدمت بلاغ وصاحب السيارة تخالف بس الموقف مختلف

ماشاء الله عليك شكلك مقدم بلاغات واجد
الله يعينك

[مستر بن]

ايي والله ’’


الا بكم الكاسكوو ’’ خخخ

[captin]

أحسن ما سويت انك وسعت صدرك في مثل هالموقف

للأسف عندنا في قطر السواقة رايحة فيها ومختلط الحابل بالنابل
وصارت السمة العامة للجميع الفوضى في السواقة والتعدي على
حقوق الآخرين في الشارع وفي المسارات, وللأسف لاتوجد ثقافة
حقوق الطريق وثقافة مرورية بل لاتكاد ترى من يستخدم الإشارات الجانبية.

والله الواحد لما يسافر ويسوق سيارة يشوف ويحس بالفرق في الثقافة

الله المستعان

[يراعٌ فراتي]

لاتخليه والله ما خلاهم يتمادون هلا هالطيبة الزايدة
صج رمضان وايام عبادة

بس اذا رصوه بمخالفة بيحرم او على الاقل يفكر قبل ما يسويها

[qatara]

المراجيج كثر والشوارع مليانه سيارات يعني الي بيطلع من بيته

يا رادار ولا زحمه ولا حادث لا سمح الله ولا مخالفه وحتى لو سلمت من مرجوج

تلف عليك وحده ولا هندي الا انت فوق الرصيف

شر لابد منه

الله المستعان

احتسبها على ربك دام الله سلم

[رحـ قطر ـال]

اول شي اخوي الحمدلله عالسلامه وبعدين انت اتكلم كنك قاعد تلوم وتستهزاء بالشرطه اللي في المرور من

اسلوبك واعتقد مافيها شي اذا كانوا يتسحرون وترا هم بشر مثلنا ولازم يتسحرون في رمضان وثاني شي

اخوي شي طبيعي ان الشرطي بيكلمك ابرود شتبيه يسوي يعني يكلمك شلون بالضبط يزاعق ولا تبيه يكون

مضايق؟وبعدين اخوي انت شلون تقول ماخذوا اجراء وياه وانت للحين ماارحت تشتكي للقسم اللي قالولك

تشتكي عنده كان رحت واشتكيت والدوله فيها قانون وبياخذون حقك ؟الشرطه مساكين كل شي على راسهم

ماشوف حد قال يعطيهم العافيه يداومون ليل ونهار في رمضان وترا القوانين مب هم مطلعينها وهذي قوانين

دوله مب قانون شرطي يشتغل في المرور..

وان بغيت نصيحتي روح اشتك عليه وشوف القانون بياخذ حقك او لا ..

[بـن عدوان]

صدقني المرور يأخذون حقك

بس سامح وخذ الأجر

والله مب مسامح

في اشياء الواحد يقدر يتسامح عنها

بس هاي شكره عيني عينك هو المتسبب وحركته كلش مب حلوة

مثل ماذكرت سواها فيني بيسويها مع غيري !!

[Qt.1]

ياما لفو عليي وياما كنت بسوي حادث بسبة هالمراهقين , لكن شنسوي ربك كريم , السواقه في قطر كل يوم اتصير من اسوء لاسوء , مب محتاجين دورات جديده لا محتاجين عقول جديده في السواقه وعقب يمكن اتحسن السواقه عندنا :)

[كيلو حديد]

مكرررررر

[كيلو حديد]

تصدق اخوي انا مع انك تشتكي عليه مع اني ما حب سوالف المرور والشكاوي
بس هالحركات مب منتهيه دام كل من سامح

واحد من الربع اكثر من مره مشتكي على اللي يمسكون السيد اليسار
ويطولون فيه ولا يوخرون ويسببون اعاقه للحركه وخصوصا من يكون الشارع
فاضي في الوسط

والحمد لله خالفوهم وخصوصا لهنود لانهم ملغين وفيهم لئم اعوذ بالله وباردين يخلون مرارتك تنفقع

بس مسك لبريك ما يسوونها الا شباب يبي لهم شكاوي عشان يحترمون انفسهم
لان هالحركه اذا ربنا ما سلم ممكن تسبب اضرار
تخيل لو معاك ولدك ودعمته وولدك مب رابط لحزام ياخوي هالحركات دام نسكت عنها مب منتهيه

