انصدمت بصراحة ....

[الوان]

بسم الله الرحمن الرحيم

*

الدنيا ارزاق و الرزق اولا و اخيرا بيد رب العالمين و لا نحسد حد

*

لكن انا انصدمت من شي

من فترة وجيزة وصلتني رسالة على البلاك بيري

عن سيدة من جنسية عربية تدعى ام ...

تجيد عمل الحلويات و الاطباق

و تستعطف الناس انها ارملة و محتاجه عشان يطلبون من عندها

و تعطافت معاها و نشرت الرسالة

*
اليوم فتحت احد المواقع القطرية

لأجد اعلان افتتاح محل في سوق واقف

و الاخوات في المنتدى يباركون حق أم ... نفس الاسم طبعا

*

ليش في سوق واقف

و الناس من اهل قطر ميتين يبون محلات في سوق واقف

مش سوق واقف حق القطريين

و دوم نسمع انهم ما يعطون محلات الا حق قطريين

و اللي يبيع في المحل لازم قطري

في كل شي تلاعب

حتى سوق واقف ياخذه القطري و يأجره للأجنبي

ما تم شي

*

الله المستعان

[الوان]

ادري ممكن يكون تشابه اسماء

بس بعد اللي فاتحة المحل مش قطرية واضح من الاسم !

[مو مهم]

اذا انتي تبين رووووحي للعطيه ما يرد احد

واكثر من مررره لحاله يعطي محلات للعالم بدوون ما يتكلمووون
واخر مره العام في برنامج الليون البنت الي كانت تطبخ اعطاها محل

[الوان]

اذا انتي تبين رووووحي للعطيه ما يرد احد

واكثر من مررره لحاله يعطي محلات للعالم بدوون ما يتكلمووون
واخر مره العام في برنامج الليون البنت الي كانت تطبخ اعطاها محل

انا مابي محل و لا ابي عوار راس

بس شكثر اشوف ناس يدورون محلات في سوق واقف

[مو مهم]

يدورون عندي وعندج
حد منهم راح للعطيه المسئول الاول عن سووق واقف ؟؟

[Dawn]

عرفت السيده اللي تقصدينها وهي من شمال افريقيا ان ما خاب ظني واذا كانت ارمله ياختي وتصرف على عيال ... ما اقدر اقول غير الله يوفقها ويرزقها ... مع اني دايما افضل ان الاولويه تكون للقطري لدرجة ان الناس تتهمني بالعنصريه ،،، بس في هالحاله مادري حسيت انه افضل لها من انها تطلب من الناس ،،، وما تدرين يمكن زوجها يطلع قطري وعيالها قطريين ،،،، والله يرزق الجميع ان شا الله

ويعطيج العافيه عالموضوع حبيبتي

[بو الجوري]

و انا من زمان ابي محل :(
يعني لازم نروح حق العطيه :..
و اي عطيه ؟ من تقصد !!!
و وين مكانه ؟

[مو مهم]

حمد بن خليفه العطيه
راعي منطقه الجريان

[بو منيرة]

حمد بن خليفه العطيه
راعي منطقه الجريان

راعي منطقة بكبرها ... ما شاءالله ... يمكن قصدك ساكن فالجريان

[مو مهم]

لا لا
له هوووو منطقه مشبكه وما تدخل الا بتصريح

معطي ربعه الخاصين فلل فيها تحصلها قبل سميسمه

[بو منيرة]

لا لا
له هوووو منطقه مشبكه وما تدخل الا بتصريح

معطي ربعه الخاصين فلل فيها تحصلها قبل سميسمه

دنيا :) ناس عايشة وناس مش لاقية

[مو مهم]

من خوال الامير

[بو منيرة]

من خوال الامير

الرجال معروف وماشاءالله الكل يذكرة بالخير

بس ياخي سالفة اني اروح اكلمة اذا ابي محل ... ليش؟ يعني معقولة موضوع المحلات يكون في يد شخص ويعطي الي يكلمونة؟ في ناس مستحيل يطلب وكل شي يحب ياخذة قانونيا بدون فضل احد ... خاصة ان السوق ملك للدولة

