هل يوجد بين الأجهزة اللوحية أفضل من الـ غالاكسي تاب & آي باد2؟

[أبو عبدالعزيز]

وما رأيكم في البلاك بيري بلاي بوك؟

أرجو النصيحة، وشكرأ

[Dr.Sa3eed]

السلام عليكم ورحمة الله وبركاته

بالنسبة للغالاكسي تاب اذا كنت تقصد ال 7" فانا لا انصحك بشرائه ابدا لان النظام الذي يعمل عليه
هو نظام تشغيل للجوالات وليس مخصص للاجهزة اللوحيه وهو اقرب الى الجوال من الجهاز اللوحي ونظامه الاندرويد 2.2 وهذي صورته

http://www.swalif.net/swalifsite/wp-content/uploads/2010/09/samsung-galaxy-tab-450x300.jpg

اما بالنسبة للغالكسي تاب 10.1" فهو منافس قوي للايباد لكن هناك مشكلتين الاولى هي انه يواجه مشاكل وقضايا في الانتاج والتوزيع مع شركة ابل ولا اعلم متى سوف يتاح في الشرق الاوسط اما الثانيه فهي ان عدد التطبيقات التي يدعمها النظام قليلة بالنسبة للايباد ويعمل على نظام الاندرويد 3.1 وهذي صورته للتوضيح

http://www.cunotic.com/wp-content/uploads/2011/07/Samsung-GALAXY-Tab-10-16.jpg

وهذا رابط للمراجعة
http://www.unlimit-tech.com/blog/?p=49223

وبالنسبه للبلاكبيري بلاي بوك باعتقادي انه لا يدخل المنافسة في سوق الاجهزة اللوحيه ويعمل على نظام QNX اما اذا كنت مهتم فهذا رابط للمراجعة
http://www.unlimit-tech.com/blog/?p=48846

اما بالنسبة للايباد2 فهو من وجهة نظري الافضل بلا منافس من ناحيه النظام والتصميم ونظامه ios وانا عندي ايباد2 وانصحك تشتريه ولن تواجه اي مشاكل
وهذا رابط للمراجعة
http://www.unlimit-tech.com/blog/?p=40594

واي سؤال انا حاضر

[شبيــه الريح]

انا اشوف البلاك بيري بوك ماينفع والسامسونج افضل منه والايباد عيبه مايشغل جافا وفلاش

[ام السعف]

إلى الآن جالكسي تاب 10.1 هو الأفضل في السوق لمواصفاته التي فاقت على مواصفات ايباد 2 ،، وخاصة في تشغيل ملفات الفيديو ،،

انت كمستخدم شنهي حدود استخدامك للجهاز ،، لو بتقول لي العاب ،، طبعا ايباد تو سوقهم أكبر
لو بتقول لي برامج محادثة جالكسي فيه كل برامج المحادثة ،، لو بتقول لي القرآن موجود في جالكسي ،، لو بتقول لي مشغلات الفيديو والميديا بشكل عام موجود في الجالكسي ،،

ان كان هناك ما يميز الايباد بالنسبة لي هو حجم الايباد فقط ،، لكني كمستخدم ابحث عن مواصفات افضل لا يقارن الوحش الجالكسي بالايباد 2 ،،

فانت حسب استخدامك وحسب ميولك وحسب رغبتك على الحصول على افضل المواصفات
فنظام تشغيل الجالكسي هو الاندرويد بنسخة قرص العسل ،، وهو نظام قوي جدا جدا كثيرا وايد ،،


لكن هل في منه في قطر ؟؟

ما ادري تقدر تطلبه من امزون امريكا ،، لأن محكمة المانية اصدرت قرار بمنعه في اوروبا
بسبب براءة اختراع الشكل الخارجي اللي مسجل باسم أبل ،، لكنه بعده ينبعاع في امريكا
واسيا ،،

عني لو بنصحك بقول لك خذ الجهاز الأكثر تطور والأكثر واطلب اللي خلفيته المونيوم شكله ارقى ،، طبعا اذا حبيت تاخذه ،، الجهاز يكتب يدعم اللغة العربية قراءة وكتابة

لك هالمقارنة الطيبة

http://www.************/watch?v=M1bkovoLXw4

او اكتب في يوتيوب
Samsung GALAXY Tab 10.1 vs Apple iPad 2

[SAP]

