كيف يمكن إضافة لمسات جمالية على الشكل الخارجي للبيت ؟

[Mariam]

السلام عليكم و رحمة الله و بركاته

انتهى العمل في بيتي إلى مرحلة البلاستر و المعجون الأساسي ، لكن منظر البيت من الخارج غير جميل لخلو النوافذ و الأبواب و حتى السطح من أي أقواس أو حركات ، الآن أفكر هل يمكن إضافة أشكال و أقواس على النوافذ عن طريق الجبس ؟!

علماً بأنها غير مدرجة في الخريطة، لكن المنظر على الورق شي و على الواقع شي آخر ! :shy::weeping:

[ريان]

ممكن حجر طبيعي اوصناعي

وممكن جي ار سي

[بو نايف]

جي ار سي

يغير شكل البيت

[Mariam]

الحجر ما يصلح لأن جدران البيت من الخارج مستوية تماما و مافي أي تقسيمات أو بروز ممكن من خلاله نضع الحجر..

شكراً ريان

[Mariam]

بصراحة ما كنت أعرف الفرق بين الجي آر سي و الجبس ، و دائما أشوف أشكال البيوت الخارجية و التشكيلات اللي على النوافذ و الأبواب و أحسبها جبس ،،

شكراً بو نايف

[[vip]]

الجي أر سي

الوالد توه مركب على البيت وتغير شكله للاحلى ودام ركبتو بلستر حرام تركبون حجر فوقه


وجهة نظري


[vip]

[السد]

اذ البيت على واجهة وحدة ركبو حجر طبيعي

[بويوسف]

اعطي واجهة البيت لمصمم يعمل تصميم للواجهة قد يكلفك الموضوع الف ريال او اكثر قليلا .. ثم تكلفة المواد والتنفيذ ..

[king999]

اعطي واجهة البيت لمصمم يعمل تصميم للواجهة قد يكلفك الموضوع الف ريال او اكثر قليلا .. ثم تكلفة المواد والتنفيذ ..


بو يوسف وين المصمم اللي ب 1000 قول 10000 مايبي لها مصمم لان الاعضاء فيهم بركة وخير اللي منهم اشتغل جي ار سي بيفيدها لان عامل الجي ارسي بيكون عنده صور لبيوت مسويها او بيشور عليها شلون بيكون الشكل


تحياتي

[بويوسف]

بو يوسف وين المصمم اللي ب 1000 قول 10000 مايبي لها مصمم لان الاعضاء فيهم بركة وخير اللي منهم اشتغل جي ار سي بيفيدها لان عامل الجي ارسي بيكون عنده صور لبيوت مسويها او بيشور عليها شلون بيكون الشكل


تحياتي

ما اتفق معك .. واعلم بأنها ثقافة منتشرة .. للأسف محد يقدر ياخذ دور المصمم المحترف .. لا اعضاء المنتدى ولا عامل الجبس .. اما ان المصمم يطلب عشر الالف فلا اعتقد ان الجميع يطلب مبالغ كبيرة .. الموضوع يعتمد على المستوى اللي ترغب فيه الاخت .. تبغي شي متميز تشوف له مصمم محترف ومبدع وتدفع له مقابل .. تبغي شي يمشي الحال تروح للعامل وتطلب منه صور وتختار حسب ذوقها .. بالنهاية كل ماشي ..

بالتوفيق للجميع ..

[اسيرالدوحه]

السلام عليكم ...

اذا حتى الان ماسويتوا بلاستر من برع ... انصحكم تسوون حجر ... سواء طبيعي او صناعي ...


اما اذا سويتوا البلاستر ... فأنصحكم .. بالذهاب الى مصمم ...

وفي كلتا الحالتين ... روحوا لمصمم ...

وماعتقد انه راح ياخذ 10 الاف ريال ...

لانه راح يصمم لثلاث واجهات ... هذا على الاكثر ...

او واجهة وحده ... على الاقل ...

بالتوفيق

[بن غيث]

يرجى التركيز على الاضواء الخارجية لانها تعطي منظر جميل جدا
مع زراعة بعض النخيل والاشجار في واجهة الفيلا
مع عدم اضافة اي تعديلات على الخرائط حاليا او الذهاب لمصمم
((مجرد نصيحة ))

[كبير المتداولين]

في حركه بالبلاستر تهبل احلى من حجر تعطي منظر تقدر تسوي اعمده واقواس وحركات روعه .

[A.L.I]

جي ار سي

[بوعبدالعزيز1]

بعد اذن راعي الموضوع , ممكن حد يرشح لنا مكاتب تصميم

[badarameen]

الشيخ روح اي محل حجر صناعي وقوله يصمملك شكل البيت ويحطلك عمدان واقواس على النوافذ والابواب
وما راح ياخذ منك اي شي على التصميم واسعار الحجر الصناعي بتكون ارخص من الجي ار سي والحجر الطبيعي
يعني البيت كله ما راح يكلفك شي وايد
واذا بغيت ممكن اطرشلك رقم راعي الحجر اللي تعاملت معاه وان شاء الله تحصل اللي يعجبك

[نواااف البوعينين]

الجي ار سي يسووي شغل حلوووو
ومنظر جدا روعه
وبعض القطع من الحجر الصناعي اذا كان عالزوايا يعني منظر
والانااره تسوي شغل بعد

[المزن الرياني]

غير الحجر الطبيعي و الجي آر سي مافي
الحجر الصناعي مب مقتنع فيه خير شر وهذا غير انه لونه يفسخ لونه مع الوقت
يظل الحجر الطبيعي هو الاجمل وخاصه كل مامرت عليه السنين تزداد جماليته سبحان الله

روحي للجي آر سي وخاصه على الدرايش بيعطي البيت روح