كان ابوي لين شرى الجحه ايقصها نصين قبل ليدخل علينا نص لنا والنص الثاني لجارنا !!!

[Qt.1]

هذي كلمة امي عسى الله ايحفظها ويطول بعمرها يارب , يوم سالتها يمى اشصار في هالزمن الجار مايدري عن جاره , ردت وقالت لي كان ابوي لين شرى الجحه ايقصها نصين قبل ليدخل علينا نص لنا والنص الثاني لجارنا حتى قبل لنشوفها احنى ويدخل علينا بالنص الثاني ! يالله شوف اشلون كانت القلوب ذيك الاايام قلب الجار عند جاره قبل قريبه , لكن اللحين للاسف الجار صار يعيش معاه سنين وطوفه بطوفه من غير حتى مايعرف اسمه , لهدرجه صار الجار مهب مهم في هالوقت , وين الي كانو يسألون عن بعض والي كانو مع جيرانهم لين ضاقت بهم الوسيعه ,

وعن ابن عمر وعائشة رضي الله عنهم قالا قال : رسول الله صلى الله عليه وسلم
( مازال جبريل يوصيني بالجار حتى ظنـنتُ أنه سيورثه. ) متفق عليه

وغير ذالك نبينا محمد صلى الله عليه وسلم وصانا بسابع جار ,

اسال الله ان تعود ذيك الاايام يوم قلب الجار على الجار , وتصفى النفوس ويرجع الخير يارب.

:)

[يراعٌ فراتي]

والحين يالذيب

الحين الجار ياكل الجحه ويقط القشور في حوشك

هالايام الجار اللي كافيك شره هذا هو الجار المثالي

[بوعلي2]

الله يرحم ذاك الزماان

ايييييييه الله المستعان

[قطر 88]

اي والله صاآدقه .. يمكن مالحقنا وايد ع هالزمن

بس دوم الاجداد يقولون هالشي ويتحسرون عليه

الحين جارك والطوفة بالطوفة ولا مفتكر ان كنت جآره الا من رحم ربي ..

صج وين جيران قبل وين جيرآن الحين ><

[(بوطلال)]

الاحظ من الردود ان الكل متحسف على ذيك الايام ويشتكي من الجار . الحين لو كلنا متحسفين عيل وين الغلط ليش مانبادر احنا وندق على جارنا ونعزمه على الفطور وصدقوني بكره هو بيعزمنا وبتستوي موده ومعرفه بين الجيران. لكن لو كل واحد تكبر ولازم ينطر الثاني يبادر بالسوال والسلام محد راح يتعرف على جاره ويسوي علاقه معاه . وراح نتم نتحسر ونشتكي الجار وفي نفس الوقت الجار يتحسر ويشتكينا .

[الأصيلة]

أنا أبوي رحمة الله عليه إذا لقى زبيدي كبير ( فقع )
قطعّه 4قطع وعطى كل جار قطعة...

[BURBERRY]

واحد من الشياب في الفريج عنده زرع ( الله يبارك له ) و دوم يوزع صندوق رطب على هل الفريج :)

للحين الدنيا فيها خير و قلب الجار على الجار

[الأصيلة]

الاحظ من الردود ان الكل متحسف على ذيك الايام ويشتكي من الجار . الحين لو كلنا متحسفين عيل وين الغلط ليش مانبادر احنا وندق على جارنا ونعزمه على الفطور وصدقوني بكره هو بيعزمنا وبتستوي موده ومعرفه بين الجيران. لكن لو كل واحد تكبر ولازم ينطر الثاني يبادر بالسوال والسلام محد راح يتعرف على جاره ويسوي علاقه معاه . وراح نتم نتحسر ونشتكي الجار وفي نفس الوقت الجار يتحسر ويشتكينا .

الحين الجار تغيّر...
مايبيك تدخل عليه إلا بإذن,,,
ويتنرفز إذا طلبت منه شيء
وصار عند الناس برستيج...
هذا بالنسبة للحريم ...

[b@@]

ههههههه
اما سالفه الاذن والله صدقتي يالاصيله
وين ايام قبل ليت الزمان يعود

[GENIUS]

الله يرحم ايام زمان لما كان المثل القائل اختار الجار قبل الدار له معناه

[HiTec]

وين ايام قبل ليت الزمان يعود

[qatara]

كثرو الدخل وعادات غير عاداتنا
وكثرت الماده والانانيه
وقلت الرحمه ببعضنا بعض من ضعف دينا

لاكن الخير في وفي امتي الى يوم الدين

[hamoor4ever]

الحين الواحد يشتكي من الجار ،مثل ماقال الاخ تعطيه الجحه بياكلها وبيقط القشور في حوش بيتك واذا كسر ولا عدل ببيته تلاقي التراب والتكسر جدام بيتك ليش ماتدري ، هاذه غير بعض الجيران تلاقي سيارات بيته جدام بيتك علي طول حتى موقف حق سيارتك ماتلاقى لان مايحب يخلي سيارته جدام بيته وانت تستحي تسوي نفسه وتوقف سيارتك جنب بيته ، واذا كلمته مره ومرتين وثلاث ولا كأنه سمعك وانت ماتبغي مشاكل وتقول مهما كان هاذه جار غير التطلطل من عياله او غيره في حوش بيتك ، الحين الواحد بس يبغي جاره يفكه من شره اروح اعطيه جح بعد علشان ياخذ راحته زود

