لا حد يــشــتــري قرقيعان

[المسك1969]

السلام عليكم

اليوم رحت لسوق واقف الظهر عشان اخلص اغراض القرقيعان وأونس اليهال... وانا هناك شفت محلين فارشين قدام المحل طربال وحاطين عليه الحب والمكسرات والحلويات...

هالاشياء محطوطه برع المحل بين المحلات وعلى طربال يشهد الله أنه مب نظيف..

لو قلنا ان الحلويات الصغيره مغلفه طيب هناك الحب اللي يتكسر بالاسنان غير الجوز واللوز وعين الجمل بعد احيانا نحاول نكسره بأسنانا...

وبعد في حلويات صغيره ملونه بدون غلاف... ويقول بصوت عالي الكيلو بعشر

فقلت له اشلون تخلط اهنيه في الطريق وليش المفرش (الطربال) مب نظيف.. اي محل انت ويأشر لي على محله

وكانت في أخت تبي تشتري فقلت لها اختي ترى انا ماكنت اعرف انهم يخلطون الحب والحلويات والمكسرات في الارض وعلى فرش وسخ... ترى الاسهال اللي يصيد اليهال منه... انا ما أدري عنها هل اشترت أو لا بس صج منظر مقزز وراه وين عايشين


وين البلدية عنهم؟؟؟ اتصل على الكول سنتر ابي اشتكي فوالله أكثر من نصف ساعة ويقول لي أن الخطوط مشغوله وراه كيوتل هم... لين وصلت البيت والخطوط مشغوله

الحين هل اللي طرحته صح والا غلط؟ صح يخلطون القرقيعان على بساط وسخ وفي الطريق؟

صح أن الناس تشتري من عندهم ويأكلون عيالهم؟ عاد الياهل بياكل اي شيء...

انا صج تضايقت من المنظر وأتمنى اكون على حق وما ظلمت أحد بالموضوع هذا

على فكرة تراهم عقب الخلط يحطونه في اكياس .. يابلفيت بيطلع لكم نظيف وهو في الحقيقة الله المستعان

اعتذر عن الكتابه قد تكون غير منسقة ولكنها وليدة وقتها

جزاكم الله خيرا

[بنـ الدحيل ـت]

جزاك الله خيرا

[بوجاسم 75]

جزاك الله الف خير ع التنبية

[مضاربه]

الا على حق يا اختي البلديه مرت عليهم فتره كانو مجتهدين في عملهم الحين اشوفهم فترو لو السالفه فيها تجميع فلوس من المواطن مثل المرور كان كثفوا نشاطاتهم بس شي فيه صحه المواطن مايهتمون

[falsaadi]

الموضوع صحيح 100%

سبحان الله..المكان الذي اسرفت فيه مبالغ و اتعبوا عليه وذا شكل وتراث وغيره .. اصبح مكان لنقل العدوى

الان بشأن الحلويات وماذكرته الاخت
وقبل ذلك بشأن الحيوانات التي يتم بيعها في سوق واقف..كلها متراميه مع بعضها وهذا ينقل من ذاك وذاك من هذا..ولا احد يقول لي انه تم فحص الحيوانات جميعها لان هذا كذب وافتراء..وانا بنفسي اخبرت جهه مختصه مره بهذا الامر بعدما هددت صاحب المحل الذي باع لي حيوان اليف من عنده..ولم يرد اي احد خبر ابدا

ومن بعد ذلك طلبت من راعي المحل يعوضني وسأكتفي بعدم مراجعة الجهات المختصه

(( دام هم مش مهتمين، عيل انا مش مهتم فيهم وبردودهم )) ... بامشي على مصطلح (نفسي نفسي) وسأفتح المجال لاحبائي وناسي من حولي ولكن الجهات دعها (هي هي) لوحدها

والسلام

[Rayane]

والله ما اشوفهم فتروا من الدواره على بيوت المواطنين وتحرير المخالفات على بنيان الملحقات والغرف...

ما اقول الا حسبي الله ونعم الوكيل... الواحد لين جا يبي يبني ... صكر الباب العود... تقول يزرع حشيش ولا يبيع خبيث..... يا دافع البلا...










مشكوووووووووووووووورين على التنبيه واحسن مكان هو المجمعات التجاريه...

[المسك1969]

جزاك الله خيرا


آمين واياكم يالغلا

اسعدني مرورج ربي يحفظج:nice:

[المسك1969]

جزاك الله الف خير ع التنبية

آمين وإياكم

أسعدني مرورك ربي يحفظك:nice:

[المسك1969]

الا على حق يا اختي البلديه مرت عليهم فتره كانو مجتهدين في عملهم الحين اشوفهم فترو لو السالفه فيها تجميع فلوس من المواطن مثل المرور كان كثفوا نشاطاتهم بس شي فيه صحه المواطن مايهتمون


والله انه شيء مقزز في بلد تريد التحضر... والمشكله انهم يحطونها عقب في اكياس والناس ما تدري واليهال المساكين ياكلون فديتهم واحنا الامهات في الطوارئ آخر الليل والله المستعان

اسعدني مروركم حفظكم الله

[المسك1969]

الموضوع صحيح 100%

سبحان الله..المكان الذي اسرفت فيه مبالغ و اتعبوا عليه وذا شكل وتراث وغيره .. اصبح مكان لنقل العدوى

الان بشأن الحلويات وماذكرته الاخت
وقبل ذلك بشأن الحيوانات التي يتم بيعها في سوق واقف..كلها متراميه مع بعضها وهذا ينقل من ذاك وذاك من هذا..ولا احد يقول لي انه تم فحص الحيوانات جميعها لان هذا كذب وافتراء..وانا بنفسي اخبرت جهه مختصه مره بهذا الامر بعدما هددت صاحب المحل الذي باع لي حيوان اليف من عنده..ولم يرد اي احد خبر ابدا

ومن بعد ذلك طلبت من راعي المحل يعوضني وسأكتفي بعدم مراجعة الجهات المختصه

(( دام هم مش مهتمين، عيل انا مش مهتم فيهم وبردودهم )) ... بامشي على مصطلح (نفسي نفسي) وسأفتح المجال لاحبائي وناسي من حولي ولكن الجهات دعها (هي هي) لوحدها

والسلام


الله المستعان ونسأل الله السلامة والعافية... واشكرك على ذكر الحيوانات في الموضوع ترى جدا خطر ألا تفحص هذه الحيوانات ووجودها قريبه من محلات الاكل أيضا قد يكون فيها ضرر وربي يحفظ الجميع

أسعدني مروركم حفظكم الله:nice:

[المسك1969]

والله ما اشوفهم فتروا من الدواره على بيوت المواطنين وتحرير المخالفات على بنيان الملحقات والغرف...

ما اقول الا حسبي الله ونعم الوكيل... الواحد لين جا يبي يبني ... صكر الباب العود... تقول يزرع حشيش ولا يبيع خبيث..... يا دافع البلا...










مشكوووووووووووووووورين على التنبيه واحسن مكان هو المجمعات التجاريه...



لالالالالالالالالالالالالالالالالالالالالالالالالا لالا

من قال لك المجمعات التجارية أفضل... وهم من وين ايجيبونه؟؟؟ اشفيك ربي يحفظك

أسعدني مرورك ربي يحفظك:nice:

[المسك1969]

نشتري من المجمعات انظف



لالالالالالالالالالالالالالالالالالالالا

هم يجيبونه من وين؟؟ مب من سوق واقف

أسعدني مرورك ربي يحفظك:nice:

[دنيا الاسهم]

لوع الله كبدهم
وين ناخذ قرقيعان حق اليهال؟؟هذة عادة جميلة وخربوها بالاستغلال والطمع حسبي الله عليهم

[eXpert*]

الله الحافظ

عيالنا من سنين نشتري لهم من سوق واقف شاللي تغير ؟

من زمان على هالوضع .

توكلوا على رب العباد ولن يصيبكم الإ ما كتب الله لكم.

