المساعد الشخصي الرقمي

مشاهدة النسخة كاملة : هذا الي صار مع الكزس 570lx..وابي مشروتكم


برشلوني قطر
10-08-2011, 01:35 PM
خذت لكزس من الشركه 2009 وكل تشيكاتي فالوكاله...وبعد سنه بالضبببط قامت

تهرب آيل ... وبعد مانقعوني ويسوون تجارب ع الموتر وهواش معاهم..

توصلو انهم يغيروون بلوك ( نص مكينه ) :eek5::eek5:

وحاولت اغير المكينه...وتواصلت مع احد الاخوان الي غيرت الشركه له مكينه

كوتره بعد ما اشتكى عليهم ف الشركه الام...والله يجزيه خير تواصل معاي لاكن حسيت

الموضوع بياخذ شهوور...صلحت الموتر ومن الوكاله لين المعرض << عفته وبعته

بس فعلا التعامل كااان سييييئ فالوكاله...ولا لك رفيييج فيهاا...وللعلم كنت محافظ

ولا لي فالتكسير...ومعلومه اخيره صار تهريب الايل بعد ماطلعته من التشييك 38 الف..


المهم ياجمااعه الخير احتررت ايش آخذ..بورش كيان اس؟ بانميرا ؟ <<يقولون

بعد السيرفس تعبان ..

الرنج والمرسدس بيتغيروون قريب..

وياجماعه لحد يقولي نيسان...لان ماعجبني الصراحه...حاولت اقنع نفسي فيه ماقدرت..

والصرااحه قمت افكر ارجع آخذ لكزس مره ثانيه :(


راايكم يهمني
ن.سهيل
10-08-2011, 01:42 PM
بالتوفيق
[vip]
10-08-2011, 01:43 PM
اللكزس حلوه لان مثل ما قلت المرسيدس بيتغير

ومالك في النيسان


وال في اكس أر حلوووو بعد


والله يوفقك يا برشلوني
KHALID J
10-08-2011, 01:46 PM
السلام عليكم

اخوي مو غلط تاخذ لكزس مرة ثانية لانه الموتر قيمته وسعره فيه ويمكن الي صار لك عيب في التصنيع اوشي ما يتكرر الا نادرا ...
يعتمد على ميزانيتك الي انت تحددها عشان صيانه الموتر
يعني هل انت من النوع الي عادي تدفع مبلغ وقدره وتقدر تتحمل صيانه المواتر الي انت ذكرتها
اما اذا انت من النوع الي يحب يشتري الموتر وما يبيه يخسر عليه وايد وموتر عملي يروح فيه اي مكان
يعني انصحك انا بالياباني ..واللكزس فخم وحلو ومريح في السفر اكثر من البورش والرنج بالنسبة لي لاني جربتهم كلهم

البورش والرنج والمرسيدس طبعا سيارات حلوة لكن حساسه وايد وصيانتها ومشاكلها يمكن تدفع عليها وتصرف وفي النهايه وخصوصا لو كنت ماخذ الموتر من الوكالة فاكيد انت خسران فيه وايد لما تجي تبيعه

لو انت من النوع الي يبيع ويشتري ما انصح بالسيارت الي انت قلتها

تحياتي
الجوكر90
10-08-2011, 01:47 PM
ع الاقل غيروا لك نص مكينه
احنا خذنا لكزس من الوكاله فيها صبغ جنب كامل
ماعرفنا الا وقت البيعه
انا اشوف اذا تقدر ع البنميرا توكل ع الله
وكاله البوش ماعليها كلام
وبالتوفيق ان شاء الله
(العديم)
10-08-2011, 02:02 PM
اللكزس لايعلى عليها موتر فخم واهم شي مرغوب وقيمته فية والله ايوفقك في اختيارك
فنان الدوحه
10-08-2011, 07:29 PM
والله اخوي أنا من ١٩٩٨ وانا أخذ لكزس كل سنتين أغيره والله انه موتر جامد ماعليك من الي يقولك بورش مرسدس او نيسان صدقني اللكزس موتر فخم وايد أنا اول مره أشوف سياره تشتريها من الوكاله وتستعملها وتبيعها اغلا من سعر الوكاله وخاصه شوارع الدوحه وايد مافيها مطبات واحفر وانا انصحك اللكزس موتر أخذه
صليب الراي
10-08-2011, 07:36 PM
نيسان باترول 2012