الجهاز الجبار

asus eee pad

http://techaraby.com/wp-content/uploads/%D8%B4%D9%83%D9%84-%D9%88%D8%A7%D8%AC%D9%87%D8%A9-%D8%AC%D9%87%D8%A7%D8%B2-%D8%A3%D8%B3%D9%88%D8%B3-%D8%A7%D9%84%D9%84%D9%88%D8%AD%D9%89-Asus-EeePad-Transformer.jpg

جهاز عجيب عجيب عجيب


سعره حلوه بعد وفوق هذا معاه كيبورد

http://www.arabmobile.mobi/c/cell/data/media/39/Asus_Eee_Pad_Transformer_TF101.jpg


وفيه وصلة HDMI , و USP , , وفتحة للممري كارد


وداعم للفلاش

الصراحه هو الجهاز الي حاط عيني عليه حالياً

اكتب اسمه في اليوتيوب وشوف

[شبيــه الريح]

السامسونج تاب الجديد وحش وعندك التوشيبا ثرايف بعد حلو وشكل حلوو ومميزات قويه شوفهم باليوتيوب

[ام السعف]

السامسونج تاب الجديد وحش وعندك التوشيبا ثرايف بعد حلو وشكل حلوو ومميزات قويه شوفهم باليوتيوب

:omg:
في ناس يوم قلت لهم السمسونج تاب وحش قالوا لي هذي كلمة شبابية بحتة :telephone:

الكلمة ان كانت شبابية الجهاز نفسه فرض عمره على انه وحش ،،

اليوم مستخدمي وعشاق ايباد 2 ،، يمدحونه لمواصفاته ،،:omen2:

شكلي بعرضه للبيع في السوق السودة :(

بشكل عام اي جديد قادم لازم يكون رباعي القلب اوبس اقصد رباعي النواة
ولا لا داعي لتغير اي جهاز لوحي ثنائي النواة في المعالج :)

[أبو عبدالعزيز]

الأخوة والأخوات الكرام: د.سعيد، شبيه الريح، أم السعف، ساب
ما قصرتم.. وجزاكم الله خير

[بوعلي2]

خذ لك ايباد ٢ وادعي لي

[STAR]

سمعت الأي باد مايشغل فلاشات

[ام السعف]

خذ لك ايباد ٢ وادعي لي

اتصدق عاد ولدي الصغير بو 8 سنيين ،، يقول حق اخوانه ان جهاز امي التاب احسن من ايبادي
حتى الـ brightnees عندها اقوى .......> هذا طفل يقارن الاضاءة بس ،،

بس اللي بيقارن ويبي ياخذ شي متطور لازم يقرر الأفضل ،،

اليوم لما امسك التاب في يدي ،، اصحاب الايباد ما يفتحون حلوجهم ويعايرون جهازي
مثل ما كنت القى المعاير ايام جوالي السامسونج جالكسي اس ،،

لأنهم بدوا يعرفون ان جهاز له مواصفات ،،

الموضوع يتكلم عن أفضل للحين ما في افضل من جالكسي تاب :shy:

وان كان بعد لا يخلو من عيوب :shy: مثله مثل غيره ،،

لذلك اقول ،، الواحد حسب قناعته وفكرته وميوله ممكن يقدر الجهاز اللي في يده

يعني اليوم لو بنتكلم مع ناس يدورون مواصفات افضل أكيد جالكسي تاب
ما يعلى عليه ،، اما بشكل عام الايباد ما اقدر اقلل منه كجهاز يستحق الاقتناء ،،

[FCB 123]

أنا أول ما نزل في امريكا motorola xoom خذت لي واحد

الصراحة ولا أروع

ملاحظة : اسوس و سامسونج ولا ال جي و موتورولا زووم ............ كلهم نفس النظام يعني مايختلفون في شي بإستثناء اسم الشركة

تقبل مروري

[بوعلي2]