[لمعة الالماس]

إحنا ما نشتري مكسرات حق القرقيعان

ناخذ حلويات وشبس وشوكلت أنظف ومغلف

[المسك1969]

لوع الله كبدهم
وين ناخذ قرقيعان حق اليهال؟؟هذة عادة جميلة وخربوها بالاستغلال والطمع حسبي الله عليهم


أخوي ربي يحفظك انا خذت من عندهم علب وفي اكياس وحطيت فيها شيبس وعصير صغير ونوعين كافي وبس.. على الاقل مغلفين ونظاف من الشركه الام وعليها تاريخ انتهاء

ترى حتى اللي تسويه المجمعات والمحلات الراقيه لا تاكلونه... والله لوعوا جبدي صرت اشك بكل شيء والله المستعان

[المسك1969]

الله الحافظ

عيالنا من سنين نشتري لهم من سوق واقف شاللي تغير ؟

من زمان على هالوضع .

توكلوا على رب العباد ولن يصيبكم الإ ما كتب الله لكم.


صح نشتري بس ما شفنا ولا احد قالنا... اخوي ترى انت تشتري والياهل ياكل.. جرب مره كل بعد اللي قلناه وشوف بتتحمل والا لا

اهم لو يخلون الخلط في مكان نظيف ماعليه

بس انا اللي حرني ليش الكول سنتر مايرد

[المسك1969]

إحنا ما نشتري مكسرات حق القرقيعان

ناخذ حلويات وشبس وشوكلت أنظف ومغلف


صح ربي يحفظج وانا من ثلاث سنوات اسوي نفس الشيء لأني لقيت عيالي يصيبهم اسهال عقب اكل القرقيعان

[أبورودي]

المؤمن كيس فطن
وعاقل

عندما يكون الطعام المعروض بهذا الشكل فمن المستحيل شرائه حتى لو الطعام قام وقف ونطق ونده على لكي اشتريه وفى النهايه التاجر هو الخسران
دائما لابد ان يكون المشتري هو الاقوي ولا يتحجج بالحاجه

[نورهان88]

جزاك الله خيرا

[المسك1969]

المؤمن كيس فطن
وعاقل

عندما يكون الطعام المعروض بهذا الشكل فمن المستحيل شرائه حتى لو الطعام قام وقف ونطق ونده على لكي اشتريه وفى النهايه التاجر هو الخسران
دائما لابد ان يكون المشتري هو الاقوي ولا يتحجج بالحاجه


صدقت حفظك الله ... وعن نفسي فأنا لأول مره أشاهد هذا المنظر ولم أكن أعرف أن وصلت بهم في خلط المكسرات والحلويات على قارعة الطريق.. لا وبعد على بساط غير نظيف

أسعدني مرورك ربي يحفظك:nice:

[المسك1969]

جزاك الله خيرا



آمين واياكم

أسعدني مرورج ربي يحفظج:nice:

[نيساني]

شكرآ على التنبيه

لاحسيب ولارقيب الله المستعان

[فاروع]

يمكرون والله خير الماكرين

[ابوالكلام]

السلام عليكم جزاك الله خير على التنبيه

[بوحارب]

لو فيه حد من المنتدى ويتصدق علينا بأكياس قرقيعان يسوي خير :(

[chillis]

جزاج الله خير على التنبيه

[هبوب الكوس]

لو فيه حد من المنتدى ويتصدق علينا بأكياس قرقيعان يسوي خير :(

اذا حصلت شيء عطني ping

[قطر 88]

واي ياربي شهالحالة استغفر الله العظيم


هاي اهني يفرشونه ع الارض وطربال وصخ

واخر مرة سمعت ايي من ايران ملوث ." خو كلش يعني حسيت بيكون في تفتيش عليه حبة حبة "

مالنا الا جبس ليز وحلويـآت بوعو د وكافي وبس .. مانبي مكسرات هالقرنقعوه

[مستر بن]

جزااك الله الف خير’



لا بالعكس ,, زيين قلت ’’

الله يخلي الجمعياات خخ ,

[BURBERRY]

جزاج الله خير على التنبيه

[همس الورد]

انزين اختي انت متاكدة ان كل الاكياس الي تباع هناك تغلف بهالطريقة؟لان انااشتريت كيس واحد من احد المحلات هناك والحين يعني شاسوي فيه مااستخدمه مثلا؟أرجوالرد..شاكرة لج على التنبيه.

[بنت قطريههه]

انتبهو على عيالكم ترا التسمم وارد في القرقيعان خافو من الله يناس مب عشانه بعشر تسممون عيالنا الله رقيبكم في اعمالكم ،،

[المسك1969]

شكرآ على التنبيه

لاحسيب ولارقيب الله المستعان


حياكم الله أسعدني مروركم:nice:

[المسك1969]

يمكرون والله خير الماكرين



حياكم الله أسعدني مروركم:nice:

[المسك1969]

السلام عليكم جزاك الله خير على التنبيه



حياكم الله أسعدني مروركم:nice:

[المسك1969]

لو فيه حد من المنتدى ويتصدق علينا بأكياس قرقيعان يسوي خير :(

:)

حياكم الله أسعدني مروركم:nice:

[المسك1969]

جزاج الله خير على التنبيه


وجزيتي بمثله يالغلا

حياكم الله أسعدني مروركم:nice:

[(حوريه)]

هذه الايام صار معظم الناس يشترون المكسرات المغلفه من محلات المعروفه

[المسك1969]

اذا حصلت شيء عطني ping


:eek5: كبار انت وبوحارب راحت عليكم خلاص

حياكم الله أسعدني مروركم:nice:

[المسك1969]

واي ياربي شهالحالة استغفر الله العظيم


هاي اهني يفرشونه ع الارض وطربال وصخ

واخر مرة سمعت ايي من ايران ملوث ." خو كلش يعني حسيت بيكون في تفتيش عليه حبة حبة "

مالنا الا جبس ليز وحلويـآت بوعو د وكافي وبس .. مانبي مكسرات هالقرنقعوه


انا والله من سنوات ما اخذ منهم بس هالسنه قلت ارد للعادات القديمه بس عقب اللي شفته صج قلت مساكين هاليهال اللي نشتري وندفع فلوس وأخرتها على الطوارئ من الاسهال... وشيبس ليز والكافي ابرك

حياكم الله أسعدني مروركم:nice:

[المسك1969]

جزااك الله الف خير’



لا بالعكس ,, زيين قلت ’’

الله يخلي الجمعياات خخ ,


:omg: وي مستر بن اشفيك ربي يحفظك... الجمعيات والمجمعات من وين بالله عليك يجيبونه مب من سوق واقف والقراشيه اللي فيه... لاجمعيه ولا مجمعات ولا مولات ولا سوق واقف خلهم يتعلمون النظافة وأن صحة الانسان مهمة وغاليه مب ايي للياهل تسمم أو/ و اسهال والله المستعان

حياكم الله أسعدني مروركم:nice:

[المسك1969]

جزاج الله خير على التنبيه


وجزيتم بمثله

حياكم الله أسعدني مروركم:nice:

[المسك1969]

انزين اختي انت متاكدة ان كل الاكياس الي تباع هناك تغلف بهالطريقة؟لان انااشتريت كيس واحد من احد المحلات هناك والحين يعني شاسوي فيه مااستخدمه مثلا؟أرجوالرد..شاكرة لج على التنبيه.


حبيبتي والله العظيم أن اللي شفته بعيني عند باب محلين منهم أنهم باسطين الطربال على الارض والطربال وسخ (وصخ) وحاطين كل انواع الحب والحلويات والمكسرات ويخلطونه وأزيدج من الشعر بيت والعرق يتصبب منهم...