[ROSE]

الوالده فديتها الله موفقها بجيرنها ،،

ماتقصر عليهم ولا يقصرون عليها ان راحوا البحر يدزون لها من صيد البحر

ان طبخوا طرشوا لها وهي نفس الشي ان جاها شي على طول لجيراني
غير انهم متواصلين معاها الله يحفظهم ويسالون عنها

حتى خدامة الوالده وخدامتهم صاروا ربع ههههههههههه

اما انا فاتمنى جاره مثل جارة امي

اطبخ واطق البيبان ابي حد يفتح لي محد يعطيني ويه حتى الاكل مايبونه :secret:


كانهم يقولون شتبي ذي مزعجتنا

[بو الجوري]

والله صادقه :.. لكن للحين هالزمن فيه جيران و النعم فيهم :..

انا ساكن في شقه من ٥ سنين :..
وجاري اللي احذاي و النعم فيه ( فلسطيني ) :..
دايما نتبادل الاكل خاصه في رمضان :..
و مرت فتره كان عندنا ظروف :..
كانوا يطرشون لنا غدا لمدة اسبوع :..

و ماكان يقصر في شي :.. و المعامله بالمثل طبعا :..
لكن طلع هالسنه و جانا جار :.. الله لايوريكم :.. اول الايام حتى مايقولون السلام عليكم :..
و سيارتي كلها مشمخه من فتحة بابهم :.. كل يوم :..

السموحه طولت :.. لكن باطين جبدي :)

*

[بوخالد911]

الاحوال تغيرت

والجار ما يعرف جاره

وبعضهم صارت بينهم قطيعة ووو
لله يصلحهم بس
ا

[abdulla4u]

الله يعين ويصلح الحال ويصفي النفووس

[سهم عتيج]

الاحظ من الردود ان الكل متحسف على ذيك الايام ويشتكي من الجار . الحين لو كلنا متحسفين عيل وين الغلط ليش مانبادر احنا وندق على جارنا ونعزمه على الفطور وصدقوني بكره هو بيعزمنا وبتستوي موده ومعرفه بين الجيران. لكن لو كل واحد تكبر ولازم ينطر الثاني يبادر بالسوال والسلام محد راح يتعرف على جاره ويسوي علاقه معاه . وراح نتم نتحسر ونشتكي الجار وفي نفس الوقت الجار يتحسر ويشتكينا .


ماشاء الله عليك.. رد موجز وعميق في نفس الوقت..

وأزيدك من الشعر بيت,, المسجد القريب من البيت ووجود مجلس مفتوح في الفريج يساعد كثيرا في عملية التواصل بين الرجال ومن ثم بين النساء..

نسأل الله أن يعيننا على التواصل مع جيراننا..

[فقط قطر]

الله يرحم...الحين الواحد مايسلم على جاره ....ولا يعرف اصلاُ من جاره....
اهل الاول فيهم خير.....الله يرحمنا برحمته

[وجه السعد 2]

مع الأسف بعض الجيران حتى سلام ما يسلمون .. لكن خلك أحسن منهم و ابدا بالتحية

[راسي براسك]

موضوع جداً رائع ,,

لكن لاحظت الكل يقول كان وكان وكان وكان !

ليش ماتتركون الماضي ونبدأ كلنا سواء في رمضان ولا حتى بعد رمضان بهالشي ..

نسأل نتبادل نشكي نتجمع
يكون بينا ملح وعيش وموده


وطبعاً الجار عن الجار يفرق :

يمكن يكون الشخص اللي بادرته ماينظر لك بنفس النظره او النيه الصافيه اللي نظرتها له

ويمكن يعتبر هالشي بشكل ثاني

عشان كذا يمكن بعض الناس يتردد أنه يبادر

[بو خليفه 123]

و الحين بعض العرب ان كانهم بيقسمون الجحه للجار يقسمونها الى 12 جحه ... على عدد العمال الي ساكنين جنبك

[شبح الصمت]

لين سنـة 2004 والعالم قلوبها على بعضها صدقوني ..

عقبها اسمحوا لي

انا لحقت على جيل 70

اخوان وربع هذه يجيب لهذه هذه يشل هذه

فلان صاده شيء جمعوا له فلان ولده بيتزوج عطوه

فلان مرض جووووه

ندخل بيوت بعضنا لا تفكير غلط ولا شيء نحس نفسنا اهل وربع ..


أي الله يرحم ايام اول ..

بس بعد ترى يالربع الدنيا فيها خير بس لهت العالم وايد وايد في امورها ونسوى بعض حق الجار على الجار

[مضاربه]

الاول الناس على بساطتهم فيهم حب الخير يوم كثر المال زاد الشح والحسد والانانيه يليت من الجار كان تهون الا من بين القرايب بعضهم مع بعض

[اللورد]

موضوع روعه بس النهاية نقول الجار ولوجار.