&& ماهي ردة فعلك تجاه هذا الموقف المُحرج ؟ &&

[خليفـة]

السلام عليكم ورحمة الله وبركاته

موقف مُحرج أكاد أجزم ان الجميع قد تعرض له

لو كنت محتفظ برقم صديق لك .. ومع مرور الوقت .. قررت انك تمحي رقمه لأي سبب كان
سواء لانقطاع التواصل بينكم .. او لأي سبب آخر

وبعد محي رقم صديقك هذا .. تتفاجأ بمكالمة على رقم غريب عليك !!

انت : الو .. نعم ؟

صديقك : افاااا .. محيت رقمي يا فلاان ؟؟
:(

اريد ان اعرف .. ما هي ردة فعلك في مثل هذا الموقف ؟؟

عن نفسي .. عُذري : اسمح لي يالغالي .. انا غيرت التلفون وراحت كل الأرقام

:shy:

ولكن للأسف هذا العُذر اصبح عُذر قديم جداً .. ومتداول بين الجميع
هههههه

أرحب بجميع الآراء


خليفـــة

:)

[khaldoon]

هههههههههههههه ....الصراحه موقف سخيف نتعرض له من فترة لاخرى .....بس صدقني انا اتعرض له بشكل عكسي يعني اتصل على الناس و هم ما يعرفوني وما اعلق عليهم

لو صادك الموقف قول للطرف الاخر انك متأكد انه هو غير تليفونه و انه يسحب عليك فيلم وانك ما زلت تحتفظ بالرقم القديم و صر على موقفك...و لو بغيت ازعل منه بعد

[خليفـة]

ههههههههه
صراحه طريقتج حلوة
بحطها بعين الاعتبار
ههههههه
شكرا للمرور يالغالي

[بوعلي2]

.
عادي جدا

باقول له :-
عفواا صديقي الزمان نساني حبك :o


باقول له مبدل التلفون صحيح انه عذر قديم بس فعال ميه بالميه صدقني :shy:

[خليفـة]

.
عادي جدا

باقول له :-
عفواا صديقي الزمان نساني حبك :o


باقول له مبدل التلفون صحيح انه عذر قديم بس فعال ميه بالميه صدقني :shy:

لا يا بوعلي
صعبه والله اقول له الزمان نساني حبك
ههههه

وعذر غيرت التلفون قديم وايد يا خوي
لابد من التغيير
هههه
شكرا لمرورك يا بوعلي

[sara jsm]

والله يااخوي عادي ,,
انا سويتها في كذا وحدة من ربعي لما اطرش لهم مسجات مايردون علي ,,
انطر فترة وعقب اسوي دليت وكان الله غفورا رحيما ,,
واذاكلموني اقول الصج ( ماشفت منج رد على مسجات قلت اكيد مغيره رقمج )
عشان تحس انها مقصره :victory:

[خليفـة]

والله يااخوي عادي ,,
انا سويتها في كذا وحدة من ربعي لما اطرش لهم مسجات مايردون علي ,,
انطر فترة وعقب اسوي دليت وكان الله غفورا رحيما ,,
واذاكلموني اقول الصج ( ماشفت منج رد على مسجات قلت اكيد مغيره رقمج )
عشان تحس انها مقصره :victory:

اممممممم
طيب لو رفيجتج اتصلت لج
وانتي ماسحه رقمها
وقالت لج : محيتي رقمي يا سارة ؟
:(
اش بتقولين لها ؟

[sara jsm]

اممممممم
طيب لو رفيجتج اتصلت لج
وانتي ماسحه رقمها
وقالت لج : محيتي رقمي يا سارة ؟
:(
اش بتقولين لها ؟

وهي توها تتذكر ان عندها رفيجه وتدق عليها :secret:
اقولها يبه مسحت رقمج ,, بعد ماتتواصلين معاي شااسوي في الرقم ,,
بيني وبينك يااخوي وايد من ربعي غيروا ارقامهم وعطوا ارقامهم القديمة حق شبابهم بالبيت وهالشي احرجني وايد :(
يعني هم سوالي دليت مهب انا :weeping:

[بوطويشم]