وادعيلي
DR.Hamad
10-08-2011, 07:39 PM
والله اخوي أنا من ١٩٩٨ وانا أخذ لكزس كل سنتين أغيره والله انه موتر جامد ماعليك من الي يقولك بورش مرسدس او نيسان صدقني اللكزس موتر فخم وايد أنا اول مره أشوف سياره تشتريها من الوكاله وتستعملها وتبيعها اغلا من سعر الوكاله وخاصه شوارع الدوحه وايد مافيها مطبات واحفر وانا انصحك اللكزس موتر أخذه

:eek5:
abdulla4u
11-08-2011, 12:36 AM
:eek5:

الاخ يقصد سعر البيع في المستعمل حلوو وايد وقريب من سعر الشركه ....
بالتوفيق وانصحك باللكزس لايعلى عليه بشهاده الكل... سياره غير ...
hamad-007
11-08-2011, 02:30 AM
انا صادتني نفس المشكله وعانيت معهم وموتري موديل 2010 وليك قبل التشيكه الثالثه من صوب البلوك عند سنسر الايل وكرهته وبعته
برشلوني قطر
11-08-2011, 01:10 PM
مادري ليش تم نقل الموضوع ف قسم الاستفسارات مع ان الموضوع ممكن يفيد

اي حد يبي يشتري سياره ف قسم السيارات..

المهم الله يعطي المشرف العافيه


اشوف معظم الناس انصحوني ع الكزس مره ثانيه..




انا صادتني نفس المشكله وعانيت معهم وموتري موديل 2010 وليك قبل التشيكه الثالثه من صوب البلوك عند سنسر الايل وكرهته وبعته


:eek5::eek5::eek5:

يعني اخوي غيرولك نص مكينه ؟؟؟ انا افكر اول موتر << لان الفني قالي اول مره تصير..

والله وكاله تعيسه...

اخبر تصليح الموتر 58 الف..وانا مطلعه يقولون لي ادفع خمسين ريال علشان

التست الدرايف :anger1::anger1:...قلت والله ولا ريال..
بو خليفه 123
11-08-2011, 01:19 PM
الله يعوضك خير بالموتر الاحسن ان شاء الله ..

وكالة عبدالغني لا نخفى ان جهودهم تعبانه في صيانة السياره و أنا حالياً اعاني مع وكالة ناصر بن خالد عندي الـg55 كل ماصار فيه شي لازم يطلبون له قطعه من برا غير متوفره ..


عموماً هذه السنه مثل ماتفضلت ...

هذي السنه و الي بعدها اسمها سنة التغييرات سواءً شكل كامل للموتر او Facelift لذا كن حذر في انتقاء الموتر ..


و بخصوص اللكزس الفورويل سمعت انه الجديد بينزل عليه سوبر شارج والكراسي بتتغير لكن العهده على الراوي والله اعلم .. بتسمع كلام واجد ..


الاودي عندهم A7 حمراء من داخل اوف وايت حلو شكلها و مسوين عليها عرض 5 سنوات ضمان مع سفايف و كل شي ماعدا البترول (يقلدون الفردان)


سيارات الفردات تمتاز بالخدمه عن غيرها والضمان لـ 3 سنوات او 5 سنوات متجدد (على حسب الشروط) لذا انت قارنها من ناحية ثانيه .. صحيح اللكزس كشخه و ينفع لشوارع الدوحه رغم تحفظي على هذا الموتر (موتر بـ 400 الف مافيه زنن!) لكن مواتر الفردان و بوزوير الآن نفس سعر اللكزس و نفس مستوى الكشخه والعطاء لكن مع ضمان .. يعني تروح تشيك و تغير بالموتر و تستلم المفتاح بدون ريال واحد اللهم ان البترول عليك ..

فالك التوفيق
eXpert*
11-08-2011, 01:28 PM
أنا طلقت التويوتا عقب عشرة عمر خصوصاً تعاملهم .

حالياً مع النيسان ، ومرتاح معاهم ولو إن وكالتهم (الصناعية) يبيلها توسعه إما ورش تبيدل الزيت والفلتر داخل الدوحة (اللي في محطة بترول بن عمران و الدحيل)من أروع ما يمكن 3 ساعات سيارتك خالصة ، التويوتا كنّا نأخذ موعد وأدخل سيارتك الصبح تطلع آخر الليل !! عيل ليش ماخذ موعد ؟

المهم إذا ناوي على صالون البي أم دبليو مسوين عرض حلــو .

