الفقر في قطر2

[أحمد المهندي]

ارجو متابعة قضية الفقر في قطر الحلقة الثانية في صفحة الدار احمد المهندي
مع خالص شكري وتقديري

[U Welcome]

وفقك الله لما يحبه ويرضاه

[الدوحاتي]

جزاك الله الف خير يابوفيصل

على الجمعيات الخيريه الانفاق على الفقراء داخل قطر قبل الخارج

[مرتبش]

مقال رائع وكتاباتك دايما هادفة
اتمنى لك التوفيق

[مو مهم]

والله ياخوووي تبي الصحيح حنا الي جبناه لنفسنا

الحكوومه ما قالت لك اخذ سلفيه وسافر ....... وضيع فلوسك ع ......
الحكومه ما قالت لك سو كشف راتب لانه في سفره سريعه
الحكومه ما قالت لك اركب رنج من الوكاله علشان تفر فيه عند لاند وبنهايه ما عندك ريال ونص للبيبسي
اخوي ترى حنا الي جبنا الفقر لنا وحنا وحنا
اقل راتب بقطر لشباب ١٣ الف ريال حنا نبي نقصها ونقول ٩ الف ريال اركب اي سياره من الوكاله اقصاده ٣٥٠٠ ريال كحد اعلا اذا خليت المده ٧ سنوات يبقى لك ٥٥٠٠ ريال تعيش فيها ملك
واذا الشخص تزوج يزيد راتبه ٣٠٠٠ ريال كحد ادنى

يعني ينزله ٩ ريال نعمه
بس حنا الي ما نحمد الله

هذا الي احب اوضحه

[الدمعه]

كلن يرى الناس بعين طبعه ..


وين اللي راتبهم 13 الف .. لاتتكلمون وانتو مغمضين عيونكم ولين بغيتوا تشوفون

تفتحون نص عينكم ..

فتحوا عينكم عدل محد مضيع القطريين الا انتو وردودكم اللي بدون تجارب واغلب اللي

يتكلمون بهالطريقه مايصرفون الا على نفسهم وبس حتى لقمتهم مب هم اللي يشترونها ..

حسبنا الله ونعم الوكيل في كل ظالم ماينطق كلمة حق ..

[DReaM*ANgeL]

جزاك الله خير

[(بوطلال)]

ابشروا بالخير قريب جدا

[ابوالكلام]

في ناس نايمة في العسل

[hamoor4ever]

لو فيه فايده من الكلام كان بعلق بس ربك كريم وماينسى عباده

[متداول عالمي]

في حديثٍ صحيح : (( إنَّ الله يقولُ لعبدهِ وهو يحاسبُهُ يوم القيامةِ : يا ابنَّ آدم ، جعتُ ولم تطعمْني . قال : كيف أطعمُك وأنت ربُّ العالمين ؟! قال : أما علمت أنَّ عبدي فلان ابن فلانٍ جاع فما أطعمْتهُ ، أما إنكَ لو أطعمْتَهُ وجدتَ ذلك عندي . يا ابن آدم ، ظمئتُ فلمْ تسقني . قال : كيف أسقيك وأنت ربُّ العالمينَ! قال : أما علمت أنَّ عبدي فلان ابن فلانٍ ظمِئَ فما أسقيته ، أما إنَّك لوْ أسقيته وجدْت ذلك عندي . يا ابن آدم ، مرضْتُ فلم تعُدني . قال : كيف أعودُك وأنت ربُّ العالمين ؟! قال : أما علمْت أنَّ عبدي فلان ابن فلانٍ مرض فما عدْتَهُ ، أما إنك لوْ عدتهْ وجدتني عندهُ ؟! )) .

[مخطط قطري]

والله ياخوووي تبي الصحيح حنا الي جبناه لنفسنا

الحكوومه ما قالت لك اخذ سلفيه وسافر ....... وضيع فلوسك ع ......
الحكومه ما قالت لك سو كشف راتب لانه في سفره سريعه
الحكومه ما قالت لك اركب رنج من الوكاله علشان تفر فيه عند لاند وبنهايه ما عندك ريال ونص للبيبسي
اخوي ترى حنا الي جبنا الفقر لنا وحنا وحنا
اقل راتب بقطر لشباب ١٣ الف ريال حنا نبي نقصها ونقول ٩ الف ريال اركب اي سياره من الوكاله اقصاده ٣٥٠٠ ريال كحد اعلا اذا خليت المده ٧ سنوات يبقى لك ٥٥٠٠ ريال تعيش فيها ملك
واذا الشخص تزوج يزيد راتبه ٣٠٠٠ ريال كحد ادنى