[مو مهم]

لو تصير عند مكتب عقارات وفي مكتب غيره هو شخصيا تكثر الواسطات
وهو يعطي ذوي الحاجه ومحدودي الدخل

علشان كذا محد يعطي محلات غيره

[ريتويت]

ربي يوفقها انشالله خلينا نتمنى للناس الخير في شهر الخير

[eXpert*]

بسم الله الرحمن الرحيم

*

الدنيا ارزاق و الرزق اولا و اخيرا بيد رب العالمين و لا نحسد حد

*

لكن انا انصدمت من شي

من فترة وجيزة وصلتني رسالة على البلاك بيري

عن سيدة من جنسية عربية تدعى ام ...

تجيد عمل الحلويات و الاطباق

و تستعطف الناس انها ارملة و محتاجه عشان يطلبون من عندها

و تعطافت معاها و نشرت الرسالة

*
اليوم فتحت احد المواقع القطرية

لأجد اعلان افتتاح محل في سوق واقف

و الاخوات في المنتدى يباركون حق أم ... نفس الاسم طبعا

*

ليش في سوق واقف

و الناس من اهل قطر ميتين يبون محلات في سوق واقف

مش سوق واقف حق القطريين

و دوم نسمع انهم ما يعطون محلات الا حق قطريين

و اللي يبيع في المحل لازم قطري

في كل شي تلاعب

حتى سوق واقف ياخذه القطري و يأجره للأجنبي

ما تم شي

*

الله المستعان

نَعيبُ زَمانَنا وَالعَيبُ فينا وَما لِزَمانِنا عَيبٌ سِوانا
وَنَهجو ذا الزَمانِ بِغَيرِ ذَنبٍ وَلَو نَطَقَ الزَمانُ لَنا هَجانا
وَلَيسَ الذِئبُ يَأكُلُ لَحمَ ذِئبٍ وَيَأكُلُ بَعضُنا بَعضاً عَيانا

[الرايــق]

عادي جدا .. الله يوفق الجميع

[القطري111]

الرضاء الناس غاية لا تدرك

[pinky-qtr]

الله يوفقها - مالله رزقها الا داري بحاجتها اللي ما يعلم بها غيره -

[مساهمة بسFresh]

لا نحط عيونا على اللي الله رزقه غيرنا

وبنعيش في سعادة ان شاء الله

[الـمـرقاب]

المفروض يكون تأجير هالمحلات عن طريق جهة معينه أو تكون المحلات تحت مظلة
شركة عقارية حتى يسهل على كل المواطنين التأجير..!

[راقي]

لا اله الا الله حااااسدين الفقير على موتة يوم الجمعه !!!

ويعني عطوهاا محل على الاقل هي محتااااجه تشتغل تكد وتصرف علي عياالهاا
..//

كل وااحد ورزقه

[<اضرب واشرد>]

يمكن راعي المحل قطري واتفق معاها عليه الترخيص والأجار وعليها الشغل

[فتى الجود]

اذا انتي تبين رووووحي للعطيه ما يرد احد

واكثر من مررره لحاله يعطي محلات للعالم بدوون ما يتكلمووون
واخر مره العام في برنامج الليون البنت الي كانت تطبخ اعطاها محل

السلام علييكم

ممكن تعلمني المكان اللى يتواجد فيه

ويقابل فيه الناس ويحل فيه مشاكلهم ؟

[00soma00]

الله يوفقها

[سكرمر]

كل شي عندنا سلطه

اي شي تبينه ماتعرف من المسؤل عنه

سلطه سلطه

[(بوطلال)]

حتى هالفقيره تحسدينها يمكن داشه شريكه لان من الاصل المحلات ماتنعطه الا للمواطنين

[المسك1969]

ربي يوفق الجميع ان شاء الله واللي ماعنده يحصل له دكان في سوق واقف ان شاء الله

[هبوب الكوس]

ياريت يعطونا محل في سوق واقف انا واخوي طارق

ويكون لنا مدخول ثاني

[ابوالكلام]

دق ناقوس الخطر البلد بدت اتروح من يدنا ايذا مالحقنا ولا خلاص الناس الي جايه ماترحم

[الوان]

شفتوا شلون سويت لها دعاية !

[falsaadi]

اذا كان الموضوع عن أم ...

فهذه المرأه هي و"ربعها" يقومون بنشر مسجات على الموبايلات بالكذب
وصلني مسجان من نفس الرقم ونفس الاسم..الاول يقول كما قلتي انتي..حلويات وغيره
والثاني يقول صندوق للزكان وسيقومون بتسليم المبلغ للاسر المتعففه..(والله العظيم انني لست بغشيم)

اما اذا كان الموضوع عن سوق واقف..ف اقول
محلات سوق واقف تابعه للديوان..وفي مكتب خاص يتم التعاقد معه وهو المسؤول عن السوق
محلات سوق واقف يتم اعطاءها للقطريين فقط..او ربما لاسماء قطريه والاداره يتفق القطري مع غيره على ادارتها
محلات سوق واقف تؤجر معظمها بالباطن... الاجار رمزي جدا في اغلى محل بالسوق لايصل اكثر من 1200 الى 1600 ريال..هذا اذا كان محل كبير وعلى زاويه حتى ولكن يتم تأجيره بالباطن بمبالغ كبيره شوي..ك 4000 او 8000 ريال قطري
والاكثر من ذلك..يجبر المتعاقد الاصلي للمحل مع الشخص الذي سيجؤ عليه بالباطن بان لايفتح غير نشاط معين في هذا المكان وذلك لاسباب شخصيه مستقبليه..(عنده نشاط نفسه برع ويبي الشخص المستأجر ان يقومله هذا المكان وسمعته وينشهر وعقب يكشت فيه ويشوته ويسيطر عالاسم والسمعه ويفتحله فرع)

والشكر


ملاحظه: اللي يبي محل بسوق واقف...بس في داعوس..انت وشطارتك..يقولي وبدليه على المالك..وللعلم المالك ماخذ المحل بايجار 400 ريال..ولكن يؤجره عالاشخاص ب 3000 ريال
اذا لك نيه..بخليك تتواصل معاه..

[لاجئ عاطفي]

هذي مشكلتكم تتعاطفون مع اي شي يجيكم عالبلاك بيري وتنشرون البرودكاست انا عني اي شي يجيني من هالامور ما انشره وامسحه على طول لان المصداقيه في مثل هالامور معدومه

[دااانة قطر]

يدورون عندي وعندج
حد منهم راح للعطيه المسئول الاول عن سووق واقف ؟؟



وين مكاانهم؟؟

[qatari 111]

وين المطر ياناس

[jassim_007]

http://farm4.static.flickr.com/3173/2842309353_fcbe43f24a.jpg

بسم الله الرحمن الرحيم
{قُلْ أَعُوذُ بِرَبِّ الْفَلَقِ * مِن شَرِّ مَا خَلَقَ * وَمِن شَرِّ غَاسِقٍ إِذَا وَقَبَ *وَمِن شَرِّ النَّفَّـثَـتِ فِى الْعُقَدِ * وَمِن شَرِّ حَاسِدٍ إِذَا حَسَدَ}

صدق الله العظيم
:)

[ذرية صالحة]

اسمحيلي بس الصراحة مادري

تواصلي مع ادارتهم و اسئلي
تقبلوا مروري

[STAR]

ملاحظه: اللي يبي محل بسوق واقف...بس في داعوس..انت وشطارتك..يقولي وبدليه على المالك..وللعلم المالك ماخذ المحل بايجار 400 ريال..ولكن يؤجره عالاشخاص ب 3000 ريال
اذا لك نيه..بخليك تتواصل معاه..

:telephone:

[Locale]

وشفيها اذا خذته هالفقيره
تحسدون الناس على موتت يوم الجمعه
الله يبارك لها في رزقها

[مرحوم قطر]

خخخخخخخخخخخخخخخخخخخخخخخخخ


اما راعي منطقه صراحه مالها حل

اسمحلي الشيخ بس ظحكتني الكلمه


يعني انا راعي العزيزيه مثلا

؟.؟

خخخخخخخخخخخخخخخخخخخخخخخخخخ