مرحبا ام السعف

شركة سامسونج طيبه وطبعا ما ننكر هالشي

ولكن استخدمت الجالكسي اس تو وجالكسي تاب من بعد الايباد والايفون وانا استخدم هالاجهزه بعنف شوي استهلاكي فلقيت اني رجعت للخلف مع سامسونج طبعا هذا رايي الشخصي وراي كل من امتلك منتج ابل من 2007
والابل ستور شي خيالي وبرامجه حلوه ما القاها بسامسونج فلما امتلك سامسونج اتم بروحي مع تكنلوجتي هههههه العالم بصوب وانا بصوب
انا انسان مش متعصب لنوع التلفوانات او السيارات ولكن ابحث عن الافضل

انا لما اشتري جهاز سامسونج اس تو وكل سنه بيغيرون السستم وهذا سستمه غير وذاك غير يعني لازم ابيع الجهاز على شان احصل على المنتج الافضل
غير هذا الحين التحديث ابجيديد ios5 محادثات بلاش ماقصد الواتس اب لا اقصد مثل البلاك بيري محادثات وقروبات واشياء حلوه بالتحديث الجديد


الحاصل حاليا سواء رضينا ام لا هو ان ننظر حولنا وراح نشوف ان كل واحد بيده ايفون وبلاك بيري طبعا مش كل الناس ماتفهم واحنا الي نفهم فاكيد لقوا شي يناسبهم فمن جذي هو عندهم طبعا اتكلم عن الناس الكبيره مش الي شوفني امتلك ايفون بوقته سوالف مراهقين هههه

بالنهايه السوق ملك للبلاك بيري والايفون فقط ولا يوجد لحد الان منافس الى هذي الشركتين

واسف للاطاله :shy:

فمان الله

[00soma00]

جالكسي تاب

[محيّر الانظار]

الاخ بوعلي كلامة صحيح ولكن الي متابع نظام الاندروريد بيلاحظ النمو الكبير في حجم البرامج المتاحة لهذا النظام وهذا متوقع لانة نظام مفتوح للمطورين

عموما من بين الاجهزة الي تدعم ننظام الاندروريد لاحظت ان toshiba thrive هو الافضل لانه يقبل usb بدون اي وصلات اضافية وله بطارية قابلة للتغيير

[تاجر كشخة]

لا لا يا اخوي انصحك ب windows 7 tablet احسن من الايباد والجلاكس والبلاك بيري وبرامجه اكثر من اي جهاز يعني البرامج الي تتركب في الكبيوتر العادي يتركب فيه فضلا عن الاداء العالي بمعالج i5


http://img153.imageshack.us/img153/4429/bmodo12windows7tablet1.jpg (http://imageshack.us/photo/my-images/153/bmodo12windows7tablet1.jpg/)

http://img805.imageshack.us/img805/5718/msiwinpad10027127528550.jpg (http://imageshack.us/photo/my-images/805/msiwinpad10027127528550.jpg/)

http://img402.imageshack.us/img402/210/mulouchtabletwindows7li.jpg (http://imageshack.us/photo/my-images/402/mulouchtabletwindows7li.jpg/)

http://img69.imageshack.us/img69/773/netbooknavigator039s7in.jpg (http://imageshack.us/photo/my-images/69/netbooknavigator039s7in.jpg/)

[يراعٌ فراتي]

جالكسي تاب 10.1
اي باد 1 او ايباد 2

اما باقي الاجهزة تحمل تشتريها سواء بلاك بيري او غيره

[ام السعف]

مرحبا ام السعف

شركة سامسونج طيبه وطبعا ما ننكر هالشي

ولكن استخدمت الجالكسي اس تو وجالكسي تاب من بعد الايباد والايفون وانا استخدم هالاجهزه بعنف شوي استهلاكي فلقيت اني رجعت للخلف مع سامسونج طبعا هذا رايي الشخصي وراي كل من امتلك منتج ابل من 2007
والابل ستور شي خيالي وبرامجه حلوه ما القاها بسامسونج فلما امتلك سامسونج اتم بروحي مع تكنلوجتي هههههه العالم بصوب وانا بصوب
انا انسان مش متعصب لنوع التلفوانات او السيارات ولكن ابحث عن الافضل

انا لما اشتري جهاز سامسونج اس تو وكل سنه بيغيرون السستم وهذا سستمه غير وذاك غير يعني لازم ابيع الجهاز على شان احصل على المنتج الافضل
غير هذا الحين التحديث ابجيديد ios5 محادثات بلاش ماقصد الواتس اب لا اقصد مثل البلاك بيري محادثات وقروبات واشياء حلوه بالتحديث الجديد