يعني ينزله ٩ ريال نعمه
بس حنا الي ما نحمد الله

هذا الي احب اوضحه

اختلف وياك محد يجبب الشر لعمره الي هو الفقر
ولاتلومه الي ياخذ رنج ولا بورش ولا بنتلي ياخي يابي يكون مثل الناس ولا هذا عيب ولا حرام
وبعدين شنهي 13 الف؟؟؟
والحكومه لو انها فقيره ولا حكومه الصومال قول كلامك
يالشيخ الخير واجد مليارات مايدرون وين يحطونها
يحذفونها يمين ويسار
لو استثمرو نصها بس في الشعب مانبي تسديد ديون كل واحد مسؤل عن نفسه
دبلو الرواتب ياخي
الي راتبه 13 خله 26
وبعدين من الي مايحمد ربه الله يهداك؟
الا حامدينه وشاكرينه لو رواتبنا 1000 ريال بس
وزير قطري لو خصمو 50% من مخصصاته (بما فيهم راتبه )السنويه
بتشغل 63 مواطن قطري راتب كل واحد فيهم 22 الف وخرده
وكلام هذا انا مسؤل عنه
العمليه محتاجه تنظيم وعداله اكثر بس
مش مساله احنا مانعرف نتصرف
الحين مع كل اسف صارت الثقافه السايده شنهي سيارتك عشان احترمك
مب مثل قبل من ولده انت ولا اخلاقك ولا طيبتك وسمعتك
اهم شي مخباك راهي
فلاتلوم الشباب اذا خذا قرض وشرا سياره
وبعدين لاتنسى مب كل واحد خذا سلفيه عشان سياره
بعضهم فزع لبوه ولا اخوه في مصيبه ولا بعضهم علاج ولا غيرهم يبي سكن يضفه ويضمه هو واهله يعني كل واحد وعنده سببه وصدقني الاغلبيه ماخذو دين حق لعبه وسفره وحتى لو خذوها لسفره بعد هني له حرام يسافر
راجع نفسك اخوي وفكر في الموضوع و3000 زياده في راتب على قولتك (العلاوه الاجتماعيه)
الرجال فتح بيت يعني عيال ومراه وصرف ومسؤليه شنهي 3000 ترا هذا الزياده الاجتماعيه من 40 سنه ماعدولها المفروض يدبل راتبه اذا عرس اقل شي لانه بتجيه مصاريف هال 3000 الي تقول عنها يصرفها في يوم واحد:)

[ام السعف]

ابشروا بالخير قريب جدا

:telephone:

[moonبنتnight]

صلوا على نبي وتعوذوا من ابليس 00
نفس ردود عندنا وعندنا 00 حمدالله ما عندنا غير الصحة والعافية مادام الله منعم علينا بالصحة وهذا اهم شي بنعيش عليها 00 وزيادة اذا الله كاتبها لنا بيكون امره سبحانه 00 وبسكم اهانه بكرامة شعب القطري 00

نزلوا المقال كامل خلنا نقراه 00

[مساهمة بسFresh]

ولاتلومه الي ياخذ رنج ولا بورش ولا بنتلي ياخي يابي يكون مثل الناس ولا هذا عيب ولا حرام
:)

يعني ياخذ برضاه وبعدين يتكلم؟
شاللي حاده؟

اذا يبي يصير مثل الناس على قولتك اخوي معناها المفروض يتحمل نتيجة قراره

اما اني اروح اخذ واوهق عمري وبعدين اقول كنت ابي اسوي نفس الناس:rolleyes2:

[هارودز]

ابشروا بالخير قريب جدا

قبل العيد والا بعد العيد قريب جدا :):strong

[falsaadi]

الحمدلله لايوجد فقر في قطر..ولكن يوجد أمرين:

الأول: يوجد نهب مما يؤدي الى احساس البعض بالفقر لعدم استطاعته على دفع تكاليف كان يقوم عليها
الثاني: تفقير أنفسنا بأنفسنا بسبب الطمع والاسراف للترف

وهنا الامرين لايعنيان الفقر بمعنى الفقر..وانما الفقر بمعنى عدم استطاعت تلبية الحاجات الاعتياديه التي تم التعود عليها بإسراف...ولكن يستطيع العيش بكرامه وبسهوله لو انه اعاد حساباته

وشكرا

[هارودز]

نبي نتكلم عن مساعدات الديوان وسوق واقف

[مريومة]

يعني ياخذ برضاه وبعدين يتكلم؟
شاللي حاده؟

اذا يبي يصير مثل الناس على قولتك اخوي معناها المفروض يتحمل نتيجة قراره

اما اني اروح اخذ واوهق عمري وبعدين اقول كنت ابي اسوي نفس الناس:rolleyes2:

ياوردية الله يرحم والديج

لطفا لا امرا .. لا تدخلين مواضيع الفقارى

اش لج بهم .. والا تبين تاخذين حسنات من وراهم

الله يصلحج .. الله يهديج

والله يصلحنا جميع

[مساهمة بسFresh]

الثاني: تفقير أنفسنا بأنفسنا بسبب الطمع والاسراف للترف

وهنا الامرين لايعنيان الفقر بمعنى الفقر..وانما الفقر بمعنى عدم استطاعت تلبية الحاجات الاعتياديه التي تم التعود عليها بإسراف...ولكن يستطيع العيش بكرامه وبسهوله لو انه اعاد حساباته

وشكرا

:nice::nice::nice:
كلام منطقي
وعين الحقيقة
ولانه عين الحقيقة فهو مر ومحد يبي يعترف به

هاذي وجهة نظري:)

[لينا]

الرزق على الكريم واحنا ثقتنا بالكريم وبأميرنا كبيرة

[pinky-qtr]

في ناس صج صج نايمه فالعسل..

ونصيحه اللي ما ينزل لمستوايات الناس المتفاوته لا يتكلم بلسانهم لان ترا محد يتعنى الشر لعمره ..