اين الرقابة عن العيادات الخاصه ( حسبي الله ونعم الوكيل ) [الأرشيف]

مشاهدة النسخة كاملة : اين الرقابة عن العيادات الخاصه ( حسبي الله ونعم الوكيل )

تمون

13-08-2011, 10:07 AM

السلام عليكم ورحمة الله وبركاته

مقهور يا اخوان والموضوع مضايقني بكل ماتحمله الكلمة من معنى

العيادات الخاصه تتبع اسلوب النهب واستغلال المرضى من خلال بطاقات التامين الصحي الي تابعه لشركة الكوت وغيرها من الشركات الي تصرف البطاقات هذي
والله يا اخوان العلاج في العيادات الخاصه تجاره وانت يالمريض تدفع ثمنها بقول لكم شلون طريقة النصب والاحتيال

تروح العياده وانت فاتح ملف بقيمه 300 او 400 ريال طبعا على حساب التامين الصحي يقولك اخوي بنفتح لك ملف اقوله ليش تفتح لي ملف وانا فاتح ملف من قبل ؟؟؟؟؟؟؟!! يقولك عندنا قانون اذا ماتجي للعياده بين مادري كم شهر نلغي الملف ونفتح جديد يعني بتدفع من تأمينك مره ثانيه 300 ولا 400 وهذا استغلال للمريض وربح للعياده

ثاني شي لما تدخل على الطبيب ( حتى الاطباء صار ماعندهم رحمة ) تقوله مثلا فيك حموضه ولا صداع ولا كحه بسيطه تبي علاجك وتروح اول سؤال يساله على حسابك ولا على التامين الصحي ؟؟؟؟؟؟؟؟!!!! ياخي انا مريض ابي علاج سواء بحسابي ولا غيره وطبعا لما تقوله على التامين الصحي على طول يحولك اشعه + تصوير + تحليل دم + تحليل وانتوا بكرامه بول وتتفاجأ تقول انا اشفيني ليش كل هذا تخاف في الاخير تشوف الورقه حقت الفحص وفيها فواتير تعور القلب 800 تحليل 500 مادري ايش 900 مادري ايش صج انا مابدفع ولا ريال كله على التامين الصحي بس ليش هالنصب والاحتيال ليش نخليهم ينصبون علينا واحنا نضحك
اقسم بالله اقسمت وانا صايم مره من المرات الدكتور كان كاتب لي علاج وعطاني الورقه وانا متجه للباب قالت له النرس ان انا عندي تامين صحي قالي الدكتور تعال تعال رجعت وخذ الورقه وشطب الي فيها وكتب لي علاج ثاني ( حسبي الله ونعم الوكيل ) عطاني اعلاج غالي بعدين عرفت ليش شطب على الورقه عشان يكسب العياده من ورى ظهري وظهر التامين الصحي

ماقول غير حسبي الله ونعم الوكيل
اترك التعليق لكم

ملاحظه : العياده من دون ذكر اسماء منع للاحراج *

ملاك

13-08-2011, 10:17 AM

شكلك مقهور حدك.. الله يعيينك

تمون

13-08-2011, 10:27 AM

والله من القهر كتبت الموضوع بالغلط في السوق العام

لاجل QT

13-08-2011, 10:27 AM

نورهان88

13-08-2011, 10:34 AM

والله معك حق تنقهر وهذا للي يسير معنا ونطلع وحنا مقهوريين ...

حسبي الله ونعم الوكيل

الريم999

13-08-2011, 10:34 AM

وين نروح ؟؟؟
المستشفيات الخاصه يستغلونا
والمستشفيات الحكوميه تروح لهم فيك عله وتطلع منهم ب100 عله ثانيه
شي يقهر والله
والله يعين الجميع
اللهم اشفي جميع مرضى المسلمين

Qtr95

13-08-2011, 10:46 AM

بالعكس :)..
اشوف هاي شي إيجابي ..
انا اشتكي من بلغم , كل ما روح المركز الصحي , يعطوني مضاد والمضاد ما يفيد ..
رحت المنصور ع التأمين , سوولي فحص وكل شي ..
قالي ما فيني شي , وعطاني دوا .. البلغم خف .. والمفروض اروح له واخذ نفس
الدوا .. بس عيزان :)..