تشتري السيارة أقساط عن طريقهم ولا تدفع ولا ريال فائدة (شرط تسدد الأقساط على 4 سنين = 48 شهر) .

أو إذا شريت السيارة كاش يعطونك تأمين شامل لمدة سنتين.

بس صدقت يوم قلت مالك رفيج في التويوتا ..

عميل يكلم مدير الورشة الأسترالي عن المشاكل في سيارته !!

رد عليه الأستراليّ (دام هالكثر تتشكي من السيارة بيعها !!) -للعلم السيارة لكزس الصالون الكبيرة وكانت ماشية 35 ألف بس- .
برشلوني قطر
11-08-2011, 01:44 PM
الله يعوضك خير بالموتر الاحسن ان شاء الله ..

وكالة عبدالغني لا نخفى ان جهودهم تعبانه في صيانة السياره و أنا حالياً اعاني مع وكالة ناصر بن خالد عندي الـg55 كل ماصار فيه شي لازم يطلبون له قطعه من برا غير متوفره ..


عموماً هذه السنه مثل ماتفضلت ...

هذي السنه و الي بعدها اسمها سنة التغييرات سواءً شكل كامل للموتر او Facelift لذا كن حذر في انتقاء الموتر ..


و بخصوص اللكزس الفورويل سمعت انه الجديد بينزل عليه سوبر شارج والكراسي بتتغير لكن العهده على الراوي والله اعلم .. بتسمع كلام واجد ..


الاودي عندهم A7 حمراء من داخل اوف وايت حلو شكلها و مسوين عليها عرض 5 سنوات ضمان مع سفايف و كل شي ماعدا البترول (يقلدون الفردان)


سيارات الفردات تمتاز بالخدمه عن غيرها والضمان لـ 3 سنوات او 5 سنوات متجدد (على حسب الشروط) لذا انت قارنها من ناحية ثانيه .. صحيح اللكزس كشخه و ينفع لشوارع الدوحه رغم تحفظي على هذا الموتر (موتر بـ 400 الف مافيه زنن!) لكن مواتر الفردان و بوزوير الآن نفس سعر اللكزس و نفس مستوى الكشخه والعطاء لكن مع ضمان .. يعني تروح تشيك و تغير بالموتر و تستلم المفتاح بدون ريال واحد اللهم ان البترول عليك ..

فالك التوفيق


هلا بوخليفه...

مافي زنن لان اعتقد ع غاز..

واحد من الربع عنده مرسدس اخبر يقولي انا معاملتي 100% فالشركه << مره غرشة

عطر ..مره دهان سير...وماشيه معااه حلاااوه.. << خذو العداوه من التويوتا:(

الفردان مثل ماقلت خدمه وسيرفس ( لفتره الضمان فقط ) فكرت ف الاكس 6 لاكن

شفتها ضيقه والشكل لك عليه من ورى..

ودي انتظر المرسدس الجديد بس اخاف يطول...

مشكور ع المداخله بوخيلفه


أنا طلقت التويوتا عقب عشرة عمر خصوصاً تعاملهم .

حالياً مع النيسان ، ومرتاح معاهم ولو إن وكالتهم (الصناعية) يبيلها توسعه إما ورش تبيدل الزيت والفلتر داخل الدوحة (اللي في محطة بترول بن عمران و الدحيل)من أروع ما يمكن 3 ساعات سيارتك خالصة ، التويوتا كنّا نأخذ موعد وأدخل سيارتك الصبح تطلع آخر الليل !! عيل ليش ماخذ موعد ؟

المهم إذا ناوي على صالون البي أم دبليو مسوين عرض حلــو .

تشتري السيارة أقساط عن طريقهم ولا تدفع ولا ريال فائدة (شرط تسدد الأقساط على 4 سنين = 48 شهر) .

أو إذا شريت السيارة كاش يعطونك تأمين شامل لمدة سنتين.

بس صدقت يوم قلت مالك رفيج في التويوتا ..

عميل يكلم مدير الورشة الأسترالي عن المشاكل في سيارته !!