الحاصل حاليا سواء رضينا ام لا هو ان ننظر حولنا وراح نشوف ان كل واحد بيده ايفون وبلاك بيري طبعا مش كل الناس ماتفهم واحنا الي نفهم فاكيد لقوا شي يناسبهم فمن جذي هو عندهم طبعا اتكلم عن الناس الكبيره مش الي شوفني امتلك ايفون بوقته سوالف مراهقين هههه

بالنهايه السوق ملك للبلاك بيري والايفون فقط ولا يوجد لحد الان منافس الى هذي الشركتين

واسف للاطاله :shy:

فمان الله

بو علي ،، مب عارفة حدود استخدامك للجالكسي اس 2 والجالكسي تاب
عشان تقول لي رجعت ورى :eek5:،،

ومب عارفة شنهي البرامج اللي موجودة بشكل كبير في الايفون وتجمعك بالاصدقاء
وتنحرم منها في الجالكسي غير محادثة البلاك بيري ،، والفايبر ما اعرف شسمه في
الايفون ،،

احنا اليوم لما انشوف ملاك البلاك بيري والايفون يضطرون ينزلون الواتس اب
علشان يتواصلون مع الآخرين هذا دليل انهم عالم منفصل عن الناس ،،

لهم عالم بلاك بيري خاص فيهم ،، وفي نفس الوقت لهم برامج خاصة فيهم ،،

هذا هو الاندرويد له برامج محادثة خاصة فيه،، وتلقى المتعصبين له
يحاججون العالم انهم يجتمعون تحت جوجل توك :omen2:

فهل لما يشتري مستخدم اندرويد جهاز ابل نسمح له يقول الايفون رجعني ورى ؟

:(:(:(

انت تتكلم عن برامج تجمعك بربعك ،، فحكمت على الجوال انه رجعك ورى
بينما الموضوع يتكلم عن الأفضل في المواصفات ،،

والأمر هذا ما يحكمه مزاجي او حبي او تعصبي ،، التنقية الموجودة في اي جهاز
في السوق هي اللي تفرض نفسها ،،

فمن الظلم احكم على الايفون انه ما يسوى او انه ضعيف لأني متعودة على
جوجل توك وعلى الجي ميل :(

فمن جذيه ما كااامل تقديري لك ،، ما قيمت المواصفات :( الموجودة في الجوال
او الجالكسي تاب 10.1 وملت الى علاقتك بربعك اللي يجمعك فيهم البلاك بيري

اللحين اتحط البلاك بيري مع الجالكسي :eek5:

زعلت منك :(

اما بتغير السستيم ..............> مب عارفة اشتقصد بتغيير السستيم ؟

هذاني انتقلت من خبز الزنجيبل الى قرص العسل وما في شي تغير
بالعكس هناك اضافات للنظام .....> بكل بساطة هناك ابديت للنظام

وهالابديت ينعمل للايفون ويروح عليك الجليبريك :(

مب موضوع تعصب للجالكسي ،،، ما حبيت حجم جالكسي اس 2 لكن هذا لا يعني اني اقلل من مواصفاته
مواصفاته هي الأقوى الى الآن حتى HTc نزلوا جوال بنفس النسخة من الاندرويد لكنه مب بقوة مواصفات الجالكسي
للعلم استخدم جوالين HTC

يعني ما عندي سامسونج الا التاب 10.1 وعني ما بي اتكلم عنه كفاية عندي ملاك ابل منبهرين فيه ومستحيل
يقولون مواصفاته انزل من الايباد 2 :(

[ام السعف]

جالكسي تاب 10.1
اي باد 1 او ايباد 2

اما باقي الاجهزة تحمل تشتريها سواء بلاك بيري او غيره

اتفق معاك ،، لقبل كم شهر جهاز ماترولا تاب xoom كان الافضل بالنسبة
للايباد ون ،، الايباد 2 كان اضعف وجذب ناس اكبر ،،

