القهوه كيف تسوووها وايش خبرتكم بها ابي طريقكم بعملها

[الصغيره]

القهوه كل يوم لي طريقه وما تضبط

لما اروح للناس اشوف قهوه شقراء تهبل وانا اعتني بها ولا تظهر مثل الناس :(

طريقتي

احضر كمية 10 كيلو قهوه هراريه درجه اولى

افرغ القهوه بسطل كبير وانقيها من كل حبه خربانه ومن كل سواد ومن كل حصاه اصفيها جيد ويمكن اطلع منها نص كيلو حبه لونها ابيض او اسود لان هالحبات تضر القهوه ومش صحيه

بعدها افرغها بسطلين واغسلها بماء دافي ينزل منها ماء لو تشوفونه تكرهون شرب القهوه ولما يصبح الماء صافي من غسلها

احضر قماش خاص بالقهوه ابيض قطن وافرشه على طاوله بالشمس وتكون القهوه مصفاه بمصفى اللي هو ( المشخاله ) ثم افرش القهوه على القماش واتركها بالشمس وبالمغرب ادخلها وثاني يوم اخرجها بالشمس لما اتاكد من انها نشفت اجمعها بالكيس مره اخرى واخذها لصاحب القهوه واطلب منه يحمصها درجة واحد ونص ولما يجهزها اخذها ووزعها باكياس تضم نص كيلو واحفظها بالفريزر

نجي للتحضير اخذ مقدار الماء اللي اقيسه حسب سعة الدله واضيف فنجان قهوه مطحونه واغليه لمدة عشر دقائق 15 دقيقه واضيفه على الهيل الامريكي والزعفران وشويه مسمار اللي هو العويدي ماحب اضيف حليب ولا بهارات القهوه

بس تطلع طافيه مالها لون اشقر مثل القهاوي اللي اشوفها بيت هلي وصديقاتي

لا تقولون لا تغسلين القهوه لان طبيعتي مثل امي نغسل القهوه من الوسخ والغبار

الحين ابي منكم تقولون كيف تسووون القهوه واذا حد عنده طريقه حلوه يقول


كل عام وانتم من الله اقرب

[M S A]

السلام عليكم و رحمة الله و بركاته

الله يعطيج العافية إختي. بيتنا ينقوون القهوة و يغسلونها و ينشفونها و يجففونها مثلج. بس إحنا نحمصها في البيت بمحمصة القهوة. و هذي مكينة حلوة تحطين فيها المقدار المناسب و تعايريين درجة الحرارة و تخلينها تشتغل بروحها و هكذا. كل ما تخلص القهوة نحمص بالقدر إلي محتاجينة. هذا أولاً. أما ثانيا فبعد ما نحط القهوة و الماي في الغوري، و تفور القهوة مرة وحدة فقط، نقصر على الفرن الغاز و نخلي القهوة تغلي لحد ما تطلع ريحتها الحلوة المعروفة الشقردية. الحلوة الناضجة. يمكن ما تحتاج ربع ساعة. لأن إحنا نحتاج نغليها كثير لما تكون القهوة مش محمصة زين. بس إذا هي محمصة عدل، ما تحتاج وقت كثير. بعدين نحط الهيل و الزعفران (اختياري) و المسمار و هذا ما يكون بودرة، بس مدقوق خشن و طازج في الزمزمية. و نترك القهوة شوي عشان تركد قبل صبها في الزمزمية على بهارات القهوة. معلومة أدوات و أوني القهوة لا تغسل بالصابون لأنه يؤثر على طعمها، إنما تغسل بالماء فقط و تنظف الأواني بفوطة مخصصة لهذا الغرض.