المشكله لو لحقته وكلمته بيطلعك غلطان وبليد لانك ما وخرت من قدامه

بس دامنا برمضان خلك كريم ولا تشتكي وعقب اشتك على طول
<<< ما تحس اني خربتها بالنهايه بس هذا رايي حتى لو متناقض

[MAZEN37]

اول شي اخوي الحمدلله عالسلامه وبعدين انت اتكلم كنك قاعد تلوم وتستهزاء بالشرطه اللي في المرور من

اسلوبك واعتقد مافيها شي اذا كانوا يتسحرون وترا هم بشر مثلنا ولازم يتسحرون في رمضان وثاني شي

اخوي شي طبيعي ان الشرطي بيكلمك ابرود شتبيه يسوي يعني يكلمك شلون بالضبط يزاعق ولا تبيه يكون

مضايق؟وبعدين اخوي انت شلون تقول ماخذوا اجراء وياه وانت للحين ماارحت تشتكي للقسم اللي قالولك

تشتكي عنده كان رحت واشتكيت والدوله فيها قانون وبياخذون حقك ؟الشرطه مساكين كل شي على راسهم

ماشوف حد قال يعطيهم العافيه يداومون ليل ونهار في رمضان وترا القوانين مب هم مطلعينها وهذي قوانين

دوله مب قانون شرطي يشتغل في المرور..

وان بغيت نصيحتي روح اشتك عليه وشوف القانون بياخذ حقك او لا ..
يا سلام :)

[سهم قطري]

هالمنوال يوميا يصير معاي ولا حياة لمن تنادي

[HiTec]

ياخي المسامحة للأنسان الي يقدم على فعل، مايعرف انه غلط
او انه يعرف متأخر
بس مثل هالأنواع ... اظن والله اعلم يؤثم الي مايبلغ عليهم
يلعبون لعب بالشارع كول حوش بيتهم

[بوسلمان 2010]

السلام عليكم لاتخليه وخله عبره لمن يعتبر لانه ممكن يسوى الحركه مع دريول وهومعاه حريم ويقلبهم ولا


يدعمون شي لاقدرالله وين عايشين احنا اشوف كلن قام ياخذ حقه على طول وين القانون وين الدنيا سبهله


اسامحه لوكان موقصده والله يهدي الجميع الواحد صايم ويطلعونه عن طوره

[@north_star@]

الصراحة فعلا شي يقهر واذا الواحد بلاحق هالاشكال ما بيخلص لانك كل يوم لازم تشوفلك ما لا يقل عن 4 الى 5 مستهترين يسوون نفس هالحركات ومثل ما قالوا الشباب هو عبارة عن نقص بالثقافة المرورية وعدم احترام أولويات الطريق والادهى والامر الكبرة
والله يهدي جميع شباب المسلمين والحمد لله على السلامة اخوي

[MAZEN37]

افضل طريقه لردع هالنوعيه كاميرات على طول الشوارع

[HiTec]

الصراحة فعلا شي يقهر واذا الواحد بلاحق هالاشكال ما بيخلص لانك كل يوم لازم تشوفلك ما لا يقل عن 4 الى 5 مستهترين يسوون نفس هالحركات ومثل ما قالوا الشباب هو عبارة عن نقص بالثقافة المرورية وعدم احترام أولويات الطريق والادهى والامر الكبرة
والله يهدي جميع شباب المسلمين والحمد لله على السلامة اخوي



النقص اخلاقي ... لا اكثر ولا اقل

[جمال اليافعي]

ياخي في خلل في الثقافه المروريه عند بعض الشباب الله يهديهم انا اذا راكب سياره فخمه
فخمه بمعني فخمه محد يجي صوبك ان شاء الله تمشي في الخط السريع ماشي 60 يمر من يمينك ولاكانك موجود ويطالع سيده بعد
واذا راكب في اكس ار ولا لكزس حتى لو يديده لف عليك ولا كبسلك من بعد كيلو
مالك الا تشتري سياره ب800 الف وامورك طيبه ان شاءالله:)

انا عندي جمس سييرا من 2010 حتى الان ولا عمر أحد طق لي هرن ولا كبس لي ..