السلام عليكم

قوله الأرسال يقطع

وحاول تتذكره بعدين رد اتصله

:)

[yousef545]

العاده لازم تمشي معه وترحب فيه وتقول له هلا والله فيك وينك من زمان صارت لي اكثر من مرة واخر شي طلعت ماعرف من الي اتصلي ولا هو يعرفني وطق سوالف هههههههههههههه

لاتقول له انت ماتعرفه

[قطر 88]

تصير وايد ,

حاووول تركز ع الصوووت !!! تم بالمكالمهـ لي ماتتذكر ,,! ولتقول لا ونسيت وغيرت الجهـآآآز

ههه يممكن تتذكر الشخص في الدقايق الاخيرة .. :)

[MAZEN37]

انا عن نفسي بعطيه كاش
اقوله والله ياخي الصوت مب غريب علي وعزيز وغالي
واهلا وسهلا والله يعين الناس من وله من بتذكر .
من معاي ؟

[كازانوفا]

ياااااسبحان الله عاد ما اتصل الا لماااا لغيت رقمه هههههههه
ايش العصفوره قالتله

المهم

انا صارت معاي وقلت لهم اني غيرت التليفون واحسهم مش مصدقين

عادي هههههههههههههه

[Ali 82]

مالك الا العذر اللي قلته
غيرت تلفوني وطارت الارقام هههههههه

[ضوى]

والله ياخوي خليفة كانك تتكلم عن زوجي ، من كثر ماولده يلعب بالتلفون مدري شسوى طير الاسماء كلها التلفون وبقت الارقام بالرسايل بدون اسماء ، والله يا انه يتصل فيهم واحد واحد يسالهم من وياخذ اسمه مرة ثانية ويخزنه لكن طلعت عليه اكثر من بيع السوق اكثر من واحد يقوله اشدعوة يابو فلان ماعرفتني !!!

ولده يبي له عصا عشان لا يلعب بالتلفون مرة ثانية :)

[نــــظــــره]

موضوعك حلو اخوي خليفه

متابعه خل نستفيد من الأعضاء

يعطيك ألف عافيه :)

[خليفـة]

وهي توها تتذكر ان عندها رفيجه وتدق عليها :secret:
اقولها يبه مسحت رقمج ,, بعد ماتتواصلين معاي شااسوي في الرقم ,,
بيني وبينك يااخوي وايد من ربعي غيروا ارقامهم وعطوا ارقامهم القديمة حق شبابهم بالبيت وهالشي احرجني وايد :(
يعني هم سوالي دليت مهب انا :weeping:

دامج بتعطينها كاش معناتها انتي قاسيه
ههههههههه
وبالنسبة للي مسحوا رقمج .. هم الخسرانين
شاكر لج مرورج اختي سارة
:)


السلام عليكم

قوله الأرسال يقطع

وحاول تتذكره بعدين رد اتصله

:)
ههههههه
الارسال يقطع وانا اسمع صوته ولاعرفته !!
لالا
هذا مب عذر اخوي بوطويشم هههههه
شاكر لك مرورك الجميل
:)


العاده لازم تمشي معه وترحب فيه وتقول له هلا والله فيك وينك من زمان صارت لي اكثر من مرة واخر شي طلعت ماعرف من الي اتصلي ولا هو يعرفني وطق سوالف هههههههههههههه

لاتقول له انت ماتعرفه
المشكله لو سألني : عرفتني ؟
شقوله له !!
هههههه
والله وهقه
شكرا لمرورك اخوي يوسف
:)



تصير وايد ,

حاووول تركز ع الصوووت !!! تم بالمكالمهـ لي ماتتذكر ,,! ولتقول لا ونسيت وغيرت الجهـآآآز

ههه يممكن تتذكر الشخص في الدقايق الاخيرة .. :)
حل جميل .. ولكن مو مضمون النتايج ههههه
شكرا لمرورك الغالي
:)


انا عن نفسي بعطيه كاش
اقوله والله ياخي الصوت مب غريب علي وعزيز وغالي
واهلا وسهلا والله يعين الناس من وله من بتذكر .
من معاي ؟
مرات اسوي مثلك
شكرا للمرور يالغالي
:)