[الأصيلة]

وليش ها التعب كله..
اشتري قهوة من محل أصاله بسوق العلي أو محل الجنوب في الغرافة
او السعدون في سوق واقف...
وأخذي القهوة البرية ( اليمنية )مثلا كيلو رقم 1...
ونص كيلو رقم 1ونص واخلطيهم...
حطي لـ مقدار الزمزمية ملعقتين قهوة في الماي مع 4 أعواد قرنفل وخليها
تغلي على نار هادية مب أقل من 10 دقائق...واطفي النار واتركيها تركد شوي..
حطي بالزمزمية ملعقتين هيل وزعفران وكم نقطة ماء ورد وإذا تحبين نصف ملعقة مبيض القهوة..
وصبي القوة عليها...( يطلع لون القهوة أخضر عجيب )
وإذا تبغينها حمراء أو شقراء
اشتري العكس
كيلو رقم 1ونص + نص كيلو رقم 1

والقهوة اللي ماتقند بها الهيل....... مثل العجوز اللي خبيث ٍ نسمها...

[meme~qatar]

ناخذه من محل صلالة وله فرعين
واحد بسوق العلي والثاني في الخريطيات

اخذه محمص ومخلوط ومطحون جاهز .. وتقدرين تطلبين منه يزيد اشياء ثانية ع القهوة

والطعم لا يعلى عليه

بس نغلي القهوة بالماي ونضيف عليها شوي زعفران وهيل وشوي مبيض قهوة

وفي الدلة نحط الهيل والزعفران ونصب القهوة بس نخلي القهوة في الدله لين ينزل الحثل تحت

[[vip]]

سلامي على البنات الشقرديات


مب بنات ذا الوقت ماتعرف تسوي الا كبتشينو لانه جاهز في كيس هههههههه

[QTR-SOUL]

دااار راسي اختي اذا تبينها صفرا من الكوفي ميت وبعدين يعتمد على طريقه طبخ القهوه
انا طريقتي اخذ قياس الدله ماي يعني دله وربع ان شاء الله فهمتيني بس واحطه في المفواحه واحط مسمار دارسين وهيل باطتهه اخليه لين يغلي بعدها احط فنيال ونص قهوه اخليه يفور فوره فورتين ثلاث واسكر عليه واخليه 3دقايق في هالوقت نفسه نص قفشه صغيره كوفي ميت وزعفران في القهوه واشخلها وازلها في الدله واكون حاطه في الدله هيل وزعفران بعد
بــــــــــــــــــث

[طموحي عالي]

الكوفي ميت أو الحليب هو اللي يخلي القهوه لونها أصفر

[الصغيره]

السلام عليكم و رحمة الله و بركاته

الله يعطيج العافية إختي. بيتنا ينقوون القهوة و يغسلونها و ينشفونها و يجففونها مثلج. بس إحنا نحمصها في البيت بمحمصة القهوة. و هذي مكينة حلوة تحطين فيها المقدار المناسب و تعايريين درجة الحرارة و تخلينها تشتغل بروحها و هكذا. كل ما تخلص القهوة نحمص بالقدر إلي محتاجينة. هذا أولاً. أما ثانيا فبعد ما نحط القهوة و الماي في الغوري، و تفور القهوة مرة وحدة فقط، نقصر على الفرن الغاز و نخلي القهوة تغلي لحد ما تطلع ريحتها الحلوة المعروفة الشقردية. الحلوة الناضجة. يمكن ما تحتاج ربع ساعة. لأن إحنا نحتاج نغليها كثير لما تكون القهوة مش محمصة زين. بس إذا هي محمصة عدل، ما تحتاج وقت كثير. بعدين نحط الهيل و الزعفران (اختياري) و المسمار و هذا ما يكون بودرة، بس مدقوق خشن و طازج في الزمزمية. و نترك القهوة شوي عشان تركد قبل صبها في الزمزمية على بهارات القهوة. معلومة أدوات و أوني القهوة لا تغسل بالصابون لأنه يؤثر على طعمها، إنما تغسل بالماء فقط و تنظف الأواني بفوطة مخصصة لهذا الغرض.