وياما تصيدني تناحه صوب الاشارات ولا حد صك لي هرن هههههههههههه .

اشتر لك موتر ضخم وان كان مب غالي وامورك طيبة .

[AL HAJRI]

للأسف المرور عندنا متخلف !!
فيه حل بسيط جدا لمثل هذي المخالفات وهو تصوير الشخص بالجوال وارسالها mms لرقم معين تحطه وزارة الداخليه للشكاوي , هذا اللي مفروض يصير اذا واحد بيشتكي على مخالف للسير مب اتمرمط ورايح جاي وتضيع وقتك في اتخاذ الاجراءات وأنت في النهايه تبلغ عن شئ يضر الدوله والشعب بل قد يسبب حوادث ووفيات ..

ياليتهم بس لو يسوونها ويقتدون بدولة الامارات ..

[دااانة قطر]

افضل طريقه لردع هالنوعيه كاميرات على طول الشوارع


:nice::nice::nice:


وألف الحمدلله عالسلااامه صااحب الموضوع

[دااانة قطر]

للأسف المرور عندنا متخلف !!
فيه حل بسيط جدا لمثل هذي المخالفات وهو تصوير الشخص بالجوال وارسالها mms لرقم معين تحطه وزارة الداخليه للشكاوي , هذا اللي مفروض يصير اذا واحد بيشتكي على مخالف للسير مب اتمرمط ورايح جاي وتضيع وقتك في اتخاذ الاجراءات وأنت في النهايه تبلغ عن شئ يضر الدوله والشعب بل قد يسبب حوادث ووفيات ..

ياليتهم بس لو يسوونها ويقتدون بدولة الامارات ..


متى بس؟؟!!

[لاجل QT]

الحمدالله على السلامة

ماانصح اي حد يطلع في الليل شوف عينى الحوادث في رمضان بالثلاث حوادث والاربع

غير ان صارت خربطة في المسارات ..صار المسار اليمين حق الهاي وي..والمسار اليسار حق اللى يمشون مشية السلحفاة تكشف لهم ولا حد هنا

غير انى ملاحظة في رمضان في الليل السرعة الجنونية..عط احتمال وانت تسرع ان اللى جدامك ممكن يضرب بريك:(

غير اللى يطلعون فجأة من جهة اليمين:anger1: بالقوة هي:eek5:

قمت اخاف اطلع في الليل:weeping:

[Qatarianes]

ياشيخ ياما تصير

توه من اسبوع كنت فالغرافه على يميني محلات التلفونات ورايح لاشارات الاتحاد على اساس بلف يمين صوب اللاند
طبعا قبل الاشارات في مخرج الي يطلعك من الشارع الي جدام مطعم اصفهان وتدري لازم تحاسب اهناك ييونك ناس يدشون فالشارع الرئيسي بدون ماينتبهون حق الي وراهم
المهم الاشاره كانت حمرا وضروري دام اني الف يمين اني انطر الاشاره تصير خضرا عشان اقدر الف يمين
الا يجيك هالبزر بو 17 سنه راكب عراوي مهبط يناحس ويبي يدش عرض طبعاً مافي مساحه بس شغل مناحس انه بيجي مكاني ,, الحبيب دش عرض وزلق موتري عاد انا نزلت قفلت ماوعيت الا الولد راد ريوس كمل الدق فموتري وبغى يطيرني مع الباب ولف يمين وراح ورى محلات الغرافه
عاد انا تنرفزت وسويت له مطارده بوليسيه بين الفرجان بغى يطير هنود عند اول لفه قلت فنفسي هذا مدمن كحول الظاهر المهم قربت منه وحاولت اقز الرقم ماقدرت جان البس نظارتي واصيد الرقم الولد صف على جنب عباله بجيه ونزل من موتره رفيجه يشرد ههههههههه
سفهت لهم وقدمت بلاغ :)
المهم عقب ثلاث ايام ابوه جا ويتاسف قلت مب مشكله مع انه ودي ولدك يدش السجن بس المهم يتصلح موتري الحين,, احلا شي في الموضوع استمارته خالصه :(
مسكين تحمل تكاليف تصليح موتري بنفسه صكت الست الاف عاد اللاند كروزور يعجبك الدواسه بروحها فيبر بالفين

