منو فيكم معلق التيس .!!!!

[عزيزوف]

بسم الله الرحمن الرحيم ..



في موضوع في بالي صراحه من زمان خاطري اكتبه .....

كل رمضان نسمع هالمقوله من الشباب ... (( معلق التيس ))... :(

طبعا الاغلب يعرف معناتها وتعني انه فاطر .!!!

يعني لهدجة وصل حال الناس انه يفطر في رمضان ؟؟؟

والله يهال عمرهم مايعدي ال 6 سنوات ويصومون اليوم كامل والي معلقين التيس فاطرين ؟؟


بانتظار تعليقاتكم ..... :telephone:


يله بروح اعلق ثوبي وبرقد ونجوفكم عقب الفطور :nice:

[qatari 111]

الله يهديهم ان شاءالله

[عزيزوف]

الله يهديهم ان شاءالله



الله يهدينا ويهديهم آآآآآآآآآآآآآمين

[SAP]

والله حرام تكتب موضوع بكبره عن هالشي.

لانهم شواذ والحمدالله اغلب الناس تصوم وحتى اليهال

اما الشواذ والغافلين الله يهديهم

[pinky-qtr]

ريال ويكتب معلق التيس ....

هاي يبيله التيس يعلقه - اذا كان بدون عذر -

الله يهديهم ان شاء الله

[Markato]

هذا من قلة التربيه والوازع الديني

الله يهديهم ان شاء الله ويصلح بالهم

[كبير المتداولين]

الحين ياكثرهم الي يفطرون في رمضان الا من رحم ربي


الصوم مو بس امتناع عن الطعام والشراب الصوم صوم كل الجوارح والتعمق في العباده

[شبح الصمت]

أخ عزيزوف

في ناس تعلـق التيس مجبوره

يكون الله يبعد الشر عنا وعنـكم مريض وملتزم في أدويه معينـه ..

يعني سوالف معلق التيــس هذه خلاص ما يسونها إلا الي ناقـص عقل ودين ..

الي ماخذ الدنيا سهلات وما ننكـر أنه هالفئات غير موجـوده ..

إلا موجوده واتذكر قبل على أيام المحرقه الي أهي راس بوعبود حاليا قصدي موقع المطار الجديـد ..

يوم نقـنص نشوفهم شوف العين سيجاره واكل ..

بس هالكلام تكلم عنه سنة 1998

فالله يتقبل صيامنا وقيامنا وطاعتنا ويغفر لنا ذنوبنا في هذا الشهر الكريم يارب

آمـــــــــــــــــين

[البحار00]

ذكرتوني بموظف جديد اول يوم دوام له معانا في اول يوم من رمضان

الا يقولي ممكن استأذن قلت وين قالي بروح اتريق قلت له من صجك قالي إيه

هههههه قلت له لا توك اول يوم وتبي تستاذن عاد من الحرة الحبيب قام وولع له زقارة

في المكتب هههههه يومها دريت ان الريال مخه مشموخ

[شبح الصمت]

الحين ياكثرهم الي يفطرون في رمضان الا من رحم ربي


الصوم مو بس امتناع عن الطعام والشراب الصوم صوم كل الجوارح والتعمق في العباده



الله يجــزاك خير

الله يرحمنا برحمته جبت الي بالخط الاحمــر

اجديت في كلامك

[almaf1a]

يله بروح اعلق ثوبي وبرقد ونجوفكم عقب الفطور :nice:

شكلك من النوع الي ياخذها سمته وحده الين الفطور
من شمالي راعي التيس

[البدع]

في الماضي كانت منتشرة ظاهرة الافطار في رمضان

الان الاحظ انها قلت

اذكر مرة كان معانا واحد في احدى الجامعات ... فطر قدامنا عيني عينك

وكان باقي على الفطور ساعتين

حتى الصلاة ماكان يصلي

[فيزيائية]

,وعيالنا اللي ماصدقوا رمضان اجازة
يسهرون لين الصبح ويقومون قبل الفطور بدقايق
والا بعد التراويح هذولا مايعتبرون معلقين التيس ؟؟
واللي صايم و24 ساعة مسلسلات وفوازير
واللي يتعبد/وتتعبد طوول اليوم صلاة وقيام ومحاضرات
ومب دارين عن عيالهم مايعتبرون بعد من هالفئة ؟؟


اعتقد مع التطور تطورت معاني الكلام اللي نقوله وماوراء الكلمات !!!