تسلمي يالغاليه

شكرا لج

[الصغيره]

وليش ها التعب كله..
اشتري قهوة من محل أصاله بسوق العلي أو محل الجنوب في الغرافة
او السعدون في سوق واقف...
وأخذي القهوة البرية ( اليمنية )مثلا كيلو رقم 1...
ونص كيلو رقم 1ونص واخلطيهم...
حطي لـ مقدار الزمزمية ملعقتين قهوة في الماي مع 4 أعواد قرنفل وخليها
تغلي على نار هادية مب أقل من 10 دقائق...واطفي النار واتركيها تركد شوي..
حطي بالزمزمية ملعقتين هيل وزعفران وكم نقطة ماء ورد وإذا تحبين نصف ملعقة مبيض القهوة..
وصبي القوة عليها...( يطلع لون القهوة أخضر عجيب )
وإذا تبغينها حمراء أو شقراء
اشتري العكس
كيلو رقم 1ونص + نص كيلو رقم 1

والقهوة اللي ماتقند بها الهيل....... مثل العجوز اللي خبيث ٍ نسمها...

هلا حياتي

كنت اخذ منهم خلطة ام عبدالله وخلطة ام مبارك

وكنت اخذ بالكلو لكن لما شفت الكشره اللي بالقهوه والماء اللي ينزل منها بعد ما تغسل كرهت حتى اني اشرب من الناس قهوه اشتري قهوه وانقيها وغسليها وبتشوفين شي يعيفج القهوه :(

[الصغيره]

ناخذه من محل صلالة وله فرعين
واحد بسوق العلي والثاني في الخريطيات

اخذه محمص ومخلوط ومطحون جاهز .. وتقدرين تطلبين منه يزيد اشياء ثانية ع القهوة

والطعم لا يعلى عليه

بس نغلي القهوة بالماي ونضيف عليها شوي زعفران وهيل وشوي مبيض قهوة

وفي الدلة نحط الهيل والزعفران ونصب القهوة بس نخلي القهوة في الدله لين ينزل الحثل تحت

هلا والله

شكرا لج يالغاليه وربي يسلمج وتصبينهابالافراح

[الصغيره]

;7526623']سلامي على البنات الشقرديات


مب بنات ذا الوقت ماتعرف تسوي الا كبتشينو لانه جاهز في كيس هههههههه

:shy:

ربي يسلمكــ

وهذي عوايدنا نبي السنع والزين

[الصغيره]

دااار راسي اختي اذا تبينها صفرا من الكوفي ميت وبعدين يعتمد على طريقه طبخ القهوه
انا طريقتي اخذ قياس الدله ماي يعني دله وربع ان شاء الله فهمتيني بس واحطه في المفواحه واحط مسمار دارسين وهيل باطتهه اخليه لين يغلي بعدها احط فنيال ونص قهوه اخليه يفور فوره فورتين ثلاث واسكر عليه واخليه 3دقايق في هالوقت نفسه نص قفشه صغيره كوفي ميت وزعفران في القهوه واشخلها وازلها في الدله واكون حاطه في الدله هيل وزعفران بعد
بــــــــــــــــــث

تسلمين يالغاليه

تدرين انا كنت احمص ملء يدي مع القهوه قناد وكانت القهوه تجنن بس اعتقد ان السبب هالمره انها ماطلعت زينه ان الشمس كانت قويه عليها حتى زيتت وسودت يعني لازم اجيب قهوه مره ثانيه :(

صارت عندي فوبيا القهوه اللي مش نظيفه

ياحلات القهوه لما تزورين الناس وتتقهوين عندهم لكن الحين اقولهم لا ماابي شاربه ماي :(

ولا اشرب قهوه الا من صديقتي وبيت هلي لانهم مثلي يغسلون القهوه :)

تسلمي على الطريقه الحلوه وان شاء الله بسويها لاني اصلا ماحب الحليب ولا الكوفي ميت احب القهوه على طبيعتها

ربي يخليج وشكرا

[الصغيره]

الكوفي ميت أو الحليب هو اللي يخلي القهوه لونها أصفر

طموحي عالي

شكرا على المشاركه

بعد يقولون المستكه واالاشنه

لكن انا احب القهوه القهوه اللي مافيها الا القناد والزعفران والمسمار

ماحب الحليب لكن بجرب الكوفي ميت

تسلمي على المشاركه الحلوه :)