يعني محد عنده واسطة في المنتدى [الأرشيف] - منتديات شبكة الأسهم القطرية

mrs.spoon

12-08-2011, 11:24 PM

العنوان وااااضح عيزت وانا أدور ع وظيفة ، واي مكان يقولون لي اذا عندج واااااااااسطة بتضمنين الوظيفة لا شهادة ولا غيره الا الواسطة.
اللي يقدر يساعدني وعنده وااااااااسطة ، واذا احد يعرف اماكن يبغون وظائف.

الخيالة

12-08-2011, 11:27 PM

الله يساعدج اختي ويسهل امرج ويفرج همج وينولج مرادج انا مثلج للحين أدور الله كريم
حسبي الله ونعم الوكيل

mrs.spoon

12-08-2011, 11:29 PM

تسلمين اختي ملكة الزهور، وياريت احد يساعدنا في المنتدى،ويفرج همنا.

المسك1969

12-08-2011, 11:29 PM

ربي يوفقكم أن شاء الله

mrs.spoon

12-08-2011, 11:30 PM

ويوفق الجميع يارب.

العضو العتيج

12-08-2011, 11:33 PM

تركي سوالفج وبتحصلين وظيفة.. الا يوم صايرة صغيرة ويوم تكبرين وريلج مسكين مايدري بشي..تأذى هالشوكت

نوفا91

12-08-2011, 11:34 PM

الله يوفقج حبيبتي وكثري من الدعاء بهالايام الفضيله والصدقه ..ومب اي حد يقولج طرشي السي في تطرشينه ان شاء الله ان محد من هالنوع من الاعضاء المحترمين بس بعد الحذر واجب:)

mrs.spoon

12-08-2011, 11:36 PM

تسلمون ع الردود الطيبه.
وشوكت هو اللي يدور ع التعب مب انا اللي متعبته.

STAR

12-08-2011, 11:39 PM

اذكري مؤهلاتج عالعام يمكن حد يقدر يشغلج؟!‏

mrs.spoon

12-08-2011, 11:40 PM

الله يعينا من الحذر ، وان شاالله الإعضاء يكونون قدها ومحترمين .
والله يبعد عنك الحزن، وتكونين دوم سعيدة.

mrs.spoon

12-08-2011, 11:41 PM

والله المؤهلات جامعيه، وعندي دورات كثيرة.

بنت قطريههه

12-08-2011, 11:43 PM

الله يكون بعونج حبيبتي بدز لج على الخاص يمكن اقدر اساعدج .

المسك1969

12-08-2011, 11:45 PM

تركي سوالفج وبتحصلين وظيفة.. الا يوم صايرة صغيرة ويوم تكبرين وريلج مسكين مايدري بشي..تأذى هالشوكت

منو شوكت؟

mrs.spoon

12-08-2011, 11:47 PM

مادري!!!

Locale

12-08-2011, 11:48 PM

عسى الشوكه ادش في بلعوم اليهود

الله يوفقج حبيبتي

mrs.spoon

12-08-2011, 11:53 PM

الله يسلمك الشيخه.

جارح

12-08-2011, 11:55 PM

اختي الكريمه تاكدي من امر واحد لاغيره وهو اذا كتب الله لكي الرزق فلن يقف احد في طريقك عليك بالدعاء والرجاء والتوسل للواحد الاحد فقط لاغيره فهو من يوزع الارزاق ومن يدبر الامور لتجعلي اعتمادك عليه فقط وليس على العباد وعندها ستقتنعين بان الامور مكتوبه وميسره بأذنه سبحانه
وربي يوفقج ويسعدج في هذا الشهر الكريم فقط يحتاج لمجهود باخر الليل والدعاء الخالص

mrs.spoon

12-08-2011, 11:59 PM

شكرًا ع المرور جارح
وان شاالله الاعتماد ع رب العالمين
دعواتكم الطيبه.

الكولونيل

13-08-2011, 12:09 AM

الله يوفقك ويستر عليك ويسخر لك من يكون سبب في إنك تلاقين لك شغل إنتي وغيرك

تركي محمد

13-08-2011, 12:09 AM

اذا محاسبة تعالي عالخاص

توشيبا

13-08-2011, 12:11 AM

الله يوفقج اختي

الكولونيل

13-08-2011, 12:16 AM

للأسف ماعاد تنفع الشهادات والناس تتبهدل عشان تلاقي شغل وإذا عندك واسطة يلاحقونك عشان يشغلونك وإذا ماعندك تقعد على الرف لين الله يكتب لك الخير من فضله

كيلو حديد

13-08-2011, 12:22 AM

خلي الله واسطتك

الوظايف يا كثرها بس شكلك تتطلبين وتتشرطين

عاد الكل بدأ بشغله بسيطه وتطور وربنا يوفقك

حطي السيفي او طرشيه ع الخاص واشوف لو

دراستك تنفع بالاماكن الي اعرفها

mrs.spoon

13-08-2011, 12:31 AM

تسلمون ع المرور، والدعوات الطيبه، ربي يوفقكم.

mrs.spoon

13-08-2011, 01:02 AM

والله أني مااتشرط ، بس قولي وين هالوظايف!!!

تركي محمد

13-08-2011, 01:15 AM

اذا تخصصج محاسبة عطيني خبر

حسن الاحمد

13-08-2011, 01:21 AM

بالتوفيق يارب

missperfect

13-08-2011, 01:24 AM

تخصصها رياضيات مو محاسبه

حبيبتي اذا بتحطين فبالج ان الواسطة هي الي بتشغلك فعمرج ماراح تلاقين الي تبينه خلي املج بربج وتيقني من إجابة الدعاء وان محد راح يشغلج بمكان الله ماكاتبلج فيه الرزق والله يوفقكج

ريم المدينة

13-08-2011, 02:38 AM

شوكت ريل السيدة ملعقة لووللوووللوووي

mrs.spoon

13-08-2011, 02:43 AM

هاي ريلي في المسلسل مب الصجي، الله يرحمك يا سيد شوكت.

الجوكر90

13-08-2011, 02:57 AM

السلام عليكم
خاطري اعرف اشلون تبين تتوظفين بواسطه
وعندج رب العباد هو اكبر واسطه
وبالتوفيق

ع.م

13-08-2011, 03:07 AM

الشيخة قولي تخصصج عشان يقدرون يساعدونج.. وبالتوفيق يارب..

البريمي (م)

13-08-2011, 03:11 AM

آخاف تقدمين على جهه وحده وتبينها تقبلك قدمي على كل الجهات وانشاء الله ما يقصرون

mrs.spoon

13-08-2011, 03:18 AM

والنعم برب العباد، بس انا بغيت مساعده ، بس العنوان للتنبيه فقط لا غير
وتخصصي مثل ما قالت مس بيرفكت رياضيات
وع فكرة انا قدمت في كذا مكان ، لكن سبحان الله ما الله كتب.

الكولونيل

13-08-2011, 03:19 AM

السلام عليكم
خاطري اعرف اشلون تبين تتوظفين بواسطه
وعندج رب العباد هو اكبر واسطه
وبالتوفيق

أخوي الجوكر ونعم بالله . لكن الله عز وجل جعل أسباب لكل شيء ليش في الحديث " من فرج عن مؤمن كربة من كرب الدنيا فرج الله عنه كربة من كرب يوم القيامة". والله في عون العبد ماكان العبد في عون أخيه . يجب على الإنسان الدعاء لله عز وجل وكذلك البحث عن من يساعده *

Miss Merna

13-08-2011, 03:43 AM

اختي يمكن حد صايبج بالعين انتبهي ترا عيون الحساد وايد هالايام وبالذات..........طبعا عرفتي من اقصد

الكولونيل

13-08-2011, 03:49 AM

:omen2::omen2:اختي يمكن حد صايبج بالعين انتبهي ترا عيون الحساد وايد هالايام وبالذات..........طبعا عرفتي من اقصد
أختي العزيزة بس لوتغيرين الصورة رمضان بارك الله فيك

الجوكر90

13-08-2011, 03:57 AM

أخوي الجوكر ونعم بالله . لكن الله عز وجل جعل أسباب لكل شيء ليش في الحديث " من فرج عن مؤمن كربة من كرب الدنيا فرج الله عنه كربة من كرب يوم القيامة". والله في عون العبد ماكان العبد في عون أخيه . يجب على الإنسان الدعاء لله عز وجل وكذلك البحث عن من يساعده *

بس الشيخ الواسطه حرام
جي بتاخذ مكان غيرك
ومن فرج كربه ماتوقع هالحاله
الحديث له اكثر من تفسير بس ماتوقع نفس قصدك

وكل واحد ياخذ رزقه

بس

بالتوكل ع الله مب عباده

مو مهم

13-08-2011, 03:57 AM

اول شي توكلي ع الله قبل كل شي

ثاني شي روحي لجميع المدارس المستقله في منطقتكم والمناطق المجاوره ( ابتدائي / اعدادي / ثانوي )

او
رووحي لاقرب اداره امنيه او اي اداره في وزاره الداخليه قريبه لمنطقتكم او اختصريها وروحي الملحق الاداري في الدفنه وقدمي اوراقج ع مدنيه )

او رووحي قطر فونديشن

فيه اماكن كثيييره بس اهم شي انج تتوكلين ع الله

Miss Merna

13-08-2011, 04:00 AM

والله توني منتبه علي الصورة وقاعده أحاول اغيرها بس يطلعلي فشل في رفع الملف بحاول بعد

الكولونيل

13-08-2011, 04:02 AM

بس الشيخ الواسطه حرام
جي بتاخذ مكان غيرك
ومن فرج كربه ماتوقع هالحاله
الحديث له اكثر من تفسير بس ماتوقع نفس قصدك
وكل واحد ياخذ رزقه
بس
بالتوكل ع الله مب عباده
الله يبارك فيك أنا ماقلت واسطة قلت مساعدة لأنه بالطرق العادية ماحصلت وقلت تدعي الله إنه يسهل أمورها وإذا حصلت احد يساعدها فهذا من تسهيل رب العالمين وإذ رحت حق أحد عشان يساعدني مش معناتها إني ماتوكلت على رب العالمين

الكولونيل

13-08-2011, 04:03 AM

والله توني منتبه علي الصورة وقاعده أحاول اغيرها بس يطلعلي فشل في رفع الملف بحاول بعد

خلاص اختفت بارك الله فيك

mrs.spoon

13-08-2011, 02:11 PM

القصد من الموضوع المساعده للي يقدر يساعد، والعنوان للفت الانتباه والمشاركة في موضوعي.
ماقصرتوا ع الردود الطيبه.
مس ميرنا ع ايش بيحسدوني ، بعد اذا بيحسدوني لأني مب محصله وظيفة !!!!

mrs.spoon

13-08-2011, 02:12 PM

تسلم اخوي الكولونيل ع ردك الطيب، بارك الله فيك وفرج همك.

ام_محمد

13-08-2011, 02:15 PM

ما في واسطة ! واللي عنده واسطة ما بيتنازل عنها لشخص ما يعرفة ويفقد الكرت الأحمر ليومة الأسود

نورهان88

13-08-2011, 02:16 PM

الله يوفقك أختي

captin

13-08-2011, 02:29 PM

ما في واسطة ! واللي عنده واسطة ما بيتنازل عنها لشخص ما يعرفة ويفقد الكرت الأحمر ليومة الأسود

رد منطقي وعقلاني في وقتنا هذا اللي عنده واسطه حق وظيفة بيخليها
كرت يستفيد منه في موضوع تبادل مصالح مع شخص آخر
هذا بيعطي الشخص الآخر الوظيفة حق احد من اهله وهذاك بيمشي
له الموضوع الفلاني ولا الرخصة الفلانية ولا الأرض العلانية.

الله يكون في العون والواسطة واسطة رب العالمين
يرزق من يشاء بغير حساب.

mrs.spoon

13-08-2011, 04:03 PM

أنا بغيت مسااااااااااعده
خلاص انسوا أني طلبت مساعده!!
كان الله في عون العبد ما كان العون في عون اخيه.

بوخالد911

13-08-2011, 04:39 PM

الله يسهل ان شاء الله

بنت قطريههه

13-08-2011, 05:08 PM

قدمي على قطر غاز توهم متصلين لي من كم يوم ورفضت لاني مااشتغل مختلط.!!

قدمي وبياخذونج وبشريني عنج عقب ..

Frosty

13-08-2011, 06:20 PM

بالتوفيق

نجدي قطري

13-08-2011, 08:35 PM

تركي سوالفج وبتحصلين وظيفة.. الا يوم صايرة صغيرة ويوم تكبرين وريلج مسكين مايدري بشي..تأذى هالشوكت

التعليق فظيع، ما قدرت أمر عليه بصمت. :nice:

نجدي قطري

13-08-2011, 08:42 PM

والنعم برب العباد، بس انا بغيت مساعده ، بس العنوان للتنبيه فقط لا غير
وتخصصي مثل ما قالت مس بيرفكت رياضيات
وع فكرة انا قدمت في كذا مكان ، لكن سبحان الله ما الله كتب.

قدّمتي على جامعة قطر؟
إذا لا، مرّي على الدكتور محمود بو تفنوشات رئيس قسم الرياضيّات ترى فيه نقص وأتوقّع يعينونج، بس عيبهم انتظار أكثر من سنة.

سداوي&مدريدي

13-08-2011, 09:12 PM

جامعيه ومب لاقيه وظيفه !!

والله قهر

عموما جربي حظج في اللجنه الأولمبيه وان شاء الله تتوظفين

http://arabic.olympic.qa/topics/index.asp?g=82D7E0DC-8A36-4510-AC9B-283EE87C43B1

بالتوفيق

الحلوه_30

14-08-2011, 12:10 AM

والله يااختي انا مثلج
صارلي 4 سنيين ادور لي على وظيفه
وماخليت مكان في قطرماقدمت اوراقي
ولين اليوم ولا احد رد علي

استغرب من اللي يقولون في وظايف!!

نجدي قطري

14-08-2011, 12:14 AM

والله يااختي انا مثلج
صارلي 4 سنيين ادور لي على وظيفه
وماخليت مكان في قطرماقدمت اوراقي
ولين اليوم ولا احد رد علي

استغرب من اللي يقولون في وظايف!!

معليه أختي ما أحب إنّي أكون اللي أدل على أماكن الاختلاط، بس جربتي المصارف الإسلاميّة، وقطر للبترول، والهيئات الحكوميّة. وطبعًا قبل كل شي لازم تكونين مقدمة اسمج عند برج برزان وهم بيدورون لج بعد.

وإن شاء الله ربي يوفقج ويوفق كل باحث عن عمل. آمين.

عليان

14-08-2011, 12:25 AM

الوظائف موجودة بكل مكان مثل قطر للبترول , وجميع شركات الغاز والوزارات , لكن هل أنتي مؤهلة لذلك والا هي شغلة راتب وبس والله بالخير بالنسبة للدراسة والفهم .... نحن نشوف واااايد سكرتيرات وموظفات همهم الوحيد 4 أشياء فقط وفي معظم القطاعات :

1- صحن الشوكلاتة وما يحتوية من ماكنتوش وجلاكسي ومصاص .

2- 5 موبيلات ومنهم أقل شي 2 بلاك بيري وكل واحد شكل .

3- 14 مليون لوجو وورد وصور وتذكارات ومقالم على مكاتبهم , ويوم تسألها سؤال تروح تستفسر من السكرتيرة الفلبينية والا الهندية .

4- أهم وأهم وأهم شي الشكل الخارجي ملفت للمدير أو المسئول من بويه ومكياج وملابس وعبايات ملفتة وكعب متر من الأرض وجذلة كأنها جذلة سندبااااد .

الحلوه_30

14-08-2011, 12:25 AM

قدمت اسمي ف برج برزان
وقدمت المصارف وقدمت في الهيئات
بس مافي فايده
يالله الله كريم

المحقق كونان

14-08-2011, 12:51 AM

لكل الي ما اشتغلو

قدمو على موقع قطر للبترول على لنك التقطير و اهم شي اهم شي ارفقو شهاداتكم و صوره من البطاقة الشخصية او الجواز

و هذا كلام مسؤول في قسم التوظيف

و بيسون اختبار انجليزي و الي عنده شهادة ايلز معدل فوق 4 او 5 ( مب متأكد ) يعتبر معفي من الاختبار

و الله يوفق الجميع :)

بوحارب

14-08-2011, 02:17 AM

الظاهر محد يبي يشغل قفاش

mrs.spoon

14-08-2011, 10:37 PM

خواتي وخواني تسلمون ع الردود الطيبه، وان شاالله راح اقدم ع الوظايف اللي قلتولي عنها.
وشكله جذي يابوحارب الاكفاش طايح كرتهم.