[عزيزوف]

أخ عزيزوف

في ناس تعلـق التيس مجبوره

يكون الله يبعد الشر عنا وعنـكم مريض وملتزم في أدويه معينـه ..

يعني سوالف معلق التيــس هذه خلاص ما يسونها إلا الي ناقـص عقل ودين ..

الي ماخذ الدنيا سهلات وما ننكـر أنه هالفئات غير موجـوده ..

إلا موجوده واتذكر قبل على أيام المحرقه الي أهي راس بوعبود حاليا قصدي موقع المطار الجديـد ..

يوم نقـنص نشوفهم شوف العين سيجاره واكل ..

بس هالكلام تكلم عنه سنة 1998

فالله يتقبل صيامنا وقيامنا وطاعتنا ويغفر لنا ذنوبنا في هذا الشهر الكريم يارب

آمـــــــــــــــــين


اكيد انا ما اقصد الي يفطر مجبور دينا دين سمح وعدل ومساواه وعارفين هالشي كل شي وله حل ...

انا اقصد الي يفطرون بدون سبب ولا عذر !!

[عزيزوف]

ذكرتوني بموظف جديد اول يوم دوام له معانا في اول يوم من رمضان

الا يقولي ممكن استأذن قلت وين قالي بروح اتريق قلت له من صجك قالي إيه

هههههه قلت له لا توك اول يوم وتبي تستاذن عاد من الحرة الحبيب قام وولع له زقارة

في المكتب هههههه يومها دريت ان الريال مخه مشموخ

الله يهديه ويهدينا

[عزيزوف]

شكلك من النوع الي ياخذها سمته وحده الين الفطور
من شمالي راعي التيس

تقصد شكلي بس ف الصج لا :nice:

[عزيزوف]

في الماضي كانت منتشرة ظاهرة الافطار في رمضان

الان الاحظ انها قلت

اذكر مرة كان معانا واحد في احدى الجامعات ... فطر قدامنا عيني عينك

وكان باقي على الفطور ساعتين

حتى الصلاة ماكان يصلي

بالنسبه للصلاه شكثرهم الي يتسحرون وما يقومون الا عند الفطور !!

[قطريه ماركه]

لا حول ولا قوة الا بالله ...

الله يهدي الجميع ..

[qatara]

هناك من يشربون برمضان (يسكرون )

واللهم لا شماته


الله يصلح حال الجميع قبل فوات الفوت ومرور الموت

[Qtr95]

انا معلق الذيب :)

[Frosty]

انتو شتقولون؟ من كلامكم قلت سبحان الله o.O
انا عمري ماشفت حد يفطر جدام عيني، الا واحد يصير لي لان فيه السكر

[عزيزوف]

انا معلق الذيب :)

هههههههههههههههههه عاد انت قوي من قلب اهم شي تكون صايم بس

[(الفيصل)]

لن أتكلم من ناحية شرعية فالحكم الشرعي لايخفى على أحد
وسأتكلم من ناحية قانونية
تنص المادة (268) من قانون العقوبات القطري على أنه (يعاقب بالحبس مدة لا تجاوز ثلاثة أشهر، و بالغرامة التي لا تزيد على ثلاثة آلاف ريال، أو بإحدى هاتين العقوبتين، كل من جاهر في مكان عام بتناول الأطعمة أو المشروبات أو غير ذلك من المواد المفطرة في نهار رمضان.)

ومن هذا نفهم ان اي شخص يتجرأ (ويجاهر) ويفطر أمام الناس ( اكل أو شرب) ، فيستطيع أي منا أن يقدم بلاغ ضده ، وسوف يحاكم عن هذه الجريمة .