جالكسي تاب 10.1 مواصفاته اقوى فهو الاحق تقديم النصيحة عند شراءه،،

لكن في الأخير لكل مستخدم حدود معينة في التعامل مع الأجهزة

لما ندخل مواقع متخصصة انشوف اللي يتكلمون عن الأجهزة يتكلمون من خلال
امور تقنية تميز الجهاز عن الثاني ،، بينما البعض يتعامل مع الأجهزة
كأنه طالب سندويش برجر من هارديز ،،، لا حلو او مب حلو :telephone:

وهالثقافة اللي لازم تتغير عند المستهلك :telephone:

سواء كانت لصالح سامسونج او الايفون

[بوعلي2]

ام السعف شرايج بالبلاك بيري الجديد هههخخ :shy:

امزح طبعا البلاك بيري مموضوع والايفون والجالكسي موضوع اخر :shy:

طبعا يا اختي ام السعف الناس اذواق ولولا اختلاف الاذواق لبارت السلع

اهم شي هم يجتهدون وبالنهايه يخدمون المستهلك الي هم انا وانتي والباقي

من منا لايبحث عن التكنلوجيا النافعه والجيده وسهلة الاستعمال

طبعا بينزل قريب الايفون الجديد وبنشوف وشموضوعه

وانا والله ماعيب على الجالكسي لكن من بعد الايفون حسيت بالفرق وهذا رايي الشخصي مايمنع اقوله

وايضا لا انكر ان سمسونج دخلت الاسزاق العالميه بالاجهزه الحديثه بشده وحازت على نجاحات عاليه

لكن مثل ما انتي شايفه الناس تبحث عن الافضل والواقع يفرض نفسه من خلال الناس تقريبا اكثرهم بلاكبيري و ايفون والقله الي يستخدمون الجالكسي
وان شاء الله الايام القادمه بعون الله بيبين كل شي ونترك الامر للمستهلكين والغالبيه هي الي بتحط الفاصل هل عدد مستخدمين البلاك بيري والايفون اكثر ام اصاحب الجالكسي

واكرر انا هنا فقط للدردشه عن التكنلوجيا وليس بمتعصب من نوع الجهاز او الشركه او اي شي :shy:

والله يرحم والديكم ماقصرتوا على الموضوع المفيد ومنكم نستفيد

اخوكم بوعلي

[ام السعف]

ام السعف شرايج بالبلاك بيري الجديد هههخخ :shy:

امزح طبعا البلاك بيري مموضوع والايفون والجالكسي موضوع اخر :shy:

طبعا يا اختي ام السعف الناس اذواق ولولا اختلاف الاذواق لبارت السلع

اهم شي هم يجتهدون وبالنهايه يخدمون المستهلك الي هم انا وانتي والباقي

من منا لايبحث عن التكنلوجيا النافعه والجيده وسهلة الاستعمال

طبعا بينزل قريب الايفون الجديد وبنشوف وشموضوعه

وانا والله ماعيب على الجالكسي لكن من بعد الايفون حسيت بالفرق وهذا رايي الشخصي مايمنع اقوله

وايضا لا انكر ان سمسونج دخلت الاسزاق العالميه بالاجهزه الحديثه بشده وحازت على نجاحات عاليه

لكن مثل ما انتي شايفه الناس تبحث عن الافضل والواقع يفرض نفسه من خلال الناس تقريبا اكثرهم بلاكبيري و ايفون والقله الي يستخدمون الجالكسي
وان شاء الله الايام القادمه بعون الله بيبين كل شي ونترك الامر للمستهلكين والغالبيه هي الي بتحط الفاصل هل عدد مستخدمين البلاك بيري والايفون اكثر ام اصاحب الجالكسي

واكرر انا هنا فقط للدردشه عن التكنلوجيا وليس بمتعصب من نوع الجهاز او الشركه او اي شي :shy:

والله يرحم والديكم ماقصرتوا على الموضوع المفيد ومنكم نستفيد

اخوكم بوعلي

شوف يا بوعلي ،،

كلامك ما زعلني كشخص عادي ،، لأنك اليوم كنت محور كلامنا لما كنت
نتكلم عن التقنية وثقافة المستهلك ،،

اليوم لما ايي اقارن البورش بالفيكس آر كسيارة من حيث قوة المكينة
والتقنيات المقدمة فيه ما اقدر اقول لا الفيكس آر احسن لان سعره فيه ،،،