المراد من الموضوع بلغ وحقك ماراح يضيع بس يبيلها صبر ومشاوير للمرور

[دااانة قطر]

الحمدالله على السلامة

ماانصح اي حد يطلع في الليل شوف عينى الحوادث في رمضان بالثلاث حوادث والاربع

غير ان صارت خربطة في المسارات ..صار المسار اليمين حق الهاي وي..والمسار اليسار حق اللى يمشون مشية السلحفاة تكشف لهم ولا حد هنا

غير انى ملاحظة في رمضان في الليل السرعة الجنونية..عط احتمال وانت تسرع ان اللى جدامك ممكن يضرب بريك:(

غير اللى يطلعون فجأة من جهة اليمين:anger1: بالقوة هي:eek5:

قمت اخاف اطلع في الليل:weeping:



تهقون السبب من الصياام؟؟!! ولا

[bu 3li]

والله الصراحه النظام حده تعبان ومافي اي تشجيع للناس على انهم يسوون الصح ,,

يوم الجمعه الفجر صوب دوار جسر الشمال كنت فـ الدوار واشارتي خضره
وبغيت ادخل صوب ازغوى ماوعيت الا بيكم (شركه) داخل علي عرض (كان جاي من صوب الشمال)
والاخ اشارته حمره لكن يحسب ان الشارع فاضي لانه فجر ومافي زحمه او غيره

المهم كان بيدعمني واضطر انه يدخل صوب الشارع اللي يوصل لـ الغرافه والدوار المايل
لحقه ووقفته واتصلت على طول 999 قلت له بغيت رقم مرور مدينة خليفه
واتصلت المرور وقال لي .. اتصل مركز المعموره وخلهم يحولونك على التحريات وبلغ

اتصلت الحين من اشوي وكل ماتصل على رقم يعطوني رقم ثاني لين عطوني رقم اتصل عليه ومحد يرد !!!
انزين يعني هالناس اللي يخالفون لو مالقوا حد يردهم على اللي يسوونه من بيردهم ؟؟؟؟
يعني يشوفون مافي دوريه فـ الشارع خلاص يسوون اللي يبونه ولا حسيب او رقيب

لكن لو المخالفات نزلت كل شخص بيحاسب بينه وبين نفسه لحرصه على انه مايتخالف سواء عن طريق شرطي او اي مواطن عادي شافه يخالف .. ومشكلتنا انه (بعضنا) مايميز متى يسامح ومتى يردع المخالفين

يعني واحد يتسابق ويسوي فوضى فالشارع ولا حاشر خلق الله وطاير ولا يتجاوز من اليمين
واحنا نقول خلاص خله ومسكين ومادري شنو .. والله محد مسكين والقانون واضح
اللي عنده حاله طارئه يتوكل والله يحفظه بس اغلب العالم يتجاوزون عشان مايدشون فـ الزحمه والصراحه مب حاله ذي والمرور خبر خير فالحين بس يدشون بين المواتر يصيدون الحزام ولا صافين عند الدواوير بلا هدف ( والعذر تنظيم المرور ) والمشكله انهم صافين في اماكن كلش مافيها زحمه

بدال لا كل يوم رازين لنا رادار في مكان .. حطو كيمرات على كل اشاره تصيد هالفئه اللي تتجاوز يمين
وخلوا الفلم يمر على ادارة المخالفات وهم يشوفون اي تجاوز غلط ينزلون له مخالفه وفكونا من هـ الشقى

[شبح الصمت]

اخوي بن عدوان ...

كان تقدر تعطيه خط ويمشي ما تدري شنو ظرفـه ..

[بحرقطر]

