وزاره البيئه !

[زئير الاسد]

السلام عليكم

يالربع جاني قبول اليوم من وزاره البيئه دراسه دبلوم ، عقب اشتغل عندهم كمفتش بيئي ، شرايكم بالوظيفه بشكل عام ، وكم بيكون المعاش تقريبا ، وشرايكم بالوظايف في وزاره البيئه ككل

والله لايهينكم ..

[عيون الدوحة]

من ناحيتي أرشح لك الجمارك شغلهم أحسن من البيئة
وأنت والي يريحك

[The_Be$t]

اخوي الفرص هالايام قليلة


فكر عدل وتوكل على الله


وبالتوفيق

[أين الحل ؟]

توكل على الله لا تتشرط الوظيفة هذي الأيام صعب الحصول عليها وخاصة اذا كنت قطري وعندك شهادات وخريج .

خذها قبل لا يجبون واحد اجنبي ويقولون رشحنا قطري ورفض .

[زئير الاسد]

يعطيكم العافيه بخصوص هل شهاده الدبلوم زينه ؟ وش الفرق بينها وبين البكالريوس ؟

عيون الدوحه ماقدر ارد عليك بالخاص لان مشاركاتي لاتسمح ، الدراسه راح تكون فجامعه قطر ، بخصوص مافهمت العلاوات بس اظن مفتش بيئي مدري تابع اي قسم ، السوال كم راح يكون المعاش اول ماتخرج تقريباا ، وشلون الترقيات

[عيون الدوحة]

يعطيكم العافيه بخصوص هل شهاده الدبلوم زينه ؟ وش الفرق بينها وبين البكالريوس ؟

عيون الدوحه ماقدر ارد عليك بالخاص لان مشاركاتي لاتسمح ، الدراسه راح تكون فجامعه قطر ، بخصوص مافهمت العلاوات بس اظن مفتش بيئي مدري تابع اي قسم ، السوال كم راح يكون المعاش اول ماتخرج تقريباا ، وشلون الترقيات

مفتش بيئي راح تكون لك علاوة بدل أستأجار قيمتها 2000 ريال بس لاستخدامك سيارتك في حملات وجولات التفتيشية
الدبلوم تحت البكالوريوس راح تتوظف على الدرجة الثامنة
بالنسبة للراتب والله مدري كم بالضبط ممكن تستفسر منهم بكرة

[زئير الاسد]

علاوه وحده فقط ؟ ، والبكالريوس اي درجه ؟ او بالاحررى تنصحوني لها مستقبل؟

[عيون الدوحة]

البكالوريس الدرجة ال 7
بالمختصر اذا نسبتك حلوة خل يبعثونك برع بكالوريوس لاتقبل بالدبلوم
أما اذا النسبة ماتساعد مالك الا الدبلوم أخوي

[قطر 88]

اذا بتدرس دبلوم سنتين في جامعة قطر ,,

حاول تسالهم اذا في مجال تكمل بعدين للبكالريوس .. هني بتكون فرصتك وبتستفيد اكثر

وماعندي فكرة عن رواتبهم ان شاء الله الباقي يفيدونك

[زئير الاسد]

والله القهر ان نسبتي حلوه بس وش اسوي ماعندي انقليزي ، يبغي لي كم سنه لين اترقى الى الدرجه السابعه !

[زئير الاسد]

قطر ٨٨

سىلتهم قالوا مب اكيد اني ادرس بكالريوس ، بالاحرى قالي (يصير خير لي ماتخلص) يعني مب مضمون

[عيون الدوحة]

قطر ٨٨

سىلتهم قالوا مب اكيد اني ادرس بكالريوس ، بالاحرى قالي (يصير خير لي ماتخلص) يعني مب مضمون

أنت قابل مدير الأدارة الي بتتوظف فيها وأطلب منه بعثة للخارج أذا نسبتك حلوة
والانجليزي أمره هين أن شاالله

[زئير الاسد]

بحاول اقبله ، الله لايهينك

[عازف الاورج]

انا نفس الموضوووع وجاتني نفس الفرصه ونسبتي عاليه بس الاهل مارضو وقالولي مستقبل خايس وبعد دبلوم ؟؟

ادرس الانجليزي وجيب الايلتس وبعدها دور لك بعثه احسنلك

والله يوفقك ويوفقني معاك ونجيب الايلتس ونرتاح

[الأصيل]

توكل على الله لا تتشرط الوظيفة هذي الأيام صعب الحصول عليها وخاصة اذا كنت قطري وعندك شهادات وخريج .

خذها قبل لا يجبون واحد اجنبي ويقولون رشحنا قطري ورفض .

وانا مع هذا الرأي وأنصحك ان تتوكل على الله وتقبل الوظيفه

[المجروح81]

والله شوف اذا انت تبي تخلص جامعه لاتروح لهم روح دور لك جامعه عدله ادرس فيها وعقب ماتخلص بكالريوس روح لك اي وزاره ولا شركة محترمه حق البترول وييشغلونك انت سنير

اما اذا كنت ظروفك ماتسمح تخلص بكالوريوس ادخل هاي فرصه حلوه ودراسه كلها سنتين

بس بقولك يالغالي الدراسه بالعربي ولا بالانجليزي

[بوعلى 1]

والله القهر ان نسبتي حلوه بس وش اسوي ماعندي انقليزي ، يبغي لي كم سنه لين اترقى الى الدرجه السابعه !

توكل على اللة الشيخ راتبك بعد التخرج كنالي:--

اذا دبلوم بيكون راتبك 5000 ريال الدرجة الثامنة راتب اساسي
بلاضافة الى علاوات بدل سكن + اجتماعية+ تنقل
علاوات اخرى بدل استاجار سيارة 2000 ريال
علاوة شفتات+ بدل تلفون
وتزيد العلاوات اذا كنت متزوج بتوفبق

[زئير الاسد]

يعطيكم العافيه ، والله يالربع الجامعه يبيلها ايلز ، وصعبه علي ادرس تاسيس ومب مضمون النجاح فيها ، وبخصوص انا سمعت ان الدراسه بالعربي بس هناك ماده بالانقليزي

بخصوص المعاش وشدعوا معاش جندي فلخويا اكثر من المفتش !

[عيون الدوحة]

يعطيكم العافيه ، والله يالربع الجامعه يبيلها ايلز ، وصعبه علي ادرس تاسيس ومب مضمون النجاح فيها ، وبخصوص انا سمعت ان الدراسه بالعربي بس هناك ماده بالانقليزي

بخصوص المعاش وشدعوا معاش جندي فلخويا اكثر من المفتش !

أي أخوي معاشات لخويا والجمارك أكثر
وكفاية الأساسي عندهم قوي
عكس البيئة

[ابوالكلام]

الغاية تبرر الوسيلة