ولما أحد يشتري منهم يابلفيت فرش توهم يخلطون يحطون له بالكيس على حسب كم كيلو يبي

والكيس اللي شريته إما تقطينه أو ترينه وتقولين أبي اشتري من عندكم كافي وجيبس بقيمته... مادري بيعطونج ويه تردينه والا لا


حياكم الله أسعدني مروركم:nice:

[المسك1969]

انتبهو على عيالكم ترا التسمم وارد في القرقيعان خافو من الله يناس مب عشانه بعشر تسممون عيالنا الله رقيبكم في اعمالكم ،،


يا الغلا في عضو قال توكلوا على الله... يعني اشتروا... والمشكله ان اليهالوه اللي بيروحون فيها والاهل بيتعبون وربي يستر على الجميع

حياكم الله أسعدني مروركم:nice:

[المسك1969]

هذه الايام صار معظم الناس يشترون المكسرات المغلفه من محلات المعروفه



وهو أفضل من الغبره اللي نشوفها على القرقيعان نفسه غير طبعا اللي شفته اليوم والله المستعان

حياكم الله أسعدني مروركم:nice:

[تمون]

المفروض يسكر محله ويتسنع

[بوسلمان 2010]

الله يجزاكي كل خير اظني يحسبون المكسرات حق اعزكم الله حق بهايم مو حق اعيالنا الله المستعان وين البلديه


عنهم ولا قدى الشر عنهم

[(الفيصل)]

الحمد لله وسبحان الله جات من الله :)
(وشلكم بالقرنقعوه) وقد قيل فيه مافيه، بارك الله فيكم

أرى لو أخذ الاب ابنائه لمحل العاب واشترى لهم لعبه يختارونها أو ذهب بهم إلى صالة العاب(فيديو) لفرحوا أكثر ، وسوف تبقى اللعبة معهم إلى ماشاء الله .

تجنبوا هذه البدعه التي ماأنزل الله بها من سلطان ، فقد قفزت الارقام إلى الإستعداد لها (حسب ماسمعنا) إلى شيء لايرضي الله ولارسوله ولايدخل فقط في باب البدعة التي قال عنها العلماء وإنما يدخل في المنهيات وهي الإسراف والتبذير الذي نهى الله عنه ورسوله !!

نفعل ذلك في وقت يموت حولنا من يموت جوعاً لاسيما أخواننا في الصومال ولاحول ولاقوة الا بالله ،(النعمه زواله يااخوان) .

وتفضلوا هذه الفتوى

حكم القرقيعان:

الحمد لله وحده والصلاة والسلام على من لا نبي بعده وبعد

فتوى رقم (15532) بتاريخ 24/ 11/1413هـ

فقد اطلعت اللجنة الدائمة للبحوث العلمية والإفتاء على ما ورد إلى سماحة الرئيس العام من المستفتي / مدير مركز الدعوة بالدمام بالنيابة والمحال إلى اللجنة من الأمانة العامة لهيئة كبار العلماء برقم (5054) وتاريخ 6/10/1413هـ وقد سأل المستفتي سؤالا هذا نصه:

أنه جرت العادة في دول الخليج وشرق المملكة أن يكون هناك مهرجان (القرقيعان) وهذا يكون في منتصف شهر رمضان أو قبله وكان يقوم به الأطفال يتجولون على البيوت يرددون أناشيد ومن الناس من يعطيهم حلوى أو مكسرات أو قليل من النقود وكانت لا ضابط لها إلا أنه في الوقت الحاضر بدأت العناية بها وصار لها احتفال في بعض المواقع والمدارس وغيرها وصارت ليست للأطفال وحدهم وصارت تجمع لها الأموال .. ؟

وبعد دراسة اللجنة للاستفتاء المذكور أجابت عنه بأن الاحتفال في ليلة الخامس عشر من رمضان أو في غيرها بمناسبة ما يسمى مهرجان القرقيعان بدعة لا أصل لها في الإسلام (وكل بدعة ضلالة) فيجب تركها والتحذير منها ولا تجوز إقامتها في أي مكان لا في المدارس ولا في المؤسسات أو غيرها والمشروع في ليالي رمضان بعد العناية بالفرائض الاجتهاد بالقيام وتلاوة القرآن والدعاء .

والله الموفق
وصلى الله على نبينا محمد وآله وصحبه وسلم

اللجنة الدائمة للبحوث العلمية والإفتاء

[استغفرالله]

الحمد لله احنا ما نحتفل ببدعة القرنقعوه او عيد القرنقعوه

[قطر دزاين]

اتركو عنكم البدع هذا يشابه عيد للمسحين لا اتذكر اسمه بس انهم يلفون على البيوت ويعطونهم حلويات وغيرها

[(الفيصل)]

اتركو عنكم البدع هذا يشابه عيد للمسحين لا اتذكر اسمه بس انهم يلفون على البيوت ويعطونهم حلويات وغيرها

كعادة كل سنة بالمنتدى ، يفتح أحدهم هذا الموضوع ، ونكرر نحن هذه الإسطوانه للناس
والله كأن آذان وأعين حال بعضهم من طين وأخرى من عجين!!

وماتقصده اخي الفاضل أسمه الهالوين (Halloween)

[توشيبا]

عجل شكلج ماشفتي اشلون ينزلونها ههههههه

كم مره امر علي كذا محل اشوف هندي قاعد فوقها ودق سوالف مع هندي ثاني

انا اهناك 24 ساعه احوس في السوق

عرفت شي واحد اني مستحيل اشتري اكل او حلويات من سوق واقف

[المسك1969]

المفروض يسكر محله ويتسنع


يبي له

جزاكم الله خيرا على المرور :nice:

[المسك1969]

الله يجزاكي كل خير اظني يحسبون المكسرات حق اعزكم الله حق بهايم مو حق اعيالنا الله المستعان وين البلديه


عنهم ولا قدى الشر عنهم


جزاكم الله خيرا على المرور :nice:

[المسك1969]

الحمد لله وسبحان الله جات من الله :)
(وشلكم بالقرنقعوه) وقد قيل فيه مافيه، بارك الله فيكم

أرى لو أخذ الاب ابنائه لمحل العاب واشترى لهم لعبه يختارونها أو ذهب بهم إلى صالة العاب(فيديو) لفرحوا أكثر ، وسوف تبقى اللعبة معهم إلى ماشاء الله .

تجنبوا هذه البدعه التي ماأنزل الله بها من سلطان ، فقد قفزت الارقام إلى الإستعداد لها (حسب ماسمعنا) إلى شيء لايرضي الله ولارسوله ولايدخل فقط في باب البدعة التي قال عنها العلماء وإنما يدخل في المنهيات وهي الإسراف والتبذير الذي نهى الله عنه ورسوله !!

نفعل ذلك في وقت يموت حولنا من يموت جوعاً لاسيما أخواننا في الصومال ولاحول ولاقوة الا بالله ،(النعمه زواله يااخوان) .

وتفضلوا هذه الفتوى

حكم القرقيعان:

الحمد لله وحده والصلاة والسلام على من لا نبي بعده وبعد

فتوى رقم (15532) بتاريخ 24/ 11/1413هـ

فقد اطلعت اللجنة الدائمة للبحوث العلمية والإفتاء على ما ورد إلى سماحة الرئيس العام من المستفتي / مدير مركز الدعوة بالدمام بالنيابة والمحال إلى اللجنة من الأمانة العامة لهيئة كبار العلماء برقم (5054) وتاريخ 6/10/1413هـ وقد سأل المستفتي سؤالا هذا نصه:

أنه جرت العادة في دول الخليج وشرق المملكة أن يكون هناك مهرجان (القرقيعان) وهذا يكون في منتصف شهر رمضان أو قبله وكان يقوم به الأطفال يتجولون على البيوت يرددون أناشيد ومن الناس من يعطيهم حلوى أو مكسرات أو قليل من النقود وكانت لا ضابط لها إلا أنه في الوقت الحاضر بدأت العناية بها وصار لها احتفال في بعض المواقع والمدارس وغيرها وصارت ليست للأطفال وحدهم وصارت تجمع لها الأموال .. ؟

وبعد دراسة اللجنة للاستفتاء المذكور أجابت عنه بأن الاحتفال في ليلة الخامس عشر من رمضان أو في غيرها بمناسبة ما يسمى مهرجان القرقيعان بدعة لا أصل لها في الإسلام (وكل بدعة ضلالة) فيجب تركها والتحذير منها ولا تجوز إقامتها في أي مكان لا في المدارس ولا في المؤسسات أو غيرها والمشروع في ليالي رمضان بعد العناية بالفرائض الاجتهاد بالقيام وتلاوة القرآن والدعاء .

