كل ماجبت دريول ؟؟؟؟؟شوفوا شصار ؟؟

[ليــــــان]

السلام عليكم ورحمة الله وبركاته
مبرووك عليكم الشهر
انا عندي مشكله كل ماجبت دريول هندي وعلمته مره ومرتين ونجح
طلع بسالفه وقال انا عندي مشكله في بلاد لازم اسافر ياخذون الليسن وعقب يبون يشتغلون
براتب اعلى يدورون الشركات او عندهم طموح وامل انهم يشتغلون في دبي
مع العلم انه ماعندهم شغل كلش بس المدرسه والله بس حتى انهم يشتكون من قلة الشغل

عاااد قلت مافيه الا نيبالي شاروا علي بعض صديقاتي وقالوا النيبالين مساكين ويتمون
عااد قلت اخذ رايكم يصلحون النيبالين حق اليهال المدرسه ومن جربهم ومن يعرف مكتب زين اقدر اقدم عليه
الله يخليكم بغيت مساعدتكم لاتبخلون علي بشوركم ونصايحكم وماخاب من استشار
ودمتم

[بو خليفه 123]

أنا مشيت على نظام مع الخدم والسواقين ان كانه يبي "يرجع بلاد" عشان "بابا موت ماما موت" اقوله ماعندي مشكله هات الـ 8000 ريال ضمان و روح ادفنهم و لا رجعت بتلقى الـ 8000 ريال في انتظارك .. يهون و يقعد .. كأن معجزه انزلت من السماء و ابوه رجع الى الحياه من الموت !


النيبالي جربناه في بيت الوالده و للأسف كل السيارات الجديده كسرها .. لكن مب كل شخص نفس الثاني لأن اصابع يدك ماهيب سوى ..


والله يعينكم على اتكالية السواقين والخدم .. ابتلاء !

[فرقاك عيد]

مب هين ياابوخليفه شرايك تشرف على دريولي لين يأخذ الليسن

الدريوليه أاااه ياهم شر أبي افتك منه بس ياارب تتسهل وتصير
معجزه وأسوق

[Lap top]

ههههه اي والله الدريولية مالهم امان

يعنفصون فجاة ويبون يرحون بس حلوه فكرتك اخوي بوخليفه

بالنسبة للنبالين اوكيه هم فقارة بيون يستغلون بس ما يتحملون

ما في غير الهندي بس هم الحين مستغنين ما يبون يطمحون الاعلى

كل الود
مهـا قطــر

[ام عبدالعزيز]

جربوا العرب ..او البلوش..

نصيحه هم اللي تموا عندي..

اما الهندي ماقوله شي امه وخالته عندي..

[فتى الجود]

السلام علييكم

اتوقع والله اعلم انه في من صبيان الفريج هو اللى (( يوزهم )) وويواعدهم بشغل برع ويرتب لهم شغل برع فبمجرد انهم يرجعون ابلادهم يطلعون لهم فيزه ثانية ويرجعون بعقد جديد

وعشان كذي تحصل السواقيين مايقرون عندك

نصيحة :

01 اذا عندك احد طلب العوده اظرب على جوزاه .قولة اذا رجعت ابلادك انا ما ابيك .

02 حاول تجيب لك " أختصاراً للوقت " واحد شغال اهني بقطر او تشوف لك طلبات من المكاتب ويكون عنده ليسن خليجي ( طبعاً بيكون راتبة اعلى من الجديد ) بس انا اشوف انه احسن وافضل لك .