صار لي نفس الموقف
كنت طالع مع واحد من الربع عنده كامري نبي نتسحر وكنا بدون اغتر انا بثوب والريال بثوب ونظاره طبيه الي يشوفنا يقول اجانب :taunt:
المهم كنا طالعين من لفه وبندش شارع رئيسي وشي طبيعي ننطرالسيارات تطووف وعقب نطلع ، ما وعينا الا بواحد يهرن انه مستعيل الريال مشير الهرن احنا ما استوعبنا هذا شفيه يهرن المهم طلع من اللفه الا ذاك الجي المهبط والارايل الحبيب يبي يقول حق الناس انا صايع لا حد يكلمني ، سمع ثنين وهو رايح عطيناه ليت وما وقف :anger1:وكمل واحنا وقفتنا الاشاره ، قلت حق الريال الي معاي خله يولي شكله ياهل ونسينا الموضوع وقعدنا نفكر وين بنتسحر :)
وعقب ما فتحت الاشاره ومشينا شوي الا من بعيد نشوف اصطابات الجي وكان ماسك النص وعلى طول كنا بنروح حذاه ونشوف شعنده الا الحبيب
يلف علينا وما يخلينا نطوف يبي يخلينا وراه وشوي مسك اقوى بريك عنده
خلاني ابوس الطبلون :rolleyes2:عاد انا متربع وماخذ راحتي وقفنا حذاه وكانت بتصير هوشه لان الابريك كان قوي وكان بيصير حادث خشن بس الله ستر الحمدلله. ولما وقفناه وعرف ان احنا قطرين ما عرف شيقول الريال كان خايف ماادري ليش مع ان هو المتعرض لنا ومتسبب وكان كل كلامه انا اسف وسامحوني وعرفنا عقب ان عمره قريب الثلاثين يعني مب مراهق وشي طبيعي سمع كلام مايسره وتمينا نعلمه شلون يكون محترم في الشارع . وعقب يومين اتصل لي رفيجي وقال لي يافلان ترى مركز مدينة خليفه طالبينا لان هالديايه راعي الجي مشتكي علينا :eek5: والله ماتوقعت يالربع لان هو الغلطان
المهم في المركز تمينا نشرح حق المحقق انه المشتكي هوالغلطان بس ما في فايده يقول لنا الحق مع الشاكي.
نصيحتي اذا حد غلط عليك في الشارع حاول تتمالك اعصابك وخذ حقك بالقانون. ويعطيكم العافيه واسف على الاطاله :)

[بـن عدوان]

افضل طريقه لردع هالنوعيه كاميرات على طول الشوارع

اتفق معاك !!

[بـن عدوان]

ياخي في خلل في الثقافه المروريه عند بعض الشباب الله يهديهم انا اذا راكب سياره فخمه
فخمه بمعني فخمه محد يجي صوبك ان شاء الله تمشي في الخط السريع ماشي 60 يمر من يمينك ولاكانك موجود ويطالع سيده بعد
واذا راكب في اكس ار ولا لكزس حتى لو يديده لف عليك ولا كبسلك من بعد كيلو
مالك الا تشتري سياره ب800 الف وامورك طيبه ان شاءالله:)


عليك نور اخوي

هاي اسميه نقص عقل

انزين شرايك تعطيني الــ 800 الف واجوف لي موتر زين :shy:

[بـن عدوان]

اول شي اخوي الحمدلله عالسلامه وبعدين انت اتكلم كنك قاعد تلوم وتستهزاء بالشرطه اللي في المرور من

اسلوبك واعتقد مافيها شي اذا كانوا يتسحرون وترا هم بشر مثلنا ولازم يتسحرون في رمضان وثاني شي

اخوي شي طبيعي ان الشرطي بيكلمك ابرود شتبيه يسوي يعني يكلمك شلون بالضبط يزاعق ولا تبيه يكون

مضايق؟وبعدين اخوي انت شلون تقول ماخذوا اجراء وياه وانت للحين ماارحت تشتكي للقسم اللي قالولك

تشتكي عنده كان رحت واشتكيت والدوله فيها قانون وبياخذون حقك ؟الشرطه مساكين كل شي على راسهم

ماشوف حد قال يعطيهم العافيه يداومون ليل ونهار في رمضان وترا القوانين مب هم مطلعينها وهذي قوانين

دوله مب قانون شرطي يشتغل في المرور..

وان بغيت نصيحتي روح اشتك عليه وشوف القانون بياخذ حقك او لا ..


بالعكس اخوي من حقهم يتسحرون وعليهم بالعافية بعد

بس مب معناته اترك المكان فاضي دام انه في اكثر من شرطي صح ولا ؟

بالعكس يعطيهم العافية جميعا بس كلامي كان موجه للشرطة اللي كانوا يداومون حزتها

انزين ليش يعني الواحد لازم ينطر يروح المعمورة ويشتكي ؟

هم بعد ادارة مرور وبامكانهم يستلمون الشكوى ويحولونها للقسم المختص

وربي يسلمك من كل شر يارب

[بـن عدوان]

اخوي بن عدوان ...

