يجماعه .. ابي رايكم في هذا الجيب !! .. (( نصحوني الله يرزقكم ! ))

[المخلب]

السلام عليكم ..

طبعا انا اليوم مادري دقت براسي وقلت بشتري موتر ! (( مو جديد ! )) لاء موتر قديم ! ويمكن البعض مايحبونه ! .. لكن انا قلت بااخذ واحد مستعمل تقزيره للبر والطعوس والسفر والطلعات ! ..

يعني شبابيات .. خاصه انه الصيف والاجازه قربت ! .. وبتكثر طلعاتنا ( الا اذا سافرت ! ) ..

فمادري ابي رايكم .. وانا ادري انكم اجاوييد وماتقصرون ..


الموتر ياطويلين العمر .. جيب سبورت ! ..

http://www.kuwait91.ws/uploads/9aa01c0b13.jpg (http://www.kuwait91.ws/)


شرايكم .. ( اي احسن موديل قديم ! ( يعني 95 وفوق ! ) .. ) ..

واي احسن الالوان الي تركب عليه ..

انا احب لونيين ! ..

1- الابيض ..

http://www.kuwait91.ws/uploads/0da53698e7.jpg (http://www.kuwait91.ws/)

2- الاسود ..

http://www.kuwait91.ws/uploads/9fb20f3273.jpg (http://www.kuwait91.ws/)


طبعا الي خاطري فيه ! .. يكون كشف مثل الي بالصوره ! .. فوق ! . .


وطبعا يكون سعره ( حليو ! بروحه قديم :D ) ..

طبعا ابي نصيحتكم ! .. يستاهل الواحد يشتريه ! .. ولا لاء ! ..

وهل ينفع للبحر والطعوس والسفر والرحلات ولالا ..؟؟؟


تكفون اذا تعرفون ! واحد يبي يبيعه وهو نظيف ! .. ياريت يخبرني قبل مايراسلني خاص !! .. وان شاء الله ان عجبني موتره !! وسعره !! والشباب نصحوني فيييه !! .. يبشر اني شرررررراي ! ..

تحياتي لكم .. المخلب

[جاسم 1]

ينفع حق البحر ولطعوس لاكن السفر مانصحك فيه

[لمت داون111]

حق بر وبحر ماعليه كلام ويمشي بالطعوس لكن بدروله محترمه !! لانه وايد خفيف ولازم تحاسب علي الطعس ترا قلبته والقبر يالغالي ( بعيد الشر عنك ) عشان جذيه انصحك تخليه حق بر ورحلات والله ولد عمي كان عنده واحد احمر وعجيييييب من قلب وودي انصحك في اسعاره لكن ماعرف حق الامريكي بس اذا تبي بسأل لك يالغالي

كم مخلب عندنا ;)

بالتوفيق ان شاء الله :)

[المخلب]

تسلمون .. بس تكفون الاسعار !! .. وهل خرابه كثير .. ؟؟ وله ينفع !! ...

ولو واحد عنده ويبي يبيع !! بس نظيف ! .. وسعره مقبول شراي .. بس اهم شئ اللون ..!! والنظافه !! والسعر !!!

والله يسهل ..

[سلمان]

تقريبا أسعارهم بين العشره والعشرين واحتمال تحصل تحت العشره ومبروك مقدما على الموتر

[المخلب]

زين كثير الخراب وقطع غياره صحيح غاليه ..؟؟

وله اسعارهم حلوه .. وخرابهم خفيف !..؟؟

[سهم طايح]

تحمل تاخذ هالموتر

نصيحة

[ولد المعاضيد]

زين كثير الخراب وقطع غياره صحيح غاليه ..؟؟

وله اسعارهم حلوه .. وخرابهم خفيف !..؟؟

مرحبا اخوي شوف هالرابط ممكن يفيدك
http://www.qatarshares.com/vb/showthread.php?t=42752&highlight=%D1%C7%E4%CC%E1%D1

[ولد المعاضيد]

تحمل تاخذ هالموتر

نصيحة
انا اشوف الجيب ممتع جدا..
وعندي واحد ومضبطه..
كسرته تكسر الشر
وماكلفني تصليحه

[المخلب]

تحمل تاخذ هالموتر

نصيحة


???????

تكفى قلي ليش ..؟؟

[الأختصاصي]

اختيار موفق بس يمكن اصدقائك وايد وين بتحطهم ولا بتكون الرحله على دفعتين

[المخلب]

انا اشوف الجيب ممتع جدا..
وعندي واحد ومضبطه..
كسرته تكسر الشر
وماكلفني تصليحه


يالطيب تقول عندك واحد !..؟؟

زين نفس الي بالصوره صح !

شلون مجربه طعوس وطلعات وسفر .. وطلع قدها !! وله بس داخل البلد ..؟؟

وبالنسبه للسلندر انا احبذ الاربعه ! حق هل الجيب !! خبرك الامريكي معروف يصرف صرف !

بس تكفى ينفع صح ! وله ماايسوى ..؟؟

وتصليحه وقطع غياره رخيصه ومتوفره ! وله من الصعب انك تلاقيها ! ..؟؟

وتحياتي لك ..

