بسرررررعه رايكم قبل لايروح علي الموتر

[بوعلي 8]

السلام عليكم ورحمه الله



ياشباب معروض علي سياره لاندكروزر gx-r موديل 2005



قاطع

17 ألف فقط :secret: وكاله


لونه اسود واسبير علاق وقير اتوماتيك

الحاله

جديد

الصبغ لايوجد

راعيه حاده علي ب 100 الف

قالي اذا لك خاطر فيه قولي قبل لااعطيه البيت ...

وش رايكم فالسعر

والموتر مشاء الله جديد

[العساس]

خذه وانت مغمض ولو تبي تبيعه انا بفيدك
وذا خذته الله يعطيك من خيره ويكفيك من شره

[بوهلال]

انا اشوف سعره غالي....... هذا السعر تحط فوقه 10 تحصل gx2008

[(العديم)]

بوهلال معاة حق والله ايوفقكم

[قــ502ـطرالعز]

غالي حتى لو نظيف مثل ماقال بوهلال حط عليها عشره وخذ 2008 اما اذا انت رغبان في الموتر شي ثاني خذه وانت مغمض

[.Q a T a R.]

اخذه وانت مغمض

واذا ماتبيه انا ابيه واخلصه اليوم

[alwahesh]

السعر مناسب جدا وللعلم الجي القديم احسن من الجيات الجديده الي كنها ريشه

اي نسمه تطيرها

وخاصه الحوادث الي بسبب العيوب المصنعيه .. الا التاير فارط ولا السكان يلعب او او او

المشكله في العداد

تأكد من الوكاله او عن طريق اي محلات الفحص

[Rayane]

وين حط 10 الاف وخذ 2008....؟ اقل شئ على 130 الف...

خذه وانت مغمض... اذا ممشآه صحيح وصبغ وكاله... واذا ما تبغيه أ انا شرآي

[mazag]

انا اشوف حده حده 90 الف سعرهم بالسوق التوماتيك اذا نضيف 75

[abdulla4u]

اخوي خذ وانت تضحك اذا ممشاء صحيح وصبغ شركه وخالي من العيوب ...

[الفاو]

اناشوف ان سعره حلو على ممشاه وان السياره شبه وكاله
ياخوى لو تروح السوق بتحصل نفس موديله ومصبوغ جنب 85 الف
توكل الله وخذه
ام بنسبه 2008 نظيف بتحصله من 130 وفوق
الله يوفق الجميع

[البحار00]

واحد من الربع مأخذ نفس الموتر وماشي اكثر

وفيه صبغ في الصداديم

من معرض ٩٦ الف ريال

نصيحه أخذه وانت مغمض لايروح عليك تراة بينفعك وابرك من المواتر الجديدة

[@north_star@]

اناشوف ان سعره حلو على ممشاه وان السياره شبه وكاله
ياخوى لو تروح السوق بتحصل نفس موديله ومصبوغ جنب 85 الف
توكل الله وخذه
ام بنسبه 2008 نظيف بتحصله من 130 وفوق
الله يوفق الجميع

:victory::nice:

[qatara]

توكل على الله واخذه اذا كان مثل ما وصفت

شكل الكروزرات 2012كلها اشعاعات مثل ما يقولون

محد بشرايها

واضن 2011 بتوصل قيمته الميلون هههههه

[BuFaisal]

شكل الكروزرات 2012كلها اشعاعات مثل ما يقولون

محد بشرايها

واخرتها تبي تشتري موديل 2012 بيقولك انتظر 3 شهور
بقطر هذا الموتر ما يطيح :nice:

[ANONYMOUS]

غالي

زيده ٢٧٠ وخذ لكزز فورويل

[بويوسف]

غالي

زيده ٢٧٠ وخذ لكزز فورويل

هههههه شنو مستحر الاخ العزيز :shy:

[ANONYMOUS]

ابد ك العاده تمر وماي زمزم

ليش

[بويوسف]

مدري بس جوابك كان مزحة والا من صجك !!!! تقول له زيد 270 الف ؟ هههههههه

[ANONYMOUS]

لان الشباب قالوا له يزيد ١٠ وياخذ ٢٠٠٨

ف خل يزيد ٢٧٠ وياخذ ٢٠١١ لكزز

عندي لك سوال

ال ٢٠٠٥ سعره في حدود ٧٥ على ماقالوا الاخوان

وراعيه يبي فيه ١٠٠


تخيل انك حصلت ٢٠٠٨ ب ٢٥٠ قريب من سعر ٢٠١١ بتأخذه او لا

[فتى الجود]

السلام علييكم

وشاورهم في الامر واذا عزمت فتوكل على الله

أستخير وبعدها اخذه

والله يبارك لكم في السيارة

[بـن عدوان]

اجوفه غالي جدا والله

انت تدري انه بعض دول الجوار ماتفتكر بالممشى

انا ادري ماشي شوي بس جوف موديله كم