والله الموفق
وصلى الله على نبينا محمد وآله وصحبه وسلم

اللجنة الدائمة للبحوث العلمية والإفتاء


الفيصل حفظك الله نعم قرأت هذه الفتوى من قبل... أنت تشتري لاطفالك الالعاب بمناسبة ماذا؟ القرقيعان مثلا وبدل ان تكون مكسرات وحلويات تكون العاب

ومن قال حفظك الله ان الالعاب تدوم مع الاطفال هذه الايام... والله ان اغلى لعبة ان دامت ليلتها فلن تدوم لليوم الاخر نتيجة لما هم فيه من ترف ولله الحمد فلا اشتري لهم العاب انتهى

الامر الآخر... أن الاحتفال بالقرقيعان ليس مهرجان ولا تقام له الاحتفالات على مستوى الدوله فهو عاده وتقليد وليس عيدا ولا اعترف به كعيد... وامر ان يدور الاطفال على البيوت هي عادة قديمة لا يقوم بها الاطفال الا في التلفزيون

في اطفال يدورن الحين وكم عددهم... وان وجدوا فهم قلة والله اعلم

الموضوع فُتح ليس للتشيجع على الاحتفال بالقرقيعان... وكل انسان حر اما يحتفل او لا يحتفل والامر هو للتنبيه على مايفعله التجار من خلط القرقيعان في الممر امام المحلات الاخرى وعلى بساط غير نظيف.. لأنك قد تشتري منهم القرقيعان لغير وقت القرقيعان لأكله والاستمتاع به

جزاكم الله خيرا واشكركم على التعليق:nice:

[الدمعه]

صار لنا كم سنه نشتري ربيان وشبس وعصير وحلاوه وكافي .. مانحط المكسرات ..

اليهال ماياكلونها .. فحرام اشتريها .. بس اذا سويت شي حق الامهات الكبار اخذ من

الرفاعي او العلب اللي في الجمعيه .. مب المخلوطه ..

وتوني اعرف ان صار اسمه عيد القرقيعان .. اشدعوه قلنا مبالغه بس مب لهالدرجه

تكرهون الواحد في الحاجه ..

كل سنه نفس الكلام .. جات على هاليوم بتصير فيه سالفه وبندش النار ..

[المسك1969]

اتركو عنكم البدع هذا يشابه عيد للمسحين لا اتذكر اسمه بس انهم يلفون على البيوت ويعطونهم حلويات وغيرها


ان قصدت الهلوين فهو يختلف نهائيا عن القرقيعان ولا يشبه عيدهم بتاتا حفظك الله

جزاكم الله خيرا على المرور :nice:

[المسك1969]

كعادة كل سنة بالمنتدى ، يفتح أحدهم هذا الموضوع ، ونكرر نحن هذه الإسطوانه للناس
والله كأن آذان وأعين حال بعضهم من طين وأخرى من عجين!!

وماتقصده اخي الفاضل أسمه الهالوين (halloween)


بالله عليك يالفيصل: هل الهالوين يشبه القرقيعان؟ وهل أصل الهالوين مثل عادة القرقيعان؟

[المسك1969]

عجل شكلج ماشفتي اشلون ينزلونها ههههههه

كم مره امر علي كذا محل اشوف هندي قاعد فوقها ودق سوالف مع هندي ثاني

انا اهناك 24 ساعه احوس في السوق

عرفت شي واحد اني مستحيل اشتري اكل او حلويات من سوق واقف

ولا تنسى العرق بعد والجو رطوبه

الله المستعان

جزاكم الله خيرا على المرور :nice:

[<اضرب واشرد>]

استر على ماواجهت

[المسك1969]

صار لنا كم سنه نشتري ربيان وشبس وعصير وحلاوه وكافي .. مانحط المكسرات ..

اليهال ماياكلونها .. فحرام اشتريها .. بس اذا سويت شي حق الامهات الكبار اخذ من

الرفاعي او العلب اللي في الجمعيه .. مب المخلوطه ..

وتوني اعرف ان صار اسمه عيد القرقيعان .. اشدعوه قلنا مبالغه بس مب لهالدرجه

تكرهون الواحد في الحاجه ..

كل سنه نفس الكلام .. جات على هاليوم بتصير فيه سالفه وبندش النار ..


لا أختي ربي يحفظج فالتوجيه والتنبيه مهم وفي ناس فعلا تبالغ بالامر من ناحية التجهيزات... أنا اسوي مثلج بس حق اليهالوه بس الكبار ليش بعد؟

ونحن نتقبل النصيحه حفظكِ الله ايا كانت فقد نخطأ ونحتاج من يوجههنا لأننا بشر

جزاكم الله خيرا على المرور :nice:

[عضو نشيط]

لا حول ولا قوة إلا بالله العلي العظيم

[المسك1969]

استر على ماواجهت


نستر ويتسمم اليهال والا نتكلم ونوقفهم عند حدهم؟؟

جزاكم الله خيرا على المرور :nice:

[المسك1969]

لا حول ولا قوة إلا بالله العلي العظيم


جزاكم الله خيرا على المرور :nice:

[الدمعه]

لا أختي ربي يحفظج فالتوجيه والتنبيه مهم وفي ناس فعلا تبالغ بالامر من ناحية التجهيزات... أنا اسوي مثلج بس حق اليهالوه بس الكبار ليش بعد؟

ونحن نتقبل النصيحه حفظكِ الله ايا كانت فقد نخطأ ونحتاج من يوجههنا لأننا بشر

جزاكم الله خيرا على المرور :nice:


ويحفظج من كل شر اختي .. انا اتقبل النصح والتنبيه ماعندي مانع بس مب لدرجة المبالغه ..

من يسميه عيد القرقنعوه:waiting: .. كلها جلابيه وحلويات وين التبذير فيها ..

وانتو اشدراكم انها تقليد للغرب .. لحد يجيب لي صورهم .. الاجانب مادشو البلاد الايوم

دخل البترول .. وهالعاده قبل وقبل .. اذا جدتي الله يرحمها ويغفر لها كانت عندهم هالعاده

يوم هم صغار .. وعايشين في خيام .. شلون وصلهم عيد الهالوين ..

المهم الكبار تدرين كل مايكبرون يردون صغار ويشفون على اللي تعطينه اليهال ..

الله يحفظهم مومن كثر عجايزنا يستاهلون الخير كله مب بس القرقيعان .. عاد هم كل

شي ولا القروضات .. حتى لو ماميش ضروس بعد يبونها ..:ok:

شريت لهم فوانيس من الرونق بحط لهم قروضات من الرفاعي وبس ..

[(الفيصل)]

.. وهالعاده قبل وقبل .. اذا جدتي الله يرحمها ويغفر لها كانت عندهم هالعاده
يوم هم صغار .. وعايشين في خيام ..


وهم في خيام !!
مب كأنها وسيعه هاذي اشوي اختي !! :shy:
الله يغفر لها ويرحمها أن قالتلك وإن ماقالت لك هالكلام .(الغير صحيح ) طبعاً .

[مهره]

هذا الاستغلال بعينة

[المسك1969]

ويحفظج من كل شر اختي .. انا اتقبل النصح والتنبيه ماعندي مانع بس مب لدرجة المبالغه ..

من يسميه عيد القرقنعوه:waiting: .. كلها جلابيه وحلويات وين التبذير فيها ..

وانتو اشدراكم انها تقليد للغرب .. لحد يجيب لي صورهم .. الاجانب مادشو البلاد الايوم

دخل البترول .. وهالعاده قبل وقبل .. اذا جدتي الله يرحمها ويغفر لها كانت عندهم هالعاده

يوم هم صغار .. وعايشين في خيام .. شلون وصلهم عيد الهالوين ..