فالأخير يعتمد على اي مركز تروح ..
:)

سما الوطن

13-08-2011, 11:08 AM

معاك حق انك تنقهر

هناك حالات تحتاج فحص كامل للحصول للعلاج الأنسب
حالات حتى لاعراض بسيطه ... افضل ما اخذ علاج ولا ينفع ..ونرجع للدكتور ..ومن ثم دواء اخر وهكذا
ولكن ان يكون هذا اسلوبهم دائما فتلك سرقه

ومساله اغلاق الملف كل فتره هذه سرقه واضحه
اقلها لو مضى على المريض 5 سنوات او اكثر عندها يغلق الملف ولكن كل كم اشهر فهذا استغلال

ام راشد 1

13-08-2011, 11:34 AM

ابو عيالي خذ ولدي حق احد هالعيادات بلاعيمه تعوره (احتقان عادي من الاسكريم) و جبدة لايعه. المهم الطبيب صرف لنا المضاد و قال لنا الموعد الجاي بنعمله منظار :eek5:

ابو العيال صرف الدواء و لا عاد يوطوط صوب هالدكتور.

ما سوى علينا هالتأمين :anger1: يأكلون عيالنا دوا لين ما قبل :(

تمون

13-08-2011, 11:34 AM

معاك حق تنقهر..كيف ينلغي الملف بعد فترة فرضا مامرضنا مافينا شي ..عيل خل يسون لكم كشف مجاني بين فترة وفترة على شان ماينلغى الملف ..

اعنبو حتى المرض صار تجارة

لو يحطون دكاترة عدلة وتفهم في المراكز محد راح يروح العيادات الخاصة

صح كلامك مب شرط بمرض كل شهر ولا شهرين عشان اراجع العياده نفسها

والله معك حق تنقهر وهذا للي يسير معنا ونطلع وحنا مقهوريين ...

حسبي الله ونعم الوكيل

اكيد بنطلع مقهوريين يجون من بلادهم حتى لبس مايعرفون يلبسون و من استغلالهم للناس يصيرون شيوخ

وين نروح ؟؟؟
المستشفيات الخاصه يستغلونا
والمستشفيات الحكوميه تروح لهم فيك عله وتطلع منهم ب100 عله ثانيه
شي يقهر والله
والله يعين الجميع
اللهم اشفي جميع مرضى المسلمين

اللهم امين

بالعكس :)..
اشوف هاي شي إيجابي ..
انا اشتكي من بلغم , كل ما روح المركز الصحي , يعطوني مضاد والمضاد ما يفيد ..
رحت المنصور ع التأمين , سوولي فحص وكل شي ..
قالي ما فيني شي , وعطاني دوا .. البلغم خف .. والمفروض اروح له واخذ نفس
الدوا .. بس عيزان :)..

فالأخير يعتمد على اي مركز تروح ..
:)

وين الايجابيه في الموضوع الموضوع استغلال طال عمرك اوكي تعالجنا منه تشخيص صح ومنه غلط ومنه ادويه ناكلها واحنا في اساس مب في حاجتها اهم شي يجي المبلغ اخر الشهر في مخباه انا 1000 وانت 1000 وغير وغير الله المستعان

انا والله موضوعي مب موضوع فلوس بس موضوعي هو استغلال عيني عينك

معاك حق انك تنقهر

هناك حالات تحتاج فحص كامل للحصول للعلاج الأنسب
حالات حتى لاعراض بسيطه ... افضل ما اخذ علاج ولا ينفع ..ونرجع للدكتور ..ومن ثم دواء اخر وهكذا
ولكن ان يكون هذا اسلوبهم دائما فتلك سرقه

ومساله اغلاق الملف كل فتره هذه سرقه واضحه
اقلها لو مضى على المريض 5 سنوات او اكثر عندها يغلق الملف ولكن كل كم اشهر فهذا استغلال

