فيلا للبيع في البحرين

[ذات]

السلام عليكم ورحمة الله و بركاته

عندي فيلا بنيتها لي شخصيا

والحين ابي ابيعها

هي مكونه من غرفة ماستر مع حمامها ولدرسنغ .. و 4 غرف نوم اخرى و حمامين

و غرفة مكتب .. هذا بالنسبه للدور الاول

اما الدور الارضي : فيتكون من صالتين مفتوحين على بعض و مطبخ مفتوح عالصاله مصمم تصميم جميل جدا

الفيلا فيها مميزات كثيره مثل :

تأثيث كامل وقد شحنت الاثاث من امريكا

وايضا :

1 - تكيف مركزي

2 - بركة سباحه تصميمها مميز

3 - ارضيات الدور الاول رخام و باقي البيت بورسلان راقي جدا جدا ومستوي عالي


اللي يرغب فيها يخبرني و ارسل له التفاصيل

[لمت داون111]

اهم شي وين موقعها اخوي؟

ولاتهون

[ذات]

موقعها في الحد

وعلى فكره .. حاليا هي مأجره واجارها الشهري الف دينار .. يعني 10 الاف ريال

[ذات]

ونسيت اضيف ان 3 من غرف النوم ارضيتها خشب باركيه على مستوى عالي من الجوده

وايضا فيها ملحق خارجي للخدم

وغرفه الله يعزك بحمامها فوق في الطابق الثالث

[لمت داون111]

الحد الشماليه ولا الجنوبيه ؟ وعلي كم شارع ؟ وقريبه من الخط التجاري الي بالحد ؟ ولا في المنطقه الجديده الي قريب الجسر؟

وياريت اعرف كم طالب فيها نهائي ولك جزيل الشكر :)

[ذات]

شكلك بحريني اخوي :)

الحد الجنوبيه .. اذا تدل الحد هي قريبه من النادي الجديد وسعر الفوت هناك 12 دينار ... وهي على شارع واحد


وعلى فكره تراها مأجره على امريكي .. يشتغل من 6 الصبح ومايرجع الا 7 المغرب يعني الفيلا ماكأنها تأجرت

ابي فيها سعر نهائي 185 الف دينار

ومالك الا طيبة الخاطر..

[لمت داون111]

االسلام عليكم

اخوي بومحمد شحالك ؟؟ اذا موقع الفيلا علي شارع فرعي ولا رئيسي انا جاد بالشراء بس ياريتك تراعيني بالسعر شوي ولا تهون ياريت تقولي بكم مأجرها

بس انطر علي كم يوم أتأكد من المكان بالضبط لانه بصراحه سمعت انه الحد جايها قص ومادري الجنوبيه شاملها هالقص ولا لا

بالتوفيق وبانتظار ردك يالغالي :)

[ذات]

ياهلا اخوي لمت داون

انا بخير يعلك بخير

بخصوص السعر والله ترا شوي عليها لان البيوت الحين ارتفعت

وسعرها هذا مب عشان الاسعار مرتفعه لا والله بس الفيلا هذي بانيها لي ولعايلتي

و حاط فيها كل شي من اجود الانواع .. ولاتنسى الاثاث ؟؟

وفوق هذا مالك الا طيبة الخاطر ... ن شاء الله بعد ماتشوفها يصير خير

وترا يا عزيزي سبق وقلت لك ان الفيلا مأجره بألف دينار شهريا يعني 10 الاف ريال

وبالنسبه لموقعها هي بصراحه على شارع فرعي بس قريب جدا من الرئيسي

و بخصوص القص انا توني اسمع عنه ؟؟

هل تعتقد ممكن يقصون بيوت المنطقه الجديده ؟؟؟؟

من وين سمعت هالكلام اخوي ؟؟


انتظرك