المهم الكبار تدرين كل مايكبرون يردون صغار ويشفون على اللي تعطينه اليهال ..

الله يحفظهم مومن كثر عجايزنا يستاهلون الخير كله مب بس القرقيعان .. عاد هم كل

شي ولا القروضات .. حتى لو ماميش ضروس بعد يبونها ..:ok:

شريت لهم فوانيس من الرونق بحط لهم قروضات من الرفاعي وبس ..


ربي يحفظهم الجميع مالنا غنى عنهم ولا نقدر نعيش من غيرهم ... وصدقتي كل ما يكبرون يردون صغار:nice:

[المسك1969]

هذا الاستغلال بعينة


ترى مب غالي بس طريقة خلط المكسرات بالحلويات وتغليفهم بنايلون نظيف والصحيح أنها خلطت في مكان وسخ (وصخ)
جزاكم الله خيرا على المرور :nice:

[الدمعه]

وهم في خيام !!
مب كأنها وسيعه هاذي اشوي اختي !! :shy:
الله يغفر لها ويرحمها أن قالتلك وإن ماقالت لك هالكلام .(الغير صحيح ) طبعاً .



اي نعم كانوا عايشين في خيام .. ومب محتاجه اني الفق كلام .. الفيصل انا دايما تعجبني

كتاباتك وردودك فصعب علي اتقبل كلامك هذيه .. اسمحلي .. شلون حكمت انه غير صحيح ..

اللي اذكره من كلامها انها تقول يعطونهم حب البطيخ والجح كانو يبسونه ويحمصونه ..

وكل قرقيعان تعيد نفس السالفه ان امها رحمة الله عليهم كانت توزعه عليهم..

وبعد بسئل امي اتاكد عشان مااكون مروجه اشاعات واكاذيب ..

وهي من اهل الخور وعقب راحو ذخيره عطوهم بيوت هناك وبعدين نزلو الدوحه في بيوت غزه..

[GENIUS]

مريت عليهم اليوم وبصراحة العملية يبغيلها ترتيب ونظافة اكثر . الله العالم البضاعة المفروزة والمعبأة بأكياس كيف كان وضعها قبل الخلط . من ناحيتي فضلت اشتري كل نوع بنفسه واخلطهم في البيت *

[استغفرالله]

يمكن جدانج غير عن جدانا احنا يدودنا ما كانوا يحتفلون بالقرنقعوه او عيد القرنقعوه

تعريف العيد : قال في لسان العرب : العيد كل يوم فيه جمع يعود كأنهم عادوا إليه وقيل اشتقاقه من العادة والعيد عند العرب الوقت الذي يعود فيه الفرح والحزن. 3/318- 319 قال شيخ الإسلام : ( فالعيد يجمع أموراً منها يوم عائد كيوم الفطر ويوم الجمعة ، ومنها اجتماع فيه ، ومنها : أعمال تتبع ذلك من العبادات والعادات وقد يكون مطلقا وكل هذه الأمور قد تسمى عيدا) انتهى من الاقتضاء 1/496. وهذا مما ينبغي أن يصحح في مفاهيم الناس من معنى العيد .


وبغض النظر عن حكم القرنقعوه اليس الاولى بالتصدق بثمن القرنقعوه وتجهيزات القرنقعوه للجوعى بالصومال

[الدمعه]

يمكن جدانج غير عن جدانا احنا يدودنا ما كانوا يحتفلون بالقرنقعوه او عيد القرنقعوه

تعريف العيد : قال في لسان العرب : العيد كل يوم فيه جمع يعود كأنهم عادوا إليه وقيل اشتقاقه من العادة والعيد عند العرب الوقت الذي يعود فيه الفرح والحزن. 3/318- 319 قال شيخ الإسلام : ( فالعيد يجمع أموراً منها يوم عائد كيوم الفطر ويوم الجمعة ، ومنها اجتماع فيه ، ومنها : أعمال تتبع ذلك من العبادات والعادات وقد يكون مطلقا وكل هذه الأمور قد تسمى عيدا) انتهى من الاقتضاء 1/496. وهذا مما ينبغي أن يصحح في مفاهيم الناس من معنى العيد .


وبغض النظر عن حكم القرنقعوه اليس الاولى بالتصدق بثمن القرنقعوه وتجهيزات القرنقعوه للجوعى بالصومال


يجوز اني من مكان ثاني .. واذا على التصدق او العباده الحمدلله احاول اني مااقصر مع نفسي وربي في شي ..

واذا بتصدق مب متصدقه لخارج بلادي .. عندي حولي وحوالي من اهل قطر محتاجين

البيزه والكسوه هم اولى بها ..

جزاكم الله خير .. من اولكم لين اخركم ..

واسمحولي ان زل لساني في لحظه غضب ..

[مخطط قطري]

الا على حق يا اختي البلديه مرت عليهم فتره كانو مجتهدين في عملهم الحين اشوفهم فترو لو السالفه فيها تجميع فلوس من المواطن مثل المرور كان كثفوا نشاطاتهم بس شي فيه صحه المواطن مايهتمون

مساكين هالمفتشين مابقت علاوه ماقطعوها عنهم وفوق هذا التجار ظهرهم قوي ودايمن يطلعون المفتش غلطان ويهددونه
حسبي الله عليهم اذا كلامج صحيح هذي صحه المواطن مب لعبه
المفروض يكوون جهاز تفتيش رقابي قوي مايتبع لا للبلديه ولا للبيئه يتبع مباشره مكتب سمو الامير او مكتب رئيس مجلس الوزراء ويكون قوي ورواتبهم عاليه مثل رواتب كيوبي واكثر بعد
شوفو عقب شلون يكنون المفتشين

[مخطط قطري]

يجوز اني من مكان ثاني .. واذا على التصدق او العباده الحمدلله احاول اني مااقصر مع نفسي وربي في شي ..

واذا بتصدق مب متصدقه لخارج بلادي .. عندي حولي وحوالي من اهل قطر محتاجين

البيزه والكسوه هم اولى بها ..

جزاكم الله خير .. من اولكم لين اخركم ..

واسمحولي ان زل لساني في لحظه غضب ..

صادقه يالشيخه ومسموحه

[نوفا91]

الحين هالسالفه كلها عشان مانشتري من سوق واقف مب شاريين خلاص :)


حليت الموضوع وشرايكم فيني :)

وبخصوص اللي حرموا وحللوا شسالفه يعني وش اتفقتوا عليه ؟؟

[بوحمد2]

السلام عليكم

اليوم رحت لسوق واقف الظهر عشان اخلص اغراض القرقيعان وأونس اليهال... وانا هناك شفت محلين فارشين قدام المحل طربال وحاطين عليه الحب والمكسرات والحلويات...

هالاشياء محطوطه برع المحل بين المحلات وعلى طربال يشهد الله أنه مب نظيف..

لو قلنا ان الحلويات الصغيره مغلفه طيب هناك الحب اللي يتكسر بالاسنان غير الجوز واللوز وعين الجمل بعد احيانا نحاول نكسره بأسنانا...

وبعد في حلويات صغيره ملونه بدون غلاف... ويقول بصوت عالي الكيلو بعشر

فقلت له اشلون تخلط اهنيه في الطريق وليش المفرش (الطربال) مب نظيف.. اي محل انت ويأشر لي على محله

وكانت في أخت تبي تشتري فقلت لها اختي ترى انا ماكنت اعرف انهم يخلطون الحب والحلويات والمكسرات في الارض وعلى فرش وسخ... ترى الاسهال اللي يصيد اليهال منه... انا ما أدري عنها هل اشترت أو لا بس صج منظر مقزز وراه وين عايشين


وين البلدية عنهم؟؟؟ اتصل على الكول سنتر ابي اشتكي فوالله أكثر من نصف ساعة ويقول لي أن الخطوط مشغوله وراه كيوتل هم... لين وصلت البيت والخطوط مشغوله

الحين هل اللي طرحته صح والا غلط؟ صح يخلطون القرقيعان على بساط وسخ وفي الطريق؟

صح أن الناس تشتري من عندهم ويأكلون عيالهم؟ عاد الياهل بياكل اي شيء...