رد عليه الأستراليّ (دام هالكثر تتشكي من السيارة بيعها !!) -للعلم السيارة لكزس الصالون الكبيرة وكانت ماشية 35 ألف بس- .


التويوتا وما ادراك ما التويوتا...<< وفالنهايه بعد نروح نشتري :anger1:

اول مره اسمع عن عرض البي ام...يبيله امرهم..وهل العرض ع جميع الفئات ؟؟

وبالنسبه للنيسان الله يبارك لك فيك...والله ياخوي وصلت لين الشركه..بس حسيت

ان مايصلح لي:( .. مع ان واايد ناس يمدحونه
eXpert*
11-08-2011, 03:31 PM
بالنسبة للبي أم أمس أعلانهم في الجريدة . شيك مع الوكالة وعطنا التفاصيل .

بالنسبة للنيسان ، جرب تسوي تست درايف وإن شاء الله بتغير رأيك .
برشلوني قطر
13-08-2011, 01:01 AM
بالنسبة للبي أم أمس أعلانهم في الجريدة . شيك مع الوكالة وعطنا التفاصيل .

بالنسبة للنيسان ، جرب تسوي تست درايف وإن شاء الله بتغير رأيك .



اليوم مريت الفردان. العرض لو بتاخذ عن طريق النك التجاري بتكون ا?رباح صفر فالميه. واذا خذتها من اي مكان ثاني او كاش راح تكون لك سكنتين تأمين شامل.

وبالنسبه للبي ام الموجود 2012. 750. سعرها تقريبا 529. اما 740. 420 تقريبا.

ا?كس سكس 399. الثمانيه سلندر.

وسلامتك
خور العديد1
28-08-2011, 11:36 AM
باالتوفيق
U Welcome
28-08-2011, 12:06 PM
الحق يقال التويوتا قاعده
تستهزئ بعملائها ولا تحترمهم

العالم كانت تشتري التويوتا
لرخص اسعارها + الجودة+ رخص قطع الغيار+ خدمات مابعد البيع

وحاليا للأسف
الأسعار كل مالها تزيد+ جوده اي كلام اغلب الكروزرات انواع الخرابات + قطع الغيار ترتفع وخصوصا في الدوحه +
خدمات ما بعد البيع كلش كلش تعبانه ووممكن تسميتها " هواش مابعد البيع " ولو تنزل جامه السايق بيقولوا لك الضمان ملغي



تويوتا قاعده تبيع شعارها فقط علينا احنا اهل الخليج
برشلوني قطر
29-08-2011, 01:50 PM
باالتوفيق

الله يوفقك اخوي




الحق يقال التويوتا قاعده
تستهزئ بعملائها ولا تحترمهم

العالم كانت تشتري التويوتا
لرخص اسعارها + الجودة+ رخص قطع الغيار+ خدمات مابعد البيع

وحاليا للأسف
الأسعار كل مالها تزيد+ جوده اي كلام اغلب الكروزرات انواع الخرابات + قطع الغيار ترتفع وخصوصا في الدوحه +
خدمات ما بعد البيع كلش كلش تعبانه ووممكن تسميتها " هواش مابعد البيع " ولو تنزل جامه السايق بيقولوا لك الضمان ملغي



تويوتا قاعده تبيع شعارها فقط علينا احنا اهل الخليج


صدقت فالجوده اخوي...حتى الكامري اخوي وين القديمه ووين الجديده..

الجديده ترقبها تسمع اصوات صوب المسجل والتكيف << الكولتي سيييئ..

الله المستعان ياخوي
بوحارب
29-08-2011, 01:53 PM
اخوي برشلوني موضوعك خوفني لأني ناوي على اللكزس !!!

ياخي شلون كذا موتر قيمته قريب نص مليون يصير فيه هالخلل !!!!!
][ الغلا ][
29-08-2011, 02:25 PM
انصحك بالاودي a8 الصراحه شكلها احلى من البي ام والمرسيدس وسواقتها مريحه

ولا جنه تسووق ماتحس بالسياره كلش وسعرها ٤٠٥ الاف يعني ارخص من البي ام والمرسيدس ب١٠٠ الف
سهم عتيج
29-08-2011, 02:40 PM
والله اخوي أنا من ١٩٩٨ وانا أخذ لكزس كل سنتين أغيره والله انه موتر جامد ماعليك من الي يقولك بورش مرسدس او نيسان صدقني اللكزس موتر فخم وايد أنا اول مره أشوف سياره تشتريها من الوكاله وتستعملها وتبيعها اغلا من سعر الوكاله وخاصه شوارع الدوحه وايد مافيها مطبات واحفر وانا انصحك اللكزس موتر أخذه

أي سيارة بتاخذها جديدة وتستعملها لمدة سنتين بتريحك,, بس المشكلة في نوعية السيارة..
يعني بصراحة شديدة.. لو قالو لي تاخذ لكزس ب 400 الف جديدة او بورش ب 340 الف ريال او رنج روفر ب 340 الف ريال.. أكيد باروح حق السيارات الاوربية..