صح كلامك بعض الحالات البسيطه بس الي انا اشوفه ان لو كنت انت اصلا بخير بعد بتسوي هالفحص بيمصون دمك وبيسوون لك اشعة اكس انت الي تتأثر هو اشعليه ولا يهمه ولو رحت على حسابك اقسم بالله المعامله غير والادويه غير

barod

13-08-2011, 11:39 AM

ياليت مسؤول من الصحه يتصل في الاخ وياخذ اسم العياده ويتحقق منهم علشان تتم محاسبتهم على النصب

الدوحة 2010

13-08-2011, 12:57 PM

مفروض تكون مراقبة من شركات التامين على العيادات الخاصة فحص دوري

al-obaidly

13-08-2011, 01:33 PM

الي شغالين بالرقابه هم ملاك العيادات

تمون

13-08-2011, 04:19 PM

ياليت مسؤول من الصحه يتصل في الاخ وياخذ اسم العياده ويتحقق منهم علشان تتم محاسبتهم على النصب

اخوي لو تواصل معاي اي حد من المسؤولين وقلت له العياده الفلانيه تاكد ان الرقابه بتكون بس على هالعياده وغيرها لا
انا الي ابيه من الجهات المختصه وضع قوانين تلتزم فيها العيادات الخاص مثل اسعار فتح الملفات يتوحد في جميع العيادات مده استخدام الملف مثلا سنتين قابل للتجديد و تحديد اسعار الادويه

مفروض تكون مراقبة من شركات التامين على العيادات الخاصة فحص دوري

انا استغرب لما تجي الفواتير لشركات التامين مايلاحظون هالمبالغ الخياليه

الي شغالين بالرقابه هم ملاك العيادات

والله كل شي جايز

بوخالد911

13-08-2011, 04:45 PM

الله يخسهم

اساؤوا للتامين الصحي

رجل الجزيرة

13-08-2011, 04:51 PM

بعد تطبيق التأمين الصحي في قطر للمواطنين والمقيمين سوف يتم تحديد أسعار المستشفيات والعيادات الخاصة والصيدليات في الدولة وهذا الذي قاله الدكتور فالح المسؤول في إدارة السياسات في المجلس الأعلى للصحة في إحدى المقابلات في برنامج الدار.

venum

13-08-2011, 07:09 PM

السلام عليكم

اخوي انا كتبت موضوع عن التامين الصحي قبل سنة,,:secret:

انا صارلي موقف في واحد من المستشفيات الخاصه

اذكر مره رحت لواحد من المستشفيات الخاصة المشهورة عندنا والدكتور فحصني وكل شي وكتبلي دوا وشرحلي طريقة الأستعمال,

حبتين يوميا لمدة اسبوع يعني
2 × 7 = 14 حبة :victory:

رحت الصيدلية اصرف الدوا عطوني 3 علب والعلبه فيها 30 حبة :eek5:

ليش حراااام يعني افتح صيدلية في بيتنا :anger1:

deema117

13-08-2011, 07:39 PM

يعني اللي عنده تأمين صحي مب مرتاح !!

عيل اللي مثلنا لا تأمين صحي وكل شيء ندفعه من جيبنا

شنقول ؟؟؟

:(

من يومين كنت رايحة الأهلي لدكتور العظام الكشفية = 500 ريال

ولحد الآن ما كتب لي أي علاج

لأنه طلب من تصوير ام ار اي = 1500 ريال + تخطيط لأعصاب اليد ما يقل عن 2000 ريال

وطبعاً كل هذا لازم أسويه بعدين يكتب لي علاج

فاللي عنده تأمين صحي يحمد الله على النعمة اللي عنده حتى لو فيها استغلال :rolleyes2:

القطري111

13-08-2011, 09:35 PM

صج قهر في قهر وستقلال في ستقلال ماغير الله يرحمنا برحمتة

اامين

مخطط قطري

13-08-2011, 10:11 PM

<اضرب واشرد>

13-08-2011, 10:22 PM

أخوي الخط صغير ولا ينقرا

ذكي جدااا

13-08-2011, 11:52 PM

الحمدلله عندي تاميين بس مثل مااذكروا الشباب كل مااروح مركز خااص اشعه ووووو . خلااص قمت اول ماادش على الدكتوور اقول له امس مسووي اشعه هههههههه كثره الاشعه مب زيين وضاار. في مره كان فيني الم بسيط اول ما شااف التامين قال لي منظااار ضروري ولازم ووووو قلت له خير بكره بجي وشل عليه .... رحت المركز الصحي بالفريج قال قوووم ما فييك شي ......... والحل ؟