انا صج تضايقت من المنظر وأتمنى اكون على حق وما ظلمت أحد بالموضوع هذا

على فكرة تراهم عقب الخلط يحطونه في اكياس .. يابلفيت بيطلع لكم نظيف وهو في الحقيقة الله المستعان

اعتذر عن الكتابه قد تكون غير منسقة ولكنها وليدة وقتها

جزاكم الله خيرا

داااااائما ما انبه بان المفروض الرجوع للجهه التي تختص بالموضوع مثل البلديه وليس منتدى الاسهم اوغيره لذالك المفروض الاتصال مره واثنين وعشره الى ان يرد موظف البلديه لانه هو من سوف يقوم بعمل الاجراء ات ضد صاحب المحل المخالف وليس اي عضو في المنتدى ...ولا كلامي فيه شي غلط؟؟؟:omg:

[المسك1969]

مريت عليهم اليوم وبصراحة العملية يبغيلها ترتيب ونظافة اكثر . الله العالم البضاعة المفروزة والمعبأة بأكياس كيف كان وضعها قبل الخلط . من ناحيتي فضلت اشتري كل نوع بنفسه واخلطهم في البيت *

صحيح انا شفتهم وهم يخلطون بس اللي كل كيس بروحه الله أعلم فيه...

جزاكم الله خيرا على المرور:nice:

[المسك1969]

يمكن جدانج غير عن جدانا احنا يدودنا ما كانوا يحتفلون بالقرنقعوه او عيد القرنقعوه

تعريف العيد : قال في لسان العرب : العيد كل يوم فيه جمع يعود كأنهم عادوا إليه وقيل اشتقاقه من العادة والعيد عند العرب الوقت الذي يعود فيه الفرح والحزن. 3/318- 319 قال شيخ الإسلام : ( فالعيد يجمع أموراً منها يوم عائد كيوم الفطر ويوم الجمعة ، ومنها اجتماع فيه ، ومنها : أعمال تتبع ذلك من العبادات والعادات وقد يكون مطلقا وكل هذه الأمور قد تسمى عيدا) انتهى من الاقتضاء 1/496. وهذا مما ينبغي أن يصحح في مفاهيم الناس من معنى العيد .


وبغض النظر عن حكم القرنقعوه اليس الاولى بالتصدق بثمن القرنقعوه وتجهيزات القرنقعوه للجوعى بالصومال


أمر التبرع أمر مفروغ منه وأمر القرقيعان شيء آخر... الحين حفظك الله ناس تتزوج وناس تموت فهل بنقول للناس اللي بتتزوج ترى في ناس تستشهد أو تموت من الجوع فلا تسوون عرس... وأن كانوا في أشد البلاد جهادا فهم يتزوجون ويقيمون الافراح

والقرقيعان ماهي الا عادة وتقليد لمجتمع يفترض ألا ينفق صاحبه الكثير من المال ويكون بتوزيع مكسرات او حلويات على الاطفال فقط انتهى

جزاكم الله خيرا على المرور:nice:

[المسك1969]

مساكين هالمفتشين مابقت علاوه ماقطعوها عنهم وفوق هذا التجار ظهرهم قوي ودايمن يطلعون المفتش غلطان ويهددونه
حسبي الله عليهم اذا كلامج صحيح هذي صحه المواطن مب لعبه
المفروض يكوون جهاز تفتيش رقابي قوي مايتبع لا للبلديه ولا للبيئه يتبع مباشره مكتب سمو الامير او مكتب رئيس مجلس الوزراء ويكون قوي ورواتبهم عاليه مثل رواتب كيوبي واكثر بعد
شوفو عقب شلون يكنون المفتشين


يا أخي الكريم والله عندكم الكول سنتر (مركز الاتصال ) اللي المفروض شغال 24 ساعة ومع ذلك في عز الظهر كل الخطوط مشغوله ولمدة نصف ساعة أو اكثر قليلا... ثم اتصلت فيهم العصر وكله مشغول ولو أنهم قالوا أنه خارج الدوام الرسمي لكان أهون

جزاكم الله خيرا على المرور:nice:

[المسك1969]

الحين هالسالفه كلها عشان مانشتري من سوق واقف مب شاريين خلاص :)
حليت الموضوع وشرايكم فيني :)
وبخصوص اللي حرموا وحللوا شسالفه يعني وش اتفقتوا عليه ؟؟


زين سويتي يالغلا:victory:

بس ما ناحية حلال أو حرام فهو عائد للعلماء وبالرغم أن هناك من أحله فهناك من حرمه ... وهي اجتهادات للعلماء حفظهم الله

ويقولون أن القرقيعان لا أصل له وأنه يشبه عيد الكريسمس وقيل أن الاحتفال به يبدأ من الساعة العاشرة ليلا فيجتمع الرجال في مكان والنساء في مكان ويبدأون في تحضير الطعام... وأنا لا أرى هذا حقيقة
وقيل أن الاطفال يدورون على البيوت من الرابعه مساء حتى العاشرة ليلا...:omg:

ثم قيل أن من يحتفل به هم أهل الساحل نتيجة للأحتلال الذي كان سابقا... وماعرف عن هالشيءلأنا في قطر الكل يعلم به
ولكن في النهاية هناك أمور نحن نتفق عليها بأنها حلال أو حرام... حرمتها الشريعة الاسلامية... ولكن الاجتهادات قد تكون والله أعلم نظرا لما يسمعه العالم من كلام من بعض الناس فيصدر بها فتوى ثم ما أن يتبين خطأها فيعيد في اجتهاده والله أعلم

وهو ليس تعديا على علمائنا واجتهاداتهم وليس دفاعا عن القرقيعان لأنه قد نقوم به وقد لا نقوم به ولكنه ماوجد الا للأطفال وليس للكبار وهذا ما أعرفه منذ كنت صغيره.

وأن أخطأت فمن نفسي وأن أصبت فمن الله

وهذا رابط لموقع يشرف عليه الشيخ الفوزان http://muntada.islammessage.com/showthread.php?t=2989
هو ماقال حلال بس حبيت احط لكم الرابط لأنه نفس الكلام اللي قلته فوق
جزاكم الله خيرا على المرور:nice:

[المسك1969]

داااااائما ما انبه بان المفروض الرجوع للجهه التي تختص بالموضوع مثل البلديه وليس منتدى الاسهم اوغيره لذالك المفروض الاتصال مره واثنين وعشره الى ان يرد موظف البلديه لانه هو من سوف يقوم بعمل الاجراء ات ضد صاحب المحل المخالف وليس اي عضو في المنتدى ...ولا كلامي فيه شي غلط؟؟؟:omg:


أبدا كلامك صح وعين الصواب وأنا قمت بالاتصال فيهم ولم ألقى رد فقلت من الافضل التنبيه لأني كرهت المنظر الذي رأيته... فإن كنت أنت مكاني ألن تنبه الناس لما رأيته أم تشتكي فقط؟ وألم تجد من يرد عليك أتترك الناس ليشتروا من تجار لا يراعون النظافة العامه ليكسبوا المال فقط؟

والحين شنو الصح ربي يحفظك: التوجيه والنصح والا السكوت والكتمان؟

جزاكم الله خيرا على المرور:nice:

[بوحمد2]

أبدا كلامك صح وعين الصواب وأنا قمت بالاتصال فيهم ولم ألقى رد فقلت من الافضل التنبيه لأني كرهت المنظر الذي رأيته... فإن كنت أنت مكاني ألن تنبه الناس لما رأيته أم تشتكي فقط؟ وألم تجد من يرد عليك أتترك الناس ليشتروا من تجار لا يراعون النظافة العامه ليكسبوا المال فقط؟

والحين شنو الصح ربي يحفظك: التوجيه والنصح والا السكوت والكتمان؟

جزاكم الله خيرا على المرور:nice:

التوجيه والنصح طبعا ولاكن هل الناس الي في سوق واقف كلهم يدرون وقروا موضوعك ؟؟؟لا طبعا لذالك انا قلتلك افصل في الموضوع من خلال البلديه لانه اذا خالفتهم على الاكيد بيعتبر غيرهم من المحلات الي في سوق واقف وبينتبهون:nice:

[عندليب قطر]

جزاك الله الف خير ع التنبية
*

*

[.Q a T a R.]