هذا اللي حاصل عندنا ،، الناس يمشون خلف شنهو الأكثر انتشارا
فهو الأفضل،، مع اني بديت الاحظ ان ثقافة الشباب المتعلمين جامعيا
وخاصة اللي يدرسون برع قطر ،، بدوا ينظرون للسيارة من خلال
مواصفاتها مب من خلال الأكثر انتشارا ،،

فمن جذيه نرجع للأيفون ،، كجوال ما كان له منافس على ايامه الأولى لين
دخل السامسونج وبدت شركات ثانية تنافس على اساس انها توصل للمكانة
اللي وصلت له منتجات أبل ،،

اليوم أبل ضامنة عملاءها ،، لأن الكثيرين منهم يتعاملون مع الجهاز على اساس
سعره وخاصة في الدول اللي ما يهمهم سعر المنتج ،، المهم منتج اشتهر خلاص
تعال ناخذه ولد فلان مب احسن مني ،، وهذا اللي حاصل في دولنا الخليجية للأسف
الشديد ،،

فهل أقدر لأني معترضة على السياسة الاستهلاكية هذي اني اقلل من مكانة الايفون

لا طبعا يا بو علي مستحيل ،، الايفون جهاز له مواصفات جبارة قياسا
مع اجهزة ثانية ،، لكن في المقابل في اللي تفوق عليه من حيث المواصفات
ما يصير اقلل من مكانته لأن البيئة مب مقدرين ان المنتج هذا افضل ،،


بس لما تتكلم مع ناس يحبون يقتنون تقنيات متطورة ،، اهنيه اتشوفهم
يقولون لك ،، انت للحين مع البلاك بيري ( ياعيب الشوم هذا جوال تشله في يدك )

بينما في المجتمع العام العالم يفتخرون انهم عنجهم بلاك بيري :omen2:

موضوع الافضل تقينا مافيه اذواق فيه حقائق واقعة

الأذواق ترجع لما ما يعجبني لون المنتج ما يعجبني نظام التشغيل وما حبيته
او ما يعجبني حجم المنتج ،، حزتها اقول لك صح اهنيه السالفة فيها اذواق :shy:

عني بصراحة ابي مشتاقة اشوف ابل اشبينزلون
مب لأني بروح اشتريه ،، بس ابي اعرف وين بنوصل في السباق هذا
ما بين الشركات :shy:

[ANONYMOUS]

الموضوع ب يحكي عن البلاكبيري وبصراحه ماعندي اي خلفيه عنه

بس اشوف الكل يتكلم عن الايباد

وانا اشوفه حليو

بس لو ترجع السنين ورأ بزيد ٦ الاف وأخذ سوني فايو جديد احسن لي

[بوعلي2]

صح يالذيب العالم كله يتكلم عن الايباد وانا املك ايباد ٢ والحمد الله زي الفل ولايوجد بديل له بصراحه كل الاجهزه انزل منه سواء شكل او خامه او تشغيل او برامج


اما موضوع السوني هههههههه

اخبر قبل نشتري تلفونات سوني اريكسون من النجاده على ايام ١٩٩٩ او ٢٠٠٠ يقول لك ضد الماي

سوني شركه ناجحه ولكن الحين شركة ابل والبلاكبيري قضو على الجميع فالوقت الحالي

اما مستقبلا ننتظر ان شاء الله ونشوف من الي بيصعد معاهم السلم ههههه

وكل عام وانتوا بخير

[ام السعف]

صح يالذيب العالم كله يتكلم عن الايباد وانا املك ايباد ٢ والحمد الله زي الفل ولايوجد بديل له بصراحه كل الاجهزه انزل منه سواء شكل او خامه او تشغيل او برامج


اما موضوع السوني هههههههه

اخبر قبل نشتري تلفونات سوني اريكسون من النجاده على ايام ١٩٩٩ او ٢٠٠٠ يقول لك ضد الماي

سوني شركه ناجحه ولكن الحين شركة ابل والبلاكبيري قضو على الجميع فالوقت الحالي

اما مستقبلا ننتظر ان شاء الله ونشوف من الي بيصعد معاهم السلم ههههه

وكل عام وانتوا بخير

بو علي في زمن كانوا العالم يعبدون النوكيا وعيب الواحد ما يكون عنده نوكيا

كنا على قولتك ناخذ السوني اريسكون من النجادة ،،

اليوم سوني اريكسون جواويله ناعمة تستحق لقب الرشاقة والجمال

لكن مواصفاته ما ترتقي لمواصفات الايفون والجالكسي

لكن غلط نقول البلاك بيري احسن منه :(

وعيدك مبارك :shy:

[بوعلي2]

لو شركة سامسونج مهتمه بالاجهزه اللوحيه والتلفونات افضل

بس اسف والله على هالكلمه احس لما اسمع كلمة سامسونج جنه شاري ثلاجه ههه او مكيف او غساله لان هم مجالهم جذي :shy: السموحه مجرد دردشه وراي :shy:

وكل عام وانتي بخير ام السعف :nice:

[ام السعف]

لو شركة سامسونج مهتمه بالاجهزه اللوحيه والتلفونات افضل

بس اسف والله على هالكلمه احس لما اسمع كلمة سامسونج جنه شاري ثلاجه ههه او مكيف او غساله لان هم مجالهم جذي :shy: السموحه مجرد دردشه وراي :shy:

وكل عام وانتي بخير ام السعف :nice:

hehehehe .......................< soooo funny


بالفعل كلمة سامسونج مب ماركة راقية كشعوب تتعامل مع ماركات راقية

في الأخير لا يغرك المظهر وقيم الشي بالجوهر ،،

تراني دايما اقول لهم من اطري اسم سامسونج اتذكر غسالتي
وثلاجتي اليديدة :(

حتى جالكسي اس ون كنت اسميه الثلاجة :shy:

وانت بصحة وسلامة وربنا يعوده عليك ايام عديدة وانت بخير
وسهالة وكل من يعز عليك ،،

[فلوس]

لو شركة سامسونج مهتمه بالاجهزه اللوحيه والتلفونات افضل

بس اسف والله على هالكلمه احس لما اسمع كلمة سامسونج جنه شاري ثلاجه ههه او مكيف او غساله لان هم مجالهم جذي :shy: السموحه مجرد دردشه وراي :shy:

وكل عام وانتي بخير ام السعف :nice:



لاتنسى ان البروسيسر حق الايفون صناعه سامسونج:nice:

[مثير للجدل]

لاتنسى ان البروسيسر حق الايفون صناعه سامسونج:nice:

فكرة ابل وتصنعه عندهم ولكنه منتج وفكرة ابل :nice:

يعني انا اصمم شكل شي وامر اي شركه مختصه بهالمجال تصممه لي




ابل صاعده اخي العزيز وهي اول من صمم التشكيلات هذه ونوع البرامج والخ

اصبر قليلا وبتشوف ان سامسونج فقدت رونقها لان عالم ابل وبلاك بيري طغو على السوق وهناك شركات اخرى احتذت بنظام الاندرويد مب بس سامسونج

[ام السعف]

فكرة ابل وتصنعه عندهم ولكنه منتج وفكرة ابل :nice:

يعني انا اصمم شكل شي وامر اي شركه مختصه بهالمجال تصممه لي




ابل صاعده اخي العزيز وهي اول من صمم التشكيلات هذه ونوع البرامج والخ

اصبر قليلا وبتشوف ان سامسونج فقدت رونقها لان عالم ابل وبلاك بيري طغو على السوق وهناك شركات اخرى احتذت بنظام الاندرويد مب بس سامسونج

:):):)

[شبيــه الريح]

فكرة ابل وتصنعه عندهم ولكنه منتج وفكرة ابل :nice:

يعني انا اصمم شكل شي وامر اي شركه مختصه بهالمجال تصممه لي




ابل صاعده اخي العزيز وهي اول من صمم التشكيلات هذه ونوع البرامج والخ

اصبر قليلا وبتشوف ان سامسونج فقدت رونقها لان عالم ابل وبلاك بيري طغو على السوق وهناك شركات اخرى احتذت بنظام الاندرويد مب بس سامسونج



مستحيل اخوي وردي لك انه البلاك بيري غير شات البلاك بيري ماينفع كتلفون حتى اتصاله

مب ذاك الزود وانا اقولك لا بلاك بيري ولا ابل السامسونج جاي بقوه وبتشوف الايام بتثبت

كلامي والhtc ايضا ونظام الاندرويد بيكون افضل نظام على مدى السنوات القادمه وخصوصا

للمبرمجين وبترجع بعدين لهالموضوع وبتقول شبيه الريح قال بس انا احترم شركة الابل

لانه منتجهم عرفو يوزوعونه صح انا كان تلفون او جهاز لوحي

[ام السعف]

مستحيل اخوي وردي لك انه البلاك بيري غير شات البلاك بيري ماينفع كتلفون حتى اتصاله

مب ذاك الزود وانا اقولك لا بلاك بيري ولا ابل السامسونج جاي بقوه وبتشوف الايام بتثبت

كلامي والhtc ايضا ونظام الاندرويد بيكون افضل نظام على مدى السنوات القادمه وخصوصا

للمبرمجين وبترجع بعدين لهالموضوع وبتقول شبيه الريح قال بس انا احترم شركة الابل

لانه منتجهم عرفو يوزوعونه صح انا كان تلفون او جهاز لوحي

تدري وين المشكلة ؟

البعض يظن التحدث عن التقنيات المتوفرة في السوق كأنه يتكلم عن النادي اللي يشجعه ،،

احنا كخليجيين نموت في اي شي غالي او له صوت اعلى في الانتشار ،، لكن لما انروح
للمختصين بتحصلهم يعطون المنتج حقه ،،

أكثر من وحدة لما تسأل شنهو أفضل جالكسي او ايفون 4 المختصين من اي جنسية كانت
على طوول يقولون جالكسي ،، ويسئلوني اقول لهم جالكسي بس اذا مب واثقة من نفسج
اخذي ايفون او ايباد ،، علشان ما اتحسين اني اقل من الناس اما غير جذيه
الجالكسي اس تو اطور ،، والجالجسي تاب اطور ،، وتوني امس نفس الكلام ذكرت هالكلام
ووحدة قالت ايباد احسن ،، قلت لهم جالكسي تاب احسن واقوى ،، قالت لي اييه سامسونج
بيكون احسن :telephone: ( يعني ما اتعرفين شي ) ،،

ولأني الوحيدة تقريبا اللي تستخدم جالكسي تاب ومعاي ولدي عنده نظام اندرويد في جواويله
والأمة كلها ايفون وايباد ،، سألت الشباب عيال خواتي واخواني الله يحفظهم يوم كانوا عندي قبل لا يتركوني ويروحون ،، واللي طول رمضان يكون بيننا تحدي بخصوص من احسن من افضل من اقوى ما بين الجالكسي ونظام التشغيل والمميزات ومابين الايفون 4 والايباد ،،

قلت لهم سؤال واحد بسألكم اياه : شنهو اقوى جهاز تلفون لحين ؟
قالوا لي جالكسي اس تو ،، قلت لهم شنهو اقوى جهاز لوحي ؟قالوا لي اللي عندج،،
قلت لهم شتفضلون قالوا الايفون الكل عنده والستور مدحوب تطبيقات ،،

اجابتهم بحد ذاتها فرحتني لأنهم بدوا يفكرون تفكير صحيح ،، مب غلط انه ياخذ ايفون
ومب غلط انه ياخذ بلاك بيري للهذرة ،، بس عيب انه يقلل من تقنية فرضت نفسها انها الأطور
علشان يمدح جهاز هو معجب فيه ،،

اما بخصوص HTC الجهاز بصراحة فخم أكثر فخامة من الجالكسي وتوابعه
بس الديزاير اس وايد يشير وكيمرته مب شي كلش ،، ما ادري هل المشكلة في الجهاز نفسه
والا كل الاصدار هذا فيه عيب ،، لأن الديزاير العادي اشحلوه وشزينه ويعجبني وايد ،،

اما بخصوص النظام ،، النظام يفرض نفسه بقوة ،، وبقوة كبيرة جدا وايد
نظام توه رضيع وبدأ يمشي اشلون لو حاول يركض ؟

وايد تكلمت صح ؟

ادري اني تكلمت وايد ،، بس بجد ما بي عيالنا وشبابنا والتفكير العام ينحصر في تشجيع المنتج
لمجرد انه معجب فيه ،، نبي الثقافة تتطور أكثر وأكثر وأكثر ،،