كان تقدر تعطيه خط ويمشي ما تدري شنو ظرفـه ..

اخوي انا ذكرت في الموضوع انه ماكنت اقدر اعطيه خط لانه في سيارات جنبي

واضطريت ادعس عشان اعطيه وليتني مادعست !!

[ملاك]

صار لي نفس الموقف
كنت طالع مع واحد من الربع عنده كامري نبي نتسحر وكنا بدون اغتر انا بثوب والريال بثوب ونظاره طبيه الي يشوفنا يقول اجانب :taunt:
المهم كنا طالعين من لفه وبندش شارع رئيسي وشي طبيعي ننطرالسيارات تطووف وعقب نطلع ، ما وعينا الا بواحد يهرن انه مستعيل الريال مشير الهرن احنا ما استوعبنا هذا شفيه يهرن المهم طلع من اللفه الا ذاك الجي المهبط والارايل الحبيب يبي يقول حق الناس انا صايع لا حد يكلمني ، سمع ثنين وهو رايح عطيناه ليت وما وقف :anger1:وكمل واحنا وقفتنا الاشاره ، قلت حق الريال الي معاي خله يولي شكله ياهل ونسينا الموضوع وقعدنا نفكر وين بنتسحر :)
وعقب ما فتحت الاشاره ومشينا شوي الا من بعيد نشوف اصطابات الجي وكان ماسك النص وعلى طول كنا بنروح حذاه ونشوف شعنده الا الحبيب
يلف علينا وما يخلينا نطوف يبي يخلينا وراه وشوي مسك اقوى بريك عنده
خلاني ابوس الطبلون :rolleyes2:عاد انا متربع وماخذ راحتي وقفنا حذاه وكانت بتصير هوشه لان الابريك كان قوي وكان بيصير حادث خشن بس الله ستر الحمدلله. ولما وقفناه وعرف ان احنا قطرين ما عرف شيقول الريال كان خايف ماادري ليش مع ان هو المتعرض لنا ومتسبب وكان كل كلامه انا اسف وسامحوني وعرفنا عقب ان عمره قريب الثلاثين يعني مب مراهق وشي طبيعي سمع كلام مايسره وتمينا نعلمه شلون يكون محترم في الشارع . وعقب يومين اتصل لي رفيجي وقال لي يافلان ترى مركز مدينة خليفه طالبينا لان هالديايه راعي الجي مشتكي علينا :eek5: والله ماتوقعت يالربع لان هو الغلطان
المهم في المركز تمينا نشرح حق المحقق انه المشتكي هوالغلطان بس ما في فايده يقول لنا الحق مع الشاكي.
نصيحتي اذا حد غلط عليك في الشارع حاول تتمالك اعصابك وخذ حقك بالقانون. ويعطيكم العافيه واسف على الاطاله :)

مقيوله

ضربني وبكى سبقني واشتكى :telephone:

شكله صج جبان قال قبل لا يتعشون فيني خلني اتغدى فيهم

الله يفكنا بس من هالنماذج :anger1:

[مو مهم]

للأسف المرور عندنا متخلف !!
فيه حل بسيط جدا لمثل هذي المخالفات وهو تصوير الشخص بالجوال وارسالها mms لرقم معين تحطه وزارة الداخليه للشكاوي , هذا اللي مفروض يصير اذا واحد بيشتكي على مخالف للسير مب اتمرمط ورايح جاي وتضيع وقتك في اتخاذ الاجراءات وأنت في النهايه تبلغ عن شئ يضر الدوله والشعب بل قد يسبب حوادث ووفيات ..

ياليتهم بس لو يسوونها ويقتدون بدولة الامارات ..

مستحيل تصير عن طريق ال mms
احلف انها تصير مصخرره الحين تحقيق وعلى كلامكم دوخه راس فيه ناس تعطي بلاغات كاذبه شلون لو صارت بالرسايل والله تصير مصخره السالفه

اخوي انت اتهمت المرور بالتخلف وانت ما فكرت بسلبياتها الي راح تكون اكثر من الايجابيات