ياااااسبحان الله عاد ما اتصل الا لماااا لغيت رقمه هههههههه
ايش العصفوره قالتله

المهم

انا صارت معاي وقلت لهم اني غيرت التليفون واحسهم مش مصدقين

عادي هههههههههههههه
ههههه صدقني انها تصير مرات
وانا شخصيا صارت معاي .. مسحت رقم واحد ما كلمته من سنه .. واتصل لي بعد يومين
وتعال شوف الاحراج عاد هههههه
شاكر لك مرورك اخوي
:)


مالك الا العذر اللي قلته
غيرت تلفوني وطارت الارقام هههههههه
ما يمنع ندور عذر احسن منه
:nice:
شكرا لمرورك الشيخ
:)


والله ياخوي خليفة كانك تتكلم عن زوجي ، من كثر ماولده يلعب بالتلفون مدري شسوى طير الاسماء كلها التلفون وبقت الارقام بالرسايل بدون اسماء ، والله يا انه يتصل فيهم واحد واحد يسالهم من وياخذ اسمه مرة ثانية ويخزنه لكن طلعت عليه اكثر من بيع السوق اكثر من واحد يقوله اشدعوة يابو فلان ماعرفتني !!!

ولده يبي له عصا عشان لا يلعب بالتلفون مرة ثانية :)
الله يحفظ ولدكم .. ويخليه لكم
شاكر لج مرورج اختي ضوى
:)



موضوعك حلو اخوي خليفه

متابعه خل نستفيد من الأعضاء

يعطيك ألف عافيه :)

الله يعافيج اختي نظرة .. وشكرا لمرورج
:)

[بوخالد911]

صار معاي

لما غيرت جهازي

ولكن اكون دبلوماسي بردي
واقوول لي الشرف باتصالك وبخزن رقمك

:)

[خليفـة]

صار معاي

لما غيرت جهازي

ولكن اكون دبلوماسي بردي
واقوول لي الشرف باتصالك وبخزن رقمك

:)

ردك جميل ودبلوماسي اخوي بوخالد
شاكر لك مرورك الطيب

:)

[بوحارب]

قوله العذر المعروف دوليا

غيرت تلفوني وانمسحت الأرقام ههههههههه

[ام بدر]

والله لا احراج ولا شي ... الدنيا سهالات ... أنا اسولف واكرر وبالاخير تطلع خدامة مغلطة في رقمي .... اسولف واكرر ومب لازم اعرف من؟؟ عادي هونها تهون :nice:

[خليفـة]

قوله العذر المعروف دوليا

غيرت تلفوني وانمسحت الأرقام ههههههههه
نبي عذر جديد غير هالعذر القديم يا شيخ
:weeping:



والله لا احراج ولا شي ... الدنيا سهالات ... أنا اسولف واكرر وبالاخير تطلع خدامة مغلطة في رقمي .... اسولف واكرر ومب لازم اعرف من؟؟ عادي هونها تهون :nice:

ام بدر
احسج ما قريتي الموضوع عدل
:rolleyes2:
شكرا لمرورج عموماً
:)

[ريم الشمال]

لو اتصل عليك صديق قديم ويعاتبك انك ما عرفته و مسحة رقمه قوله لالالا مستحيل امسح أي رقم عندي بس
لأنك قطعة فترة طويله فماذا فعلة ( أعتقد أنك بهذا العذر تقلب الطاوله عليه )
عذر جديد ممكن تقول أنك مسوي فولدر إي ملف للأرقام الي قطعوا عنك وما يسئلون عنك
وانك حطيته في الحافظه وبهذه الطريقة تحسسه بإنه هو المذنب في حقك


ريم الشمال

[خليفـة]

لو اتصل عليك صديق قديم ويعاتبك انك ما عرفته و مسحة رقمه قوله لالالا مستحيل امسح أي رقم عندي بس
لأنك قطعة فترة طويله فماذا فعلة ( أعتقد أنك بهذا العذر تقلب الطاوله عليه )
عذر جديد ممكن تقول أنك مسوي فولدر إي ملف للأرقام الي قطعوا عنك وما يسئلون عنك
وانك حطيته في الحافظه وبهذه الطريقة تحسسه بإنه هو المذنب في حقك