جزاك الله الف خير ع التنبية

[almaf1a]

صج كيس القرنقعوه الصغير ب200 ريال
الواحد يوزع سنيكرز ارخص له

[شبيــه الريح]

ماقصرتي اختي على التنبيه

[شبيــه الريح]

ماقصرتي اختي على التنبيه

[DReaM*ANgeL]

جزاك الله الف خير

[المسك1969]

التوجيه والنصح طبعا ولاكن هل الناس الي في سوق واقف كلهم يدرون وقروا موضوعك ؟؟؟لا طبعا لذالك انا قلتلك افصل في الموضوع من خلال البلديه لانه اذا خالفتهم على الاكيد بيعتبر غيرهم من المحلات الي في سوق واقف وبينتبهون:nice:


تصدق أني من أمس اتصل واليوم وكله مشغوله وهذا كول سنتر يعني مركز الاتصالات ولو في رقم مباشر حد يطرشه لي وانا بتصل عليهم... لازم يتعاقبون هالمحلين حتى يعتبر الاخرين

[المسك1969]

جزاك الله الف خير ع التنبية
*

*


وجزيتم بمثله

[المسك1969]

جزاك الله الف خير ع التنبية



وجزيتم بمثله

[المسك1969]

صج كيس القرنقعوه الصغير ب200 ريال
الواحد يوزع سنيكرز ارخص له


200 وإلا 250 ريال... جزاك الله خير على المرور:nice:

[المسك1969]

ماقصرتي اختي على التنبيه



حياك الله:nice:

[المسك1969]

جزاك الله الف خير


وجزيتم بمثله

[نــــظــــره]

خلاص عيل بدال القريقعان نشتري قرنقعوه:p



صج والله الحين شنسوي نشتري أو لا :shy:

[المسك1969]

خلاص عيل بدال القريقعان نشتري قرنقعوه:p

صج والله الحين شنسوي نشتري أو لا :shy:




:secret:

[نــــظــــره]

:secret:


مافهمت :shy:

[المسك1969]

مافهمت :shy:


أنا عن نفسي عقب اللي شفته ما بشتري منهم... بس صراحة انا متعودة اني اسوي كافي وشيبس وعصير لليهال لأني لاحظت عليهم قبل سنوات ان يصير عندهم اسهال مب كلهم بس البعض وكان عبالي انه من كثر اكل الحلويات بس الحين عرفت انه من عدم النظافة اللي تجمع فيها القرقيعان

وكل واحد يالغلا على راحته يشتري أو مايشتري

[دلال قطر]

اختي المفروض صورتي المكان واللي يبيع و اسم المحل ورحتي اشتكيتي

[نــــظــــره]

أنا عن نفسي عقب اللي شفته ما بشتري منهم... بس صراحة انا متعودة اني اسوي كافي وشيبس وعصير لليهال لأني لاحظت عليهم قبل سنوات ان يصير عندهم اسهال مب كلهم بس البعض وكان عبالي انه من كثر اكل الحلويات بس الحين عرفت انه من عدم النظافة اللي تجمع فيها القرقيعان

وكل واحد يالغلا على راحته يشتري أو مايشتري


ما قصد نشتري من سوق واقف اقصد القريقعان نفسه نشتريه
من مكان ثاني اذا الجواب لا قطعتي رزق تاجره

[المسك1969]

اختي المفروض صورتي المكان واللي يبيع و اسم المحل ورحتي اشتكيتي


تدرين والله ما يا على بالي التصوير ... ياليتني صورت والله وأما الشكوى فحاولت اتصل بالكول سنتر حق البلديه امس واليوم وكله الخطوط مشغولة بس بمر باجر وأن لقيت نفس الوضع بصور إن شاء الله

[نــــظــــره]

لا تنسوني من الدعاء فأنا واولادي في أشد الحاجة إليه

أسأل الله العفو والعافيه لكم وأن يرفع عنكم ما أهمكم

[بـــــــنت النوخـّــــذه]

اليوم رحنا سوق واقف وشرينا قرنقعوه 000

صح مثل ماتفضلت الاخت فارشين بسطه على الارض (يملون بها اكياس القرنقعوه )

بس للامانه قربت اشوي اشوف اذا فيه غبره ولا لا نفس ماتفضلت الاخت
للامانه الي شفته انهم فارشين توه وجالسين يعبون الاكياس يعني مهب معروض من الصبح لي فالليل والي يبي يشتري من البسطه

و سئلت الهندي ابغي اجس النبض قلت له هاي شنو مافي زين بعدين كله وصخ تخرع :eek5: قال لالالا ماما هاي نظيف والله شوف :) مسكين تخرع :p

لان كل واحد تقريبا فارش عند محله يعبي الاكياس لضيق المكان داخل المحل
ولاتنسون ان البلديه عيونهم مفتحه وجالسيين للمخالفات :rolleyes2:

وتبون الصج اصلا" القرنقعوه طول عمره مغبر والحلويات مغلفه 00من متى اصلا الفستق واللوز والجوز والفول السوداني وطخطه المكسرات يلمعون من النظافه اهههه

انزين انا قبل الله بالخير مادري عن سعر القرنقعوه بس السنه رحت ف سمعت وحده اتقول قبل ينباع ب 75 ريال والسنه خلوه 170 ريال ؟؟؟؟

شالفرق بين السنه الي طافت والسنه هذي شنهو سبب الارتفاع 0000:omen2:

[(الفيصل)]

خلاص عيل بدال القريقعان نشتري قرنقعوه:p



صج والله الحين شنسوي نشتري أو لا :shy:







:secret:



مافهمت :shy:

قال صلى الله عليه وسلم
(إن الحلال بين وإن الحرام بين وبينهما مشتبهات لا يعلمهن كثير من الناس . فمن اتقى الشبهات استبرأ لدينه وعرضه . ومن وقع في الشبهات وقع في الحرام . كالراعي يرعى حول الحمى . يوشك أن يرتع فيه . ألا وإن لكل ملك حمى . ألا وإن حمى الله محارمه . إلا وإن في الجسد مضغة ، إذا صلحت صلح الجسد كله وإذا فسدت ، فسد الجسد كله . ألا وهي القلب )

اللهم بلغت اللهم فاشهد
والسلام عليكم ورحمة الله وبركاته

[المسك1969]

قال صلى الله عليه وسلم
(إن الحلال بين وإن الحرام بين وبينهما مشتبهات لا يعلمهن كثير من الناس . فمن اتقى الشبهات استبرأ لدينه وعرضه . ومن وقع في الشبهات وقع في الحرام . كالراعي يرعى حول الحمى . يوشك أن يرتع فيه . ألا وإن لكل ملك حمى . ألا وإن حمى الله محارمه . إلا وإن في الجسد مضغة ، إذا صلحت صلح الجسد كله وإذا فسدت ، فسد الجسد كله . ألا وهي القلب )

اللهم بلغت اللهم فاشهد
والسلام عليكم ورحمة الله وبركاته


يالفيصل حفظك الله والله أنا لنتحرى الحلال والحرام ونبتعد عن المشتبهات ان شاء الله ولكني لم أرى في القرقيعان شيئا مع اني كنت قد امتنعت عنه لسنتين بعد سماع الفتوى وانا اوزع القرقيعان قبل يوم القرنقيعوه

جزاك الله خيرا اخي الكريم

[المسك1969]

أخواني وأخواتي شوفوا شنو لقيت أثناء البحث والله يستر ليكون أمر في النهاية يخص الشيعه

إليكم الرابط وأقروأ حتى النهاية:

http://l0ol0o87.jeeran.com/aslimiat/archive/2007/9/332994.html

[المسك1969]

