استفسار بخصوص الترشيحه

[زئير الاسد]

السلام عليكم

مبارك عليكم الشهر

بخصوص يالربع انا مقدم على ترشيحه في

القوات المسلحه
الداخليه
لخويا
الحرس

وخلصت كل شي من متطلبات مثل المقابله وغيرها ، وصار لهم حول الشهر محد رد علي

مع العلم اني مقدم بدون واسطه :p , ونسبتي ٨٤،والوزن زايد شوي ، فتتوقعون بيردون علي ولا لان المفروض اذا بيردون يردون هالفتره على شاان اتجهز لدورة العسكريه. الي بتكون بعد شهر تقريبا !

وبخصوص جهاز امن الدوله قدمت علييهم وقالوا عقب المقابله يقررون اذا اكون مرشح ولا ، حد عندة فكره عنهم لاني مافهمت ؟


والله لايهينكم

[STAR]

مبروووك النجاااح وعقبال ماينادونك الوظيفة..

[بـارود]

ناقصك فيتامين واااااااااااااااو :nice:

[زئير الاسد]

يعطيكم العافيه

واسطتي الله ، ثم خالي كلم رئيس اللجنه فالكليه ، قال الاسامي راحت القيادة ( يعني ماله شغل )

[jajassim]

يعني كم زيادة الوزن ؟

الله يوفقك اخوى ،،

[Bin hamad77]

سويت فحص اللياقة ولا للحين

[زئير الاسد]

جاسم الوزن ١٢٢ ، بس الطول شافع لي شوي

بن حمد اي نعم سويت

[jajassim]

جاسم الوزن ١٢٢ ، بس الطول شافع لي شوي



ارسل اسمك ورقمك الشخصي على الايميل jajassim@hotmail.com

[Bin hamad77]

بس حلو دام سويت فحص اللياقة امورك طيبة ان شاءاللة


دخول العساكر الدفعة الحادى عشر تاريخ 25-9

واكيد بطرشون لك مسج

[زئير الاسد]

جاسم تم الارساال ، بن حمد اظن قبل لان عيد الاضحى بدايه ١١ ان شالله ، يعني لازم نخلص الدورة قبل العيد ونكون كملنا ٥٠ يوم ، والله يسمع منك

[زئير الاسد]

ارفضوني الداخليه :( ، الله يعين ماباقي الا القوات المسلحه

[زئير الاسد]

يالربع في سؤال في بالي من مده ، هل الواسطه تكون فالكليه ولا فالقيادة ؟ لان خالي كلم رئيس اللجنه فالكليه قاله ان اسمي راح القياده ؟

وانا جبت فالفحص الطبي درجه ثانيه ، هل يقبلون الدرجه الثانيه ام الدرجه الاولى فقط ؟

والله لايهينكم

[راجية الرحمة]

الله يوفقك
أخوي نفس الحالة ، ولافيه أي رد على الرغم أن وزنه عادي
ويمكن أقل من العادي :(

[زئير الاسد]

ترا جميع الجهات اعلنوا مرشحينهم ، الا الجيش الله يكتبنا معهم :(

[راجية الرحمة]

ومآتدري متى الجيش يعلنون ؟

[الكولونيل]

الله يوفقك ويسهل أمورك
وإنشاءالله ماتحتاج إلا لربك يعينك
وأتمنى انهم يمشون على قواعد وأسس وماتكون واسطات ومجاملات
وتبشرنا بالموافقة *

[زئير الاسد]

والله مايندرى متى يعلنون يقولون خلال سبوع

جزاك الله خير ، والله يسمع منك

[دايموند]

اخوي حاولي هالايام تركز على الرياضة والجيم.. واتمنى لك التوفيق

[زئير الاسد]

خل يجينا القبول وبنسوي كل شي ان شالله

[ولد الشقب]

متى بيردووون الجيش

[كود نمبر]

مبروووووك التخرج

واحي فيك روح التفائل

ان شالله يقبلونك ونشوفك عميد ركن في السنوات القادمه

[ذيب ازغوى]

ههههههه الله يعينك على الحك اسال مجرب

[زئير الاسد]

الله يجزيكم خير يالربع

قائد الشجعان ، خل يجينا القبول اول ، وبعدين حنا لها ان شاء الله : ) ، مع ان اللياقه رايحه فيها

[غيث الشمال]

بالتوفيق

[ذيب ازغوى]

والله ان من اول 10 اياام بتجيك ليااغه وبتذكر كلمتي لو قبلوك

بس الحين خلااص اسمحلي اقولك طارت الطيور برزاقها الاسسبوع الجاي داخلين الدفعه الحادي عشر

[زئير الاسد]

^

ان شالله يقبلونا ، بس يبغي لها صمله

بخصوص هاليومين بيعلنون الاسامي للحين عند الشيخ تميم قاعد يختار ، اليوم كلمتهم