الفزعه يابنات المنتدى ✈ ✈ ✈

[فرانسـ كوفي]

بشرتي فيها اثار حب شباب

وفيه صابونه يمدحونها يقولون انها زينه وتصفي وتزيل اثار حب الشباب وافضل من صابونة البابايا واسمها صابونة بريذ

سؤالي فيه حد جرب هذي الصابونه وحصل نتائج ولا مجرد تطبيل في المنتديات للمنتج

[[vip]]

ماعندي فكره


صدق أني ملقوف ههههههههههه

[فرانسـ كوفي]

;7528594']ماعندي فكره


صدق أني ملقوف ههههههههههه

من شاف الجموس اللي مسدحه في توقيعك عرف ان ماعندك فكره عن السؤال ^__^

[الحياة الخالدة]

كان ودنا نفــــزع لج يا غالية ..

بس ما عندنا فكرة و الله ..

ان شالله اللي عندها فكرة تفيدج .. :)

[غزلان]

ان شاء الله تلقين جوابج

[STAR]

والله ياخوي رووح عيادة جلدية افضلك...

[احلى دنيا]

آثار حب الشباب سواء ندب .. حفر .. لون ...لا يزيلها الا التقشير

و نوع الاثار يحدد درجة التقشير و نوعه

توكلي على الله و سوي ليزر اذا الدكتورة انصحتك و بتدعين لي

[sara jsm]

عزيزتي انصحج بصابون نيتروجينا ,,
كنت استخدمها قبل وتقشر الوجه مضبوط ,,
بس انا ماكانت عندي حب شباب ,, كانت تطلع لي حبوب وقت الامتحانات وتروح خلال شهر ,,

[فرانسـ كوفي]

الف شكر لكل من شارك في الموضوع وادلى برأيه

اكرر شكر لكم

[فرقاك عيد]

البشرة سالفتها سالفه أنا تعبت. وبشرتي مندمره من ثلاث شهور بشكل مب طبيعي لدرجه أن الدكتور
سئلني سؤال عرفت من خلاله اغسل يدي تعتدل البشره قال شلون النفسيه قلت زفت قال هذا السبب
ومأخليت صابونه ولا مرهم ولا مره إلا وحطيتها بس مافي نتيجه عاد آثار الحبوب مابي أحطمج بس
ماتوقع تختفي. يمكن التقشير يخففها

[فرانسـ كوفي]

البشرة سالفتها سالفه أنا تعبت. وبشرتي مندمره من ثلاث شهور بشكل مب طبيعي لدرجه أن الدكتور
سئلني سؤال عرفت من خلاله اغسل يدي تعتدل البشره قال شلون النفسيه قلت زفت قال هذا السبب
ومأخليت صابونه ولا مرهم ولا مره إلا وحطيتها بس مافي نتيجه عاد آثار الحبوب مابي أحطمج بس
ماتوقع تختفي. يمكن التقشير يخففها

فعلاً النفسيه لها دور بس اثار الحبوب تختفي بأذن الله فيه عدة طرق وانا اللي عندي تصبغات خفيفه تكاد لاتذكر بس حبيت ازيل اثرها عشان نكشخ في العيد ^__^

بعدين تعالي شفي نفسيتج ترى الدنيا ماتسوى الذاكره اللي عندج من بكره اكسريها وركبي ذاكره يديده وخزني فيها طرب ووناسه وفليها ههه ولاتنسين الناس الطيبه تحطين لهم فايل خاص في ذاكرتج من اجل تشوفين الدنيا في عينج حلوه

[سبع الظلما]

اختي الكريمة انا بقولج عن دواء فعال جدا ومجرب ومضمون بس بشرط تواضبين علية ون ويك يعني لغير الناطقين بالانجليزية اسبوع فقط ..الدواء يا طويلة العمر والسلامة تروحين اي عزبة فيهاا مطايا ( بعير - ناقة ) اي شي وتاخذين من بول الناقة وتفركين ويهج اسبوع كل يوم صبح وليل يعني تغسلين ويهج .. انا ما اتطنز ولا شي بس هالدواء فعال جداااا يطلع ويهج يلق كنة لمبة نيون .....
اتمني ان قدرت اساعدج وتقبلي مروري

[الخـود]

الصابون ما ينفع للآثار ..
انا اعاني مثلج .. وشكثر ادوية حاليا استخدمها .. مافي فايدة ..

يمكن علاجها بالليزر بس

[مو مهم]

اختي الكريمة انا بقولج عن دواء فعال جدا ومجرب ومضمون بس بشرط تواضبين علية ون ويك يعني لغير الناطقين بالانجليزية اسبوع فقط ..الدواء يا طويلة العمر والسلامة تروحين اي عزبة فيهاا مطايا ( بعير - ناقة ) اي شي وتاخذين من بول الناقة وتفركين ويهج اسبوع كل يوم صبح وليل يعني تغسلين ويهج .. انا ما اتطنز ولا شي بس هالدواء فعال جداااا يطلع ويهج يلق كنة لمبة نيون .....
اتمني ان قدرت اساعدج وتقبلي مروري

ابشرج كشختي بالعيد
ياشماتت ابلا ظاظا فيييا

[وحيد-الشوق]

اخبر قبل كنت اعاني من حب الشباب وللامانة استعملت برو اكتيف واختفى مني نهائيا مع العلم ان غيري يذم في المنتج بس هذي تجربتي معاه

http://images3.souq.com/uploaded/110710/7c5b67e47aae82141b9244d9eb1a7d1d_37052114291278840 303.jpg

[تحداني]

الآثار اذا كانت طفيفه او عميقه فالصابون لايمكن يخفيه
يمكن التقشير يخفف منه فقط
انصحج بزياره الطبيب


جملك الله برضاه

[ع.م]

الصابون مفعوله مب قوي كثر المستحضرات الأخرى..

الله يقويج.. أنصح تروحين لمختص أفضل..