ريم الشمال

الصراحه
تستاهلين كوبون إفطار مجاني لشخصين
في مطعم كلوا واشربوا على الفكرة الجهنمية
يعطيج العافية يا ريم الشمال على المرور الجميل
:)

[£عبدالعزيز£]

باختصار .. اقلب السالفة عليه

لو قالك شدعوة ما عرفتني وماسح رقمي

قوله ما شاء الله الجرج كل يوم يخلص 3 مرات من كثر ما تتصل :telephone:

[خليفـة]

باختصار .. اقلب السالفة عليه

لو قالك شدعوة ما عرفتني وماسح رقمي

قوله ما شاء الله الجرج كل يوم يخلص 3 مرات من كثر ما تتصل :telephone:

ههههههههههههههه
خوش نغزة هذي والله
:nice:
قواك الله على المرور يا بوسعود

[صعبة وصوفه]

قوله رقمك موجود ومخزن،،
بس لانه فترة ماتواصلنا، والظاهر رقمك مخزن على سبع أرقام مب ثمان أرقام (نظام كيوتل الجديد) عشان كذا جوالي ماتعرف على رقمك:)

[خليفـة]

قوله رقمك موجود ومخزن،،
بس لانه فترة ماتواصلنا، والظاهر رقمك مخزن على سبع أرقام مب ثمان أرقام (نظام كيوتل الجديد) عشان كذا جوالي ماتعرف على رقمك:)

الصراحة

هذا اجمل عذر قريته للآن
ههههههههه
عذر ماله حل
موديل 2012
مشكووووورة يا صعبه وصوفه
:nice:

[meme~qatar]

اسوي هجمة مرتده...

واقول وينج يالقاطعة .. وين هالغيبة... جان ما اتصلتي ... يوم شفتج ماتتصلين قلت ماتبينا ومسحت رقمج.. اللي مايبينا مانبيه

تحصلها تلقائيا تقولي : يختي مشاغل الدنيا والدوام والريل واليهال بس انتي ع البال والله مانسيتج ..

اقولها نساج الموت ..

بس بتحس انها هي الغلطانه

[خليفـة]

اسوي هجمة مرتده...

واقول وينج يالقاطعة .. وين هالغيبة... جان ما اتصلتي ... يوم شفتج ماتتصلين قلت ماتبينا ومسحت رقمج.. اللي مايبينا مانبيه

تحصلها تلقائيا تقولي : يختي مشاغل الدنيا والدوام والريل واليهال بس انتي ع البال والله مانسيتج ..

اقولها نساج الموت ..

بس بتحس انها هي الغلطانه

الصراحه انا عن نفسي ما اقدر اقول لحد من ربعي :
الي ما يبينا ما نبيه
احس فيها جرح لمشاعره
:(

بس بصراحه .. انتي قويه
ههههههه

شكرا للمشاركة
:)

[قطر love]

هههههههههههههههههههههههههههههههههههه

يا خليفه الناس تغيروا الحين مب نفس ذاك الزمان القلوب على بعض

الحين كل واحد ومصلحته

الحمدلله ما أمسح ارقام بس مرات الشباب يتضلون من ارقامهم الثانيه وأنا ما عندي

الووو من أنا فلان آفا ما عرفتني لا والله شلون أعرفك وأنت كل يوم رقم جديد


وصار موقف ثاني مع واحد

الووو شخبارك شمسوي

بعد السلام والتحيه من معاي

آفاااا نسيتني أنا فلان

أكيد بنساك أنا اتصلك وما ترد وإذا شفتك ما أشوفك إلا بعد 3 ولا 4 شهور أكيد بنساك


مرات العتاب يكون من خوفك ولا محبتك على الشخص الآخر

حتى لو مسحنا أرقام لسبب من الأسباب قول حق المتصل الصج ولا تخليه في قلبك لو انت تخاف عليه وتبي المحبه بينكم تزيد وتستمر :)

[ريتويت]

بقول الصراحه اني بالفعل مسحت الرقم

[pinky-qtr]

فشيللللللللللللللللللللللللللللللللللللللللللله ..