وال 60 الف الفرق راح أخصصها كميزيانية للسيرفس على مدى 5 سنوات قادمة بمعدل 12000 ريال في السنة..

وبصراحة آنه طلقت التيوتا واللكزس لين أشوف خدمة مابعد البيع في شركة التيوتا يصل لمستوى شركة البورش او البي ام..

نصيحة اخوي,, البورش سيارة ماعليها كلام وشخصيا مرتاح من خدمة مابعد البيع وسيرفسهم جيد جدا.. وكفاية انك تاخذ موعد وتستلم السيارة في الموعد..

وبصراحة قطع غيار البورش العادية أشوفها أرخص من اللكزس اذا أخذنا في الاعتبار مدة بقاء القطعة..

مثال.. بعد 35 الف كيلو غيرت السفايف كاملة في الوكالة وارجعت السيارة كما استلمتها يوم طلعتها جديدة ب 2700 ريال.. يعني ممكن السفايف تمشي معاي لين 50 الف كيلو لو كان استعمالي للبريكات أفضل.. ما أدري اللكزس كل كم كيلو لازم تغير السفايف؟؟

كفاية انك كل 15000 كيلوا تغير آيل في الوكالة وانت مرتاح ب 750 ريال..

آذكر كان عندي لكزس آغير كل 5000 كيلو بأكثر من 600 ريال؟؟ من الأغلى؟؟

وفيه شيء ثاني.. فلتر المكيف شوف فلتر التيوتا اشلون متعب أصحابها بشكل عام وكل 10000 كيلوا لازم تغير او تنظف الفلتر عند التيسير.. اما البورش فماشاء الله الحين 3 سنوات وما غيرت الا مرة واحدة في الوكالة وبسعر ما أتذكرة بس قريب من سعر اللكزس..

اخوي نصيحة.. اذا كانت السيارة بتم معاك 5 سنوات فأكثر,, فخللك من الياباني وروح حق الاوروبي وبتدعيلي ان شاء الله.. وفرق السعر ال 60 الف او اكثر خلها في جيبك حق السيرفس لسنوات قدام..

والله يوفقك..
بوحارب
29-08-2011, 02:51 PM
اخوي سهم عتيج كلامك صحيح ومقارنتك حلوة

بس المواتر اليابانية وسيعه اكثر وهذي الميزة الحلوة فيها
سهم عتيج
29-08-2011, 03:08 PM
اخوي سهم عتيج كلامك صحيح ومقارنتك حلوة

بس المواتر اليابانية وسيعه اكثر وهذي الميزة الحلوة فيها

عيل اليوكن اوالتاهو أحسن وأرخص وأريف أكثر من التيوتا في هذه الحالة ويستحمل الكرف بعد أكثر :)
U Welcome
29-08-2011, 03:37 PM
عيل اليوكن اوالتاهو أحسن وأرخص وأريف أكثر من التيوتا في هذه الحالة ويستحمل الكرف بعد أكثر :)


:nice::nice:
برشلوني قطر
29-08-2011, 05:12 PM
اخوي برشلوني موضوعك خوفني لأني ناوي على اللكزس !!!

ياخي شلون كذا موتر قيمته قريب نص مليون يصير فيه هالخلل !!!!!