[المخلب]

اختيار موفق بس يمكن اصدقائك وايد وين بتحطهم ولا بتكون الرحله على دفعتين


هههههه ماعلي .. ربعي يشيلهم موترهم !

وانا الي باخذهم معي 4 بالكثثير .. :nice: .. خبرك كل مازادوا الربع كثره المشاكل ! crazy

[ولد المعاضيد]

يالطيب تقول عندك واحد !..؟؟

زين نفس الي بالصوره صح !

شلون مجربه طعوس وطلعات وسفر .. وطلع قدها !! وله بس داخل البلد ..؟؟

وبالنسبه للسلندر انا احبذ الاربعه ! حق هل الجيب !! خبرك الامريكي معروف يصرف صرف !

بس تكفى ينفع صح ! وله ماايسوى ..؟؟

وتصليحه وقطع غياره رخيصه ومتوفره ! وله من الصعب انك تلاقيها ! ..؟؟

وتحياتي لك ..
هلا اخوي..
انا الصراحه جربت اللي عندي في البر
خوش موتر
كسرته تكسر على الحزوم
وللأمانه ما دخلته كراج
بس تبديل آيل ومره دخل مسمار في التاير
اما عن قطع الغيار فهي متوفره في السوق على حد علمي
واللي عندي 4 سلندر بس عجيب والله

[المخلب]

المعاضيد .. تنصحني باي موديل ..؟؟

واي احسن لون .؟؟

[ولد المعاضيد]

المعاضيد .. تنصحني باي موديل ..؟؟

واي احسن لون .؟؟
مرحبا اخوي..
اسمح لي على الرد المتأخر
اخوي عندك الابيض
والأحمر
والأسود..بس مشكلة الأسود يبين فيه اقل شي
بس خوش موتر..حق اللعبه طبعا.. :nice:
بس ما فكرت تاخذ الياماها الرينو؟؟
بعد حلوه حق البر وسيلين.. :D

[حمد]

مرحبا اخوي..
اسمح لي على الرد المتأخر
اخوي عندك الابيض
والأحمر
والأسود..بس مشكلة الأسود يبين فيه اقل شي
بس خوش موتر..حق اللعبه طبعا.. :nice:
بس ما فكرت تاخذ الياماها الرينو؟؟
بعد حلوه حق البر وسيلين.. :D


اما الياماها بـ 40 الف في المشيري

الصراحه تفاجات من المبلغ

[ولد المعاضيد]

اما الياماها بـ 40 الف في المشيري

الصراحه تفاجات من المبلغ

في الامارات ارخص..
ممكن تاخذها من هناك
انا خذت لي وحده من الامارات وضبطتها في الدوحه
بس والله حلوه
وحتى الجيب على فكره حلو..
خاصه الموديل القديم من 93 الى 97

[المخلب]

والله احترت ..!! شكلكم بتخلوني اغير رااايي ..

:):):) .. :):):)

بنشوف المشيري وبنرجع ! ..

[حمد]

في الامارات ارخص..
ممكن تاخذها من هناك
انا خذت لي وحده من الامارات وضبطتها في الدوحه
بس والله حلوه
وحتى الجيب على فكره حلو..
خاصه الموديل القديم من 93 الى 97


هلا اخوي المعاضيد

يعني بكم بالامارات ؟؟

وايش الي ضبتها فيه بالدوحه يعني ايش الامور الي حطيتها ..وكم كانت قيمتها ...؟

[khaldoon]

اخوي الغالي المخلب ...حطيت صور للجيب في موضوع السيارت من اجل خاطر عيونك لو حبيت تشوفها من كم يوم بمجرد شفت موضوعك هذا من يوم 17.05.06


http://www.qatarshares.com/vb/showthread.php?t=37469&page=41&pp=10

[ولد المعاضيد]

هلا اخوي المعاضيد

يعني بكم بالامارات ؟؟

وايش الي ضبتها فيه بالدوحه يعني ايش الامور الي حطيتها ..وكم كانت قيمتها ...؟
خذتها حول ال37
غيرت شكلها من برا..صبغتها ورسمت عليها..
بدلت التواير..ركبت عليها كشافات وصدام..
حطيت لها مسجل وسبيكرات..
واشياء ثانيه ضبطتها
ان شالله اقدر احط لكم صوره عن قريب :nice:

[حمد]

خذتها حول ال37
غيرت شكلها من برا..صبغتها ورسمت عليها..
بدلت التواير..ركبت عليها كشافات وصدام..
حطيت لها مسجل وسبيكرات..
واشياء ثانيه ضبطتها
ان شالله اقدر احط لكم صوره عن قريب :nice:


الله يهنيك ان شاء الله

[سهم طايح]

???????

تكفى قلي ليش ..؟؟

لان خربه وقطع غياره ضو

[المخلب]

اخوي الغالي المخلب ...حطيت صور للجيب في موضوع السيارت من اجل خاطر عيونك لو حبيت تشوفها من كم يوم بمجرد شفت موضوعك هذا من يوم 17.05.06


http://www.qatarshares.com/vb/showthread.php?t=37469&page=41&pp=10


يابعد سبدي ياخللللللدون مااااااقصرت !! .. والله .. :nice:

لكن هذا الجديد على ماااعتقد !! :D ..