مادري شنو بقول .. بس بيطلع عذر حزتها

[نور الحور]

هههههههه ..موضوع حلو أخوي خليفة ..وبالفعل موقف محرج ..بس أنا عكس الناس اللي ما أبيهم في لستتي أخلي أرقامهم وأحافظ عليها عشان إن اتصلوا ما أرد أو يكون لي حرية الاختيار في الرد أو عدمه..وما أتعرض لهالموقف ..

بس عموما بالفعل أنا أغلب الأرقام اللي ما أعرفها تكون ممسوحة لأني غيرت جوالي ..

بس سالفة قلب الطاولة والتشره ما أحبها كلش ..وأكره ما علي النغزات ..
مرة اتصلت حق وحدة أبارك لها وهي مربية واسألها أخبارج ؟ وينج ؟ << بكل براءة وعفوية قلتها ..ما وعيت إلا قلبت علي وقالت أنا اللي ويني؟ أنا أصلاً نسيت وحدة اسمها (....اسمي...) .. وهي أصلا ما قط اتصلت فيني حتى في مناسباتي أنا اللي اتصل لها في المناسبات ..
صاير ويهي حزتها جذي :omg:
و جذي :anger1:

ههههه ..وبس حرمت أتصل لها مرة ثانية :(

[خليفـة]

هههههههههههههههههههههههههههههههههههه

يا خليفه الناس تغيروا الحين مب نفس ذاك الزمان القلوب على بعض

الحين كل واحد ومصلحته

الحمدلله ما أمسح ارقام بس مرات الشباب يتضلون من ارقامهم الثانيه وأنا ما عندي

الووو من أنا فلان آفا ما عرفتني لا والله شلون أعرفك وأنت كل يوم رقم جديد


وصار موقف ثاني مع واحد

الووو شخبارك شمسوي

بعد السلام والتحيه من معاي

آفاااا نسيتني أنا فلان

أكيد بنساك أنا اتصلك وما ترد وإذا شفتك ما أشوفك إلا بعد 3 ولا 4 شهور أكيد بنساك


مرات العتاب يكون من خوفك ولا محبتك على الشخص الآخر

حتى لو مسحنا أرقام لسبب من الأسباب قول حق المتصل الصج ولا تخليه في قلبك لو انت تخاف عليه وتبي المحبه بينكم تزيد وتستمر :)


بقول الصراحه اني بالفعل مسحت الرقم
كلامك سليم اخوي .. وبمحله
شاكر لك المشاركة الطيبة
ويعطيك الف عافية
:)


فشيللللللللللللللللللللللللللللللللللللللللللله ..

مادري شنو بقول .. بس بيطلع عذر حزتها

المشكله حزتها ينربط اللسان
ههههههه
شكرا للمرور الجميل
:)



هههههههه ..موضوع حلو أخوي خليفة ..وبالفعل موقف محرج ..بس أنا عكس الناس اللي ما أبيهم في لستتي أخلي أرقامهم وأحافظ عليها عشان إن اتصلوا ما أرد أو يكون لي حرية الاختيار في الرد أو عدمه..وما أتعرض لهالموقف ..

بس عموما بالفعل أنا أغلب الأرقام اللي ما أعرفها تكون ممسوحة لأني غيرت جوالي ..

بس سالفة قلب الطاولة والتشره ما أحبها كلش ..وأكره ما علي النغزات ..
مرة اتصلت حق وحدة أبارك لها وهي مربية واسألها أخبارج ؟ وينج ؟ << بكل براءة وعفوية قلتها ..ما وعيت إلا قلبت علي وقالت أنا اللي ويني؟ أنا أصلاً نسيت وحدة اسمها (....اسمي...) .. وهي أصلا ما قط اتصلت فيني حتى في مناسباتي أنا اللي اتصل لها في المناسبات ..
صاير ويهي حزتها جذي :omg:
و جذي :anger1:

ههههه ..وبس حرمت أتصل لها مرة ثانية :(

شكرا جزيلاً اختي نور الحور لمشاركتج الطيبة بالموقف الي صار وياج
واعتقد انج في النهاية طلعتي احسن من صديقتج
على الاقل انتي تسألين عنها وهي ما تسأل
قواج الله على المرور اختي
:)