نعم أن القرقيعان لا أصل له بالسنة ولكنه مثل العادات التي كانت في الجاهلية وأقرها الاسلام أو رفضها ... والله اعلم

[المسك1969]

اليوم رحنا سوق واقف وشرينا قرنقعوه 000

صح مثل ماتفضلت الاخت فارشين بسطه على الارض (يملون بها اكياس القرنقعوه )

بس للامانه قربت اشوي اشوف اذا فيه غبره ولا لا نفس ماتفضلت الاخت
للامانه الي شفته انهم فارشين توه وجالسين يعبون الاكياس يعني مهب معروض من الصبح لي فالليل والي يبي يشتري من البسطه

و سئلت الهندي ابغي اجس النبض قلت له هاي شنو مافي زين بعدين كله وصخ تخرع :eek5: قال لالالا ماما هاي نظيف والله شوف :) مسكين تخرع :p

لان كل واحد تقريبا فارش عند محله يعبي الاكياس لضيق المكان داخل المحل
ولاتنسون ان البلديه عيونهم مفتحه وجالسيين للمخالفات :rolleyes2:

وتبون الصج اصلا" القرنقعوه طول عمره مغبر والحلويات مغلفه 00من متى اصلا الفستق واللوز والجوز والفول السوداني وطخطه المكسرات يلمعون من النظافه اهههه

انزين انا قبل الله بالخير مادري عن سعر القرنقعوه بس السنه رحت ف سمعت وحده اتقول قبل ينباع ب 75 ريال والسنه خلوه 170 ريال ؟؟؟؟

شالفرق بين السنه الي طافت والسنه هذي شنهو سبب الارتفاع 0000:omen2:

ترى يالغلا انا سالتهم الظهر ليش الفرشة وسخه (وصخه) ؟ وسألته من راعي المحل وأشر لي على المحل

بس حتى لو انتي شفتيها نظيفه فطريقة وضع المكسرات على الارض في الطريق بين المحلات خطأ لو ماكان في مكان في المحل... ومب صحي.

جزاك الله خيرا على المرور والتعليق:nice:

[المسك1969]

لا تنسوني من الدعاء فأنا واولادي في أشد الحاجة إليه

أسأل الله العفو والعافيه لكم وأن يرفع عنكم ما أهمكم


اللهم آمين ولك مثله يالغلا وأفضل أن شاء الله

[مضاربه]

حتى القرقيعان بعد سويتوه حرام الا حلاوه ومكسرات فرحه لليهال وهذي عاده قديمه مادري ليش تاخذون الفتاوي المتشدده احنا في الدوحه نتبع مذهب الوسطيه ليش ماتاخذون فتوى الشيخ القرضاوي مثلا

[(الفيصل)]

طالما قال الله ، وقال الرسول لاتنفع
لنذهب للعقل والمنطق لعل به فائدة وماذلك على الله بعزيز

نعم ... فليلعب أطفالنا
نعم ... فلنكرم جيراننا
نعم ... فلنصل أرحامنا

ولكن هل يكون هذا فقط في ليلة الخامس عشر من رمضان ؟!

إن كان كل ما قيل عن كون العادة غير منقولة عن أحد أو أنها موروث شعبي صحيحا ..
إن كان هذا ما تقولون إخواني الكرام
فلم تخصيص اليوم ولم الاصرار على هذا التخصيص

تخيل أخي الحبيب أن الأمير أو الملك في دولة ما قد خصص يوما للاحتفال بعادة معينة وجاء قوم ليحتفلوا بهذه العادة في غير موعدها أو لينشؤوا عادة في موعد خاص ...
هل يا ترى سيرضى الملك ؟!

الله عز وجل لم يخصص لنا هذه الليلة للاحتفال بما تقولون أنه موروث شعبي ولا يرضى منا إنشاء عادة او عبادة في موعد قد خصصه للصيام والقيام ..

اخواني ... احتفلوا بالقرقيعان في غير موعد مخصص وكفى تأليا على رب العزة وظلما للمشايخ وإياكم أن تأخذنا العزة بالإثم لنرد كلام من لهم حق علينا ..

وأنا على يقين بأن الإخوة الذين ردوا كلام علامة الأمة الشيخ ( ابن جبرين ) رحمه الله
لو كان له فتوى تنتصر لرأي عندهم لتمسكوا بها على أنها من شيخ الزمان ...

مع خالص تقديري واحترامي
أخوكم ...مجرد إنسان

وهالمره وداعاً :)

[بـــــــنت النوخـّــــذه]

الفيصل[/color]);7526105]

مع خالص تقديري واحترامي
أخوكم ...مجرد إنسان
وهالمره وداعاً :)


يعني الفيصل = مجرد انسان

ولا تقصد منقول من

سؤال فضول

[qatarlands]

اشكرك اخوي على حرصك وخوفك على الناس من هذا الشيء ولكن ليش ماتكتب اسم المحل خل الناس تعرفه وماتشتري منه
تسلم اخوي

[المسك1969]

طالما قال الله ، وقال الرسول لاتنفع لنذهب للعقل والمنطق لعل به فائدة وماذلك على الله بعزيز

نعم ... فليلعب أطفالنا
نعم ... فلنكرم جيراننا
نعم ... فلنصل أرحامنا

ولكن هل يكون هذا فقط في ليلة الخامس عشر من رمضان ؟!

إن كان كل ما قيل عن كون العادة غير منقولة عن أحد أو أنها موروث شعبي صحيحا ..
إن كان هذا ما تقولون إخواني الكرام
فلم تخصيص اليوم ولم الاصرار على هذا التخصيص

تخيل أخي الحبيب أن الأمير أو الملك في دولة ما قد خصص يوما للاحتفال بعادة معينة وجاء قوم ليحتفلوا بهذه العادة في غير موعدها أو لينشؤوا عادة في موعد خاص ...
هل يا ترى سيرضى الملك ؟!

الله عز وجل لم يخصص لنا هذه الليلة للاحتفال بما تقولون أنه موروث شعبي ولا يرضى منا إنشاء عادة او عبادة في موعد قد خصصه للصيام والقيام ..
اخواني ... احتفلوا بالقرقيعان في غير موعد مخصص وكفى تأليا على رب العزة وظلما للمشايخ وإياكم أن تأخذنا العزة بالإثم لنرد كلام من لهم حق علينا ..

وأنا على يقين بأن الإخوة الذين ردوا كلام علامة الأمة الشيخ ( ابن جبرين ) رحمه الله
لو كان له فتوى تنتصر لرأي عندهم لتمسكوا بها على أنها من شيخ الزمان ...

مع خالص تقديري واحترامي
أخوكم ...مجرد إنسان

وهالمره وداعاً :)



الله المستعان وإنا لله وإنا إليه راجعون

ابي افهم يا اخوان ويا اخوات هل أنتم تبالغون في الاحتفال بالقرقيعان وهل تقيمون لها الخيم والرقص وما شابه أم فقط توزيع حلويات

وهل هذه المناسبة تمنعكم عن صلاة التراويح ؟ ام وقتها من بعد المغرب لقبل صلاة العشاء والتراويح؟؟

الله يسامحك تكلمنا بالمنطق وكأن كلام الله ورسوله مرفوض.. فلا حول ولا قوة الا بالله

وعلى فكرة حفظك الله فكما هناك مشايخ حرموه فهناك من أباحه بضوابط

[المسك1969]

اشكرك اخوي على حرصك وخوفك على الناس من هذا الشيء ولكن ليش ماتكتب اسم المحل خل الناس تعرفه وماتشتري منه
تسلم اخوي


والله انا عادي عندي بذكر الاسامي مايهمني وترى انا كلمتهم بعد وقتها وقلت لهم ليش فارشين في قدام المحل والناس تمر والهواء وعرقهم وغير ان اللي باسطين عليه وسط

وفي أخت حفظها الله كتبت أنها بعد شافتهم وقالت أن بسطتهم وقتها كانت نظيفه يمكن غيروها بس بعد الفرش برع المحل والناس تمر والهواء وعرقهم أمر غلط

جزاك الله خير على المرور:nice: