الله يرحم والديكم في هالشهر الفضيل ساعدوني

[غلا ابوها]

مرحبا اخواني
انا اطلب من الله عزوجل ومن ثم من اخواني انا بغيت احد يساعدني في الحصول على قطعة الارض الي صار لنا فوق 7سنوات ننتظرها للعلم احنا ساكنين في ملحق انا وزوجي وعيالي الله يرحم والديكم الي يقدر يساعدني لا يبخل علينا للعلم تمت الموافقه بس للحين ماشفنا شي

[كيلو حديد]

الله يعينك
مالك غير تراجعي وخصوصا ان في موافقه

استعيني بالله فقط حقا ويقينا ولا تنسي قيام الليل وسترين عجبا

الشرط الوحيد هو ان تكون الاستعانه بالله خالصة صافية

والله يسهل عليك الطيبه وعلى اهلك جميع ويوسع عليكم

[غلا ابوها]

جزاك الله خير ونعم بالله

[المليونير الفقير]

اختي اتصلي في وطني الحبيب واشرحي وضعكم وهم بعد توفيق الله بيحركون معاملتج وبالتوفيق

[The_Be$t]

الله ييسر اموركم ويفرج همكم

[نورهان88]

أعضاء وطني الحبيب في إجازة بعد العيد إن شاءالله

[00soma00]

الله ييسر اموركم ويفرج همكم

[king999]

لا حول ولا قوة الا باللة

حسبى اللة ونعم الوكيل

[قطر دزاين]

مرحبا اخواني
انا اطلب من الله عزوجل ومن ثم من اخواني انا بغيت احد يساعدني في الحصول على قطعة الارض الي صار لنا فوق 7سنوات ننتظرها للعلم احنا ساكنين في ملحق انا وزوجي وعيالي الله يرحم والديكم الي يقدر يساعدني لا يبخل علينا للعلم تمت الموافقه بس للحين ماشفنا شي

الله يسلمج واحد من الربع راح لهم الاسبوع اللي طاف هو عنده موافقه على الارض والقرض قالو جدامك 10000 شخص ينتظرون توزيع الاراضي
وحسب ما قال لي ما فيه توزيع الى بعد سنتين

[المسك1969]

الله المستعان وأسأل الله أن يفرج همك... وأحمدي الله أن عندكم موافقه على ارض وبيجيكم القرض ... وأذكري دائما أناس هم أقل منكِ لا بيت لهم ولا مأوى... لا فرش يدفيهم ولا سقف يحميهم المطر والشمس

فإن ذكرتي ماقلته لشكرتي الله وحمديته على الملحق ... ثم الصبر فإن الله مع الصابرين ولا يأتي شيئا من العدم فالكل يعاني في هذه الدنيا حتى يحصل على ما يريد سبحان الله

وفقكم الله وييسر لكم أمركم اللهم أمين

[الحياة الخالدة]

الله يسلمج واحد من الربع راح لهم الاسبوع اللي طاف هو عنده موافقه على الارض والقرض قالو جدامك 10000 شخص ينتظرون توزيع الاراضي
وحسب ما قال لي ما فيه توزيع الى بعد سنتين


بل مب خوش بشارة ..

الله يفرجهـــــا على الجميـــــع ..

[القطري111]

بسم الله الرحمن الرحيم
شوفي طال عمرج انا من راي المتواضع انج اول حاجة توكلين على الله سبحان وتعالى وثاني حاجة
عندج خيارين ممكن تحلين مشكلتج بذن الله فيهم
1- اما ان تكتبون كتاب الى سعادة وزير البلادية شخصين وتشرحون له ظروفكم بتفصيل الممل
وترفقون كتاب الموافقة الى عندكم معاة وتروحون مكتب وزير البلادية وتسلمونة لة ونشاءالله
مايقصر معاكم ويحل الموضوع لكم
2- والى اشوفة انة افضل واسرع للناس الى ماتقدر تنتظر وظروفها صعبة تقدرون تشترون بيت
عن طريق بنك تنمية والى حسب القانون انة يصرف مبلغ مليون ومئتين الف ريال لكل مواطن قطري
تنطبق علية شروط الاسكان طبعا تزيدون المبلغ شوى من عندكم ودورون لكم على بيت بمبلغ مليون ونص
او اكثر حسب مقدرتكم لنة داخل دوحة البيوت غالية اكثر من مليون ومئتين لكن برع دوحة ممكن تحصلون
على مليون وثلاث مية او مليون والربع مية اومليون ونص واذا حصلتو بيت بمليون ومئتين هم خير وبركة
وراح يخصم منكم بنك تنمية كل شهر حوالي 3700 ريال شهريا لمدة 20 سنة وزيدك من شعر بيت اذا شريتو
البيت عن طريق بنك تنمية راح يصرفون لكم خمسين الف ريال مجانا بدل اثاث هذا حسب علمي وخبرتي
الله يوفقكم نشاءالله
لا تنسونا من الدعا صالح جزاكم الله خير
تقبلو مروري وتحياتي

[mrs.spoon]

الله ييسر امورك ويفرج همك.

[غلا ابوها]

ماقصرتوا والله يعين تعبنا من الانتظار غيرنا ياخذها بكل سهوله لكن وكلت امري لله سبحانه وتعالى

[المليونير الفقير]

ماقصرتوا والله يعين تعبنا من الانتظار غيرنا ياخذها بكل سهوله لكن وكلت امري لله سبحانه وتعالى

ونعم بالله وكفى به وكيلا

[بصمة قطرية]

بسم الله الرحمن الرحيم
شوفي طال عمرج انا من راي المتواضع انج اول حاجة توكلين على الله سبحان وتعالى وثاني حاجة
عندج خيارين ممكن تحلين مشكلتج بذن الله فيهم
1- اما ان تكتبون كتاب الى سعادة وزير البلادية شخصين وتشرحون له ظروفكم بتفصيل الممل
وترفقون كتاب الموافقة الى عندكم معاة وتروحون مكتب وزير البلادية وتسلمونة لة ونشاءالله
مايقصر معاكم ويحل الموضوع لكم
2- والى اشوفة انة افضل واسرع للناس الى ماتقدر تنتظر وظروفها صعبة تقدرون تشترون بيت
عن طريق بنك تنمية والى حسب القانون انة يصرف مبلغ مليون ومئتين الف ريال لكل مواطن قطريتنطبق علية شروط الاسكان طبعا تزيدون المبلغ شوى من عندكم ودورون لكم على بيت بمبلغ مليون ونص
او اكثر حسب مقدرتكم لنة داخل دوحة البيوت غالية اكثر من مليون ومئتين لكن برع دوحة ممكن تحصلون
على مليون وثلاث مية او مليون والربع مية اومليون ونص واذا حصلتو بيت بمليون ومئتين هم خير وبركة
وراح يخصم منكم بنك تنمية كل شهر حوالي 3700 ريال شهريا لمدة 20 سنة وزيدك من شعر بيت اذا شريتو
البيت عن طريق بنك تنمية راح يصرفون لكم خمسين الف ريال مجانا بدل اثاث هذا حسب علمي وخبرتي
الله يوفقكم نشاءالله
لا تنسونا من الدعا صالح جزاكم الله خير
تقبلو مروري وتحياتي
المشكلة البيوت غالية والمليون وميتين ما تسوي شي ..
سواء داخل الدوحة او خارجها الواحد يبي له بيت يضمه هو وعياله ..
بيت العمر ..
الحين الاغلبية عليهم سلفيات وديون
يعني صعبة يزيدون مليون وشي المبلغ مب بسيط ..
اختي الله يوسعها عليكم و على الجميع ..
غيركم ينتظرون من 15 سنه ..

[DReaM*ANgeL]

الله يفرج همج ياختي الفاضلة
مالج الا الصبر والدعا
والله يكون في عونج*

[غلا ابوها]

مشكورين اخواني ماقصرتوا والله يفرجها على كل من ضاقت عليه

[pinky-qtr]

الله يعينكم ويفرج عليكم

[falsaadi]

اذا في موافقه عيل تروح تاخذها غصبن عن اكبر مدير هناك واذا تبي تمد يدك مدها ولا تفتكر في حد

وشكرا

[eqahtani]

يصير اشتري ارض ويعطوني فلوسها ويرهنونها بعدين

[ذرية صالحة]

تابعي مع الادارات المختصة لازم تمين وراهم لان لو ما تميتي وراهم ما بتمشي المعاملة

موفقة