رجل الجزيرة

14-08-2011, 04:54 AM

اعرف رجال راح لعياده خاصه للعيون طبعا حاله من حال اكثر هل قطر لاتامين صحي ولا غيره
و الرجال في خير عسى الله يزيده
يقولي كل شوي يعطوني موعد وكل شوي قطور اقوله العمليه فيها نصب قالي لا اصلن عيادات العيون غاليه
الرجال يدفع لهم بالالاف .......
فالعمليه واضحه استغلال ونصب في مهنه الواجب عليهم يكنون ملائكه رحمه مب حراميه ونصابين

ويش إلي حاده؟
عندنا أطباء قطريين وإستشاريين مثل:
د. فاطمة المنصوري
د. فهد القحطاني
د. عبدالسلام القحطاني
د. عمر القحطاني
د. حمد القمرا
د. حسن رشيد

وبالمجان بس ما له إلا يجيب تحويل من المركز الصحي ويروح لعيادة العيون في العيادة الخارجية في مستشفى حمد والحمد لله.

HiTec

14-08-2011, 08:42 AM

انا اشوف مفروض بمثل هيج مواضيع ينذكر اسم المستشفى حتى واحد يتحذر
لا احراج ولا غيره

،
في بعضهم فعلا يخلولك لستة ادوية << عادي لو زادت عندك ودها الجمعيات الخيرية صدقة ودفع بلا ..

بس في بعض المراكز كثر الله خيرهم ميعطوك الا المفيد ، والله لو انا نطلب منهم فحص يكلولي ليش شتشكي؟؟

المراكز .. نسبيا ً طيبة
لكن لو مستشفى حمد؟؟ تلحق تموت واربعينك تطلع .. والسنة ... وينسوك العالم
ولسة ماجاي دورك

HiTec

14-08-2011, 09:06 AM

التعليم والصحة
من يدخل فيها البزنس يخربها

دااانة قطر

14-08-2011, 09:34 AM

الي شغالين بالرقابه هم ملاك العيادات

:nice::nice::nice:

بوسحيم

14-08-2011, 09:43 AM

دااانة قطر

14-08-2011, 10:02 AM

من كم سنه ارتفعت درجة حراارة بنتي وخذتها لمركز مدينة خليفه الصحي واصرفوا لها دواء الحرااره المهم الحرااره تنزل وترتفع نص الليل جسم يصير حاار وفيها خمول
خذتها طوااري السد للأطفاال غيروا لها الدواء ونفس الحااله آخر شي خذتها لمختبر اشعة الخليج وسويت أشعه وتحااليل ونفس الشي قاالوا لي سليمه ماافيها شي استغربت قلت ليش الحرااره تخف طول اليوم وترجع بالليل رجعت للمركز الصحي شاافتها دكتوره اللي يحفظها وييطول بعمرها انتبهت ان عندها نفخة من جهة اذنها هي مش وااضحه بس يبي لها قوة ملاااحظه وبنتي مااكانت تشتكي منها المهم طلعت عندها الغده النكاافيه( خازباز ):omg:
وطاابت مع العلاااج الأخير

وأذكر اني اول مره اعتمرت رجعت وانا اعري من ألم رجولي لني مو متعوده عالمشي
المهم رحت عياادة الدوحه وطلب علي الدكتور بعض الفحوصاات والتحااليل صديقتي نصحتني اسويها في المركز الصحي قبل ومشيت بكلااامها وسويت التحااليل وطلع عندي نقص فيتاامين والكاالسيوم
وصرفوا لي العلاااج والحمدلله تحسنت

اعرف نااس ماشااء الله دوم بالعياادات الخااصه لان معااهم تأمين بس عيبهم ماينتضرون الدوا يعطي مفعوله يرجعون للعياده ثااني يوم وثاالث يوم والعيااده تغير في هالادويه واخر شي على طواري حمد او المركز الصحي ويطيبون:rolleyes2:

الله المستعاان