بخصوص البورش كيان !!

[the prince]

السلام عليكم ورحمة الله وبركاته

ياجماعه بغيت اسالكم عن البورش كيان s .. هل ينفع لاستخدام يومي ؟ وهل هو موتر مريح ؟ وبغيت اعرف شنهي عيوبه ؟ وشلون السيرفس فالوكاله ؟ وكم يكلف السيرفس على كله تشيكه ؟
وكم اسعارهم لو باخذ الفل ابشن ؟

ويعطيكم الف عافيه :)

[The_Be$t]

اعتقد بعض الانواع فيهم مشكلة او ان الموتر مصنوع جذي ان الايل ينقص كل 2000 كلم ولازم توديه الشركة

اعتقد اللي عنده كيان يقدر ينفعك اكثر


وبالتوفيق اخوي

[the prince]

اعتقد بعض الانواع فيهم مشكلة او ان الموتر مصنوع جذي ان الايل ينقص كل 2000 كلم ولازم توديه الشركة

اعتقد اللي عنده كيان يقدر ينفعك اكثر


وبالتوفيق اخوي



سمعت نفس الكلام الي قلته كل 1000 كيلو ينقص الايل لانه الموتر سبورت ويحرق ايل .. ولازم ازيده لتر واحد .. مادري هالكلام صحيح ولا لا

وانتظر اهل الكيان يفيدوني :)

[LiL iNVe$ToR]

سمعت نفس الكلام الي قلته كل 1000 كيلو ينقص الايل لانه الموتر سبورت ويحرق ايل .. ولازم ازيده لتر واحد .. مادري هالكلام صحيح ولا لا

وانتظر اهل الكيان يفيدوني :)


السياره " تصرف" ايل ..مب تحرقها ..في فرق بين الاثنين ..مادري شالسبب الهندسي منه لكن مكتوب في manual السياره ان "صرفية" الايل تكون في حدود لتر كل 1000 كيلو متر ..يعني مب شرط تزيد ايل في كل 1000 كيلو ..يمكن يطول ويمكن لا ..ومع تمرين المكينه والاستعمال الصرفيه لازم تتحسن .

[بوخالد911]

هلا

خوووش موترر


ولكن العيب هو : وعرر

مش مريح مثل الكزس

[the prince]

السياره " تصرف" ايل ..مب تحرقها ..في فرق بين الاثنين ..مادري شالسبب الهندسي منه لكن مكتوب في manual السياره ان "صرفية" الايل تكون في حدود لتر كل 1000 كيلو متر ..يعني مب شرط تزيد ايل في كل 1000 كيلو ..يمكن يطول ويمكن لا ..ومع تمرين المكينه والاستعمال الصرفيه لازم تتحسن .

يعطيك العافيه اخوي .. بس ماعطيتني رايك بالموتر ؟:)

[the prince]

هلا

خوووش موترر


ولكن العيب هو : وعرر

مش مريح مثل الكزس

يعطيك العافيه بوخالد911 :)

[غزلان]

بخصوص مريح وااايد مريح ومن تجربه

[ALKUWARI101]

انا عندي كيان s واقدر افيدك

المشكلة فالموتر ان سنسر الايل واايد دقييق ومن ينقص شويه يطلع لك تحذير بالاصفر لكن عاادي خل الموتر

لين مايطلع التحذير الاحمرر وعقب حتى تقدر اتزيد الايل حتى عندك فالبيت.

لكن اخر مره جيكت الموتر على ال١٥٠٠٠ الف وتم معااي الموتر لين ماوصل الحين ٢٢٠٠٠ الف وتوها طلعت لي العلامه.

واتوقع هالمشكله بيحلونها على الموديل الجديد.

لكن الموتر ماعليه كلام لاوعر ولاشي مثل القديم .

ووعن السعر ماقدر احدد لك لانك انت تختار ادق المواصفات فالموتر وكل شي بسعره

لكن باضرب لك على موترري

الموتر ستاندر سعره ٢٨٧ الف تقريبا

رنقاات ٢١ تيربوو تقريبا ١٨ الف
دواسات ٣ الالاف
ستانلس ستيل ٣ الالاف ((قطعه اتجييك تحت الصدامات))
طبلون خياطه ١٦ الف
كراسي تكييف قدام بس ٢ الفين وشي تقريبا
سقف شموااه ٦ الالاف
علامه البورش على الكراسي ((ماذكر سعرها))
وليتات اضافيه داخل الموتر وتلفوون ((ماذكر بكم))
وازرار فتح القراج ((ماذكر السعر))
وفي مواصفاات زياده ناسيهاا

وطلع سعر الموتر ٣٥٧ الف
وعقب ركبت له دباب واقزوز ب١٢ الف فالدوحه

وطبعا اذا طلبتهم من الوكاله ارخص ب٨ الالاف تقريبا

بس جووف كل شي وبسعرره مثلا تطلب رنجاات تيربو ممكن اتجيك علامه البورش فيها ابيض واسود
اذا تبيها ملونه تدفه ٣٠٠ ريال اتوقع

يعني فالبورش تدخل في اددق التفاصصصيل على حسسب استعمالك وراحتك وهاي الشي الزين اللي فيها

[ANONYMOUS]

احلا موتر بس افتح حساب خاص له بالبنك وحول ألفين شهريا حق اي نكبه مستقبليه

[ALKUWARI101]

احلا موتر بس افتح حساب خاص له بالبنك وحول ألفين شهريا حق اي نكبه مستقبليه

الموتر عندي من 9 شهور مادفعت الا 800 ريال للتشيكه.

[ANONYMOUS]

الموتر عندي من 9 شهور مادفعت الا 800 ريال للتشيكه.

الله يبارك لك فيه

الجديد غير واللي مر عليه وقت او يكون مستعمل غير

عشان كذا انا قلت حق اي نكبات مستقبليه

[Bin.Yousef]

موتر ماعليه كلام
اللهم الايل الي لازم تزيده كل ١٠٠٠ كيلو تقريباً

[طاش]

شكرا على المعلومات وبخصوص ال 6سلندر وشلون نفس المشكلة

[the prince]

يعطيكم العافيه
اخوي alkuwari101 شلون خدمة السيرفس فالوكاله ؟

[ذكي جدااا]

ماانصحك فيه ومن تجربه كان عند الواالد وااحد وسواقته وعرررره وما فيه مميزاات ذيك الزوود. الحين الوالد بدله بباتروول فل ابشن ماااشاء الله عليييه والله يسوى الف كياااان مميزاات ورريف الموتر كنك تسووق صاالوون .

[غزلان]

احلا موتر بس افتح حساب خاص له بالبنك وحول ألفين شهريا حق اي نكبه مستقبليه


صاج اخوي انزعج من مشاكله خذله لكزس