من يدلني على كراج جيد

[بويوسف]

السيارة فيها مشكلة ليك وبعض المشاكل الاخرى من يعرف كراج امين وجيد وسعره جيد

[كلاسيك قطر]

في كراج الانصاري الي في اللقطه

[بويوسف]

في وين بالضبط ؟ قريب من ايش يعني ؟ ماقصرت كلاسييك مشكوور ..

[الزجاجي]

ايش نوع السياره ؟
وياريت تحدد المشاكل بالضبط في السياره

اذا كروزر ولا نيسان وحابب تعمل صيانه عامه عليك بكراج العبيدلي باللقطه نفس ما قالك اخوي كلاسيك او الانصاري (الاستقلال) اعتقد شارع 18

[@north_star@]

لو تحدد نوع السيارة وان شاء الله نقدر نساعدك

[بويوسف]

ايش نوع السياره ؟
وياريت تحدد المشاكل بالضبط في السياره

اذا كروزر ولا نيسان وحابب تعمل صيانه عامه عليك بكراج العبيدلي باللقطه نفس ما قالك اخوي كلاسيك او الانصاري (الاستقلال) اعتقد شارع 18


لو تحدد نوع السيارة وان شاء الله نقدر نساعدك

لكزس ار اكس الحجم الصغير .. ما ابغي اروح كراج ينصب علي حد يعرف واحد يخاف الله .. :(

[فتى الجود]

السلام علييكم

ان كنت قريب من الخريطيات والخيسة وأزغوى

في كراج في الخريطيات مقابل ( جراند هايبر ماركت ) بجنب الاثنين للحداده < محل بالزاوية >

في واحد اسمه سانتوس " نيبالي "

شغله زين ونظيف

معنى شكل الكراج لايوحي انه فيه احد يعرف حق السيارات

بس هذا العامل بالذات شاطر

روح والله يوفقك

[فتى الجود]

اخوى اذا الصيانه على مستوى :

تبديل ايل ماكينه
سفايف + الدرام ويل اما وخلف
ايل جير ( الاتوماتيك + العادي )
بلاكات
بطارية

فممكن تروح التيسير

بسلوى او بالهلال او بالمطار

وأذا مشاكل بالمكيف


انصح :

بــ كار ماكس للسيارات

بطريق المطار
بجانب الاسماك السريعه .

[The_Be$t]

كار ماكس

[بويوسف]

اخواني السيارة فيها لييييك التيسير مايصلح الخرابات

[غير عنهم]

عليك بالشركه السعر ممامن فرق ونا اخوك وبذات في اليك اسأل مجرب وشغل عليه ضمان

[بوعلي2]

اخواني السيارة فيها لييييك التيسير مايصلح الخرابات

بدون ماتسال وبدون ماتعور راسك روح على طول قراج رالي قطر بازغوى خلف معرض الساده للسيارات الي مقابل دوار جمعية الميره الي بزغوى بعد نادي الغرافه


روح وفل موترك مع العباقره هناك وانت اقعد داخل بالغرفه المكيفه شوف الجزيره لين يخلصون سيارتك وانت مطمان :nice:

وادعي لي :shy:


يلا موفق يالذيب