[Bu Rashid]

الله يهديهم ويصلح هم

تصحيح اخوي
معناه مفطر وليس فاطر
الـ فاطر تقال للمراة كبيرة السن
والله اعلم

وشكرا على الموضوع والمعلومه

[الخزرجي قطر]

الله يهديهم ان شاالله ويثبتنا على طاعته

[ريتويت]

حرام والله حرام وش صار في الناس وفي الدنيا تري الواحد مايدري اذا بيلتقي برمضان السنه الجايه او بنكون في القبر؟؟؟ يارب اصلح حالهم واغفر لهم وارحمهم يا ارحم الراحمين

[هبوب الكوس]

الله يهديهم ويصلح هم

تصحيح اخوي
معناه مفطر وليس فاطر
الـ فاطر تقال للمراة كبيرة السن
والله اعلم

وشكرا على الموضوع والمعلومه


لا وانت الصادق تنقال للناقه :)

[Bu Rashid]

لا وانت الصادق تنقال للناقه :)



ههههههههههههههههههههه
مشكور اخوي على المعلومه

[القحطاني505]

الله يصلح هالشباب إن شاء الله

لكن كلمة(معلق التيس) هل تعني فلان مخربها ؟

[(الفيصل)]

لا وانت الصادق تنقال للناقه :)




ههههههههههههههههههههه
مشكور اخوي على المعلومه


علشان ماتختلفون اقول لكم الصح
هو الله
فاطر السموات والارض :nice:

[نجد سهيل]

ترى كلمة معلق التيس ماجت عبث .
فهي قديما اطلقت على احد قطاع طرق البادية وكان هذا (( معلق التيس )) شجاعا
مقداما لايهاب احد لدرجة انه سفك دماء ونهب اموال فكانت عدة قبائل تطرد وراه
وتطالبه بالثار .
الى ان ساق الله اليه غريمه الفارس مسعود بن ناصر ال سعد وقتله وهو يهم ببيع بعض مسروقاته .
فاصبح اسم هذا الحرامي (( معلق التيس ))يطلق على كل من لا يحشم ولا يقدر احد اي تطلق على كل من لا دين او عرف او نخوة ترده !!

[القحطاني505]

انتو شتقولون؟ من كلامكم قلت سبحان الله o.o
انا عمري ماشفت حد يفطر جدام عيني، الا واحد يصير لي لان فيه السكر

ياخي أيام الثانوية كنت أشوف واحد من الطلاب زاحف على الأخير ياكل علك

[Bu Rashid]

علشان ماتختلفون اقول لكم الصح
هو الله
فاطر السموات والارض :nice:



جزاك الله خير استاذنا الفيصل

[ام السعف]

الله يهديه ويصلح له باله من يفطر في رمضان عيني عينك

مثل ما قالوا الاخوان الأمر مب مقتصر على الأكل والشرب
ربنا يهدينا ويهدي الجميع ،،

[&كلنا قطر&]

أنا بصراحة مافهمت بالبداية شتقصد من هالمقولة اللي قلتها ( معلق التيس ) ؟؟

عقب بعد ماقريت موضوعكـ فهمت .. بس استغربت ..؟

فيه ناس تفطر بدون عذر في رمضان .. وهم بالغين راشدين ..؟ أكيد فيهم خلل ..

ياقلوبهم ميتة .. يامثل ماقالت وحدة من الخوات .. أنهم شواذ والعياذ بالله ..

الله يهدي الجميع ..

[الـقـاسـي]

عسى الله يصلحهم بس فعلا قبل كنت اشوف الظاهره هذي وبكثره لكن الحين قلت بشكل كبير ,,

واللي اعرفه اللي يجاهر بالافطار يسجنونه لين نهايه رمضان

[ضوى]

اول مرة اسمع بهالشي يعني فاطر ويجاهر بالفطر؟؟؟

[مريومة]

الله يهديهم ويصلح هم

تصحيح اخوي
معناه مفطر وليس فاطر
الـ فاطر تقال للمراة كبيرة السن
والله اعلم

وشكرا على الموضوع والمعلومه


بعد شبهتوا المرأة بالناقة؟

:eek5:

[almaf1a]

بعد شبهتوا المرأة بالناقة؟

:eek5:

لا شدعوه المرأة وين والناقه وين
فرق كبير

[بو خليفه 123]

على طاري معلق التيس البارحه دخلت احد السفارات في قطر و قدهم معلقين كراتين كنتاكي و قالبينها غبقه صباحيه

يوم شافوا ثوب و غتره ادخلت عليهم عز الله اني شفت قواطي الكنتاكي قامت اتناثر و كل(ن) قام يقط على الثاني ..