الفني اذكر قالي اول مره تمر علي ذي الحاله ...والحين اشوف واحد من الاعضاء

يقول صادته نفس المشكله وموتره 2010 ...:rolleyes2:

بس فالنهايه قضاء وقدر...وبيني وبينك اوقات افكر ارجع آخذ نفس الموتر:weeping:




[ الغلا ][;7575122']انصحك بالاودي a8 الصراحه شكلها احلى من البي ام والمرسيدس وسواقتها مريحه

ولا جنه تسووق ماتحس بالسياره كلش وسعرها ٤٠٥ الاف يعني ارخص من البي ام والمرسيدس ب١٠٠ الف

مادري ماجربت الاودي...بس اخوي ليش سوق الادي ميت فالدوحه...ومالها سوق..؟؟

اصالون الي عجبني البنميرا .. والمرسدس اس بيتغير 2013




أي سيارة بتاخذها جديدة وتستعملها لمدة سنتين بتريحك,, بس المشكلة في نوعية السيارة..
يعني بصراحة شديدة.. لو قالو لي تاخذ لكزس ب 400 الف جديدة او بورش ب 340 الف ريال او رنج روفر ب 340 الف ريال.. أكيد باروح حق السيارات الاوربية..

وال 60 الف الفرق راح أخصصها كميزيانية للسيرفس على مدى 5 سنوات قادمة بمعدل 12000 ريال في السنة..

وبصراحة آنه طلقت التيوتا واللكزس لين أشوف خدمة مابعد البيع في شركة التيوتا يصل لمستوى شركة البورش او البي ام..

نصيحة اخوي,, البورش سيارة ماعليها كلام وشخصيا مرتاح من خدمة مابعد البيع وسيرفسهم جيد جدا.. وكفاية انك تاخذ موعد وتستلم السيارة في الموعد..

وبصراحة قطع غيار البورش العادية أشوفها أرخص من اللكزس اذا أخذنا في الاعتبار مدة بقاء القطعة..

مثال.. بعد 35 الف كيلو غيرت السفايف كاملة في الوكالة وارجعت السيارة كما استلمتها يوم طلعتها جديدة ب 2700 ريال.. يعني ممكن السفايف تمشي معاي لين 50 الف كيلو لو كان استعمالي للبريكات أفضل.. ما أدري اللكزس كل كم كيلو لازم تغير السفايف؟؟

كفاية انك كل 15000 كيلوا تغير آيل في الوكالة وانت مرتاح ب 750 ريال..

آذكر كان عندي لكزس آغير كل 5000 كيلو بأكثر من 600 ريال؟؟ من الأغلى؟؟

وفيه شيء ثاني.. فلتر المكيف شوف فلتر التيوتا اشلون متعب أصحابها بشكل عام وكل 10000 كيلوا لازم تغير او تنظف الفلتر عند التيسير.. اما البورش فماشاء الله الحين 3 سنوات وما غيرت الا مرة واحدة في الوكالة وبسعر ما أتذكرة بس قريب من سعر اللكزس..

اخوي نصيحة.. اذا كانت السيارة بتم معاك 5 سنوات فأكثر,, فخللك من الياباني وروح حق الاوروبي وبتدعيلي ان شاء الله.. وفرق السعر ال 60 الف او اكثر خلها في جيبك حق السيرفس لسنوات قدام..

والله يوفقك..


:nice::nice:

كلامك فيه شي من المنطق...بس اخوي الكزس نفس سعر الكايين اس تقريبا

ولا وصلت الــ 400 ...

بس اذا كلامك ع السيرفس سعر معقول ...

بس سؤالي اخوي ايش المقصود بالخدمه بعد البيع ؟؟:rolleyes2: هل تقصد

بعد ماتشتري السياره والسيرفس ؟؟
بوحارب
29-08-2011, 06:31 PM
عيل اليوكن اوالتاهو أحسن وأرخص وأريف أكثر من التيوتا في هذه الحالة ويستحمل الكرف بعد أكثر :)

صدقت :nice:

2 من اخواني افتروا على اليوكن ولا يفكرون في التويوتا :telephone:


برشلوني سهم عتيج يقصد السرفس بعد البيع ومعاه حق في هالشي
برشلوني قطر
31-08-2011, 02:37 PM
صدقت :nice:

2 من اخواني افتروا على اليوكن ولا يفكرون في التويوتا :telephone:


برشلوني سهم عتيج يقصد السرفس بعد البيع ومعاه حق في هالشي



يعني بعد ماتشتري السياره مب بعد البيع :rolleyes2:


عطنا آخر اخبار الكزس معاك اذا خذت..

واحد من الربع شفته من يومين...يقولي ان يعرف واحد خذ 2011 مع الكت

بسعررر خاااص من الشركه 245 الف والله اعلم