استفسار بسيط عن تايلند ؟

[ام موزه]

السلام عليكم ورحمة الله وبركاته

اخواني الاعزاء

انا ان شاء الله ناوية اروح على بانكوك ايام العيد تقريباا

وشرايكم ب هالفندقين ؟

فندق الاندمارك
وفنذق جراند سوكومفيت باي سوفتيل ؟؟


وشلون طريقة فتح خدمة البلاك بيري و اي نوع خط اخد ؟

وكم تقريبا تكفيني تقريبا لمدة عشر ايام انا و زوجي بس ؟؟ من غير تداكر و سكن ؟؟

ياليت احد يفيدني؟

[العقل الحر]

ماسكنت في الاندمارك ولكن يمدحون

وسكنت السوفيتيل والصراحه فندق روعه وكنت اخذ سويت ... خيال

ولكن مكان وموقع الاندمارك احسن

وماجربت خدمه البي بي ولكن هي موجوده وشغاله وعلى ماعتقد انه في الشهر ب 42 ريال

[Rashid554]

بخصوص الفندقين الله اعلم ماسكنت فيهم لكن انا افضل ماريوت اذا تحبين تسكنين في منطقة العرب

بخصوص البلاك بيري مثل ماقال الاخو العقل الحر
تكلفة خدمة بلاك بيري شهر كامل 450 بات شاملة الشات والفيس بوك والايميل وانترنت 50 ميجا
أو 300 بات شاملة الشات والايميل او 300 شاملة الشات والفيس بوك

ولكن انا انصحج بخدمة الـ 3 ايام بحكم ان رحلتج 10 ايام بس

كل 3 ايام شاملة كل شي مفتوح بـ 90 بات تقريباً 11 ريال يعني 9 ايام بـ 33 ريال بس
لتفعيل الخدمة
360* بعدين ضغطي اتصال

شركة ais 12call


تفاصيل اكثر

http://www.ais.co.th/12call/en/pro-blackberry_package.html


اذا تبين فندق للتوفير وممتاز بخدمته وبمنطقة العرب في soi 6 انصحج بـ هالفندق تاخذين لج استيديو رجال اعمال بـ 2600 ريال لمدة 9 ليالي

http://www.booking.com/hotel/th/phachara-suites.html?tab=1&error_url=%2Fhotel%2Fth%2Fphachara-suites.ar.html%3Fsid%3Db2cf0b8eed7b1895b54426e7a78 36827%3B&do_availability_check=on&lang=ar&sid=b2cf0b8eed7b1895b54426e7a7836827&checkin_monthday=1&checkin_year_month=2011-9&checkout_monthday=10&checkout_year_month=2011-9

[ام موزه]

تسلم والله اخوي بوراشد
بس سؤال ؟

هالفندق قريب من فندق لاند مارك ؟؟

وانا وايد وايد عجبني الفندق واسعاره حلوة

[مــــلاك]

تسمح لي صاحبة الموضوع
ابي اسأل عن مدة الاقامة في بانكوك لعمل التشيك اب في المستشفى الملكي
تكفيها 3 ايام ولا اكثر ..

[المليونير الفقير]

تسمح لي صاحبة الموضوع
ابي اسأل عن مدة الاقامة في بانكوك لعمل التشيك اب في المستشفى الملكي
تكفيها 3 ايام ولا اكثر ..

الجك اب فقط ساعتين مع النتائج:nice:


واحب انصح الي بيروح تايلند يروح حق مول بتي نم ارخص سوق شفته فحياتي تقريبا 7طوابق وفيه كل شي وبالتوفيق للجميع

[مــــلاك]

مشكور اخوي على الرد السريع

عندي سؤال ثاني << مصختها

المستشفيات يشتغلون في الويكند ؟ ( السبت ولاحد )

[المليونير الفقير]

مشكور اخوي على الرد السريع

عندي سؤال ثاني << مصختها

المستشفيات يشتغلون في الويكند ؟ ( السبت ولاحد )

اختي بعطيج رقم واحد عراقي مدير المكتب الطبي العربي في المستشفى الملكي بس قوليله عندنا اعلاج ونبي استقبال وهو بيطرشلكم سياره ومترجم فالمطار وبيرتب كل اموركم حتى حجوزات السكن بيدليكم وطبعا هذا كله بدون اي مقابل بس انتو لاتقصرون معاه وبيوفرلكم سياره يوميا توديكم المستشفى وترجعكم السكن من المستشفى هاذا وااتمنالكم كل التوفيق وانشاءالله مريضكم مايشوف شر

[Rashid554]

هلا اختي ام موزه

الفندقين قراب من بعض والخريطة توضح ذلك

الفندق الي اقصده فوق مأشر عليهم بالسهم باللون الاحمر

فندق The Landmark Bangkok الي لونه برتقالي

[ام موزه]

تسلم اخوي

اي صح وايد قراب من بعض


سؤال اخير خخخ معليه ملقت

الحين ادا حجزت من بوكنق ادفع بس 2600 بس للفندق ولا ادفع ضربية بعد لان سمعت ان لازم ادفع ضربية من غير فلوس الحجز ؟

[Rashid554]

لا اختي شدعوه حاضرين

السعر شامل الضريبتين الـ 7% والـ 5 % كما هو موضح بالصورة
وفي فنادق تطلب تأمين ( مبلغ مسترجع ) لكن هالفندق مايطلب تأمين حسب الزيارات الاخيره

[مــــلاك]

اختي بعطيج رقم واحد عراقي مدير المكتب الطبي العربي في المستشفى الملكي بس قوليله عندنا اعلاج ونبي استقبال وهو بيطرشلكم سياره ومترجم فالمطار وبيرتب كل اموركم حتى حجوزات السكن بيدليكم وطبعا هذا كله بدون اي مقابل بس انتو لاتقصرون معاه وبيوفرلكم سياره يوميا توديكم المستشفى وترجعكم السكن من المستشفى هاذا وااتمنالكم كل التوفيق وانشاءالله مريضكم مايشوف شر



جزاك الله اخوي وجعله في ميزان حسانك

[سهم طايش]

بيض الله وجهك اخوي راشد على الشرح الطيب

و جزاك الله خير على مساعدة اخوانك

[ام موزه]

جزاااااااااك الله خير والله اخوي تسلم ماتقصررررر كفيت و وفيت

[بوشاهين2]

أختي أم موزه .. ما أنصحك تسكنين في اللاند مارك وأنا جربت هالفنادق (جي دبليوماريوت-اللاندمارك-جراند ماجستك -زينث) أختي ملاحظاتي على فندق اللاند مارك (عدم وجود شطاف بالحمام) أعزكم الله والغرفة عادية جداً وإذا حبيتي تحجزين أحجزي عن طريق سفريات الديرة ألي بشارع المطار أحجزي يوم أو يومين وبعدها لين رحيت بانكوك روحي وأحجزي من نفس الفرع ألي في بانكوك وأسم السفريات سفريات الديرة وفي وحده أهانك تتكلم عربي وأحجزي عن طريقها أحجزي في ال جي دبليو ماريوت تقريباً بفلوس الدوحه 550 ريال.