تبون الصدق .. حسيت اني وزير .. او شخص مهم يوم دخلت و عفست لهم المكان ..


و معاملتي خلصوها بسرعه :shy:

[Rider]

العام في رمضان داخل ستيرلينج الي في المرخية ودخل شاب وخذ له فطريتين مع غرشة فلفل قلت مب معقوله بياخذها حق الفطور وحنا الظهر الرجال شكله معلق تيوس مب تيس

[عناد2009]

لو واحد سألك وانت مش صائم هل أنت صائم؟؟
الجواب دايما..
واللي الكل يقوله؟
............
لا أنا (فاطر)...!
تعرف شنو يعني فاطر؟؟
فاطر .. معناها في اللغة .. خالق ...
وللأسف ..
يعني يوم تقول أنا فاطر.. كانك تقول أنا خالق
أول ما سمعت هذه المعلومة...
تذكرت قول الله عز وجل :
فاطر السموات والأرض'
فالأصـــح أن نقول أنا مُفَطر أو مثلا أنا مُفطِره...
وأحب أوضح الفرق بين الاثنين لغويا؛
فاطراسم فاعل من الفعل فَطَرَ أي ----> خلق

لكن مُفطِر اسم فاعل من الفعل أفْطَر أي ----> تناول وجبة الإفطار
أي أن الثانية هي الأدق .. والفاطر هو وحده جل في علاه .. الله سبحانه وتعالى خالقنا وفاطرنا*


** للتوضيح واسمح لي اخوي

[Dawn]

لا اله الا الله


لاحظت شي غريب جدا


اغلب اللي ذكروا تجاربهم مع الناس المفطرين شباب مب بنات


انا عمري ما شفت بنت افطرت في وقت صيام ... حتى في اعدادي ,,

حتى زميلاتنا الغير مسلمات وخداماتنا بعد يصومون معانا ..


بس الصراحه قواة عين الاكل قدام الناس في رمضان .. حتى المعذورين المفروض ياكلون بعيد عن الصايمين احتراما لهم ... فشلون اللي ماعنده عذر ؟ الله يهديهم ويهدينا ان شا الله

عناد شكرا عالمعلومه

[Locale]

الخراب فالشباب مو فالبنات
الله يعافينا من هالامراض العقليه

[pinky-qtr]

لا اله الا الله


لاحظت شي غريب جدا


اغلب اللي ذكروا تجاربهم مع الناس المفطرين شباب مب بنات


انا عمري ما شفت بنت افطرت في وقت صيام ... حتى في اعدادي ,,

حتى زميلاتنا الغير مسلمات وخداماتنا بعد يصومون معانا ..


بس الصراحه قواة عين الاكل قدام الناس في رمضان .. حتى المعذورين المفروض ياكلون بعيد عن الصايمين احتراما لهم ... فشلون اللي ماعنده عذر ؟ الله يهديهم ويهدينا ان شا الله

عناد شكرا عالمعلومه

زين ان الحيا فالبنات || لازال||

فـ مافيه وحده بتدخل بتقول اي انا معلقه التيس لان المخ متبرمج ع حالات خاصه معروفه ..

[غزلان]

على طاري معلق التيس البارحه دخلت احد السفارات في قطر و قدهم معلقين كراتين كنتاكي و قالبينها غبقه صباحيه

يوم شافوا ثوب و غتره ادخلت عليهم عز الله اني شفت قواطي الكنتاكي قامت اتناثر و كل(ن) قام يقط على الثاني ..


تبون الصدق .. حسيت اني وزير .. او شخص مهم يوم دخلت و عفست لهم المكان ..


و معاملتي خلصوها بسرعه :shy:




00

اوووففف قويه صج مايستحون:(